ياوجودك هاك لغزا" له وجود=وان لقيت يابن ثابت هات رده )محلول( من مرزوق بن فلاح صح لسانه

[صبار المضياني]

المشاركة الأصلية كتبت بواسطة وجودك يكفي يابوهاني أنا عطيتك اسمه وماعرفته كيف عاد لو كتبت لك لغز جوابه دويم الدوم .. كيف تبا تحله ؟؟ على العموم حجمه صغير ويدعس نفسه بالنفود ويختفي

مالك لوا

[{ أبوفيصل }]

وش تقول في السقراط يشبه السنجاب <<
اللي ياكل الحييايا



وش تقول فالبريعصي << نسميه البصاق واهل جده يسمونه الوزغ
الله يكرهه مداني طاريه مير هاذي رمعه

[{ أبوفيصل }]

وش تقول في الملّيْسه << يشبه السحليه بيته فالنفود ومرات تلقاه فالسهل
لكن ماعمري شفته يطوطش عند مناقع الماء

طيب وش تقـــول فـ الحبيْني جسمه صغيّرون و له راس وعفج بطنه منتفخ
تلقاه ينفخ ذربه فوق حصاه

[صبار المضياني]

المشاركة الأصلية كتبت بواسطة خليجي نت وش تقول في السقراط يشبه السنجاب << اللي ياكل الحييايا وش تقول فالبريعصي << نسميه البصاق واهل جده يسمونه الوزغ الله يكرهه مداني طاريه مير هاذي رمعه

مالك لوا

[صبار المضياني]

المشاركة الأصلية كتبت بواسطة خليجي نت وش تقول في الملّيْسه << يشبه السحليه بيته فالنفود ومرات تلقاه فالسهل لكن ماعمري شفته يطوطش عند مناقع الماء طيب وش تقـــول فـ الحبيْني جسمه صغيّرون و له راس وعفج بطنه منتفخ تلقاه ينفخ ذربه فوق حصاه

مالك لوا

[وجودك يكفي]

يابوهاني انا شفت قناة الوثائقه وتابعت برنامج غرائب الخلق وشفت لي كائن حي من ذوات الدم البارد كبر الكف او اصغر شوي يبني له جحر على قده ويحط له باب ويطرفه ويراقب وهو داخل الجحر والباب مطرف وإذا مر من عند حشره فتح الباب بسرعه وخطفها ودخلها الجحر وأكلها

[{ أبوفيصل }]

اتهقــــا
ـ

هههههههههههه

والله ياوجودك ماخلينا كائن حي يمشي على أربع وثنتين الاّ رمعناه

بس فيه كائن يمكن يكون هو = كائن عيونه دراميح وخشمه مدلقم وذيله له حراشيف

وبالأمــاره فـ الكنّه يكانس والشباب ماقصّرو فيه

وشهو الله اعلم انه هو !!! ماعرفتوه

عموماً تعال انت وصبار وخيال الصفراء وابن فريح في قسم التسلية ورافقونا في رحلتنا

بقيادة الكبتن شيخ الشيوخ على طائرة 777 الرحلة رقم 511

متجهين لأسبانيا ومحطتنا الثانية المغرب ويمكن نحصّل هالكائن قدامنا

ههه وشرايكم

[إبن ثعلي]

يمكن يكون ابوغطيه
دويبه تحفر لها جحر صغير وتسده بغطاء طيني رقيق واذا جاءها الماء اغرقها

[وجودك يكفي]

بإنتظار ردك يابوهاني وعسى المانع خير وانا اخوك

وبيض الله وجهك يابوعبدالرحمن على هالرمعه والعلم الاكيد عند الاخ صبار

[صبار المضياني]

المشاركة الأصلية كتبت بواسطة وجودك يكفي يابوهاني انا شفت قناة الوثائقه وتابعت برنامج غرائب الخلق وشفت لي كائن حي من ذوات الدم البارد كبر الكف او اصغر شوي يبني له جحر على قده ويحط له باب ويطرفه ويراقب وهو داخل الجحر والباب مطرف وإذا مر من عند حشره فتح الباب بسرعه وخطفها ودخلها الجحر وأكلها

مالك لوا