سجل حضورك اليومي ببيت شعر او حكمه

[خيّال الهيلا]

خللك بسيط الكبر ما هو بعاده
لا تسرقك دنياك عن خلقتك سرق


خلك صبور وخل عندك اراده ..
ولا صرت راعي ضو اصبر ع الحرق

لولا الصبر و المعرفة و الركاده
ما تجرح العشاق ترنيمة الورق

و اذا بتسيد فالمراجل سياده ..
خل المراجل باب و سيادتك طرق

[ترانيم المطر]

و دامه لقاله غير قلبي معازيب ..
‏الله يسمح درب هاك السنافي ..


يروح ... لايرجي رسول و مكاتيب ..
‏هو خابر إني ... ما أتلفت خلافي ..


و إللي تعلى فوق روس المراقيب ..
‏أكيد ما تسفي عليه السوافي ..


رح بشر اللي "شال شلفا" تريحيب ..
‏قله ... تراها كلبوها عوافي ..


اليوم نفسي طابت و باكر يطيب ..
جرحي لو أنه من يدين المشافي ..!!


.

[ملكة الأحساس]

درب الشقا يازين طالت مماشيه
... والوقت ضاع وراح عمري شقاوي
العام أداوي نزيف الجرح وأكويه
... واليوم عاد الجرح ماله مداوي

[..{غ ـير البشـ}ـر..]

ياوجودي كل ماهب نسناس الشمال
وجد من حدّه زمانه على اللي ما يبيه
وياوجودي كل مااغفيت ثم مال الظلال
لاغفت عيني ولاذقت شيٍ مشتهيه
وجد من قفّى وهو في رجا كلمة تعال
والتفت من عقب مااقفى ولحدن لدّ فيه
وياعذابي لادنا الليل من روس الجبال
وانتهى يومٍ من العمر ماعاد ارتجيه
وانتي ابعد من سما الحلم ووصالك محال
يابعد من هلّ دمعي ضحى الفرقا عليه
ياغناتي لاتحسبين دمعي يوم سال
ضعف والاّ خوف والاّ كذا والاّ كذيه
والله اني من رجالٍ يضدون الرجال
لكن الحظ الردي ساق دمعي كلبيه
ووالله اني كل مادار حوليك الجدال
قمت كن الموت يشر على قبري يإيديه
ووالله ان قد لي وانا اصد لاجالك مجال
صدّت اللي لاتضايق تذّكر قبر اخيه
ومن سألني قلت مدري واذا عاد السؤال
قلتله تكفى سؤالك ترى ماهو وجيه
وش تبيني اقول عماََ ترى ذبحي حلال
والخطا منها علي صرت احبه واهويه
عذرها لو ماتعذر مثل واضرب مثال
واحدن مايعرف الحر الأشقر يشتويه
وان رجعنا للتواصيف لله الكمال
لا انتهى ليل المزايين جاتك تبتديه
كنها غفلٍ مع البدو طاويها الحيال
ما يميز وصفها الاّ نبيهٍ من نبيه
واهني اللي وصلها وذاق امن الزلال
رشفةٍ مع غفلة الناس من فيها لفيه
واعزتي للي سواتي عشق ما لا يطال
ويوم طاله ضيع الحلم بين أمه و ابيه
يااول احلام الطفوله على حد الخيال
الرجا بللي حمى البيت من حملة بريه
حال دونك سيف عنتر وتاسع حول حال
باثر حولٍ حال دونك وانا ادعي هيه هيه
هيه يللي غرك الحسن واطغاك الجمال
والله ان اموت ماشفت لاوصافك شبيه
لو يسام الحسن والتيه بجنيه وريال
مابقى في سوق غيرك لا ريال ولاجنيه
كيف اهدك للمقابيل وانتي راس مال
راس مال ومال والماال مايعطى السفيه
حافظك حفظي لعيني ورمشي لك جلال
وانتي تشحّين بالما وانا شفّي مويه
شايفن ظلمك وساكت وطال الليل طال
لاتركتي طعن قلبي وانا ماقلت ليه ؟
لو بقا للهيل صبرن على فوح الدلال
مابقى للقلب صبرن على شيٍ يجيه
كنت احسب ان الغلا زال واثره لايزال
في الحشا ماكنه الا دخيلٍ في وجيه
ساقني حبك على الموت وسنيني هزال
والظروف اقسى من الظلم للعرض النزيه
وانتي تسوقين عقلي على حد الهبال
تحسبين ان من بغى شي يقدر يشتريه
والاّ انا ياوجد حالي وجودن مايقال
وجد من ضحى بغاليه لرضا والديه
وياوجودي يااول العمر قبل ألبس عقال
وجد من باع آآخر العمر في رغبة ذويه
وياوجودي كل ماهب صوتش من شمال
وجد من حدّه زمانه على اللي مايبيه

[..{غ ـير البشـ}ـر..]

تلاعب بالغلا باسلوب باهــر *** غرورك يجذبك لعيون غيــــري
تنام الليل والمجروح ساهر *** يناجي الليل بالدمع الغزيري
ثلاث إسنين وأعمتك المظاهر *** نسيت الود واخلفت المسيــري
عشقتك للأسف بإحساس طاهــر *** أحسب إنك بهالدنيا عشيـــري
جزى الإخلاص بالهجران شاهـر *** سيوف الغدر يالترف الصغيـري
اشيل الجرح وأضحك واتظاهر *** سعيد الحال والخافي خطيــري

[..{غ ـير البشـ}ـر..]

تآمر علي اوامر الظابط الفسقان

على عسكريٍ حدته لقمة اخوانه

[خيّال الهيلا]

والليالي تدور وحالات الأنسان مختلفه ..
نضيع واحنا على وجودنا باقيّ الوجود !

[شيخ الشيوخـ]

حاجة خويي مثل فرضٍ اصليه
....................... أعامله مثل المريض وطبيبه
إذا طلبني حاجتة لازم اعطيه
......................هذي عوايدنا ,. قبيلة عتيبه

[خيّال الهيلا]

والـمـطر لا لـوّن الشـــارع .. وقـلنـا لـلـسحـاب
بللّ أيدينا .. تــرى العشّـــاق أيـــاديـهـم زهـــور ..

[مُهــرة عتيبــة]

أنا ربتني الدنيا على جزل العطا والجود
ونفسي للوفا والطيب وفعل الخير جزامه

وأعارض منهج الهابط وأوافق للصعود صعود
وأسيّر نفسي بعقلي مدام النفس هدامه

ولا تثّر بي البسمة ولا كحل العيون السود
ولا يقوى على قلبي صغير الحسد وأجسامه

أردّ الجود بأمثاله وأقابل بالجحود جحود
وترى لا خير في رجلٍ يوطّي للردى هامه