حملة شبكة عتيبة الشعريه ( لبيه يالحد الجنوبي )

[البارق]

الله ينصرهم ونحن معهم

[شاعر عتيبة]

تجاوبن لنداء الوطن ولحملة شيخ الشيوخ

هذي مشاركة سااهر واعذرونا على القصور



[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بسم الله ابدا الشعر بيتن ورا بيت= وارسم قوافيها واخط بقلمها
وبسم المليك ابدا وبسمه تغنيت=خادم بيوت الله وحامي حرمها
ذخر الملوك الصيرمي ذايع الصيت=حامي حدود الدار رافع علمها
للقايد الاعلى تسمعت واصغيت=وفرضن علينا كلمته نحترمها
وعلى ولي العهد سلمت واثنيت= قايد صفوف الجيش باني قممها
وللنائب الثاني وقفت وتساويت= تحيتك ياسيدي واستلمها
يامقدم صفوف الرجال النعاتيت= لك وقفتن كل الوطن ماهضمها
ودون الوطن حنا رصاص ودناميت= وصفوفنا غير الولا ماقسمها
حنا جنودك يالوطن كان ناديت=يأمن بنا فالبيد راعي غنمها
وياجيشنا بأعلى المعالي تعليت= ياللي جحور الخاينين تهدمها
ياللي على الحوثي وقفت وتوطيت=لو كان مايسوى مواطي قدمها
حوثيتن تسعا لفرقه وتشتيت=هذي مذاهبها وهذي شيمها
ويادار انا لحدود جيزان لبيت= وياشارين روحي تقدم وسمها
[/poem]

وسلامتكم

[ابن مسلم]

ودون الوطن حنا رصاص ودناميت
وصفوفنا غيـر الـولا ماقسمهـا

صح لسانك

وبيض الله وجهك

قصيدة شامخه كشموخ شاعرها

لك مني كل التقدير

[شيخ الشيوخـ]

صح لسانك وبيض الله وجهك ياساهر
قصيده راااااااااائعه ونشكرك على التجاوب وفي انتظار باقي شعراء عتيبة

[ناصر بن سعدي]

كل الشكر لكل من تفاعل مع هذه الحملة ..

وصح لسانك ياساهر ..


وياجيشنا بأعلى المعالـي تعليـت
ياللي جحـور الخاينيـن تهدمهـا
ياللي على الحوثي وقفت وتوطيت
لو كان مايسوى مواطـي قدمهـا
حوثيتن تسعـا لفرقـه وتشتيـت
هـذي مذاهبهـا وهـذي شيمهـا
ويادار انا لحـدود جيـزان لبيـت
وياشارين روحي تقـدم وسمهـا


وعز الله ذهب وتنومس .. وتجمل ..


صح لسانك ..

[ضيف الله السميري]

اخواني اعذروني على التاخير



[poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يامارد الشعر اطلق عنان القوافـي للقصيـد=خل الضوامي تطوي البيـدا وتـارد عدهـا
كم لي وانا من هاجس الافكار ماقلت الجديـد=حتى لو ان النود نسنس صوب جاشي ندهـا
واليوم يوم العلم جا بيـن القريَـب والبعيـد=يمنـاي لامـدت يمانينـا ينومـس مـدهـا
والا انت ياللي شاعمً نارك وبيتك من جليـد=هجماتنا يالخبـل منـت بمستطيـع تصدهـا
وان كان لك شرهه تجي وتحط في زومان قيد=تخسى وتبطي ماتطاول روس منـت بقدهـا
وان سولت لك نفسك انك راعي الراس العنيد=تقتل ورى حـد الشريفـه ماتدنـس حدهـا
هذي بلادي دونها نبطش بكـفً مـن حديـد=من دونها نلطم طواغيـت العـدا ونضدهـا
من دونها الارواح والبارود والباس الشديـد=والراجمات اللـي شواهيـق الجبـال تهدهـا
من دونها حنـا وحنـا دونهـا جمـرً وقيـد=ياللي تبي رد العلـوم اخـذ العلـوم وردهـا
حنا لها لا اكتضت الشريان مـن دم الوريـد=حنا لهـا لا بينـت مـزح العلـوم وجدهـا
حنا لها لامن غطـا روس البعاريـن الزبيـد=حنا لها لا صاحـت العـذرى وبيـن خدهـا
حنا حماة الديـن حنـا مجدنـا مجـدً تليـد=حنا الرجال اللـي تمـوت ولا تبيـح سدهـا
الحي منا منتصر والميت بـاذن الله شهيـد=مايخسر اللي في سبيـل الله عيونـه لدهـا
والكل منـا فـي فـدا دينـه وداره مستفيـد=اما نصـر والا شهـادة عـز يـوم نعدهـا [/poem]

[شيخ الشيوخـ]

بيض الله وجهك ياضيف الله
كافي ووافي وعز الله قصيده تستحق الثناء والاعجاب .. صح لسانك لين ترضى
ومن جا ما ابطى يالغالي والله يحييك واسعدتنا هالمشاركه الفاخره وعسى عمرك طويل يالسميري ولاهنت

[.*إنـْسَـآن عَـآدِي*.]

دام عزك يا بلادي والله ينصركم وينصر كل حاسد على بلادي
وهال كلاب المتسللين ما يقدرون يحتلون شبر واحد من حدود السعوديه

ظلل الكلمات من بعد هالسطر

مشكور يا شيخ الشيوخ ع الحمله
ودي لك
الوآصل