منتدى الجزيرة العربية التاريخي خاص بتاريخ وأشعار قبائل الجزيرة العربية من بادية وحاضرة |
![]() |
كاتب الموضوع | الرائد 2000 | مشاركات | 85 | المشاهدات | 58320 |
![]() ![]() ![]() | انشر الموضوع |
![]() |
#41 | |||||||
|
استمتع يا جعفري بالنسبه لمواقع شمر وعنزه ( العواجيه ) فلم تنتصر عنزه الا بالتنهات وهذا ماجعل مبيريك يصوم عن الرد سنه كامله لين جت قمعه (الخطه) وسوف أرتب الموضوع ليكون أكثر سلاسه وفائده وأعذروني عن التقصير وعن عدم جلب بعض القصائد التي بها شبهه أو تزعل أحد منا .. بالنسبه لترتيب المواقع فهيا:- 1- سبطر (ذوره)وأنتصره شمر فيها وتم أخذ سيف وفرس عقاب وتم خصي الجروع وهو أحد فرسان الجعافره من عنزه عندما خصاه رحيل الجذل الشريهي بضربه بالبندق مع محاشمه وقال مبيريك: بشر عقاب بان وجه المظاهيرنبي نقاربهـم ولابـه مـراواه سرنا تحت حكمات وال المقاديروالعمر مايبقيه كثـر المـداراه ياما شرينا بالسنين المعاسيـرمن بندق غالي ثمنها ومشـراه طبعا" لهلنا كان جمع العدوا ذيرونثني الياحل القضا والمثـاراه وقال مبيريك ويرد على سعدون بعد قمعه: عقـاب ماسبـه ولاسـب حليـاهالياجت على ركب المهار الاصايل مار نجس من الهامه الياحد ماطاهنجاستـه ماهـي بكـل القبايـل شره على اللي نازل مـن تـوالاه له منكب في رفـه الجـار مايـل الى أن قال : وابا الوقي يالبيض خضب(ن) يمناهأنشهد أنـه مـن رفـاع الحمايـل السيف من يمنـا عقـاب خذينـاهوالخيل بـدل كدشهـن بالأصايـل من فعلنا بعت أطيب الخيل بـرداهواحلوا بيع المنسمح يابـن وايـل والجروع اللي يوم ذوره خصينـاه خصاه من ربعي مشيـل الثقايـل 2- بيضا نثيل بدون حرب وقد كانت عنزه نازله الجهرا وارسلوا لمسلط التمياط بأن يرحل عن بيضا نثيل . قال سعدون العواجي: راكب اللي مالهجها الجنينـاماهي وحدها ثامنه له ثمانا تلفي لمسلط ترثه الغانمينـاتنزحوا عن جوكم صار مانا الى أن قال: وعدونا نجيه لـو مايجينـاونضفي على عدونا من عيانا ورحل مسلط وترك نياقه بالفلاه ويوم جاء العصر وهن يطلعن على الماء وهم يتقاطعونهن عنزه ويحلف عليهم سعدون وقال الرجل اللي حقن دم شمر وعنزه مايستاهل أنه يوخذ حلاله وأسقوهن واتبعن شمر..!!! 3-التنهات وهي بعد أزاحه مسلط من بيضانثيل حس بالغبن ومراره الحيف فأراد أسترداد الجو من عنزه ويوم وقع المطر وهو يغير مسلط ومن معه من التومان وبعض شمر على دبش عنزه وهم يأخذون الحلال وتطلبهم عنزه ويطلعون التومان واللي معهم من شمر من الدبش ويذبح جريس ويوم التفت مسلط يمار هذي راس فرس عقاب عنده وهو يسحب السيف ويضربه وينشب السيف براسه وهي تصطفق وهو يغشاه الدم ويفك الله مسلط . ويقصد سعدون ويقول: راكب من عندنا فوق نساسعفون الياما زل حموا القوايل لولاد وايل مرويه كل عباسومكللين شذرتـه بالفعايـل الى أن قال: ركض علينا مسلط دايـخ الـراسوجاه العقاب الصيرمي فوق حايل ورمى عليك السيف وأعذر باللباسوراحت تقمزبه ضبـي المسايـل في روضه التنهات جدعن الالباسوذبح اليامـا جيـت بيضانثايـل الى أن قال: وجريس خلي يوم الارياق يبـاسوياويل مسلط عقب واف الخصايل وقالوا شمر ليه يامبيريك ماترد على سعدون قال يالربع والله لو هي على وجه حق أني ما أرده بس وش أقول بيضانثيل وخذه وجريس أنذبح ومسلط ياألله طلع هو وبعض اللي معه وش تبونن أقول ويصوم عن القصيد سنه تقريبا" الى أن جت قمعه. 4-قمعه وهي المعركه التي أنتصره بها شمر أنتصار رهيب وهي أن الدغيرات مع مفتاح الغيثي نزلوا الخطه وتجي عنزه يبون الربيع ديارهم محل هكا السنه وهم ينحدرون ويتقشمون طويه ويمار به المرمش زارع له زرع وهم يعذرون الخيل بزراعه المرمش وهم ينحدرون وينزلون بالطوال فوقي الخطه والدغيرات بالحقيبه عند التيم بشرقي الخطه وهو يرسل سعدون عقاب ومعه بعض وجيه عنزه يم مفتاح يطلبونه صحبه يمايقضي العشب والربيع وسكت مفتاح وهو يدري أنه مايقوى لعنزه لان عنزه بقمعه تجمعوا الايدى والمرتعد والعواجيه ومفتاح مامعه غير الدغيرات وقال مفتاح والله حنا ماحنا قايلين لكم شي لكن أن أعرضت لكم من غيرنا ماحنا ساكتين قال مبيريك التبيناوي ليه ياعقاب قبل لاتعذر خيلك بمزرعه المرمش ماأركبت على الشيخ مفتاح وطلبته الصحبه وأنت يوم أنك نزلت عند اروقه بيوتنا جاي تطلب الصحبه قال الله يهديك يامبيريك والله ماهنا نيت سوء والشيخ مفتاح سمح لنا الله يبيض وجهه ويرجع عقاب قال ياعنزه الشيخ مفتاح سمح لنا بس والله أني خايف من مبيريك لايعمل له شي والله أني خايف من كلمته يوم يقول ليه قبل ماتعذر خيلك بمزرعه المرمش ماأركبت لنا .ومبيريك عنده فلاح العصلب من حسين المجلا يمار لفلاح ذلول طيبه ماتلحق قال مبيريك وين فلاح قال عينيك وعين عيونك قال أبيك تركب وتطلع من هنا وياطلعت من خريبه البطن تشوف نزلين اللي يسار تره مسلط اللي بشنق عثامين والنزل اللي بخشم الفهده شرق منك دون الجل تروه عدوان الطواله والنزل اللي قريب لك حط عباتك على رقبه الذلول ويوم طلع مع البطن وينزل عليهم يامار اللي قريب منه نزل مسلط وهم يفوعون يمه الخبر قال أنا مرسلن مبيريك يقول هذي عنزه نزلت الخطه على التيم وحنا وياهم الرواق على الرواق ويرسل مسلط لعدوان ويجتمعون وش الراي قال عدوان نبي نصول صوله بالمظاهير ويامننا جينا دون التيم نبي نخلي الحلل والدبش والحريم ونبي نصبحهم ويتفقون على هالشي ويوم جو جبله وهم يتركون الحريم والحلال وهم يروحون على مفتاح ومبيريك ويصير مسلط عند مفتاح وعدوان عند مبيريك وهم يتعشون قالوا هاه وش الرأي قالوا أنت يامسلط خلك فوقي الخطه من عند الطوال وأنت ياعدوان خلك من عند الحميمه ومن عند صبروات وحنا يالدغيرات نبي نحفر المتاريس من عند أروقه بيوتهم ونصبحهم وفعلا" ويصير صباح قمعه ولايطلعون عنزه الا على ظهور الخيل ويطردهم مسلط يما عقبهم موقق يبي ثار جريس من عقاب وهم يستولون على عنزه وعلى بيوته وحلاله حتى المعاميل والنساء ولكن مبيريك قال للحريم أنتن بوجهي عن شمر يما تجونا أهلكم ويزملهن ويروحن ويردن على راعي طويه يمار مركبات نوت على البعير اللي عليه الصمالات وهو يضحك عليهن المرمش ويروون من عنده ويوم جوا أهلهن يمار ماعند عنزه بيت وهم بطرحون غراب الصلبي وهم يبنون بيته للحريم ومن ضمن الحريم بنت الضريغط والضريغط عند عنزه هو العارفه ومبيريك أعطى عباته لبنت الضريغط ويوم قالوا ليه يامبيريك تعطي عباتك لبنت الظريغط ليه ماعطيته نوت قال أبي أبوه يتذكر هالعبات ياتطالبنا عند عنزه وفعلن صار بينه وبين شهوان الومد هكا المطالب.. ويقول مبيريك التبيناوي بعد صومه عن القصيد حول السنه لين شاف فعل ربعه بعنزه ويرد على سعدون على قصيدته بروضه التنهات . ياراكب من عندنـا فـوق نسـاسعفون اليامـا زل حمـوا القوايـل ولد ذلول يلهجـه سبعـه أجـلاسورى تمام غـذاه عاميـن حايـل ياماغداء ماتصطغ الخيل لـه راسوراعيه لو ياطاء الخطر مايسايـل كنه ظليم جافـل شـاف الاونـاسمتذيـرن مـن ناقليـن الفتـايـل فوقه صدوق الهرج قطاع الامراسيـدي لسعـدون علـوم الصمايـل بالكذب ياسعدون دهويت لك نـاسطمـع بديـرة كاسبيـن النفـايـل خمك عشيرك زبن وندات الافراسزبن الحصان ليا جـذى بالدبايـل نزه الشوارب مايقـرب للأدنـاسألوى على زمله من البطن صايـل لياما صبخ راسك براس من الناسوتقاحصت صم الأمهار الاصايـل ياما عزلكم مسلط قاسـي الـراسعن الطرش والمظهور عزل العدايل فجاء غرات العداء عقـب الايـاسعلى النقاء عزله قـراح الشمايـل ألى أن قال: في رأي أخو نوره شفاتي من الناساللي نقل غيضك ولا هـو مسايـل وخليت كيف الربع دلـه ومحمـاسونجرا" يداوي عن عماس القوايـل وبنات من فرق مكانيـز الاكيـاسدلت تدجـج بـي محـاس القبايـل والديك خلي صوب مزبور الاطعاسبالـدو ماحولـه عريـب" مسايـل ومحصنات دروعكم هي والالبـاسجبناه فـي يـوم يـداوي الغلايـل الى أن قال: كان العقاب الصيرمي بينكم داسخلاك تصلاك الشماس القوايـل أنا أحمد اللي قادها لك بالأياسياما أستردينا الديـون الاوايـل ولما سمع عقلا الجهيلي بالمعركه وكان عند الجربان هو وصالح الظلماوي وكان يقصد بالجربان يقول: أجدع يدك مع هاك اليدينـاعلى عبيطن دب الايام بيسار وفي يوم من الايام سلم صالح على الجهيلي ولارد الجهيلي زعلان عقب ماسمع بمعارك شمر بنجد وتقابلوا على العشاء وقال صالح الظلماوي ليه مارديت ياعقلا يوم أسلم عليك قال عقلا: عجـسـت أهليـبـك يـاصـالـح الظـلـمـاويياجـاء الغـداء هلينـا والحيـن مـانـى قــاوي ياسبـع أبـو مـع أربـع ياللـي تصيـر فـداوي............................................ ........ وقال : مبيريك هي صدق علـوم لفتنـاياشيخ ماتاقف وتزعج لنا صوت دنياك هـذي بالجزيـره رمتنـاكسبي ونيني يوم كسبك جمل نوق ياما على هاك الجرايـر نهتنـاوأبن أدم مايشبع الا من المـوت وقال الجهيلي عقب ضفره ونستشهد به لأنه جاب ذكر الطواله بقمعه: ياعيال يركاب مثـل الشواحيـفمتوجهينن صوب ديره عمامـي ونعم من العصلان واولاد أباسيفكسايه العيـدان ريـش النعامـي وكرارة يم الرمـالات وخليـفخذابهـا كـن النهـار الظلامـي زمل الطواليات جنـك هفاهيـفمن واقصه ماهولسوا بالمقامـي وخليف هو خليف الحدب وهو يرد على الهقاز يوم يقول : يادار ابو سميط خلاتس ياحيـففرز الوغى ذباح عجفـا سنامـي اقفى ولا خلى بنجـد تحاسيـفوابوه وجده مخربيـن الطعامـي يامزنة غرا نشت لـه رفاريـفتمطر على ظفرة مطرها انهشامي زبيديها روس المهار المزاغيـفوعشبه قرون مسيحين الايدامـي وقال سعدون: بيضانثيـل منـزل الجعفريـاه وأن جيتها يالشمري فأنت عايل وعشب الطويه يالوليغي رعيناه نرعى بحد السيف والعشب طايل ومنايح الحضران حنا أحتلبنـاه غصب على دوله قفار وحايـل والشيخ مفتاح بثركـم حدرنـاه أقفوا وراكم يارفـاع الحمايـل وكان يقصد سعدون بالبيت الاخير أننا أنزحناكم يالدغيرات الى شرق الجبل ويتمنى لو يتلون ربعهم اللي بالعراق وهاك الديار. ورد عليه مبيريك التبيناوي وقد وردت في هذا الموضوع ولكن سوف أقول بعض الابيات منها قال مبيريك: بيضانثيـل منـزل الشمريـاه وأن جيتها يالجعفري فأنت عايل العقله الفوقـا لنـا يالدغيـراه حامينهـا بموشمـات الفتايـل والعقلـه الحـدرى للزوبعيـاه وساع العيون منقضات الجدايل وفعلا" تركه عنزه بيضانثل وهي مارد للبدوا وليست ديره كما يظن البعض وما أخذوها عنزه الا بوقت حكم عبدالعيز عندما أتي الامعض العواجي من نواحي خيبر وطلبه من أبن مساعد واعطاه مثل ما أعطى وسيط الشعيبه لبن مجلاد وغيره مثل قبه اللي عطاه للفرم وهي من ضمن أملاك الاسلم وصارت علي بيضانثيل ذبحه بين الفداغه وعنزه ولكن الحكومه أعطته لعنزه وأنتهت قضيته وبعد قمعه تقووا عنزه وتجمعوا من جديد ويامار بهم حقد على شمر من يوم قمعه وهو يصير مناخ ضفره .. 5-ضفره قبله حايل بعد ماخسره عنزه قمعه حسوا بالضيم وقالوا حتى حريمنا ماسلمن وبيوتنا ودلالنا ودبشنا خذوه كله شمر وبدوا يعدون العده لضفره وأرسلوا لجميع عنزه وحضروا من ينبع ومن خيبر مثل أبن مريخان والايدى والفقير والمرتعد بالأضافه للعواجيه ويوم علمت شمر بهذي الامور أتفق عدوان الطواله ومسلط التمياط وأقطعوا الرأي على أنهم يخلون السوادين ويهوشون هوش ساقه يما يطبون العراق وهم ينزلون على مفتاح الغيثي يبون يقنعونه بهذا الامر وقال لهم مفتاح يالربع حنا يامننا جينا العراق يمار قدامنا رجال مالكين الديره وماهم والله معطيننا ديرتهم وحنا تاركين ديرتنا وهذا نخلنا هاللي يويق علينا.. ديرتنا والله ماحنا مخلينه قالوا مابه مهاش يابن الحلال هذا حنا ذبح الجوع حلالنا وذبحه العطش والخوى والدهر وعنزه هاللي كل يوم نازل عليهم عرب وحلالهم وراهم ويامننا تكيلنا من العراق وتقوينا يمكن أننا ننخا شمر هالعراق يجون معنا ونستعيد ديرتنا مره ثانيه مثل ماأستعدناه بالتيم ..عدوان ومسلط يوم جاء تالي الليل وهم يشيلون يوم شال النزل الاول والثاني يوم راعوا يمار نزل الدغيرات بمكانه وهم ينهجون يم مفتاح يمار كبار الدغيرات هكا اليوم عند مفتاح ويوم أقبلوا على بيت مفتاح قال مفتاح للي عنده يالربع تروهم يبون يقولون والله مانرحل الا أنتم قبلنا لكن حنا نبي نحتج بأننا منشرين بقلنا وماحنا دافقين لبنا وهو يلوذ ورى الذرى وهم يحولون ويقولون وش علمكم مقيمين جلي ماحنا معطينكم الخبر من أمس قال مبيريك والله الشيخ مفتاح أشوفه ماوده وحنا مابنا تقاسيم قالوا له أرحلوا والله مانخليكم وهو يحط مفتاح على شواربه ولحيته من رغوه البقل ويقول أنا أخو سلمى أنتم جيتوا وأنا أرغى قالوا وش ترغى قال حنا نبقل قالوا كيف تبقل وحنا قشنا على البل ومخلين السمارين نبي يزول لعنزه غديهم مايفزعون علينا بسرعه قال يامنكم جيتوا الجربا وشمر بالجزيره علموهم كان لهم رغبه بديرتهم وحنا ألى حول هالليله على هالهودات وحنا هذا نخلنا اللي يويق علينا مع هالتلاع وعنزه مخلين نخيلهم بخيبر وجايين صولتن علينا يبون ياخذون ديرتنا حنا هالحين نترامى وياهم وأنتطارد على ظهور الخيل وعقب نرد للسلاح الابيض وهمن بالعصيان والحصى وبعدين نتقاضب الشوش وعقبه بالسنون وأنتم مثل ماقلتلكم ياجيتوا شمر بالجزيره علموهم باللي قلت لكم وهم يتلافتون لبعض يمار عدوان ومسلط واحدا" شيخ الاسلم والثاني شيخ التومان ويقول مسلط هالحين يبينا نهج ونعلم هل الجزيره يفزعون له وحنا عنده قال عدوان وش الراي قال الراي كلن ينزل مكانه واللي يصير يصير وهم يعارضون الجهامه وكلن ينزل بيته ويوم جاء النهار وهم يرجعون لمفتاح قالوا عنزه عندهم بوارديه وحنا ماعندنا اللي يكفينا وأمدهم بالبوارديه ويحفرون شمر متاريسهم ويصير المناخ وينذبح فريح ولدك يامبيريك توغل يم بيوت عنزه ويرمونه بهكا البندق وطاح من فوق فرسه وعلى هكاالطيحه وويستمر المناخ وتنهزم عنزه ويقول دايس الهقاز من حسين المجلا قصيدته اللي ماعجبت بعض شمر لأنه يوم يقوله وهو زعلان على بعضهم ويقول: يادار ابو سميط خلاتـس ياحيـففرز الوغى ذبـاح عجفـا سنامـي اقفـى ولا خلـى بنجـد تحاسيـفوابوه وجـده مخربيـن الطعامـي يامزنة غرا نشـت لـه رفاريـفتمطر على ظفرة مطرها انهشامـي زبيديها روس المهـار المزاغيـفوعشبه قرون مسيحيـن الايدامـي ونهجت اسر جموعهـم بالتواقيـفيامار وجـه جموعهـم بنخدامـي ونحرت ربعي عايزين التواصيـفيمـار بالزهـام والجمـع زامـي اولاد على ذربت الحرب أهل كيف=حريبهـم مايهتـنـي بالمنـامـي ياقل ميـر قشوشهـن والتطاريـفردوا لنصـل مصقـلات اللجامـي وانشهد ان أقلوبهم صمـع ياخليـفيردون حوض الموت ورد الضوامي وضرب بعيدان البلنـزي وتنجيـفياما أدبروا عنا خـروق الجلامـي نطعن ونطعن دون هاك الحناجيـفسلمى ورمان واجـاء والعصامـي وياما ذبحنا بين الاثمـار وهييـفتسعـرت دونـه عمـارا" تسامـي 6-مليحه (كحيله)وتصير مليحه بين الدغيرات والعواجيه وهي أن عنزه قالوا يوم صاروا الدغيرات لحالهم نبي ناخذ الخاوه عليهم ويقول مبيريك التبيناوي كان خيـال الشقـاح التـلاد يقفى فحنا اللي نعيي على الـدار مع غلمتن ماهولسـوا بالقيـاد يالا مايلفظـن عـدلات الاقـدار أولاد علـي ناقليـن العـيـادي فطايرن مايقبلن كـود الابكـار لهادتـن للـي يــدور اللهاد يبنزل من المثلوث كان الدخن ثار ويصبحونهم الدغيرات وتنهزم عنزه . 7-زبار وريك وهي المعركه التي قادها هايس القعيط من الجزيره وقتل بها فريس عنزه عقاب وحجاب والمرتعد ومزعل وغيرهم من فرسان عنزه الاشداء وبهذه المعركه تطوى صفحه من صفحات التاريخ الحافل للقبيلتين :::::::::::::::::::::::::::::::::::::::::::::::::: :::::::::: قبل حكم الرشيد فقد أزاحة هذه المعارك والاكوان قبيلة عنزه التي كانت تنوي جعل حائل مسكن لهم ولحلالهم ولكن بحمد الله نحن أهل حائل الى اليوم وهذه المشاركة كانت قبل سنه تقريبا" ...!!! ومن أحداث هذه الفتره كذلك قدوم الشيخ سلطان أبن فهد الجربا الى ديارهم القديمه ودخولهم مع العواجيه في معركه الحفيره وطردهم للعواجيه منها وهذه المعركه كانت بعد قمعه بوقت قليل وقبل ظفره فبعد قمعه ذهبوا العواجيه للترك لكي يزودوهم بالسلاح لكي يردوا هزيمة شمر لهم في قمعه ولكن شمر لما عرفة نية العواجيه أخبروا الشيخ سلطان الفهد وأتوا بخيل الكسب وذهب الشيخ سميط أبن سلطان للأتراك ودفع الهدايا لهم وأكثر الذي قدمه هو كسب لشمر من قمعه فأعجبوا الترك بهدايا الشيخ سلطان وأبنه سميط لأن عنزه كانت هداياها لاترقى لمستوى المقدم من قبل شمر فقد قدموا البقل والسمن وقد أعتدوا على جارهم الشمري وأخذوا مالديه من سمن وبقل وضموه الى الهدايا فقال الاسطوره مبيريك التبيناوي:- البارحه ماامرحت شاقن بتوليـفلارتهـن مثـل التهامـي لياحـام تزاحمن بالصدر خلـج مواليـفكني لهن عن مجنب الحوض زحام طراه ياأبن فريح طريـاك للكيـفوكيف تدجج بيضكم بين الأسـلام والبيض من فوق الحنايا مشاريفوالكيف شربوه الطنايا وهو حـام وزليت عن حملة عيون المخاشيفشقح يقـادن مستديـرات الاروام وعيوبهم فوق المهـار المزاهيـفيـم القرايـا قصموهـن بالسـوام وعرايف الويبار جن لقح وخليـفومن كالنا صـاع نكيلـه بلطمـام الى أن قال ويذكر كيف بنوا للنساء بيت غراب الصلبي جارهم لأنهم لم يجدوا غيره فشمر بقمعه أخذوا كل ماتملك عنزه وكان نصيب مبيريك كبير جدا" ومن ضمن الكسب جمل نوت ودلال العواجيه:- يقول مبيريك :- بنيت بيت غراب للخرد العيفولا ينشمت بمستغرات الايـام الى أن قال وفيها ذكر قدوم الشيخ سميط واوالده الشيخ سلطان وكيف قام بتقديم الهدايا للأتراك:- ياعقاب دايـر نجدتـك بالتواقيـفياعقاب مثل اللي توطـى بالأقـدام تشرب غمادن مثل ماتشرب العيفمستعلف غبـر الليالـي الـى نـام جتك الشيوخ اللي تعرف التصاريفوقيادهم شحص الرمك يم الاروام د يتلون ابن سلطان راي وتصريـفماسال عن كثر الخسايـر ولاقـام الى أن قال :- ومن جيته لديارنا جالهـن عيـفمثل الحباري منشد الحـر خـرام مبري نحسة الجوع بيدوجة الضيفخلا شرايدكم هجيجه الـى الشـام الى أن قال ويبين كيف أخذوا نحية دهن أبن سيف وهو رشيد أبن سيف من شمر ويذكر أبو دوشة وهو الشيخ الفارس دغيم أبن سعيد العلياني الملقب بمهودي بالروس شيخ العليان وكبير الدغيرات:- أول نواميسـه نحيـة ولـد سـيـفوهو بين بيتينن قصيـر مـن العـام من هو قصيره جعل مايقري الضيفويعل مالـه عـزوة تـدي الالـزام تنصى الوثيري وأنت تلقى مياهيـفالله لايرحـم كديـدك مـيـة عــام يارشيد ربعـك ينزلـون الاطاريـفويغلون للجالب خروفـه الـى سـام يتلون ابودوشـه قليـل التواصيـفمن روس قومن مثل عقبان الارجـام سور الضعن وأن حل مثل العواصيفله قـروة" يمـا تمنـاه مـن صـام وقال مبيريك التبيناوي محذر عقاب:- قـال الـذي ماقالـهـا مستعـيـرهنجوى براس مبولذ من شذب هيـف سبحـان رب كـل يـوم يـديـرهمظهر حلاوي ميرها من ورى الليف ياعقاب عقبـان المنيصـي كثيـرهأولهن اللي ضربـك مـع زليغيـف جاك العقاب اللـي جـواده نحيـرهبثره رجـال ضربـوك المياهيـف الشيخ أبـن سلطـان هـذا بشيـرهحمل الفرس وأن عجلت بالتحاريف الى أن قال :- بثره طيـور مـن حـرار الجزيـرهطيورن اليا راجت على الشيخ ماشيف اللـي كسايرهـن سـوات السعيـرهوالا سنـا نـار حدتهـا العواصيـف بيمانهـم تاتـي الجنـايـب كثـيـرهيما بكت مـن فعلهـم خـرد الهيـف وقوطرت عن شربك قليب الحفيـرهومنازلك بيـن العضانـات وهييـف والغوطة اليسرى عشيـرك مجيـرهويهوم هومات العقـاب المشاريـف وبعد معركة الحفيره رجع الشيخ سلطان والشيخ سميط الى الجزيره بالعراق وصار مناخ ظفره ثلاث شهور أكلت الابل أوبارها وقتل من الرجال أشجعهم ومن ضمن من قتل ولد الشيخ مبيريك التبيناوي وقال ويسند على الشيخ مفتاح الغيثي الملقب (( أبو ريوف))..!! يابو ريوف القلب صابـه هيامـيمتقرنس مقاني سواد من الشيـب على اللذي منـا تحيـزم وقامـيومن وقعته يم أيسر الربع ماجيب افرح الى جاني الكرى في مناميوأيس عدد ماتشرق الشمس وتغيب ماوادعن بأيـام فرقـى الولامـيوالصبر يالاجواد هو شارة الطيب وجميع شعراء الدغيرات وجهوا قصائدهم الى الشيخ سميط والشيخ سلطان يحثونهم للعوده ولكي يقودون شمر بظفره ولكنهم لم يعودوا فقال مبيريك التبيناوي :- يانجد ناحي ضدنا بالجهامـيزوع وخلانا بوجه الاجانيـب زوع وكيف بالجزيره ونامـيوتنام عين ماغدالـه مطاليـب وانحيت ياذباح عدوا سنامـيدونك من الديان مايتلف الذيب وان شح بينفعه علينا وشامـيريف المقا وأبالسنين المجاديب وقال دايس الهقاز موجه قصيدته الى أبوسميط وهو الشيخ سلطان الفهد المطلق الحميدي وكذلك يحثه على العوده لداره ودار أجداده:- يادار ابو سميط خلاتس ياحيففرز الوغى ذباح عجفا سنامي اقفى ولا خلى بنجد تحاسيـفوابوه وجده مخربين الطعامي فالشيخ سلطان وأبنه عندما عادوا الى أرض أجدادهم عاد معاهم التوازن لقبيلة شمر أمام العواجيه وتبين هذا الأمر بمعركة الحفيره وعندما ذهبوا زاد الميزان لصالح عنزه وخافت شمر من عواقب هذا الرجوع للشيخ سلطان وأبنه فأرادته أن يعود ولكنه لم يعد وترك شمر تناجز عنزه بكل جبروتها وكل أطماعها ولم تيأس شمر من عوده الشيخ سلطان الى حائل حتى بعد ظفره وهنا تأتي معركه مليحه كمثال لتوجيه القصائد للشيخ فهد كقول مبيريك التبيناوي:- كان خيال الشقـاح التـلاديقفى فحنا اللي نعيي على الدار مع غلمتن ماهولسوا بالقيـاديالا مايلفظن عـدلات الاقـدار وشمر الباديه كانت قويه قبل وبعد رحيل الجربا للعراق ولكن وجودهم في تلك الازمات كان بمثابة الامان للقبيله ولوا أن بعض من شمر الباديه لم يكونوا على ود مع الجربا مثل عدوان الطواله ومسلط التمياط ... الى أن جاء دور أل رشيد فأمنوا شمر على أنفسهم وعلى حلالهم من الاعتداء وأرتاحوا لأن أخوات نوره لم يسمحوا في يوم من الايام أن يؤخذ الشمري وكانوا يسيرون ذروات خلف من أخذ شاه أو ذلول لأحد شمر وهناك أمثله وسوف نطرحها بأذن الله تعالى...!!!! واذا تبي فيه كثير يالجعفري ................... منتديات الطنايا.................................. |
|||||||
![]() |
![]() |
#42 | |||||||
|
الاخ برزان .. |
|||||||
![]() |
![]() |
#43 | |||||||||||||
|
|
|||||||||||||
![]() |
![]() |
#44 | |||||||
|
[QUOTE=أبو خالد العنزي;587236]الاخ برزان .. |
|||||||
![]() |
![]() |
#45 | |||||||||
|
|
|||||||||
آخر تعديل بواسطة الجعفري ، 06-10-2014 الساعة 04:03 PM |
||||||||||
![]() |
![]() |
#46 | |||||||||
|
[quote=برزان;587974]
|
|||||||||
![]() |
![]() |
#47 | |||||||
|
تقووول(((هل تعلم ماهي العلوم الذي لفت على شمر بالعراق فقد اوضحها التبيناوي في قصيدته عندما شكى حاله وحال ربعه على فهيد الفواري في هذه القصيدة |
|||||||
![]() |
![]() |
#48 | |||||||||
|
|
|||||||||
![]() |
![]() |
#49 | |||||||
|
االمعذرة على لخبطت الموضوع اللي فووق |
|||||||
![]() |
![]() |
#50 | |||||||||
|
[QUOTE=بوعادل511;588575]
|
|||||||||
![]() |
![]() |
العلامات المرجعية |
أدوات الموضوع | |
انواع عرض الموضوع | تقييم هذا الموضوع |
|
|