C)(c للشعــــــــــر# وقفــــــــــات C)(c

[بنت* عتيبة]

[poem=font="Simplified Arabic,5,sandybrown,bold,normal" bkcolor="green" bkimage="" border="double,4,burlywood" type=0 line=0 align=center use=ex num="0,black"]
عزيت فيك القلب ياميت حي=
وانا معك ميت على موت حبك
صحيح هالدنيا بدونك ولا شي=
الحين ابقتل قلب يسعى لقربك
الشمس اضحت خذ مباتي مع الفي=
شئ سرحبي يالغضي ماسرحبك
حبك غدى وسمه بقلبي كمى الكي=
الجرح جرحي وانت يحفظك ربك[/poem]

[بنت* عتيبة]

[poem=font="Simplified Arabic,5,skyblue,bold,normal" bkcolor="transparent" bkimage="backgrounds/21.gif" border="inset,4,white" type=0 line=1 align=left use=ex num="0,black"]
راسك علامك رافعه يـوم أحاكيـك


الظاهر إني فوق حجمـك عطيتـك


لحظه نبي نرجـع دقيقـه لماضيـك


بــذكـرك فـي أي حـالـــه لقيـــتـك


كان الضيـاع ودمعتــــيـن تخاويـك


منهار وفي عـز انهيـارك خذيتـــك


وأرخصت عمري لجل أحبك وأداريك


هــــدمت قصـر الـذل فيـك وبنيتـك


كان الغـــــلا شمعـه تنـور لياليـك


لوأظلمت دنيـاك جيـت وحتويتـك


ياللأسف كنت أمدحـك وأفتخرفيـك


رفعت من شانـك وعليـت صيتـك


كنت أنت عندي غير ماأقدرأخليـك


أموت وأحيا ان قلت سـم وفديتـك


واليوم أشوفك خنت حتـى مباديـك


صغرت في عيني وأنا اللي هويتـك


الضيـف لـو انـه عـدو مـــــعاديـك


غصب عليك تقـدره وسـط بيتـك


ياصاحبي بتمـوت مانـي براجيـك


واشره علي ان كان حتـى طريتـك


لاصار ذل النفس في قلـب يغليـك


اضحك حبيبـي دام وقتـك مسليـك


باكر تموت مـن القهـر لانســــــــيتك [/poem]

[بنت* عتيبة]

[poem=font="Simplified Arabic,4,white,bold,normal" bkcolor="limegreen" bkimage="backgrounds/32.gif" border="groove,4,deeppink" type=3 line=0 align=center use=ex num="0,black"]
لاتذكرني وماراح ماضـي لـن يعـود
لعبتك ماهي علينا رحّ العـب غيرهـا
هو صحيح أني من أول تعديت الحـدود
في غرامك كنت نجم العيـون وطيرهـا
كنت احبك حب مجنون في عمر الورود
كان صوتك سلوة النفـس وأساريرهـا
كان يبهرني خيالك ويحلى لي الوجـود
كنت واحاتي وبدري وكنـت غديرهـا
كنت نبضي كنت سمعي حسبتك لي ودود
كم صنعت أوهام وامعنت في تبريرهـا
كنت أشوفك نمر والباقي أبصرهم قرود
فيك ما طاوعـت نفسـي ولا تحذيرهـا
كان عندي شك قلت السبب عين الحسود
واثر نفسي صادقه حيل فـي تقديرهـا
لو حلفت ايمان ياقلب حكمه بي عضـود
ما عد اصدق حروفٍ شحب تصويرهـا
مستحيل أرجع لحبك ولو جبت الوفـود
أنت خنـت العهـد ياحالـم بتمريرهـا
رحت للعذال تسعى وغرتـك الوعـود
شف سنين العمر في وجنتـك تأثيرهـا
ماسألت عليّ يـوم إنّـي آزور اللحـود
بين زفراتـي ودنيـا طغـى تكديرهـا
عشت فتره في معانـاه والأيـام سـود
في خيالي صورتـك واضـحٌ تعبيرهـا
من لظى الآلام واشواق تقصف بالرعود
جمر نارالهجر وبـروق وأعاصيرهـا
عقبها ربي رحمني وما بحـت السـدود
سِّرمخفي داخل الـروح مـن تشفيرهـا
أرجع أدراجك كفى منك ياظالم جحـود
يالذي غرتـك دنيـاك مـن تقصيرهـا
وين ذاك الفجر والليل ساكـن بالجعـود
والعيون الفاتنـه يـوم كنـت أسيرهـا
مابقى الا صورة الدمع من فوق الخـدود
جرب اللوعات واتْصلّ بيـن شخيرهـا
أنت متجنى من اول وما صنت العهـود
يوم قلبي كان حـول الديـار وبيرهـا
من زمانٍ فات عفتك وكسـرت القيـود
أندمل جرحي ونفسي تناسـت ضيرهـا
عش لوحدك بين همك وحزنك والشرود
المشاعر للفـراق أصـدرت تقريرهـا
[/poem]

[بنت* عتيبة]

[frame="3 60"][frame="3 50"]ياصاحبي صحبتك ذكـرى قديمـه
غير معالمهـا الزمـن والليالـي
ماعاد لك في القلب قـدر ٍ وقيمـه
حتى صورك أبعدتها مـن خيالـي
صدقت في أهل الحسـد والنميمـه
وأرخصتني من بعد ماكنت غالـي
كنت افتكـر نيتـك نيـه سليمـه
ماكنت اظن انك بترضـى بدالـي
غيرت مفهوم الصداقـه العظيمـه
من بعد كانـت مضـربٍ للمثالـي
عرفتني معنـى الطعـون الأليمـه
من السيوف المرهفات الصقالـي
من سبتك صارت جروحي سقيمـه
والدمع من عيني على الخد سالـي
انت السبب في ذي النهايه الوخيمه
وانا ابتعدت وشيمتي راس مالـي
[/frame][/frame]

[بنت* عتيبة]

[frame="4 50"]ما جيت لك خــــــــاضعة ولا جيت أرجي الردود

ولا جيت أشـــــــــــواق ولهانه خطــــــــــاويها

ومــــــا جيت أحمـــــــــل جروح مغلفة بورود

جيتك أنــا أصفي حسابات قديمه وأنت ناسيها

أنا الــــــــــمها عزتي بالحــــب مالها حـــدود

واليوم تــــــرى جروحي بتلتـئم ما يحتاج تداويها

غلـــــــــطان يا مجـــــــــــازي قلبي صـــد وجحود

أعطـيك المـــشاعر قصـايد وأنت تـــــــر ميهــــــا

كتبت حـــــــــبك عـــــــــــمر من دون فـــــــــود

رهــــــــــنت أيامي بحــــــــبك حبيبي لو تناديها

قتلـــــــــت روحي يالغلا بالجفـــا هجران ولــهود

آآآه تركتني أشــــــواق مجهــولــه مؤانــيـــهـا

وهذا أمسي يوم أنك كـــل روحــــي والــوجـود

يوم أنك دنيــتـــي وكـــــــــــــل مــــافـــيـــهــا

يوم قلبي يرتــجيك يالله عــسى تــجــــود

بلحظـــــة أعيــــــــش معــك باقــــي العمر فيها

أنا اليــــوم تـــغيرت ولا يــــمكـــن أعــــــــــــود

دفنــــــــــــــت ذكــريات الامس وأنت فـــيهــا

ولــو تـجينــي خـــاضع (ن ) تعطــينـي وعــــود

تبكــــــــــيني نـــدم وأشـــواق مبتـــــــــلي فيها

بضــحك لقلـبي وأمشــــي كـــلـــي بــــرود

هـــــــــذي حساباتي وصفــــيت معــــك ماضيها[/frame]

[بنت* عتيبة]

[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يا ليل خبرني عـن امـر المعانـاة
هي من صميم الـذّات و إلا اجنبيـه

هي هاجس(ن) يسهر عيويني ولا بات
او خفقة(ن) تجمـح بقلبـي عصيّـه

او صرخة(ن) تمردت فوق الاصوات
او ونــة(ن) بالضمـايـر خفـيّـه

او عبـرة(ن) تعلقـت بالنـظـرات
و الدمـوع اللـي تسابـق همـيَّـه

اعاني الساعـه و اعانـي مسافـات
و اعانـي ريـاح الزمـان العتيَّـه

و اصور معاناتي حروف و ابيـات
يلقابهـا راعـي الـولـع جاذبـيـه

ولا ني بندمان(ن) على كل ما فـات
اخذت من حلـو الزمـان و رديَّـه

هذي حياتي عشتها كيف مـا جـات
آخـذ مـن ايامـي و أرد العطيّـه [/poem]

[ota]

[frame="10 80"]..أبا اطرد هموم تلاطم كمـا السّيـل
كـل مـا بغـى يدلـه فـوادي تتلّـه

..عجزت متوني وارتدم فوقي الشّيـل
والرّجل جاها من حصا الـدرب خلّـه

..تمشي جروح الوقت في خافقي غيل
وتلمع سيوف الضّيم في الوجه سلّـه

..إن قمت.. طقّ الغار راسي من الميل
وإن جيت أبا اقعد... فوق جمرٍ وملّـه[/frame]

[حسام هوازن]

[frame="1 80"]طب الهدب من فوق خدك حمايم
وافرغت برجي من حمايم شعوري

ياللي تلــفت كـنك بجــد هايـــــم
مدري وصلك العلم أو موضروري

شفنى غريب وكل ماشاف حايم
قال السلامه... ياسلالم ظهوري

قلبي هجير وعذب صوتك نسايم
يومه تغطرس قام والغى حضوري

ياسيدي لاشوف منك ظلايم
وانته حبيب الورد...ياورد جوري

البحر من لولك غدى فيك عايم
لا واهنيــــــه ياســـــــواحل طيوري

غيــبتني فمبــيسم مايــــــــلايم
عــــــــنابه الشارد ورى ليل حوري

(ومن طول الغيبات جاب الغنايم)
وانت الغــــنايم يافرايد بحوري

سريت من ليلة وضوح النعايم
وانهيت فى ديرة عيونك مروري

جعلك تدوم وجعل ذاالوصل دايم
لين اتشرب من وصايفك نوري

وقفتها مابين .. شايم ..وشايم
لاالقلب عيا.. لا .. ولاطاع شوري[/frame]

[ota]

[frame="7 80"]يابنت جار الوقت والوقـت غـدّار
وحكم الزمن يابنـت مافيـه حيلـه
جاني القدر يابنت من فوق الاقـدار
وخلاّ حيـاةٍ لـي عزيـزه ذليلـه
عقب القصور اللي حصينه بالاسوار
والبن فيهـا خالـط انفـاس هيلـه
عقب الدلال اللي على شبّـة النـار
مركـوزةٍ والنجـر صوتـه دليلـه
عقب الأهل والخلّ والضيف والجار
صرت الخلاوي فالحيـاة البخيلـه
عقب الولد والنـاس زايـر وزوّار
شوفي الحزن والهم عينـي تشيلـه
واليوم يابنت العنا صار لـي كـار
أصبحت غايه والعنا لـي وسيلـه
يابنت ماتدرين وش صار ما صـار
لاشك انا ابخص بالهمـوم الثقيلـه
همٍّ على قلبي مـن الفيـن قنطـار
وارجي عسى الله من فؤادي يزيلـه
يابنت جودي مع هل الجود الاخيار
اللي مشوا درب الوفـا والفضيلـه
وشومي عن اللي عادته صكّة الدار
اللي مشى درب الـرّدى والرذيلـه[/frame]

[حسام هوازن]

[frame="1 80"]أيه اكنك فى فؤادى وازفـرك مثـل العبيـر
أيـه اضيفـك المحانـى آه يابخـت الرئـه

صرت ياخيط الدخان ..الوهم ..فعروقي مصير
لو فئـه ماتـت قبلـك بتدفـن عقبـك فئـه

وصرت افضل فى غيابك لعبة الحبل القصيـر
أن رفض مجمل حضوري جاك شعري تجزئه

لاانسجم فيك التمنى وانكسـب اعجـاب غيـر
عادتك تجحـد شعـورك والحظيـظ اتفاجـأه

كنت اكتّب فى زوايا الوقت عن طيب العشيـر
واستوى الشاعر ..مجله..أي مجله ! .. منشأه

من يرتب نبل شاعر كاد أن يصبـح ( .... )
لجل عينـه نبـض قلبـي والمكـان آهيئـه

اختلط كمـي وكيفـي والقلـم ماهـو بصيـر
مرحبا ألف وقليلـه أضـرب الألـف بمئـه

ياجزاك الله خير وياجـزى الصدفـات خيـر
كلما وقتـى تكـدس خـوف جيـت تجرئـه

أيه اكنك ياابيـض الدخـان والكذبـه تصيـر
بلسـم يلثـم جروحـي فـى زمـان الأوبئـه[/frame]