من مشاهير فرسان الجزيرة

[المزحمي]

يا محمدين إشبك

أنت مثل اللي يقول عتيبه صافيه ما فيهم أحلاف

وكلهم من رجال واحد!!!

نعم عتيبه صافيه لكن فيه كم فخذ حليف معهم

وهذا ليس عيب بل بالعكس تماماً

وللمعلوميه عتيبه هي من أقل القبائل الموجوده لديها أحلاف


عكس القبائل الأخرى التي لو تتبعنا أحلافها لطال بنا المقام وضج!!!!


وفيه قبايل تعرفها يا محمدين هي أصلاً مكونه من أحلاف

يعني من إلى

وعتيبه لديها الرجال الذين حفظوا نسبها من مئات السنين عبر الوثائق


والتي هي الأدله والبراهين التي تقطع الشكوك


وريتك قريتها وعطيتنا رايك عن الشيابين والدماسين والجذعان

والحناتيش


أعطني قبيله حفظت نسبها كما حفظتهُ عتيبه لا يوجد


وضايعين بعضهم لا يعرفه نسبه إلى الآن



اقول خلاص يا محمدين حنا ما نعرف شيء



عطنا من العلم اللي عندك وأنا أخوك



نبي تفصيل المزاحمه والطلوح وبرقا وبني سعد والثبته



عطنا يا مال العافيه



ولا كل الدعوه صخ سليم!!!!!

وأن كانك صاج نفتح موضوع عن كل قبيله ونذكر نسبها مع شيء من أخبارها وأعلامها من الفرسان والشعراء وكل شخص يدلي بدلوه


ليش فاتحين هالمنتدى عشان كل واحد يضحك في وجه الثاني

نبي شفافيه نطالب بالشفافيه


إلى متى يا محمدين؟؟!!

[الدجيما]

[align=center]ابو فهد وش علومك بخير انشاء الله ومشكور على التصحيح اما ماذكرت من فرسان العصلا فانا اقصد رجال ذلك اليوم الذين حضروا وبانت افعالهم . اما ماود ان اقول لبقية المشاركين في هذا الموضوع ركدوا الرمي وترى الدعوه طرح معلومات تاريخيه لا اكثر .[/align]
[align=center]الدجيما[/align]

[محمدين]

المزحمي المحترم

ولو العين ماتعلى على الحاجب

وانا معك في الشفافيه اللي ماتسى لاحد وهي مطلوبه فعلا والا خوان في المنتدى مايقصرون.

اما من ناحية عتيبه اذا اعتمدنا على شجرة ابن دخين (رحمه الله ) اللي اوردها المرشدي راحو نص عتيبه زلطه ولو تسمعنا سوالف القبائل الاخرى وبعض متعيلمي النسب اللي ياخذون اي شي يسمعونه ولا يراعون تشابه الاسماء رحنا كلبونا زلطه . تصور ان شخص حارثي يقول انتم يالعضيان منا !!!!!!!!!!!! علشان فيهم فخذ العضاوين والنسبه اليه عضياني قلت متهكما ليش مانصير من عنزه لان فيهم فخذ العضيان .وتصور ان بعض الجعادين العصمه يقولون جعادين العضيان منا وبعض جعادين العضيان يقولون جعادين العصمه منا وتصور ان القحاطين يقولون الروقه منا ..............الخ
وتصورواحد شمري كل هالمده يحسب ان ابن حميد رئيس مجلس الشورى
ابن حميد اللي عليه العلم ويقول من قدكم ياعتيبه رئيس مجلس الشورى منكم وعاجنبها الرجال مع الناس.
وواحد قحطاني من الجحادر جده عليه علم يقول الربيعان المتحدث باسم القوات المشتركه في حرب الخليج عام 90من الرباعين وبصعوبه اقنعته.
وواحد حربي بدراني يقول حنا يالبدارين من بدارين الدواسر كل جماعتنا وشيبانا يقولونه قلت عطنا دليل والا القول كل(ن) يبي يقول على كيفه
قال جدنا بدران وجدهم بدران واباعرنا مجاهيم واباعر البدارين الدواسر مجاهيم ووسمنا ووسمهم واحد المطرق قلت له كل القبايل عندها مجاهيم والوسم مهوب دليل عندك الصعران من مطير ياسمون الهلال والشيابين ياسمون الهلال قال جاك العلم.

فالدعوى هوايل يارجال...............فخلنا (صاغ سليم ).احسن لنا.
ملاحظه
قصة الحربي اوردتها لانك تحب القصص والا مالها دخل في عتيبه .

[عاشق المغاتير]

[frame="8 80"]تقاش جميل ولكن دعو عنكم العنصريه
نريد فقط ان نزيد معلومات عن ماضينا المشرف كي
نستفيد منه . بطاعة الله أولا وجعل الأصاله ثابته فينا


ولكن ماذا فعلت عتيبــة الآن وماذا فعلت مطير الآن

انتوا قلتوا نحن أحفاد الأبطال واين الأبطال من القدس


ومن حديث النبي صلى الله عليه وسـلم كما معناه
( لافرق بين اعجمي وعربي الا بالتقوى )

وهذا القصيــده للشاعر حمود البغيلي
اهديها لكم عسى تفهموا مغزاها .



الغرب يصنــع طائـــرات وصواريـخ

والشرق الاوسط ضاع نفطه بلاشي

حطوا لهم في صفحة العلم=#FF3333]وحــــنا بماضينا نعيد النقــــــــاشي

من عقب ماكنا جبال شواميـــــخ

صرنا تحــــــت حكم الاجانب ولاشي

شي يدوخ الراس تدويـــــــــــــخ


وشلون عقب الحر حــــــام الفراشي

اقولها والقلب اقوى من الصيخ

متى نشوف الحق في الارض ماشي

لاني ولد تاجر ولاني ولد شيـــخ

انا فقير وراس مـــــــالي معــــاشي[/frame]

[إبن ثعلي]

هذا هو كلام العقل ياعاشق المغاتير شكرا لك
تحياتي

[طالع]

نعم هذا هو عين العقل ياعاشق المغاتير وكل يفخر بانسابه وله الحق بذلك ولكن بعيدا عن العنصريه

[بن شبابه]

اتمنى منك أخي " عاشق المغاتير " لو أنك لم تنزل الموضوع إلا وأنت

مكمله على الأقل بأكثر فرسان عتيبه المعروفين وغير المعروفين لأنك

في الأصل تكتب في منتدى قبيلة العتبان اتمنى أن تكمل باقي

موضوعك على الوجه الأمثل ولك مني جزيل الشكر ...

[اخو طفله]

شكرا على هذا الجتهاد
وانت ماطرحت الموضوع الا عشان نستفيد ونصحح لبعض


وسلطان الدين قتل

[هيضل الروقه]

ياخوان السلام عليكم. خلني ارجعكم لنقااش؟
الدماسين عضياان وهم اخوان السحله من العضيان وماقفهم مع السحله من العضيان.
وقول الحصاان (العضيان عضاضه ومعهم دماسين)ليس بهذه الصوره انما ؟(العضيان عضاضه وفيهم دماسين)
فلم اسمع من الشيبان ان الدماسين انفصلو عن العضيان. ومالنا ومال قصه الدماسين ومنين جو خلونا بالحاضر.
وللمعلوميه انا الدماسين اشتهرو وكذلك طلع منهم فرسان مشهورين وهذه الفروسيه وهذه الامجاد اتت وهم مع العضيان . وليس من صالحهم ان يقولو ماحنا بعضيان.
لان العضيان فازعوهم في كثير من الامور.
اخي الحصان ارجع لروات العضيان واسألهم.
اما عن راعي المغاتير؟؟؟؟؟
فلا اشك انه مطيري. وكذلك هو لقا لنفسه مخرج بحيث ذكر انه اورد بعض الفرسان وليس جميع الفرسان.
وحنا ياعتيبهم مالاحقنا في نفسنا شك ولا في فرسان شك ولو ارودناهم لطال الذكر ولطالت السيره لاكن من يحضرنا نذكره. ولسنا بحاجه لابن مطير ان يعدد فرسان عتيبه ويذكر افعالهم.
هيضل الروقه.
دوختني قراءه الموضووع

[الهلالي]

نشكر عاشق المغاتير على هذه النبذة التاريخية والتي أخذت منه الكثير من الوقت والجهد ونتوسل إليه أن يذكر الجميع فهناك الكثير من الفرسان من العتبان و المطران وغيرهم من القبائل لم يتطرق إليهم فلا بد أن يكون البحث وافياً . ونكرر الشكر والتقدير




[align=center]الهـــــــــــــلالـــــــــــي[/align]