لغز،بنتٍ باسها ياعرب باس(محلول )من جااابر صح لسانه وبيض الله وجهه

[{ أبوفيصل }]

صح بدنكـ يامهره
مالكـ لوا

[فوفو الطنايا]

صح لسانك اخوي خليجي

هل المقصود (الاطناب) حقات الخيمه او بيت الشعر,,,
كنه مؤنث وبنفس الوقت مذكر هههههههه تلخبطت..

[{ أبوفيصل }]

صح بدنكـ يافوفو الطنايا
مالكـ لوا باطناب الخيمه ولا بيت الشعر

نعم المطلوب اسم مؤنث ،، وترى السحوب مسمْرع الذيل والراس
اسم لمذكر له علاقه في هالبنت

[فوفو الطنايا]

اها
طيب رايك بالمطقه(المطرقه)
هههههههه الله يستر من كلمه مالك لوا ههههههه

[{ أبوفيصل }]

ماااالكـ لوا يابنت يافوفو

[جااابر]

وش تقول في سكة الحديد

[وجودك يكفي]

ياسلام عليك ياجااابر
رمعه خطيره والعلم الاكيد عند الكابتن خليجي

[{ أبوفيصل }]

برافوو

(( سكة الحديد ))



ايييييه ياجااابر صح لسساَنك ياحلاّل الصعيبات


ياويش بنتٍ باسهــــا ياعـــرب باس = تصبر علـى طــــول العنا والمـــــاَسي
( سكة الحديد باسها باسٍ قوي وقوة تحمّلها رغم طولها ومسافاتها )

تسلـك وتثبت للحمـــــولـــه وتنداس = الْيا تطـــاولهـــا طـــــويل المقــــاسي
( سهولة السير فوقها تجد لها ثبات رغم حمل القطار وطوله اذا تحرك فوقها وسار )

هاكَ السُّحوب مْسمْرع الذيل والراس = دايم على صهْــــوة ظهَــرها امتواسي
القطار تتباطأ حركته أثناء سيره وهو يسحب سلسله من العربات خلفه
ودائماً تجده على سكة الحديد لايحيد .

[{ أبوفيصل }]

شكراً لك ياوجودك لأتاحة الفرصة لمن كانو غير متواجدين أمثال جااابر
وشكراً جزيلاً لمن شارك ولم يحالفه الحظ

للجميع تحية محبه وتقدير

[وجودك يكفي]

صح لسانك ياجااابر وبيض الله وجهك ،، ماشاء الله تبارك الله

وصح لسانك ياخليجي وبيض الله وجهك على اللغز الرائع

ابدعتوا والله يعطيكم العافيه