برق الحجاز اقرب الله لا يهينك

برق الحجاز · 03-07-2004, 12:55 AM

خلوها

يالربع الصبح أذن بعد بيتين أخوي مرضي تراها شاعت

تصبحون على خير ولنا لقاء

السمين الها سمينه والرزان الها رزاني

وأنت واللي نكس القبعه وابن ثعلي سويه

ما نبى ياشاعر العتبان فالصف امتواني

والجذع والله ما نرضاه في سد الثنية

مرضي القيفان · 03-07-2004, 01:02 AM

الله الله الله

[poet font="Simplified Arabic,5,black,bold,normal" bkcolor="transparent" bkimage="backgrounds/11.gif" border="inset,4,gray" type=0 line=200% align=center use=ex length=0 char="" num="0,black" filter=""]
يالحجازي يوم تبرق حدت عن رسم البياني
اثر ابو وجهين ماتنقاد من خلفه سريه 0

كل شارب له مقص وكل شاعر له زماني
لا تذرى فالمذاري وانت لك عينن جريه
[/poet]

مرضي القيفان · 03-07-2004, 01:17 AM

[ALIGN=CENTER] الاخ برق الحجاز 0

صح لسانك وبيض الله وجهك 0
تشرفت بمحاورتك لا هنت 0
واستر ما واجهت يالغالي 0
وما قصروا الصفوف الله لا يهينهم 0

وتصبحون على خير 0[/ALIGN]

طلال الثعلي · 03-07-2004, 01:33 AM

بيض الله وجيهكم...

مرضي القيفان..

برق الحجاز...

محاوره ولا اروع...

تحياتي...

برق الحجاز · 03-07-2004, 01:37 AM

تصبح على خير أخوي مرضي القيفان

ولا هان أخوي طلال المشرف على المحاورات

ولا هانوا الربع المشجعين

لاهو الخطر آوي ولاهو أخونا منكس الطاقية

وأرجو الا تأخذ المحاورات اهتمامك تراه تضيع الواحد من ( اللغة ومن بني المعنى الذي يحيا ويعيش في كل زمان ومكان )فهي كلام موقوت ينتهي بنهايه الملعوب لا يستفادمنه في مكان وزمان أخرولا يخدم الفكر الانساني أبدا (لانها ذاتي محدد) 00000

وبعدين بيني وبينك (تراه شغل الدقاقات عندنا عيال الحمولة ماعاد تطبها ابدا 000أول كان الشيخ ينازل شيخ مثله اذا طلبه فقط --
والرعاع بعضهم ينازل بعض بلفوس شرا)صح نجيبهم بفلوس ونضحك عليهم فترة ترويح فقط

استانسنا معك أخوي مرضي القيفان وماحصل اقصور ياذيب ولك السموحة ومنك السموحة

وتصبح على خير

أخوك /برق الحجاز

مرضي القيفان · 03-07-2004, 01:45 AM

[ALIGN=CENTER] الاخ طلال /
ابشر كل ما قيدونا بالنظام في منتدى النظم
جينا هنيا واشعلنا الساحه هههههههههههه
وماقصرت على حسن الظيافه والمتابعه والتشجيع0

الاخ برق الحجاز /
كل ماقيل وقّف واتّبع للنظام
جيت واحاور الشعار فالمنتدى

ههههههههههههههههههه[/ALIGN]

الخطر آوي · 03-07-2004, 11:11 AM

ياصبكم الله بالخير الجميع

الحقيقة ليل وغاب شاهدة لكني

واحدن من الربع وفالصف لين نص الليل

ولولا جاني زهوق من مرضي القيفان وأنا أشجع في صفي

ماسريت الا صبح معكم

وهذي أبي فيها خاتمةو لا ني مخليها الليلة أبى أخذ قبل وأبى الفي

مرضي القيفان وفتش اعلومه 000والا ماعاد وقفت فالصف ولا تلوموني ياعتيبه000

الا مار قول لي

اللي قعدوا الي آخر الليل يقولون وأنا ما صدقت أن مرضي القيفان سرى برق الحجاز
آخر الليل وشافوه ملتس مشلحه وساري من بين الصفوف

هو صدق الكلام

(( ياخوي ياطلال أنت راعي ذمة)

مغ تحيات أخوكم الخطر آوي

منكس الطاقية · 03-07-2004, 11:38 AM

صبحكم الله بالخير الجميع

الحقيقة ياله من ليل ما شفت ملعوب مثل ملعوب البارح والا وش رايكم يالربع

والحقيقة مرضي القيفان ما شاء الله عليه سراه ايه سراه

ماني متحز على شان اني في صف مرضي لا والله

والدليل ان التاليه فيه ماقدر يرد برق الحجاز وهذا معناه عجز وسرى

اي بالله000هذا حكي الصحيح هاه يامرضي القيفان ماهو صدق هذا الكلام

أنا ماني ظالم الرجال ولوأنه غلط علي وقال لي عدل طاقيتك وبعدين

غني00 تقبلتها بصدر رحب ومشيتها على شانك يامرضي القيفان وعلى شان ما ينهز صفنا أنا عرفتها يبى يضيقني على شان اسري ويطيح الصف و وريتكم فيه000

والا وش رايك أخوي طلال أنت راعي الملعوب والمشرف عليه تعطيني معدال

دون برق الحجاز والا لا تراها بحق مثني ومثلوث
(ومغلوظةبالسمن البري )

والا لاتلوموني ياعتيبه لن ما وقفت بالصف مرة ثانيه

(وكيف أقف وأنا منقوص ما أخذت حقي من برق الحجاز ياهالربع !؟)

مع تحيات

أخوكم منكس الطاقية

برق الحجاز · 03-07-2004, 12:05 PM

الله يصبحك بالخير أخوي مرضي القيفان

واليك أولى نتايج شعر الردمن الواقع هذا غير وووووووغير ووووغير

اكمل لك السالفة :

يجيك خصمك في الملعوب صباح اذا كان وسيع بنايد ورجل ليتدارك الموصوع عن موزعين الهرج الفاضين اللي ماعندهم سوالف الا بالناس وتشعيب الامور اللي ما تستاهل ان الواحد يفكر فيها اطلاقا ويبدا قائلا :

صبحك الله بالخير وكيف اصبحت ولو انك البارح مغصتني بالتاليه لكني عارف حقيقتك وقلبك ابيض

ولكن هالحين كلها اسبابك انا ما بغيت أقوم لكنك جبرتني

هالحين طشيت الربع وهم كانوا مطبقين وسرى نصهم زعلان

وكلهم يبون معاديل وحقوق (وأنت المتسبب جهز معاديلك وأرض الجماعة )

أخوي راعي الملعوب (طلال الثعلي ) ما له ذنب مغيب ومن الله قريب

ولا قصر الاجودي وفاوكفا

لكن أنت( راس الحية ياموسى )

أنت اللي زهمتني ونزلتلك وصار ماصار لولاك ما حدث

والا ترى القبيلة بتأخذ ضدك وضدي أجراء عواقبه ماهي زينه سمعتني

تدارك الموضوع قدام يظهر من يدي ويدك وبتلها مثل الرياجبل ياذيب

هاذي نتايج الملعوب لا بارك الله فيه وووغير اللي بالصدور ماندري عنه

(فقل لي بالله أخوي مرضي القيفان رايك بصراحة وفي ذمتك ماينعاف وينعاف رجال ينجرف وراه000 أسألك بالله)

مع تحيات أخوك /برق الحجاز

مرضي القيفان · 03-07-2004, 04:39 PM

[ALIGN=CENTER] اسعد الله جميع اوقاتكم
الاخ برق الحجاز وطلال والخطر ( ومنكس الطاقيه / الغالي)

ماقصرتوا الله لا يهينهم 0 بيض الله وجيهكم 0

اما المحاوره اللي صارت / وسعت صدر شايب متهيض0

وليله من احلا ليالي النت عندي 0

برق الحجاز / ماقصرت اولا على اجابة الدعوه 0
ثانيا انت غني عن شهادتي 0
ثالثا / افحمتني يالغالي
رابعا / بقول لغيري من تجراء على برق الحجاز بالمحاوره 0
البرق من عرضه نفسه احرقه وهذا شي معروف عن البرق0
ولكن المذري الله 0
اشوى ان الله اذراني من البرق لايحرقني واذن الفجر 0

خامسا / عسى الله يديم المعرفه على بياض الوجيه /
سادسا / يابرق والله ان القلوب مثل ماتفقنا عليه من البدايه
سابعا / اهديكم بيت من ابيات المتنبي /
انام ملء جفوني عن شواردها 0
ويسهر الخلق جرّاها ويختصم 0

لكم مني اجمل تحايا وتقدير [/ALIGN]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ادخل وشارك الله لا يهينك	الاد روق	منتدى الأسرة والمجتمع	7	08-14-2006 10:25 AM
ذياب يوم الله جابك هنا اقرب ولا تجحر	المشعلاني	منتدى المحاورة الشعرية	4	05-16-2006 12:06 AM
النـــــايف اقرب الله لا يهينك	مرضي القيفان	منتدى المحاورة الشعرية	23	04-28-2004 02:25 AM
ابو سعوود اقرب اقرب الله لا يهينك	مرضي القيفان	منتدى المحاورة الشعرية	34	03-11-2004 07:26 PM