ماهو بيت الشعر الذي تمنيت أن يكون لك أو أنك قائله(فكررره جديده)

[الكاتب2005]

(نمر مفترس امامك خير من ذئب خائن وراءك )

[ذيب المراقيب]

ياذيب وان جتك الغنم في مفاليك++فاكمن الى حيث الرعايا تعداك

من اول ياذيب تفرس باياديك ++ واليوم جا ذيب عن الفرس عداك

ياذيب عاهدني واعاهدك ماارميك++ما ارميك انا ياذيب لوزان مرماك

والنفس خالف رايها قبل ترميك ++ ترا لها الشيطان يرمي بالادراك

ومن بعد ذا لاتصحب النذل يعديك+وعن صحبة الانذال حاشاك وحاشاك

ترا العشير النذل يخلف طواريك++وانا ارجوانك ماتجي دون آباك

لاتستمع قول الطرف يوم يلفيك++بالكذب يقضي حاجته كل ما جاك

عندي مظنه ما تمثلتها فيك +++ واطلب لك التوفيق من الله يهداك

[ذيب المراقيب]

عفوا فالابيات بالمشاركه السابقه من قصيده/ للشريف بركات.

[عاشق الغربه]

على قرارة نجد مني جيـــرة من زيد بن شفلوت والصعران
وادي الرشا بنت عليها الغيرة ينثر عليه العـود والريحـــــان

[العفار]

[align=center]ماأزين تحند الجمس مع شعة النـور ...
... مع عثعثٍ كاسيه مثل القـطايف
ورى أشعلٍ كنه على الطلع مسعور ...
... يردم هوى كنه من الجو خــايف

هذين البيتين من قصيدة للشيخ خالد بن غلاب بن شليويح موجهه للشاعر الكبير عبدالرحمن العطاوي..
وإخترتها لأن فيها شيء من روعة التصوير في البيت الثاني وتحديداً في قوله: يردم هوى كنه من الجو خايف. [/align]

[شاعرنجد]

اعجبني هذا البيت

الله من هم(ن)بروحي سهجها==بخافي ضميري في كنين الحشا لاج

كم واحد(ن) له حاجة(ن) ماهرجها==يكنها لو هو للادنين محتاج

[بنت* عتيبة]

[frame="10 60"]
صم الجبال اللي حجرها صلافيح

لاجيت اهز حيودها مادرت بي


أفخر بعرفي للرجال الطحاطيح

وابقى على هقواتها اللي هقت بي


واقدر ظروف الوجيه المفاليح

اللي ليامن جيتها رحبت بي[/frame]

[النـايــــــف]

[poem=font="Simplified Arabic,4,white,normal,normal" bkcolor="crimson" bkimage="" border="double,9,sienna" type=2 line=0 align=center use=ex num="0,black"]
ليه يا دنيا تعزين الرخوم = والشجاع يعيش عمره في نكد
تطرحينه كل ما حاول يقول = كل ما جاء يبني يفاجأ بالهدد
والخبل حظه ورا ذيك النجوم = عالي مرتاح دايم في سعد
والشجاع تحاصره سود الهموم = إن تخلص من نمر طاح بأسد[/poem]

[بنت* عتيبة]

[frame="4 50"]أيامنــا والليالــي كــم نعاتبهـا

شبنـا وشابت وعفنـا بعض الأحوالـي

تاعد مواعيــد والجاهـل مكذبهـا

واللي عرف حدهـا من همهـا سالـي

إن أقبلـت يوم ما تصفـى مشاربهـا

تقفـي وتقبـل وما دامـت على حالي

في كــل يوم تورينـا عجايبهـا

واليوم الأول تراه احسـن من التالـي

أيـام فـي غلبهـا وايـام نغلبهـا

وايام فيهـا ســوا والدهـر ميالـي

جربت الأيام مثلـي من يجربهـا

تجريب عاقل وذاق المــر والحالـي

نضحك مع الناس والدنيا نلاعبـها

نمشي مع الفي طوع حيـث ما مالـي

كم من علومٍ وكــم آداب نكسبهــا

والشعر مازون مثقــالٍ بمثقالــي

اعرف حروف الهجاء بالرمز واكتبها

عاقل ومجنون حاوى كـل الأشكالي

لكن حظــي ردي والروح متعبهـا

ما فادني حسن تاديبي مـع أمثالـي

إن جيت ابي حاجـةٍ عزت مطالبها

العفو ما واحدٍ فــي الناس يا والي

قومٍ الـى جيتهـم رفـت شواربهـا

بالضحك واقلوبها فيها الردا كالـي

وقومٍ الى جيتها صكـت حواجبهـا

وابد ت لي البغض في مقفاي واقبالي

ما كنــي إلا حــال مغضبهــا

والكل في عشرتـه ماكر ودجالـي

يا حيف تخفي أموراً كنت حاسبهـا

واللي على بالهـم كلـه على بالـي

الجار جافـي وكـم قومٍ محاربهـا

والأهل وأصحابنا والدون والعالــي

والروح ويش عذرها في ترك واجبها

راح الحسب والنسب في جمع الأموالي

نفسي تبى العز والحاجات تغصبهـا

ترمي بها بيـن أجاويـد وانذالــي

المال يحــي رجالاً لا حيـاة ابها

كالسيل يحي الهشيـم الدمدم البالــي

عفت المنازل وروحـي يوم اجنبها

منها غنيمـه وعنها البعـد أولا لـي

لا خير في ديرةٍ يشقـى العزيز ابها

يمشي مع الناس في هـمٍ وإذلالـي

دارٍ بها الخــوف دومٍ ما يغايبهـا

والجوع فيها ومعها بعض الاحوالي

جوعى سراحينها شبعـى ثعالبهـا

الكلـب والهـر يقـدم كل ريبالـي

عز الفتى راس ماله من مكاسبهـا

يا مرتضي الهون لا عزٍّ ولا مالي

دللت بالروح لين ارخصت جانبهـا

وانا عتيبي عريب الجـد والخالـي [/frame]

[ولد غابي]

البيت الأول:

لوّ دونها سبعة سباع مصانيت ** دوس المخاطر للعتيبي دواً له

من إحدى قصائدي

البيت الثاني:

دللت بالروح لين أرخصت واجبها ** وأنا عتيبي عريب الجد والخالـي

من قصيدة بديوي الوقداني والقصيده أعتبرها من أجمل القصائد التي قرأتها حتى هذا اليوم

مع تحياتي

أبو طلال