بـــلا حـــــدود ,،,،,

[عبدالله المرشدي]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الى متى يازين وانته تغلى =قلي امانه لامتى وانت قاسي
قلبي على نار الموده تصلى =وقلبك على ماظن داله وناسي
ماهو صحيح اللي تغلى يخلى=حقك حبيبي فوق راسك تباسي[/poem]

[عبدالله المرشدي]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العاقله لاجات حلوه تكفي=تخفي بوادر زينها ماتنادي
فيها الحلا والحسن بس متخفي=تخاف تفتن لانظرها البعادي
منها نسيم الورد ذعذع يهفي=ينعش مرابع شوقها والبوادي
هي غاية المطلوب هي شف شفي=ان كان تبغين الكلام الوكادي[/poem]

[عبدالله المرشدي]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بين النساء بالشكل تلقى بديله=فرقٍ بسيط وجوهر الشكل لازال
احرص على بنت الرجال الاصيله=السالمه من هرجةٍ القيل والقال
ابحث عن المنزال قبل تعنيله=ماكل شجره ينوجد تحتها ظلال
ماكل وادي لو تسايل مسيله =تطلع بوادر بذرته عقب ماسال
الطيب ميزه والفعول تهديله=ماكل من يلبس من الشمغ رجال[/poem]

[عبدالله المرشدي]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دنياك هذي تراها ماشيه دونك=ان قمت وان نمت ماهي واقفه لجلك
دنياك تصفي معك يومين وتخونك=وانته تمنى على ماتشتهي تسلك
تشوفها ساميه في نظرة عيونك=حتى ولو لزمت من شانها تهلك[/poem]

[عبدالله المرشدي]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يسليها التلاعب في مشاعر غيرها وتطيش=تقول ان البشـر بيدنهـا لعبـه تلاعبهـا[/poem]

[poem= font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تدري باني صابرٍ ومتحمل=والا ترا مثلك فعوله كباير
ان كان تبغاني اكمل اكمل=لكن اخاف انك تهل العباير[/poem]

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
توك تجيني عقب قضيت ليلك=وش حاجتي بك عقب مافاتنا الليل
كنت اتمنى واجدٍ من قليلك=كلمة هلا تشف القلوب المعاليل
خلاص انا قررت ادور بديلك=ابتركك والقى العوض بالمقابيل[/poem]

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
التجريح مع التلميح=زي الدقه من بعيد
وضعك يبي له تصحيح=ليتك تفهم يابليد[/poem]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو تقول الصدق تاخذ ماتريد=التلاعب مايفيدك يانما
ادري انك مثل شيطانٍ مريد=مايهمك لا حدود ولاحما
فاكر انك صدق باسلوبك فريد=تحسب ان الناس بالوضع غشما
تاخذ من اللي يجونك بالبريد=تحسبٍ قدرك يبا يطلع سما
والله لتبطي وتبطي ياقريد=ماتناظر صح لو مانت بعما[/poem]

[عبدالله المرشدي]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مايسر البال ويزيد انشراحه= غير طاعة من خلق فالجسم روح
لايغرك ضحك من يكثر مزاحه=يمكن انه لاختلى يقعد ينوح
شوف صدري فيه للضيقات واحه=رسمها بالعين ياضح لك وضوح
مابقى للهم في قلبي مساحه=كل جزٍ فيه بهمومي يفوح
اكثر العالم تضيق من الصراحه=بس ضيقة وقت ماتبطي تروح
لاجلس وحده صفق راحه براحه=وايقن ان العلم مايبغى شروح
في بحور الشعر يازين السباحه=ومن خيوله ماحلى عسف الجموح
لاكتبت الشعر ودي بالفصاحه=لان شعري دايما قافه يلوح[/poem]

[عبدالله المرشدي]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعض العرب يفرض عليك احترامه=حتى ولو ماقد تعاملت وياه
في مظهره في سيرته في كلامه=ودك ليا شفته على طول تنصاه[/poem]

[عبدالله المرشدي]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياغصين البان فيني ماستمعت =يوم انادي هيه يالطرف الكحيل
تحسبني في بحر حبك وقعت=لاحبيبي ماسبحت الا قليل
لو وصلت لقعر حبك مارجعت =ولو رجعت ابقى من افراقك عليل
غرك اني بالقصايد لك رفعت=يوم وادي حسنك بشعري يسيل
اعتبرني نجم في جوك لمعت=لاعتذرت وقلت انا عابر سبيل
اعتبرتك غصن يابس وانخلعت=عقب مادورت في ظلك مقيل[/poem]

[عبدالله المرشدي]

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مانـي بيمـك ياعشيـق المرابيـش=اشوم بعيونـي وفكـري ليـا طـاش
اقلط على الواجب واكـب العراميـش=ولاصدت صيد اترك على دربي عراش
نفسي لها عن ماكـر العـز تنبيـش=وعيني سما لو كنت جالس على فراش
طبعي وفـا مافيـه كـذبٍ وتغشيـش=قرمٍ شجيع وقلبي ابيض من الشـاش
يشدنـي بـرق المـزون المراهيـش=اطرب ليا من شفت جايٍ له رعـاش
ماتهت مـع راع الكفـوف المناقيـش=حب البني ماحط في قلبـي عشـاش
الا التـي ماعـرضـت للطـواريـش=ريمٍ هواها صـار فـي مهجتـي داش
بدرٍ ملكته في طـرف نـوره اعيـش=وانسى النجوم اللي لها لمعـة فـلاش [/poem]

[poem= font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

عزي لحالي كان مانته معايـه=وانا معاك ولا معي غيرك انسان
ياصاحبي مادمت سبة عنايه=حرام تتركني وانا اروح زعلان
انته مثل نجمٍ لمع في سمايه=حتى ولو ماني بوياك خلان[/poem]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعيش السعوديه ويبقى العلم خفاق=تمر الليالي والغلا وسط خفاقي
الا يالله المعبود يالباري الخلاق=انا عبدك اللي يطلبك وانت خلاقي
عساها تزين وتنطلق ضيقة الاخلاق=ليا من لفا من يلعب الدور باخلاقي[/poem]

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اقسم بعزة من خلقـك وخلقنـي=محدٍ ملك روحي من الله خلقهـا
الا انت بس اللي غرامه حرقنـي=جمّع معاليق الحشا ثـم حرقهـا
حبك فرق حدب الضلوع وسرقني=فتش مخابي مهجتي ثم سرقهـا
رمح الهوا في ظرف ساعه زرقني=فتت سويداء القلب لحظة زرقهـا
ياطرق حالي من غـرامٍ طرقنـي=طرق الزوالي في يد اللي طرقهـا
قلبي ليا من جيت يمـك سبقنـي=كنه على شوفك عيونـي سبقهـا [/poem]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اسمعيني زين لحظه بس روقي=لاتيجيني ظالمه متشكيه
ركب وصلك لانصاني لاتعوقي=خلي افكارك معي متركيه
ابك حبك منذ مبطي في عروقي=والنواظر من سببك مبكيه
ذقت حبك قبل حبي ماتذوقي=وانفتنت وجيت عند مذكيه
مادريت انك على القطعه سبوقي=كنت احسبك للصميل موكيه
والله لتبطين وانتي في خفوقي=جالسه باقصى الضلوع متكيه[/poem]

[عبدالله المرشدي]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابنات اليوم وش لون العبـاه=هي عباة الستـر والا ضدهـا
الحجاب السَتر للعوره غطـاه=في شرع ربـي يبيّـن حدهـا
واسعٍ ظافي على الجسم احتواه=تاج فوق الراس لاسفل قدهـا
ناظري بالعقل لحظـة يافتـاه=في عباة الكتف واللـي مدهـا
تظهر اوصاف الجسد للي يراه=والمفاتن فيـه يكثـر عدهـا
يافتاة اليوم عندي لك وصـاه=كان مـا قبلـت عليّـه ردهـا
قلدي جدتك في لبـس العبـاه=جدتـك ماكـان تظهـر يدهـا
اتركي لبس السفور لمن بغـاه=لايغـرك مـن عباتـه شدهـا
انتي ساس المجتمع وانتي بناه=احفظ السيسان لاحـد يهدهـا[/poem]