بيت القصيد

[الصهد]

[align=center][tabletext="width:70%;background-image:url('http://www.otaiby.com/vb/backgrounds/13.gif');"][cell="filter:;"][align=center]
لأنيب لأمغرم ولانيب مشغوف
وماهوب يرضي مطمعي مارضوبه
اغلي بدون أحدود ولارخصت ماروف
لاضاع سوقي بالقلوب الكذوبه
تقدر تقول اني معقد ومكشوف
بعدين يابن آدم يامكثر عيوبه
ياليت لو كل ماطوف يطوف
كان العرب لعبتبنا لعب طوبه
حنا لاقلنا يستوي القول لولوف
وخطواتنا عند الرجال محسوبه
فضلآ من المولى ومنه ومعروف
مسير اعباده وموسع ادروبه
الحمد له والشكر والفضل والنوف
مجمل هقوات منهم هقوبه
ماحن اخير الناس لكن من اوصوف
منه الحرم من لعبهم والعبوبه
أوصوف ماهي تغير من أصدوف
ولايغيرها من الوقت شوبه
انحب مع أنه أخشن من الصوف
تردنا عم الأوادم لهوبه
تعطيك طبعآ بين الاجواد مالوف
طبع الردي للبخت ماشقوبه
طبعآ يحنك من شقا كل ملقوف
المدعي بلي لامعه ولهوبه
أوصوف عكس أوصوف من يطمر الروؤف
لباس ثوبآ مابلشه كود ثوبه
الحايف الي كل ماشفته يحوف
أطلبله ان الله يخفف اذنوبه
أضعيف أرجال العرب فيهم أضعوف
عقايبآ لوقت المروه عقوبه
لو انه من درس الزمن جود أحروف
لاشمل درى عكس أتجاهه جنوبه
ولو ان وقته علمه كان عاروف
ان الخطأ مايستره كود ثوبه
ولو انه يفهم كان ماهوب مكلوف
ولأغدى مثل من غدى من غدوبه
الرجل مايقعد وخلق الله أوقوف
ومن خالف العالم لقوا مالقوبه
ترى التعب في طيب الذات مخلوف
ولا ردي الذات ماهوب صوبه
من ضاع ماني ملحق الضايع أحسوف
وابشرك عاد الديار أمعروبه
عاد الرجال تشوف وعيني تشوف
ولأ كل دربآ لو يزين مشوبه
تشوف وتلد النظر داخل الجوف
وتميز أخلاق الردي من اسلوبه
[/align][/cell][/tabletext][/align]

[الصهد]

[align=center][tabletext="width:70%;background-image:url('http://www.otaiby.com/vb/backgrounds/11.gif');"][cell="filter:;"][align=center]
للمجالس فايده مايضاهيها
,,
فايده لصغير السن والكامل

والمجالس تختلف مثل اهاليهـا
,,
والتشابه مثل تشبيه الانامل

منها اللي يطلق الوجه طاريهـا
,,
ذربة تكرم من التبع والخامل

ومنها اللي عند هقوات ناصيها
,,
وعند اهلها يدرك اللي بهم يامل

والعلوم اللي مااعرف اسم راويها
,,
كل ماوردت غفل صدرت هامل

والقفيا تنلقى عند حاكيهـا
,,
والنمامه ماتوصل بلا حامل

والله انها بينات مواريها
,,
الكذوب يهاب والصادق الصامل

عالم فيها ولااعرف وش فيها
,,
عجز تفكيري مع كل من عامل

ماذخرت ذخيرة لجل مرضيها
,,
طال صبري كل يوم وانا اجامل

اما آآآنت خاف الارواح باريها
,,
في الاناثي واليتامى والارامل

كلمة تارث جهنم براعيها
,,
وكلمة تمسح خطاياه بالكامل
[/align][/cell][/tabletext][/align]

[الصهد]

[align=center][tabletext="width:70%;background-image:url('http://www.otaiby.com/vb/backgrounds/8.gif');"][cell="filter:;"][align=center]

من بادي الوقت وهذا طبع الايـــامـي
عذبات الايام مـا تــــمـدي لــياليهــــــا

حلو الليالي تــــوارى مثل الاحلامــــي
مخطور عني عجاج الوقت يخفيهـــــــا

أسري مع الهاجس اللي ما بعد نامي
و أصوّر الماضي لنفسي و أسليـــهـا

أخالف العمر أراجع سالف أعوامي
و أنوخ ركاب فكري عند داعيهــــــا

تدفا على جال ضوّه بارد عظامــــــي
و الماء يسوق بـمعاليقي و يرويــها

إلى صفالك زمانك علّ يـا ظامـــــي
اشرب قبل لا يحوس الطين صافيها

الوقت لو زان لك يا صاح ما دامي
يا سرع ما تعترض دربك بلاويهـــا

حتى وليفك و لو هيّم بــــك هيامـي
سيّور الأيّام تجنـح بـه عواديهـــــا

[/align][/cell][/tabletext][/align]

[الصهد]

[youtube]http://www.youtube.com/watch?v=EZuaT5vTfew&feature=player_embedded[/youtube]

[الصهد]

أن زان لـك وقتـك تخـيـر بالأصـحـاب
وان شـــان وقـتــك كـلـهـم مايـبـونـك
أن جيتـهـم قـامــو يـحــدّون الأنـيــاب
وان رحــت عنـهـم بالقـفـا يشذبـونـك
لا..دبّـــرت دنـيــاك والـحــظّ مـاطــاب
الـنـاس لا..مــن طـحـت مايرحمـونـك
أهل السيوف اللـي يقصّـون الأرقـاب
أمّــــا كـفـاهــم واقــعــك يـظـلـمـونـك
لا..تـامـن العـقـرب ولاتـامـن الـــداب
الـسـمّ واحــد لا..رقـــا فـــي مـتـونـك
يـاجـاهـل الـدنـيـا ودورات الأســبــاب
أعرف ترى من خـان غيـرك يخونـك
لو كان لك ربـعن مواليـن واحبـاب
لابــدّهــم عــقــب الــغــلا يـنـكـرونــك
وقـتن يشيّـب بالمخاليـق مـاشـاب
أســأل رجــالن جـرّبــو يخـبـرونـك
واحــذر تـخـاوي كــل هـافـي وكــذّاب
أهــل الـــردى بطبـوعـهـم يطبـعـونـك
أرفـع مقامـك عـن ردييـن الأ نـسـاب
لـو شفتهـم فــي حضـرتـك يمدحـونـك
فارق ثراهم وارق فـي راس مرقـاب
أبعـد عـن الـلـي لونـهـم غـيـر لـونـك
خــلاّن مــال ومالـهـم ربــع واقــراب
لاقــــلّ مــالــك عــدّهــم يـكـرهـونــك
أعتاض فيهـم مـن طويليـن الأشنـاب
الـلـي الـــى مـــال الـدهــر ينفـعـونـك
لاصـكــتــك دنــيـــاك وافـــتـــرّ دولاب
بــانــت مـواقـفـهـم ولايـرخـصـونــك
هــذا رفيـقـك مــن قريبـيـن واجـنــاب
ذخـرك وهـم فــي واجـبـك يذخـرونـك
عنـدك قريبيـن ولـو قلـت غـيّـاب
علـى صـدى صـوت النـدى ياصلونـك
ياللـي سمـعـت العـلـم لاتفـتـح الـبـاب
لاتنحشـر فـي شــي مـاهـوب شـونـك
ربعك ألى من شفتهم صـارو احـزاب
وتـشـاورو بـالــراي والـعـلـم دونـــك
لاتـبـدي بـرايـك عليـهـم ولــو صـــاب
لو صحت باعلى الصوت مايسمعونك
ومـن لاحسبّلـك لاتسـوي لـه حـسـاب
لو كان يسوى وحدتن مـن عيونـك

[الصهد]

الله مــن واهجـــن بالصـــدر رافـــقلـــــه
................. خطرٍ عليـــه يتوقـــف كل معلوقــي
وبعض البشر شكك له ابليس فى عقله
................. وهوه بشر من عيال آدم ومخلوقـي
حتى أيـــش لو هـــو عليه نجوم بالبدله
................. مكمل عدد ناقةٍ تسرح مع النوقـــي
خبـــلٍ تـــدلك عليـــه علومـــه الخبلـــه
................. لانيـــةٍ سمحـــه ولاحسن منطوقـي
بينــــه وبين الصواب البعـــــد والعزلــــه
.................. وعن يمة العرف والمعروف مصفوقي
يخطـــــي من الطيبــــه ويِغِيِــــرْ للهزله
................. للهينـــه لنصـــرم مهوب مسبوقـــي
مايــــدري ان الجمايــــل يدفعن آجلـــه
....... اليا متى الخبل من غفواته يفوقــــي
أم ولـــده ودك تبيعــــه مع العِّجلـــــــه
...... بأبخــس ثمن لو بقى تاليه مفهوقــي

[الصهد]

فداك الكرى ياهاجسي والهجوس ارقـود
مجاضيع في صدرٍٍ عنا الوقـت ماضـده

عليك وعلى دعواه زهر النجوم اشهـود
اليامن غـارات الدجـى جـات منهـدَه


تجوب الضمير وتستبيحه بدون احـدود
الين ان مفتـول العزايـم وصـل حـده

وجاء للمعاني في خشوم المزون ارعـود
وقامت تواشى في سمـا الفكـر محتـده

وهلت على بيد الضما وازهـر المـردود
وانا اللي تجاهلت الطواريـق مـن مـده

بعد ما امتهنها الفج والمجحف النمـرود
ورجم الغنـا كـلٍ تهقـواه مـن جـده


علام الضعوف استرسلوا فالردى ياسعود
وأنـا اقصـر وزلات الجهاهيـل ممتـده


طمع راعي الخمعات في حلمي المعهـود
ولولا الترفـع كـان قـد جـاه ماسـده

ترفعت حشمة لاتخاذل وضعـف ازنـود
ماابيها يابوفيصـل تجـي داخـل البـده


عذرت السفيه الغر واضحى السفيه العود
بغيتـه يـرد الخايعـة وانفـرث سـده


وانا اللي بذلت الجود والمنصفين اشهود
لكـن الهزيـل النـذل وش تنتظـر رده


وانا اقول للسيد واثني علـى المسيـود
أهـل هـدةٍ ياويـهـا فالقـفـا هــده


سراب النيا والبعد ياهل القلـوب السـود
جزاكم وعـن شوفتكـم الصـده الصـده

وساع الفجوج وخوة الجرهـد الممـدود
مـلاذ الكريـم الحـر عـن هاتـه ووده

عن مصادم الجهال فالمحفـل المشهـود
بحجـة حكيـمٍ حجتـه تنقلـب ضــده

وانا وش مصبرني على مجلس المنقـود
وعلى لجـة الجهـال حـد الخبـل رده


وش ارجي من الناقص وهو يدعي بالزود
لو النقص منه ومن حفيده علـى جـده


خبيث الدغايل راعـي الكبـوة الممـرود
رفيق الرخا اللي جوده الشمـت فالشـدة



لحى الله زمان المال خلى القـرود فهـود
وصار الهلامه مايشـوف العـرب قـده



تجرى على سهج المجالس بـدون قيـود
ولا يرتدع مهمـا تلوحـه علـى خـده


تبجح بعد علَى رصيـده معـاش الخـود
واشاد القصور وماقف اهل الوفـا هـده


ولويمدحه حامد ولـو يمدحـه محمـود
يمد البخيـل المـد ماهـوب مـن مـدَه


وانا اللي بعرف اهل الوفا والندى مسنود
ونفسي بهم عن جملـة النـاس مستـده


وانا ماامدح الهافين وابحث عن المردود
والبس وشاح القيـل مـن لايجـي قـده


أماري براع الجود لوهـو بعيـد اجـدود
خطاة ابلجٍ بابـه عـن الضيـف مـارده


بنى سمعته بالعلـم والحلـم والمجهـود
تفانى وعلَى صرح الامجـاد مـن كـده

تسابق معاريفه لمـن يطلبـون الجـود
كريم لـو انـه يبـذل الجـزل ماعـده

وابن عمي الواقف اليا صار مامن فـود
لياصـار مـال يديـه فالطايلـة شـده


تجاهلت عرفـه لوحدتنـي ليـال الكـود
ولويعترض شبـح النظـر فيـه مالـده

[الصهد]

يا رب عفوك عن خط النسيان وكبار الذنوب

رحمتك لا حل الأجل والموت نكبة غافلين

نعوذ بك يالله من النكسة ومن ضيق الدروب

ومن القهر والخوف والرجفة ومن شر السنين

حنا علينا ندعي لوجهك ونطلبك الوجوب

في ساعةٍ فيها ثلاث ارباع خلقك نايمين

يا رب وأسمك يفتح البيبان ويزيل الكروب

أدعيك ودموعي تصب وتنهمر فوق اليدين

يا رب تجعلني من أهل الصبر صافين القلوب

أهل العلوم الوافيات المؤمنين الطاهرين

أمنت بك يالله وانا مليان الى راسي عيوب

وأنا اشهد أنه لا اله الا انت خير الراحمين

بالأمس مالي فالوجع طاري ولكنّ الهبوب

هبت على صدري وهزت فيه ضلع ما يلين

ما عاد هي لحية (بكا ساعة) وفتح زرار ثوب

لا والله الا حاجة لو جيت أبخفيها تبين

المشكل اني كل ما قابلت كذاب ولعوب

قلت الحياة وطبعها يا رب زينها تزين

أستغفر الله كنّ في صدري من الضيقة حروب

ثارت ودارت وانتهت بالموت بين الجانبين

الارض ضاقت وأصبحت مترين والعزم مغلوب

والموت قرّب واصبح وجوده لعيني فرض عين

ممكن يذوب الثلج !! لكن كيف كفيني تذوب؟

من كثر ما أفرك بعضها في بعض ذابت راحتين

ساعة تمر وتمضي الايام والوقت محسوب

والهم ينحت في ضلوع الصدر والحصن المتين

يارب تعطيني من الساعات ما يكفي وأتوب

ويا رب تجعلني على ما فات مرضي والدين

الحمد لك والشكر والمنة على كشف الغيوب

سبحانك الله لا كريم الا انت رب العالمين

أمسيت أصارع قسوة العبرة وأقاتلها وانوب

عن قوم قلبي كل ما شدوا وقالوا : راحلين

يالله طلبتك صحوة الغافل وتخفيف الذنوب

واعوذ بك يالله من النكسة ومن شر السنين

[الصهد]

في جارتي والله محب التلفات
لو انها صارت مليكه جمالي
ان صادفتني متبعها بنظرات
والعن ابليس لا بداله مجالي
اتبع سلوم للقبايل عزيزات
ومن لا حمى جاره عساه التوالي
الجار له عندي حقوق كثيرات
وله منزل ً دايم رفيع وعالي
قلت الحقيقة مابقولي خطيات
قلته بعد شاهدت بعض الخمالي
قلته لجل اهل النفوس الضعيفات
اللي يراود جارته مايبالي
هذاك جعله في زمانه بلوعات
وعسى البلد من جنسه اليوم خالي
واللي مشى بين العرب بالنميمات
جعله لعطران الشوارب نعالي
منول للبدو شيمه وعادات
واليوم نسيوها رجال هزالي
واللي نسى العدات مابه مروات
عسى حياته في زمانه نكالي
ولا عساه يعد ضمن الوفيات
ولا بوسط اشهار فيها يلا لي
في وقتنا اللي راح تشرى النصيحات
واليوم ماتقبل بلا راس مالي
في وقتنا الحاظر امور عجيبات
ومشاكل زادت بليا انحلالي
شفت النقايص في عيال الحمولات
واشوف قلو مكرمين السبالي
يهل الوفاء ياكاسبين الجميلات
اللي بعيد الدار واللي موالي
عندي سؤال دون نقص وزيادات
وابي جواب واضح للسؤالي
سؤال حيرني ولافيه حيلات
يوم الجبال اليوم صارت سهالي
وش غير العربان وش هالمصيبات
مصايب العربان صارت ثقالي
اشوف بعض الناس وسط المتاهان
اكله حرام ولا يريد الحلالي
ولا اقول كل الناس لكن كثيرات
والخير بالباقين لو هم قلالي
والمعذره لا تلحقوني ملمات
كل ً بفعله يالنشاما ينالي
لي قصد واحد يوم رديت الابيات
تنبيه للناسين والطيب غالي

[الصهد]

ياذيب ياعاوي بروس المراقيب
قلبي على شوفتك ياذيب ذايب

لاجت مناديبك علي واجب أجيب
الف هلا بإعداد ذاري الهبايب

يفداك رجل فيه كثر العذاريب
يادرع جنبي في الرخى والكرايب

***
حلفت ما اخون الرجال الوفيين
لوصرت مأملك في حياتي سواهم

لاحدني وقتي على المر والشين
لقيتهم ظلع يذري ذراهم

أرقي سنود ولا أحسب للمعادين
وإليا ضميت أشرب من إعدود ماهم

نسل الرجال اللي تضد السلاطين
وقت الجهل والجور يعرف إحماهم

لاجيتهم وهموم فكري ملايين
صدرت منهم والسعد في حراهم

وأبوي علمني وقال إفتهم زين
بنك<الرجال>ولا بنوك الدراهم