أ.عترف : للذكريات إحساس..!!

[اخر رجل]

قلبي تغير وأنتهـت كـل الآمـال
مانيب ذاك اللي علـى بالـك أول
تعبت أقول وكل مـا كـان ينقـال
هرجٍ على غير المقاصـد يـؤول
ياللي بعز الوصل تبعـد وتختـال
صبري على طبعك مع الوقت طوّل
ماحدنى ربي على طبعـك أحتـال
والواجب أني عـارف ذا بـالأول
حقك على أذكرك في كل الأحـوال
بالخير وغيره هرج عنـي يقـوّل
لقيت أنا في غيبتك ألـف حـلال
مثلك لقيت وعنـك قلبـي تحـوّل
يامستمر بوهمك اللي علـى البـال
بكرى من أجروح الليالـي تهـوّل

[اخر رجل]

بدل قناعاتك وحـاول عـن الشـك
تبعد ولو لحظـة تعـرف الحقيقـة
صعبٍ على ولو حلفت أقدر أقنعـك
أنك تظـن أشيـاء ماهـي دقيقـة
أحلف لك أنك مخطيٍ في تصورك
وأن العهود أللـى عطيتـك وثيقـة
وتخطى وأنا ماودى أجرح مشاعرك
أسكت00إلى حسيت بالصدر ضيقة
متأكد أن الغلطة أللى تجـي منـك
مردهـا غيـرة مشاعـر رقيقـة
لو كنت أحس أنك تبي عذر يبعـدك
والله فلا أتحمـل وجـودك دقيقـة
المشكل أنى عارفٍ ويـش يدفعـك
على الكلام ومشعـلٍ بـك حريقـة
ياصاحبي قلى وش الحل؟ وأسعدك
أللـي يحبـك ليـه نشفـت ريقـه
لو القلوب تشـاف والله لا أقنعـك
أنك تظن أشيـاء !! ماهـي دقيقـة

[اخر رجل]

طيـب ولكـن طيبتـى لاتغـرك
لايخدعك حلمى ولا طـول بالـي
كم خفت من يوم يجى مايعـذرك
قلبى وينسف سيرتك من خيالـى
ماشفتـى الا كـل شـى يسـرك
منى ولا في يوم جرحك طرالـى
عن غيرك من الناس قلبي يبـرك
وغيرك إلى جا مالقى له مجالـي
لين اهتمامى فيك بالحيـل غـرك
وقلتى تولـع بـي ولالـه بدالـي
غريتـك انــى قـلـت لله درك
وكبرتك بعينى على كـل حالـى
ظنيتى أن الشوق فينـى تحـرك
ومالى غناة عنك طـول الليالـي
ضاع السلام وصار عنى يجـرك
للكبر خاطى ظنـك اللـى بدالـي
لكن بمـان الله بخيـرك وشـرك
وعسى الزمن لك طول الأيام حالى
ان كان به شى واخافـه يضـرك
فهو غرورك والكبـر والتعالـى

[اخر رجل]

أكذب عليك أن قلت مانتى على البال
وأكذب عليك ان قلت قلبي بياديـك
أعتز في نفسي على كـل الأحـوال
ما أذلها وأرضى غرورك وأداريك
أن كان في صدك هقيتنـي أحتـال
لرضـاك لاوالله خابـت هقاويـك
تموت أماني خاطري بك والآمـال
ولايموت بنفسـي العـز وأرجيـك
مانيب قاسـي لكـن الحـق ينقـال
مثل الذي ناخذ من الحـب نعطيـك
ماني من اللي في تعاملهـم أنـذال
ولاني ذليـلٍ تزعلينـه ويرضيـك
لي حق مثلك بالمحبه وإلـى مـال
قلبك بعيـد أميـل مثلـه واخليـك

[اخر رجل]

لوعرفتي وش بقلبـي والنوايـا
ماتعجلتـي قـرار البعـد عنـي
لوصبرتي تعرفي ويش الخفايـا
غير موتك ماقدر ياخـذك منـي
جيت أنور في نواحيك الزوايـا
واستردك من زمن حزنك واهني
جيت ابدل في لياليـك الحكايـا
لين اخلى كل نجمه لـك تغنـي
جيت من ربي بقلبي لك وصايـا
ازرع البسمه على شفاتك واحني
لين مايبقى من احزانـك بقايـا
واني احسن فيك طول العمر ظني
وللاسف رديت في كـل الهدايـا
يوم عجلتي قـرار البعـد عنـي

[اخر رجل]

مر الزمان وراحت أيـام وأيـام
بيني وبينك في غياب وقطيعـه
ومريت أطالع مابنينا من أحـلام
لقيتها في حال صارت مريعـه
فيها الأمل متحول كلـه أوهـام
وفيها الغلى ميت وهو في ربيعه
وفيها زهر ذابل وأثرموضع أقدام
وقلوب مرسومه وأماني صريعه
ياقسينا باصدارنا بعض الاحكام
على الغلى اللي لجل غلطه نبيعه
مدري على اللوم والا أنت تنلام
بس الوكاد أن الخسارة فضيعـه

[مآتبآدلنآ آلعطآ]

ماهو غريب انك [ نسيت اصـل العوايـد والسلـوم ]
بس الغريب انك [ نسيت اللي عشق حتـى النخـاع ]
ماهو غريب انك ( تفـارق كـل حاجـه بـك تـدوم )
بس الغريب انـك ( تفارقنـي بـلا همّـس الـوداع

[بـ ح ـة غياب]

باب المحبه عنك ماهوب مردود
وانا الذي في صفحات المحبه قريتك..

[مآتبآدلنآ آلعطآ]

آعترف ...ْ~



حاولت في قلبي يردك وعيا
[ عــــااافك ]
ولا لي حلية(ن) فيه لا عاف ..!

[روض القصيد]

وأعترف:ـ بح صوتي وأحتسب أنه رقاد~
يوم قلبي ضاق وأختل إرتكازي..!!