~*¤ô§ô¤*~ الحمــــام الـــزاجـــــل ~*¤ô§ô¤*~

[إبن ثعلي]

يابنت عتيبه
انا لاانفي صحة هذا الخبر ولا انفي وجود الطب البديل ولاانفي وجود الشيخ0المشكله في عقلي انا يجيب الشيخ حمامه ثم يضعها على سرالمريض ثم يضغط عليها حتى تسلح عليه وتموت ثم يقول شف المرض انشفط وقم بالسلامه وهو ماغير سلح الحمامه هذا هو الذي لايصدقه عقلي ولو كنت على شفة الموت لما اطعته او امتثلت له
تحياتي

[السعار]

الله يصبحكم بالخير يالربع انا بصراحة مع الاخ الاكبر ابو سعد وانا يالغالي مستعد اسافر معك الى اي مكان تريد وخاصة في طلب العلم والمشورة ولكن اذا جينا عند صاحبنا صاحب الحمام مذا تريد أن نقول له ( نحن في اتم صحة ولانشتكي من اي عله ) كيف تبينا نثبت صحت كلامه من عدمه ؟.. الرجل تاجر حمام ويربي فيه ويبي يكسب بأي وسيله وهو حر باستطاعته أن يقول مايريد ولكن الشفاء عند الله سبحانه .. وهذا خارج علم المنطق بأن يضع الحمامة على المريض فيشفاء وهي تموت .. شي محزن ان تموت الحمامه ولكن شي مفرح أن يشفى الانسان .. هذا اذا كان ذلك حقيقة .. سمعت انا عن هذا من عدة مصادر وكتبت عنه أحد المجلات اعتقد انها سيدتي .. ولكن الامور نسبية . المهم الوعد في رمضان ان شاء الله نلتقيى وانا سوف أراك في جدة ومنها امررك على عزيزي بن ثعلي وناكل عشاه ونذهب الى الشرقية سويا ونجيب الخبر لبنتنا الغالية .. بشرط أن نضع الحمامة على بطنك ونشوف.. محبتي لك يالغالي.

[ابوسـعد]

قاضينا الوفي ابن ثعلي يالله ان تحييه وتبييه........ وفقط للتذكير... على زمن الرسول صلى الله عليه وسلم....جاء ابوهريرة رضي الله عنه الى الرسول واخبره بما قاله الشيطان عن آية الكرسي فقال الرسول صلى الله عليه وسلم..... صدقك وهو كذوب....الحكمة ضالة المؤمن فأين وجدها فهو احق بها...وانت تعرف لاشك قديما كان القضاة يرسلون نظراء لأي امر فيه خلاف...وفي الوقت الحاضر يرسلون وفود...وبعد ايام قليله سوف اكون ان شاء الله في الشرقية ... اصلا انا ذاهب لزيارة بعض الاقارب هناك ... فمثل ماقيل ((( حج وقضيان حاجه))) نشوف وش عند (( المعالج بالحمام الزاجل))وما عندي مانع ان نقدم للبشرية من خلال هذا المنتدى اي خدمة نستطيعها....اذا طلعنا بفائدة مرجوة ان نأخذ مما عنده وننشره في ارجاء المعموره....... او ان نقول على رسلكم ونبين وجهات النظر التي لاشك سوف تفيد على الاقل مرتادي هذا المنتدى الطيب اهله.....هذا واذكركم ايضا بالدعاء الذي يقال دائما عند الدخول على طبيب او عراف او غيره... اللهم لاتجعل لقدر عند بشر فيقولون قد فعل... فالله هو الشافي وحده لاشريك له...اذا مرضت فهو يشفيني..........وياهلااااااااااوغلااااااا

[إبن ثعلي]

هذا ياسعادة المستشار شئ عائد لك انت والسعار لكن انا قلت لكم وجهة نظري ولن اتزحزح عنها قيد انمله
تحياتي

[السعار]

طيب ياعزيزي بن ثعلي المطلوب ليس ان تحيد عن رأيك ولكن احسنا بالعشاء اطال الله عمرك .. واذا تبينا نعايدك في المحاني تراي ماعندي مانع .وأبو سعد خله عندي. محبتي لك يالغالي.

[بنت* عتيبة]

قبل لا ارد اقول يا زين عزيمة خوالي على شعيب المحاني


لو جات منهم لبنت اخيهم ترى قبلتها مقدما.

ابي اعايد معاكم :)

[ابوسـعد]

يبى يهداك ربي ان شاء الله ياقاضينا العزيز وما دام السعار المحبوب عازمنا ماعندي مانع (( بس الله يهدية مخلي الروحة في رمضان)) ورمضان الواحد ما يقدر يتعدى اهله القريبين ((مره)) خلها يالسعار قبل او عقب رمضان.. رمضان الله يشرفه مافيه روحات ولاجيات.....وماعندي مانع ان الحمامة تمشي علي بس وش نوع الحمامة؟؟؟؟؟؟؟؟ ...الشيخ الظاهر ماعنده حمام زاجل... يقول انه غالي..... ومايتحملونه الناس........خاصة بعد الخسارات في الاسهم....يقولون عرافة تربية الحمام ان هناك حمام قلاب او قلابي او ماادري.........وزيارتنا ان شاء الله تبى تبين اكثر........وياهلاااااااوغلااااااااااا

[بنت* عتيبة]

[poem=font="Simplified Arabic,4,white,bold,normal" bkcolor="green" bkimage="" border="none,4,gray" type=0 line=0 align=center use=ex num="0,black"]
يا ويل من طاح بيد العتبان


كلامي موجه للسعار.

حطيته يربي حمام يا ويلي لو الشيخ دخل وشاف الكلام ههههههههههه

ماهو معالج ولا عتيبي[/poem]

[بنت* عتيبة]

والله يابو سعد

اني في حيرة من امري

انا احر ما عندي وابرد ما عندكم.

عادتكم يا خوالي دايم تطبخونها على نار هادئة عارفتكم زين زين.

وفي الوقت الحاضر يرسلون وفود...وبعد ايام قليله سوف اكون ان شاء الله في الشرقية ... اصلا انا ذاهب لزيارة بعض الاقارب هناك ... فمثل ماقيل ((( حج وقضيان حاجه))) نشوف وش عند (( المعالج بالحمام الزاجل))

[align=justify] يا تاج راسي والله ان رحت واجتمعت بالشيخ :)

تكون بنت عتيبة عملت انجاز عظيم.

وهذا شئ احبه لاني احب اقول بنت عتيبة سوت شئ.

وبسبب ها الحمام الزاجل شوفو الرحلة الحلوة اللى بتقومون

بها من جده للمحاني للشرقية.

والله روعة

اقسم بالله اني صدقت

اتمنى يكون صح[/align]

[السعار]

قولي امين ان شاء الله ابو سعد يسويها .. انا شايفه يتعذر برمضان وقاعد يكثر من الاعذار.. وانا فرصتي الوحيدة هي رمضان .. و أبي اتأكد ان اشوف الحمامة على كبد ابو سعد ميته.. ولكن شكله يبي يحرمنى هالمتعة.