اجمل بيت قالته عتيبه

[عتيبيه وافتخر]

اجمل بيت هو بيت الشاعر والفارس الكبير تركي بن حميد رحمه الله واسكنه فسيح جناته عندما قال

وأخيـــــــر منهـا ركعتيـــن بالاسحـــــــار ^^^^^^^^ لاطــاب نـوم اللي حيــاته خســــــاره

الف شكر على هالموضوع حافي 00

[فهد بن فهم]

عتيبيه وافتخر اسم جميل اخيتي

وعشان كذا بتكون هالبتين من الأجمل



افتخرتي بالقبيله وأفتخر مثلك وابآهي 00000 بين روق وبين برقا جيت جداني عتيبه

والله إني من قبيله كلها شيوخ ودواهي 00000 قلتهــــــــا مانيب اقلل في قبايلنا العريبه

[غصون]

أحسن بيت قيل هو لبندر بن سرور رحمه الله

يالله يا جال الأمور المهمة .............تجلى وهق قلب برى حال راعيه
البر دجته و البحر رحت يمّه ...........أدرج سبب حظ على الله مساعيه
يوم إن ولد اللاش رزقه على أمه........ رزقي على اللي ميّت القشع يحييه
ماني وانا بندر ببياع دمه ............... يقطعك يا بيّاع دمّه و مهفيه
اللي يبيّع لابسات الأزمه ..............ثور يبي بيض العماهيج تغنيه
يزعل ليا جت ليلة الدول يمّه.......... يرضى بسوق المال بأخيه و أبيه
خطو البخيل اللي يكبّر معمه .......... يقرا الكتاب و واجب الله مخليه
أما هرج له في رفيقه بنمّه............ والا عطا و أمه تضيّع هقاويه
يا مل قلب كل ما مات همّه ............دارت دواليب الدهر لين تحييه
فرّاق شمل الناس عيّا يلمه............. وقتن يشيب الراس من شاية فيه
أحدن ينام و حط راسه بكمه ............و أحد تخم النوم عينه و تخطيه
و أحدن يحاول بالردى بنت عمه......... و أحدن يحاول ستر عذرا عوانيه
تخالف الأنظار شرقن و يمّه.............. كلٍ هدف رايه من الناس مرضيه
أنشدك ياللي كل شي تتمه ............. تقرا الكتاب كل فرض تصليّه
ويش القليب اللي عميق مجمّه ......... ما سرّ غرسه ماه عطشى سوانيه
سم السبب يا عارفن عنه سمه .........سم السبب يا عارفه قبل اسميه

[مشاري الحبردي]

ابيات كثيرة لاحصر لها ولكن من افضل ماسمعت هو
واخير منهن ركعتين بالاسحار............. لطاب الي حياته خسارة
و
آلاد روق عريب جدهم .................... لاجاء رد الحكام براوي
و
ولا خير في كثر الحكي والتماليس........... هرج بلا فعل يجيب الوهومي

[غصون]

قومي هل المعروف واهل الرعاية = للواجبات اللي عليهن دواليل
عتبان يزبن لهم كبير الجناية = اليا مالقى عند القبايل مداخيل
شرقي منازلهم بلاد الفوايه = وغربي منازلهم بلد محبس الفيل

[سيحان]

ياعنك في جيرانا مالنا غيب.........................نضحك لهم بالعين والقلب صاحي

ونارد مواردهم على الخبث والطيب........................ونشرب مشاربهم هماج وقراحي

من ذل منا لا حمل به ولا جيب .........................حرم على يمناه نقل السلاحي


بجاد بن برغش السيحاني

[راعى الأجرب]

بيت للشاعر /شقير الجذع
طف المكيف ونزل جامة ابوابه
خلنا نروح هواء نجد ومالهيبه
دارن على الخيل بالشلفا نزنابه
ماهى منحت خويا من معازيبه

[ذيب برقا]

اشكرك اخوي حافي على الموضوع الجميل ...

من افضل مامر علي في عتيبه هذا الشطر ولكن لا اعرف منهو الشاعر ...

حنا عتيبه مصدر الطيب منا
تعرف جميع القوم منهم عتيبــه

[معطاب العتيبي]

[align=center]موضوع رهيب ويستاهل المشاركه
اجمل ماسمعت في الفخر قول الرقاص[/align]
[poem= font="Simplified Arabic,6,black,bold,normal" bkcolor="transparent" bkimage="" border="solid,4,deeppink" type=0 line=0 align=center use=ex num="0,black"]
ربعي عتيبه من العارض ليا الحره=سقم المعادي ليا جاء العلم مردودي[/poem]

[align=center]وبيت لخلف بن هذال واظن مناسبته معروفه اللي يقول [/align]
[poem= font="Simplified Arabic,6,black,bold,normal" bkcolor="transparent" bkimage="" border="solid,4,deeppink" type=0 line=0 align=center use=ex num="0,black"]
كنّ العظام بسمّ الافعى قريصه= مافيه عضوٍ فيّ ماأونس مفصه[/poem]

[align=center]وابيات رشيد الزلامي اللي يقول[/align]
[poem= font="Simplified Arabic,6,black,bold,normal" bkcolor="transparent" bkimage="" border="solid,4,deeppink" type=0 line=0 align=center use=ex num="0,black"]
الله من قلبٍ به النار تشتبّ= هبت وشبت واستمرت شبوبه
قلبٍ غدا للهم مارد ومشربّ=وماضاع من هم العرب راح صوبه
همٍ على ربعٍ وهمٍ على غبّ= وبالليل والساعه همومه تلوبه [/poem]
[align=center]وابيات تركي ابن حميد اللي [/align]يقول
[poem= font="Simplified Arabic,6,black,bold,normal" bkcolor="transparent" bkimage="" border="solid,4,deeppink" type=0 line=0 align=center use=ex num="0,black"]
والحر لا دبّت عليه النواميس= يشهر وعن دار المذله يشومي[/poem]
[align=center]وبيت ابن سرور اللي يقول[/align]
[poem= font="Simplified Arabic,6,black,bold,normal" bkcolor="transparent" bkimage="" border="solid,4,deeppink" type=0 line=0 align=center use=ex num="0,black"]
ياملّ قلبٍ كل مامات همه = دارت دواليب الزمن لين تحييه[/poem]

[align=center]وراعي البيت اللي يقول[/align]
[poem= font="Simplified Arabic,6,black,bold,normal" bkcolor="transparent" bkimage="" border="solid,4,deeppink" type=0 line=0 align=center use=ex num="0,black"]
اطهر بقاع الله في الارض مكه= واقوى القبايل في الجزيره عتيبه [/poem]
[align=center]واظن اني حرفت في هالبيت لكنه لايحضرني شاعر او قافه الصحيح[/align]

[حافي]

اشكر كل من شارك في الموضوع من الاخوه والاخوات واعتذر عن عدم القدره على التواصل معكم في الفتره الماضيه لضروف العمل


ولا انسى الاخوه ادارة المنتدى على المجهود الذي بذل ويبذل لتطوير المنتدى وتغطية اخبار القبيلة

الله يعطيكم العافيه جميع