ساحة لتخليد أسماء شعراء قبيلة عتيبة ..

[وااف الخصايل]

الله يرحم الميت منهم ويطول بعمر الحي

[خيّال الهيلا]

شليويح العطاوي الروقي

من ذوي عطية أحد فروع المزاحمة من جذم روق
أحد جذمي قبيلة عتيبة ..
شاعر فحل شجاع و مقدام عرف عنه قوة البأس ورباطة الجأش والشكيمة
وقد مكنته هذه الصفات مجتمعه ان يكون عقيدا لرجال قبيلته رغم انه لم يكن من بيت زعامه
اما الزمن الذي عاش فيه فيمكن ان نستدل عليه من وصفه الرائع لمعركة طلال سنة 1290هـ 1873م
ووفاته سنة1330هـ 1912م وبالتالي فمن الواضح ان عاش عمرا طويلا رغم مقتله على صهوة جواده ..


::

وهذة احدى القصائد المشهورة للشاعر والفارس شليويح العطاوي وتدور قصتها في حادثة غزوة الامام سعود بن فيصل آل سعود عندما جمع معظم القبائل ليقصد الخطر الاكبر وهي عتيبه وهدفه كان مكان عتيبه على "طلال" الماء المعروف بوسط نجد وقد قال الشيخ تركي بن حميد قصيدته الشاذليه عن هذه المعركة ايضا كانت هناك معركتان على هذا المكان المسمى طلال لان الفارس شليويح قد ذكر ان الموجودين فقط هم من الروقة اما المعركة التي حضرها تركي فكانت تجمع عموم عتيبه ، وقد تجمعت قبائل مطير وقحطان وسبيع وعلى رأسهم الامام سعود بن فيصل آل سعود ، وكانوا الروقة نازلين على هذا المكان في طلال وكانوا معقلين أبلهم 3 ايام استعداد للرحيل لمكان اخر ، وفي اليوم الثالث هجمت عليهم قوة الامام سعود ودارت المعركة ببساله وكان من شجاعة شليويح في المعركة انه أسر كبير شيوخ مطير وهو سلطان البعَـير وألقاه من على ظهر فرسه ، فهذا الرجل يعتبر من كبار مطير من علوه ، وبالاخير ردوهم خاسرين ولم يستطعوا هزيمة فرسان عتيبه والتي قدرت خيل عتيبة التي صدت الهجوم بي 1500 فـرس من غير المشاة الذين ليسوا بخياله ، وقد كان هذا الرقم كبير جدا في ذلك الوقت ، مما يدل على انه كان هنالك استعداد ومعرفه مسبقة بالهجوم لوجود السبر ( والسبر هم الجواسيس الذين يكونون على بعد كبير عن مكان قبيلتهم ليشاهدوا أي تحركات ضدهم فينذروا قبيلتهم قبل اقتراب الاعداء منهم ) ، وقد انشد الفارس شليويح العطاوي قصيدته المشهورة بهذا المناسبة بعد الهجوم:


[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أول كلامي ذا بالهـدى ذكـر الله =ماني أبا تشجع فالبنـي هـواوي
يامكيف الفنجـا ل عـده لمـدوخ =وأ ثنه لابن صـلال والجـلاوي
وانا زبون الحرد ابو ضيـف الله =لكشف البرطـم عـن الشفـاوي
رديت سلطـان ال بعيـر بينهـم =والشيـوخ مردولـة النـحـاوي
ورويت مذلوق القنا مـن دمهـم =يـوم ادبحـوا شرابـة القهـاوي
ياطيبهـم لا قـرب الله دارهــم =وحنا عليهـم كمـا نجـم هـاوي
تـلا قـوا بريـه وطلحـا يمينـاتعاقب =ـوا دهـم الرمـاح هـداوي
كن جضع الز لم في نحور طلحه =جضع الخشب في الوادي السناوي
يا لعنبو من صد مـن محرافهـا =من يوم طار الستر عن مضـاوي
كله لعينـا شقحـا تجـر حنينهـا =تحـن تبـا صيفيـة المـطـاوي
نخيت مزحم عز من هـم ربعـه =يوم اللقـا زادوا علـى الهقـاوي
وانـا اذكـر الله ويمنـا سابقـي =والله ينجيهـا مـن كـل هـاوي
ألد روق ال لي صليبـن رايهـم =لجـاء مـن الحكـام رد بـراوي
ألد روق اللـي عريـب جدهـم =لافيهـم لا اجنبـي ولا برقـاوي
تكفـون ياظفـران مـن عاداتكـم = هوشـو أظـن يبقيلكـم شـلاوي[/poem]




يقول / الفارس (شليويح العطاوي الروقي) واصفا إحدى المعارك :

[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جينا مع الطارف سرايا(ن) تقادي =خيالـة فيهـم سراويـل تومـان
وكنا على بوش(ن) يشوق المعادي=ومن دونها ثور عسـام ودخـان
غرنا ونرنـا واعتلانـا شـرادي=ولا عاد تلقى من هل الخيل فتـان
و(الطر)خلـي طايح(ن)للحنـادي=خلو شداد (الطر)ذربين الايمـان
الله لا يسـقـي جوانـبـك وادي=وادي(ن) حما جاله محمد وقطنان
من رمح محمد يركب(ن) السنادي=واللي يعديهـا الزماميـل قطنـان
اصقه ويدجر في نهار الطـرادي=ومن لا يعرفه ما يصدق بما كـان
راحن ياطن الدعـث والشـدادي=ومكثرن قطنـان فيهـن الاكـوان
من غب كونه والقلايـع تقـادي=بين الحشاش وبين فيـة رامـادان [/poem]





اتى شليويح العطاوي فتاه لا تعرفه وهي ترعى الغنم فطلب منها شربه ماء من صميلها فقالت متكبره : والله لونك شليويح العطاوي ماتشرب من صميلي .بس افتح يدك...ففتح يده وشرب وابتعد عنها وغنى هذه الابيات بحيث كانت تسمع قوله:


[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ان قلت الوزنه وربعـي مشافيـحا=خلي الوزنه لربعـي واشومـي
واليا رزقنا الله بـذود المصاليـح=اخذت قسمي من خيار القسومـي
اضوي لو صكت علـي النوابيـح=واللي قعد عند الركاب محشومـي
وان كان لحقوا مبعدين المصابيـح=معهم من الحاضر سوات الغيومي
اليا ضربت السابـق ام اللواليـح=كلن رفـع يمنـاه للمنـع يومـي
يامل قلب عانـق الفطـر الفيـح=كنه علـى كيرانهـن محزومـي
ماخلف وعدهن كود ماتخلف الريح=و الا يشد الضلع ضلع البقومـي
ياناشـد عنـي ترانـي شليويـح=نفسي على قطع الخرايم عزومـي [/poem]



وقال عندما انشد في فتاة وقع في حبها:

[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا فدى عشيري من عظامه تقلّـه=البـدو اللـي يلبسـون الجـزارا
وابن رشيد الشمّري فدوة(ن) لـه=مغدي فراقيـن البـوادي وقـارا
ومن عرض ما يفداه غوج(ن) تتلّه=وقطعاننـا ومثنديـات الصـدارا
والشيخ يدمح لـي ثمانيـن زلـه=والاش ماني عـن زرايـاه دارا [/poem]




ولما وصلت هذه الابيات لسمع الامير محمد العبدالله الرشيد امير حائل المشهور
قال أفراد حاشيته:
كيف يفدا بك شليويح العطاوي مرأة وأنت حاكم!!؟ ،
فأجابهم ابن رشيد:
أخو نوره ، شلويح علي زلّه وحده وطلب مني ثمانين وانا ماني لاش!!

وقصده ما قاله شليويح في بيته الأخير .
ثم تمثل ابن رشيد بهذه الابيات لشليويح العطاوي:


[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا واصل مني شليويـح قـل لـه=في سد وجهي من جميع المـزارا
لاعاد شيخ وكل عقـد(ن) يحلـه=بالقيظ يتعـب حافيـات السمـارا
والله ما ألومـه لا فدانـي بخلـه=حيث ان جار(ن) له من الود جارا
قلبه لطيف الـروح حالـي يتلّـه=تل السلـوك المبهمـات الابـارا [/poem]

وقال متغزلا في احدى النساء وخلط ذلك بمواصفات الفروسية التي يتحلى بها:


[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياليتنـي جنبـت مـنـاك مـنـاك=ولاجيتهم مستـردف لـي رديفـي
ولاجيتهم من فوق دمثـات الأوراك=شيب الغوارب مبعـدات الوليفـي
لاوالله الا علقـونـي بـشـبـاك=شبك الدلي من فوق قامت عفيفـي
ان كان مقبل كـل ماقلـت يفـداك=ماحدت البصـره لـدار الخليفـي
وان كان مقفي قلت يابكرة الـراك=مايتبع المقفـي ياكـود الضعيفـي
يابوهدب عين الى طرفـت افكـاك=يضفي الى حد الحـدق بالرفيفـي
ياحمود سق في شمعة الدار حمراك=لو كان بي تهفي بشـان الشريفـي
دوك اللقوح وبنت خرمـان تقفـاك=صفر صفـوق اذيالهـن بالخليفـي
ويش الحول في بنت ذباح الأتراك=مرخي على ارقاب السبايا الرهيفي [/poem]


من كثرت مغازيه اخذ قومه يلومونه على ذلك فقال شليويح :

[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
زاري علي اللي عسى ابوه للنار=متبجح في مـال ابـوه المياتـي
ما قط يوم فيهـوا لـه بمعبـار=وانا الشتا والقيظ هذي سواتـي [/poem]



وكانت بنات البادية يعشقن الفارس ذائع الصيت ويتمنون ان يروا ذلك الفارس عن قرب وهذا ماحدث للفتاة نيلة التي كانت تواقه للنظر للفارس شليويح والتي غطت سمعته براري نجد ، وفي ذات يوم سنحت الفرصه للفتاة نيله عندما قدم الفارس شليويح من احد المغازي فجلست مع النسوة خلف ظهور الرجال وكان شليويح في المجلس فسأئلت من هو من هولاء الرجال فأشرت احدى النساء عليه ، فقالت نيله لها وجهه اسمر وقامته قصيرة وياليته مثل شكل فلان وطوله ، لان ذلك الرجل الذي ذكرته طويل القامه ابيض الوجه ، فسمع كلامها شليويح فقال :


[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
نيلـه تطالعنـي بوسـط الجماعـه=و اظـن نيلـه لامستنـي بمنـقـود
يامـا تعرضنـا الفنـي والمجاعـه=ولامسك الملهـاب يـا ليـن العـود
وفي الليل يسهر مثل راعي زراعـه=وفا الصبح تصلانا السمايم على القود
وميرادنـا عـد تعـاوى سبـاعـه=خاشرت فيه ذيـاب نمـور واسـود
وياليتها معنا علـى الهجـن ساعـه=حتى تعذر وجيهنا لو غـدت سـود
وتشوف فينا مـن فعـول الشجاعـه=وتشوف فعل اللي كما السدو ممدود
وتشـوف شغمـوم طويـل ذراعـه=صبار في الشـدات نطـاح للكـود
وتشـوف حمـال بتـوع بتـاعـهم=ثل الفهد يلفي من الصيـد بفهـود
وتشوف خبـل همتـه فـي متاعـه=لانافـع ربعـه ولا هـوب مفقـود
ولاهوب طمـاع يجيـب الطماعـه=ولايقضي اللازم ولا كاسـب فـود [/poem]




وايضا لسمعته التي غطت الجزيرة والقبائل العربيه كلها ، احبت فتاه ان تشوفه لانها عشقته وعشقت شجاعته وعندما رأته تغيرت نظرتها له ، فلم يكن طويل القامه وابيض الوجه كما تمنت ، فقال شليويح لها :


[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياعيد دونك شوشت بي هلالـه=شافت بوجهي ياعضيدي سهومي
وجهي مسويته لواهيـب لا لـه=من كثر ما ننطح لهيب السمومي
ان قيلوا ربعي بخطو السلالـه=انا رقيبهـم بعالـي الرجومـي
وإليا قضا منـا توالـي البلالـه=اخلي التالي لربعـي وشومـي
وليا حصل عند الركايب ظلالـه=انـا نطيـح للعيـال القرومـي
كم شيـخ قـوم ناثريـن دلالـه=غنايمه بايمان ربعـي قسومـي [/poem]


شاع صيته وذاع اسمه وسمع به من لا يعرفه وعرفه من لا يراه ومن طريف ما حصل لشليويح أن إحدى بنات البادية أحبته دون أن تراه ولكن كعادتهن يعشقن الطيب والشجاعة على ما يسمعن عنه
المهم أن الفتاة وضعت جائزة لمن يريها شليويح أو يكون سبباً لرؤيتها له جملاً تعطيه لهوحصل أن رأته .
فقالت له : ذكرك جاني وشوفك ما هجاني , بمعنى ليتني لم أرك .
وكان وجهه أسود من لفح السموم كما أن هيئته صارت شعثة من كثرة التعب والمغازي .
لما سمع شليويح كلامها أجابها بقوله :



[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا بنت ياللي عن حوالي تساليـن=وجهي غدت حامي السمايم بزينه
أسهر طوال الليل وانتي تناميـن=وان طاح عنك غطاك تستلحفينه
أنا زهابي بالشهر قيـس مديـن=ما يشبعك يا بنت لـو تلهمينـه
مرة تضحي والمضحا لنا زيـن=ومرة نشيله بالجواعـد عجينـه [/poem]



ان الفارس شليويح العطاوي لايتغزل ابدا بدون اي سبب ، فالفارس لايهمه الغزل بقدر المكاسب والمغزى ويقول :

[poem=font="simplified arabic,4,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
من فضل ربي ماعشقت الرعابيب=مدري طبع او مبعدتنـي قلاعـه
خاويت شبان على الفطر الشيـب=كم ماردن جيتـه تعـاوا سباعـه
يا ما لمسنا قرصنـا بالمشاعيـب=وياما دفعناهن ورا الشمس ساعه
كم ليلة عقلتها تضـرس النيـب=وانا اتوحى نبح كلـب الجماعـه
رحت اتخطى كنهم لي معازيـب=اليا رمـى عـذب الثنـا قناعـه
اهدي الحامي واخطر الاطانيـب=واندس مهاوية الجمـل باندفاعـه [/poem]