القرم ومايخصه

ابن مسلم · 09-16-2008, 02:02 PM

[poem= font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رحنا ضحايا اسهم وهاتف وتجـار=وإجار بيت وكهربـاء وخشراهـا
تكفى يابو متعب ترى الوضع منهار=ثلثيـن شعبـك بيـح الله خفاهـا
العيد قرب وانت تـدري بالاسـرار=واللي بعده المدرسه مـع غثاهـا
النارماتحرق سوى واطـي النـار=ماوالله اكثر مـن برجلـه وطاهـا
افزع لهم ياسيدي وافـي الاشبـار=فزعتـك بعـد الله تخفـف عناهـا [/poem]

ابن مسلم · 01-13-2009, 08:44 PM

[poem= font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامنير ماعينت لي راعي الجيب= اللي غطى كل المواتر عسامه

ينزل به السواق من ضلع لشعيب= ومعيمنه يجلس ظبي العدامه
عين أشقر ُ لاأهوى عطيب المضاريب= والخدبراقٍ كشف في غمامه
عرض علي يامنير سيد الرعابيب= وطار الهوى عن خدها باللثامه
وأخذت لي ساعه وانا أفيق وأغيب= والجسم عيت لاتقله إعظامه[/poem]

ابن مسلم · 01-13-2009, 08:46 PM

[poem= font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أبشع صور تعرض على الشاشات = حرب(ن) على غزه وأهاليها
ياكم وكم وكم طفلٍ مات = وكم إسرةٍ تفقد لغاليها
كم عايله من دون بيت تبات= وش ذنبها إتهدم مبانيها
عدونا يشن إله غارات = وجيوشنا إتكبل أياديها
متى على الله تمشي القوات=لين العدى ناطى علابيها
نأخذ قضى الحاضر مع اللي فات= وأمجادنا نعيد ماضيها
وعلى اليهود إنكرر اللعنات= كاسٍ سقتنا منه نسقيها
حياة عز ومن وفاته جات= شهيد والجنه حظى فيها[/poem]

ابن مسلم · 11-25-2009, 05:58 PM

(( لبيه ))

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لبيه يادار الوفاء لبيه = من الشمال لحد جيزاني
بأموالنا وأرواحنا نفديه = تحت أمر عبدالله وسلطاني
مانستحقه كان مانحميه= قد قالها قبلي كحيلاني
مسس قواعد هالوطن بانيه = عبدالعزيز مزبن الجاني
يالله ياللي كلنا نرجيه= تجزاه بالجنه يارحماني
واللي غزى للدار طامع فيه= حوثي ومتسلل وخواني
أغوته نفسه أو حدن مغويه= وأمسى عشى لسباع دخاني
كلن بمايقدم نبا نجازيه= حقه يجيه بدون نقصاني
يبشر له بصاروخ(ن) يوطيه = بين أصفهان وبين طهراني
وإن عاد عدنا عودةٍ تنهيه= نبا بالآول نلحق الثاني
أما النصر ولا الشهاده إيه= هبوا لها ياطوال الأيماني
والقاف تم خانمة تاليه= صلوا معي على أفضل إنساني[/poem]

ابن مسلم · 12-03-2009, 10:53 AM

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياعود لاتناظـر الساعـه=بعد العمر قفـت إسنينـه

مافات ياصعب مرجاعـه=يقفي إبزينه علـى شينـه

فيك الكبر ركز إصباعـه=والشيـب أول براهيـنـه

ومن يقضي العمر بالطاعه=بيحصلـه فـي موازينـه

ومن ضيع العمر بالضاعه=خسر لدنيـاه مـع دينـه [/poem]

ابن مسلم · 12-19-2009, 08:49 PM

(( من المسئول ))

[poem=font="simplified arabic,6,red,normal,normal" bkcolor="black" bkimage="" border="outset,6,crimson" type=2 line=0 align=center use=ex num="0,black""]
من المسئول عماصار في جده من المسئول= من المسئول عن هاذا الدمار اللي حصل كله

دمار بيوت ناس تموت يبطي هالبلد مشلول= وكم أسره جرفها السيل وكم من موترٍ شله

صراحه كل واحد با لبلد مما حصل مذهول =ولاينلام من يفقد مايملك أو قريبٍ له

نعم ندري هذا مكتوب وماكتبه الولي مقبول=ولكن به سبب موجود وكل إنسان يفطن له

هناك أموال مدفوعه لأجل مشروع صرف أسيول= ولاشفنا من المشروع لادقه ولاجله[/poem]

ابن مسلم · 12-27-2009, 11:28 AM

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=sp num="0,black""]
ياصاحبي خابرك مانته بمجنون = عاقل ولاتبدو عليك الحماقه

إركد شوي شوي وأبليس ملعون= لبليس لاتعطي مجال إنطلاقه

مابيننا لايصبح الجو مشحون = مادامنا نملك مشاعر إ رقاقه

تعال نتناقش أنا وأنت بالهون = مني الهدوء ومنك حسن اللباقه

لاتصدق اللي جوك عني يقولون= إني معك قررت قطع العلاقه

وقالولك إني من محبتك مغبون = حبٍ بدون أساس مر ٍ مذاقه

عن هرجهم أعرض عساهم يولون = لاترخي إذنك للعلوم الدقاقه

كما حكوا فيني يبا فيك يحكون = ناس ٍ لهرج الزور تعشق عشاقه

على العهد لازلت والعهد مصيون= ونفسي على لاماك تشفق إ شفاقه

يشهد على الله للعهد ماأخون = وإن خنت حبك جعلني للآعاقه

وأقبل تحياتي وأكون إلك ممنون = مشاعري بالحب تهديك باقه[/poem]

ابن مسلم · 02-12-2010, 10:52 PM

جتني تعاتبني

[poem=font="simplified arabic,5,blue,bold,normal" bkcolor="transparent" bkimage="backgrounds/11.gif" border="double,4,darkblue" type=0 line=0 align=center use=sp num="0,black""]

جتني تعاتبني تقول أنت وش فيك = عني قطعت زيارتك وإتصالك
نار الجفى لاتحرق قليب مغليك= ماكان هاذاه العشم في جنابك
قلت إسمعي عذري عسى الله يعافيك= وأما أقتنعتي فيه زيدي عتابك
عزالله إني كل ماجيت ناصيك = ردتني الأقدار من دون بابك
أما صدفت ابيك صادفني أخيك= وإن غابوا الاثنين جوني عمامك
وخوفٍ على سمعتك لاينحكي بيك= على الفراق أصبر ولاينحكى بك
يادرة(ن) سبحان ربٍ مسويك= مابا لبشر من يشبهك في جمالك
وإن عاش راسي والله إني لا أراضيك = واني لحققلك مايطري إبالك
حالي ومالي كلها ملك إياديك = تصرفي يالغالية في حلالك
بين الضلوع العوج حطي مراكيك= تفنني في جلستك في عدالك
تريحي لينن قلبي إيقهويك = ومن الغرام العذب يكرم إسبالك
جتلك على كيفك عسى الله يهنيك= ياسعد حظي كان وقتك صفالك
وأعاهدك لوشان ماني بناسيك= ماني مدور في حياتي بدالك
تبقين دايم قدم عيني واراعيك= وارجي الفرج بالمقبله من ليالك
وأدعي معي يموت راع الشرابيك = اللي حرمني من لقاك ودلالك
وإن مت قبلك ياحياتي لاوصيك = بس أحفظي لي صورتي في خيالك[/poem]

ابن مسلم · 03-28-2010, 09:50 PM

[poem=font="simplified arabic,6,crimson,normal,normal" bkcolor="transparent" bkimage="" border="none,4,gray" type=0 line=0 align=center use=sp num="0,black""]
بأمان الله ياأعز أصدقايه = بأمان الله ياكل أخويايه
بعد جانا التقاعد وإفترقنا = فقدت اللي غلاهم من غلايه
رجالٍ لادعى الواجب وقمنا= أنا درع ٍ لهم وهمه ذرايه
تقول أخوان أشقاء كلبونا = تكاتفنا من الشايب وصايه
عيون ٍ ساهره أمن لوطنا = عن دعاة التطرف والجنايه
خدمة الدين والدار ومليكي = ثلاث أعقود بإخلاص وعنايه
وأمانه كان جاء مني خطيه= عليكم سامحوني عن خطايه
تراي إنسان وكل إنسان يخطي = عدى المبعوث للأمه هدايه
عدى محمد عليه أفضل صلاتي = وعليه أزكى سلامي بلانهايه
وإذا بالقول تقصير أعذروني= ختامه بقتبسه من البدايه
بأمان الله ياأعز أصدقايه = بأمان الله ياكل أخويايه[/poem]

ابن مسلم · 05-23-2011, 05:34 PM

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
العام بوش الابن ضحى بصدام = وباراك أوباما اليوم قفاه أسامه
أبشع جريمه هزت أوساط الإعلام =وأفظع من الإعدام سلب الكرامه
جثمان مسلم بالبحر يقذف إجرام = ماحرم المولى أستحلوا حرامه
أكالت الخنزير عباد الأصنام = لادين يردعهم ولامن شهامه
إيجوز مخطي لاكن الرب رحام = يمكن صلاته تنقذه مع صيامه
ومنظمات أحقوق الأنسان نيام= بيس النظام وبيس منهو نظامه
عدونا حكمه علانا بالإعدام = نافذ ومنا بشره بالسلامه
[/poem]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع: