لوتقدم لك طالبا يدك زميل في المنتدى هل توافقين؟

[اشقر السيف]

بيض الله وجهك يالماشي ماقصرت

انا كل اللي ودي اقوله ان هالمنتدى منتدى عتيبه و 99,9% اعضائه عتبان يعني مجبورين في بعض

الاعضاء الرجال على عيني وراسي وبني عمي مافيهم اللي يعيبني او مايشرفني لو يناسبني

والبنات بنات عمنا ومجبورين فيهن اكثر ولا اشوف فيها عيب

لكن ليش نربط العادات والتقاليد بالنت مع ان اللي سبقونا كان عندهم بشبهه بالنت ويمكن على وقتهم اقوى بحكم ان العرب كلها تجتمع فيه اللي هو سوق عكاض وكلكم تعرفون وش يعني سوق عكاض ماكان فيه شاعرات واديبات ومفكرات عربيات قبلنا بمئات السنين مع ان ماكان فيه التطور هذا السؤال سوق عكاض ماكان مفخره للعرب واخباره توصل الفرس والروم ؟؟

اذا كانت الاخت عصيميه او غيرها من بنات اعمامنا تشوف انه عيب هذي عقليتها واحترمها ولاهي ولا غيرها من بنات اعمامي تعيبني لو اختارها ام لأطفالي

ولا راح افكر بالطريقه السلبيه هذي ولو فكرت بطريقتها السلبيه هذي لحظ معاي لو فكرت بطريقتها راح اقول نفس كلامها بما انها عضوه في منتدى وتكتب فيه معنى الكلام فيها عيب يعني ماتصلح لي
مع انها بنت عمي عتيبيه مثلي يعني بالمختصر كلامها حجه عليها

واكرر مو كل من استخدم النت يعني انسان سيئ فيه موقع للشيخ ابن باز بعيد عن موقع قبيلتنا اللي فيه اخبارنا ومراجعنا

الكلام يطول ولا ابي اطول اكثر من كذا واعتذر ان كثرت كلامي

تحياتي ومودتي

[نــــايــــف]

المشاركة الأصلية كتبت بواسطة اشقر السيف بيض الله وجهك يالماشي ماقصرت انا كل اللي ودي اقوله ان هالمنتدى منتدى عتيبه و 99,9% اعضائه عتبان يعني مجبورين في بعض الاعضاء الرجال على عيني وراسي وبني عمي مافيهم اللي يعيبني او مايشرفني لو يناسبني والبنات بنات عمنا ومجبورين فيهن اكثر ولا اشوف فيها عيب لكن ليش نربط العادات والتقاليد بالنت مع ان اللي سبقونا كان عندهم بشبهه بالنت ويمكن على وقتهم اقوى بحكم ان العرب كلها تجتمع فيه اللي هو سوق عكاض وكلكم تعرفون وش يعني سوق عكاض ماكان فيه شاعرات واديبات ومفكرات عربيات قبلنا بمئات السنين مع ان ماكان فيه التطور هذا السؤال سوق عكاض ماكان مفخره للعرب واخباره توصل الفرس والروم ؟؟ اذا كانت الاخت عصيميه او غيرها من بنات اعمامنا تشوف انه عيب هذي عقليتها واحترمها ولاهي ولا غيرها من بنات اعمامي تعيبني لو اختارها ام لأطفالي ولا راح افكر بالطريقه السلبيه هذي ولو فكرت بطريقتها السلبيه هذي لحظ معاي لو فكرت بطريقتها راح اقول نفس كلامها بما انها عضوه في منتدى وتكتب فيه معنى الكلام فيها عيب يعني ماتصلح لي مع انها بنت عمي عتيبيه مثلي يعني بالمختصر كلامها حجه عليها واكرر مو كل من استخدم النت يعني انسان سيئ فيه موقع للشيخ ابن باز بعيد عن موقع قبيلتنا اللي فيه اخبارنا ومراجعنا الكلام يطول ولا ابي اطول اكثر من كذا واعتذر ان كثرت كلامي تحياتي ومودتي

أخي العزيز




النت مفتوح على مصراعيه يدخله الصالح و الطالح

ومن حق البنات يخافو على أنفسهن



أنا ماقلت الزواج من الأخوات في المنتدى عيب

لكن الكلام كله عن الوسيله لذالك

يمكن يكون فيها خداع من الشاب أو الفتاه

هذا إذا كانت فتاه أصلا !!












تحياتي

[المـاشي]

[align=center]الاخت
ملاك العتيبي
يعطيك الف عافيه على المداخله الأكثر من رائعه
مع الشكر الجزيل للمرور والمشاركه
[p5s][/p5s]
الاخت
حور
يعطيك الف عافيه على المداخله المتميزه
جزيل الشكر والامتنان
مع فائق التقدير والاحترام
[p5s][/p5s]
الاخ
قناص عتيبة
شاكرلك التواجد الجميل وابداء مرئياتك حول الموضوع
مع فائق التقدير والاحترام
[p5s][/p5s]
الاخ نايف
اطلع انا وتبقى انت يالغالي .الموضوع ملك للجميع.
[p5s][/p5s]
الاخت
ديم
يعطيك العافيه على التواجد والمشاركه المتميزه
فائق تقديري واحترامي[p5s][/p5s]
الغالي
اشقر السيف
انت راع الأوله
لك اجمل وارق تحية للتواجد واثراء الموضوع
[p5s][/p5s]

المناقشة ظاهرة صحية و الاختلاف امر طبيعي (سلوك حضاري)
كل منا ينظر للموضوع من زاوية مختلفه وفق قناعاته الشخصية
الهدف العام من الموضوع التعرف على الاراء المختلفه
اتجاة تلك الظاهرة بعيدآ عن تخصيص منتدى بعينه.
[p5s][/p5s]

ذكرتها مسبقآ وراح اكررها للتذكير منتدانا غير متميز بإدارته واعضائه
من جميع النواحي .

الشكر والامتنان لكل من تداخل وافادنا بما لديه من رأي .
كل الود للجميع[/align]

[تاجي عتيبه]

والله مادري وش جاكم

عين وصابتكم بروح اجيب مطوع يقرا على المنتدى

ويقرا على بعض الاعضاء !!

اسمحو لي اقول رأيي ولا حد يزعل مني

اولا : أخوي اشقر السيف !! اول مره اشوفك زعلان ومعصب

انا اشوف عصيميه متشائمه ونضرتها سلبيه لرواد المنتدى وهم بني عمها ومجبوره فيهم غصب عنها وعني وعن اللي ماهو راضي وعصيميه نفسها تقول بموضوع من اول لو تتزوج ماراح تقول لزوجها انها تكتت في منتدى يعني هي قاعده تسوي شي عيب في نضرها وللحين مستمره في هالعيب مع الاسف مدري كيف تفكر

اخوي انا متأكد مو هذا قصد عصيميه لأن مافي احد

يطعن بعيال عمه .. ولنفرض ترى قلت نفرض

انها تقصد كل الي كتبته هذا رأيها الشخصي وهي حره فيه

مع ان اعضاء المنتدى من الرجال مو بحاجه لشهادة عصيميه

الحمدلله كلنا اخوان وعيال عم ومافينا اي شي يعيبنا

والبنت دايما شهاده مشرقه بأي شاب انت تلاحظ

طلعنا ذئاب بشريه وطلعنا مفترسين مافي احد زعل


لا تفكرون انه دفاعا عن عصيميه لا والله بس اشوف الكل

شايل عليها حتى ملاكـ السحليه

أتمنى الكل منا يتقبل النقد ويتقبل الرأي الاخر مهما كان

سلبي او ايجابي واحنا ياخوي مو بحاجة شهادة اي شخص

سواء ولد او بنت انت تعرف من انت ومن ابوك ومن جدك

هذي تكفي ولو بتخطب من اي بيت الكل يزوجك

ليه ترد نفسك للمنتدى الي ماتعرف خيره من شره !!

ثانيا : لاحظت كلمه حزت بخاطري كثير ؟؟

مادري انا مافهمتها صح ولا يقصد شي ثاني

اللاخ الماشي يقول :

ذكرتها مسبقآ وراح اكررها للتذكير منتدانا غير متميز بإدارته واعضائه من جميع النواحي .

مو مدح للاداره ولا للاعضاء لكن الشهاده لله من سجلت

ما لاحظت اي شي خطاء

وعموما وارد الاخطاء تصير بكل منتدى

ووارد القرارات الخاطئه

ما ادري وش تقصد الماشي بالتميز ؟؟

[المـاشي]

[align=center]

[align=center]ما ادري وش تقصد الماشي بالتميز ؟؟[/align]

الغالي

تاجي عتيبه

يعطيك العافيه على المداخله وتقريب وجهات النظر وكذلك حرصك على المصلحه العامه

التميز ميز الشيئ أي عزله وميزه عن سواه
هناك تفوق ايجابي(تميز) يحسب للمنتدي في جميع اقسامه ويتضح ذلك من خلال الجهد المبذول والعمل الدؤوب من قبل إدارة المنتدى واعضائه الكرام لتحقيق النجاح والوصول إلى الغايات المرجوة.

يعطيك العافيه على التواجد والمرور

دمت بود[/align]

[اشقر السيف]

لحضه عصيميه اعتذر منك فعلاً اخطيت مو انتي اللي كتبتي اللي كتبت الكلام هذا مطنوخة عتيبه اعتذر منك ياليت تقبلين العذر .

مافيه من بني عمي اللي اعرفهم على الاقل يعيبني لاوالله بالعكس

يمكن تذمون تفكيري وتعتبرونه منفتح زياده مع انه بخصوص عيال اعمامي وبنات اعمامي مافي عيال اعمامي اللي اعرفهم اشوفه ماهوب كفو لأختي ولاهي عتيبيه اكثر منه والنت والمنتدى مايعيبه في شي وحتى البنات لو كانت تكتب في منتدى ما اشوف في البنت عيب قبل الزواج اذا بحدود الادب والاخلاق بعد الزواج محسوبه عليها في نظري المجاملات بعيد عن الشات نهائياً انا اتكلم عن المنتدى تبي ( تتصفح ) اقسم بالله يسعدني لو تطلب مني اتصفح لها تبي تكتب من نفسها تعرف وين تكتب وش تكتب على من ترد والتربيه لها دورها مع العلم ان بيتنا مافيه الا جهازي انا مع كذا ادافع عن شي اعتبره شي بسيط وقليل اذا كنت افكر كذا احسن لي اذبحها واتخلص منها ومن همها ليش أءرق نفسي بالتفكير فيها



وانا والله ماني متحامل عليك بالعكس تمام ولو تلاحضين انتي تكتبين في منتدى فيه احد تجراء عليك بشي ؟؟

تاجي عتيبه حتى انت اقولك ماني متحامل عليها وتشرفني مدام في اخر اسمها العتيبي لكن انا اقول لو اخطب وحده << تكتب في منتدى وين المشكله برر لي او لاتمنع كذا تعسفي

عصيميه اعتذر مره ثانيه واعترف بالغلط آسف يابنت العم

[عصيميه]

المشاركة الأصلية كتبت بواسطة اشقر السيف لحضه عصيميه اعتذر منك فعلاً اخطيت مو انتي اللي كتبتي اللي كتبت الكلام هذا مطنوخة عتيبه اعتذر منك ياليت تقبلين العذر . وانا والله ماني متحامل عليك بالعكس تمام ولو تلاحضين انتي تكتبين في منتدى فيه احد تجراء عليك بشي ؟؟ تاجي عتيبه حتى انت اقولك ماني متحامل عليها وتشرفني مدام في اخر اسمها العتيبي لكن انا اقول لو اخطب وحده << تكتب في منتدى وين المشكله برر لي او لاتمنع كذا تعسفي عصيميه اعتذر مره ثانيه واعترف بالغلط آسف يابنت العم

وأنا أقبل إعتذارك أخوي أشقر السيف !!

بس والله تضايقت شوي لأنك قولتني شيء ماقلته !!

وهجمت علي بكل حماس وأنا ماتعودت على كذا !!

أخوي معروف عني الصراحه !! ولا أجامل على حساب قناعاتي

أبداً ... يعني رأيي أقوله حتى لو كان بيزعل اللي حولي !!

ونبقى في النهاية إخوان يجمعنا دين واحد وأصل واحد ...!!

[اشقر السيف]

تكفين اعذريني جل من لايسهو وانا بشر الغلط وارد عصيميه لك حق علينا

اعتذر عن الموضوع تعصبي الزايد وتمسكي برأيي خلاني ارتكب اغلاط ماهي مقصوده

العذر والسموحه استروا علينا

[المـاشي]

[align=center]الاخوة

الغالين

اشقر السيف

عصيمة

مداخلاتكم طيبة و لاغرابة في ذلك لما تتمتعون به من خلق وتواضع جم

يعطيكم العافيه على التواصل الجميل وتفهم وجهات النظر المختلفه


لاعدمناكم


كل الود والاحترام[/align]

[تاجي عتيبه]

والله ماقصرتوا

هذا العشم فيكم

الماشي : مافي منتدى كامل الكامل وجه الله سبحانه

حنا هنا نلتقي لنرتقي والبركه بالاداره والمشرفين والاعضاء

وان شاء الله من تميز الى تميز بإذن الله


اشقر السيف : بيض الله وجهك مو عيب الاعتذار

بالعكس انت استعجلت بالرد حتى انا مالاحظت هالشي

ان الي كتب مطنوخه شفتكم شايلين على عصيميه

بما فيكم ملاكــ

قلت غريبه والله ماقد شفت هالاشياء بمنتدى عتيبه

واختلاف وجهات النظر وارده بكل مكان

يا اما تتقبلها بسعة صدر او تطنش وهذا افضل الحلول .



خلو هذا دايما شعارنا





اخوكم التمساح الذئب المفترس / تاجي عتيبه