بسم الله الرحمن الرحيم ..
السلام عليكم ورحمة الله ,,,
ييسلام على هاللوحة المنحوته في الأعماق
من احلا رسام
تصوير جميل
تصوير غايه من الرووووووعه
بالنسبة لي انا لأقول الا كمأسلفت :
جيت اسأله وصال وقال صرنا كبار
قلت له يا كبير العقل ما هو عذر
يوم زاد الغلى بالمعرفه والوقار
خلنا نستمر أحباب طول العمر
لا تسرع بحرماني وتصدر قرار
قبل ما تفهم المكتوب سطراً سطر
وضع أسير البهاء لا يقبل الاعتذار
ملني من ثلاث أعوام ليل السهر
يوم يرقد خلي البال ليلي نهار
المساء لي ضحاهن والصباح لي العصر
بس أبى شوفتك مره ونجري حوار
إن حصل حبذا يكون في مختصر
عزلتي بك طموح لي بكل افتخار
وش بعدها يداوي جرحي اللي كبر
أي شي يمس العرض جعله ودار
بس نضره وضحكه كلما في الأمر
تحت ضوح النجوم بساحة الانتصار
كان صور لي الخدين ضوء القمر
خلنا نضرب البيداء يطير الغبار
خلنا نستثير اللي بعد ما ضهر
خلنا نكشف الخافي جهاراً جهار
بيننا بس مانطلع عليه البشر
خلنا نكسر الحاجز ونلغ الحصار
وش بقا ما ورانا غير موت حمر
خل قبطانا تضرب عموق البحار
ينتظرك اللحد ولا أنت وش تنتظر
روح ربك طويله والعواذل قصار
خلنا نشبع الحساد غيض وقهر
قدرة الله عظيمه والعواذل صغار
خلنا نشبع الشيطان خزي ودحر
وكان قصدك نفور وفيك نية بوار
خلها واضحة وقول دربك خضر
جعل عيناً على فرقاك هلت عبار
تقضي العمر كله ما تشوف السفر
ورجلي اللي خطت خطوتك لي اعتبار
قبل تنقض خطاها جعلها للكسر
وقبل ما نفترق لازم نحدد مسار
أن رقينا سنود وان نزلنا حدر
يومهن سكتين غيرهن لا خيار
حسب ما تكشف الرؤيا طريق القدر
طال ما كان أحدنا صار طلاب ثار
خلنا نستمر أحباب طول العمر
......
سلامتكم ,,,
| 
|
08-25-2010, 05:05 PM
.gif)
العرض العادي
