☺طفـــــــــــولة عضـــــــو / عضــــــــوهـ ☺

[اصايل]

ههههههههههههه

راده لكم الليله يامشاااغبين

ميته ضحك الله يسعدكم

[الأدميرال]

المشاركة الأصلية كتبت بواسطة وجودك يكفي 1/نشيد كنت تحبه أيام الطفوله ماكنت اسمع انشايد ولا اعرفها وكنت اسمع اغاني ههههههه واذكر الاغنيه اللي دايم اسمعها . اغنية مفرح الضمني . واذكر من كلاماتها . قبل امس العشيّه.قرب العباسيّه.لقتني بنيّه.نضرتها قتاله وقفت السياره.والعين محتاره.قلبي شب بناره .والنار شعاله قلتلها ياغزيّل.ميّل يمي ميّل.قالت يامتحيّل..كلٍ على فاله واذكر ان الشريط خرب وابلشت الوالد لين رحت انا وياه للسوق وشرالي شريط جديد وكان لونه ابيض واصفر . ويوم إلتزم اكبر اخواني منع الاغاني ومدري وين راح شريطي غنى يقول الظمني.. طرد الهوى ظالمني.. والشوق مايرحمني ياربع ويش الحيله ذوق ذوق وطرب طرب يا بوناصر ماهي المواقف اللي عرضت اهلك للاحراج؟ اذكر اني عرضت الوالد والوالده للخطر وخوفتهم في موضوع تافه وبسيط>>كان الوالد والوالده خارج البيت وكنت انا واخواني في البيت واختي الصغيره راحت للمطبخ وانتثر على يدها مويه حاره وبكت شوي وسكتت وماصار فيها شي وبعدها بشوي كلّم الوالد على التلفون الثابت لأن هاك الحين ماكان فيه جولات . اتصل عشان يتطمن علينا ورديت على التلفون واول ماسمعت صوته وعرفت انه الوالد قلت>>يبه وينكم فيه؟؟قال وشفيكم وان ابوك؟؟قلت تعالوا بسرعه بسرعه ريم احترقت... وعلى طول قفل الخط وبعدها بربع ساعة او اقل إلا يوم دخلوا علينا وأمي تبكي وتقول وين ريم وين ريم ؟؟ ويوم ناظروا إلا حنا جالسين عند التلفزيون وريم منسدحه قدام التلفزيون وتتابع هههههههه قال ابوي ياولدي انت وش سويت فينا . بغيت تذبحني انا وامك والله ماوقفت عند اشاره ولاحاسبت في اي شارع وامشي بسرعه مامشيتها في حياتي والحمدلله ان اختك طيبه ومافيها شي ولاعاد توعودها وانا ابوك هههههههههههههههههههه يعني كارثه تعالو تحب تهويل الامور والله كني اشوف شايبك الله يطول بعمره وصل الدم لى راسه الله يرجك ياشيخ خخخخخخخخخخخ موقف حصل في طفولتك كان له دور في تغيير مجرى حياتك ههههههههه غير مجرى حياتي وانا طفل>>ايه فيه موقف غير مجرى حياتي>>كنت اربي حمام وحاطهم فوق السطح والحمام كان لي انا واخوي سلطان(سلطان اكبر مني بسنه) وكانت الوالده شارطه شرط انا مانطلع للسطح وقت الظهر عشان الشمس ماتضربنا وعشان ماتغير اشكالنا . وفي البدايه كنا نطبق الشرط وبعد فتره تهاونا وصرنا اربع وعشرين ساعة متكين في السطح . وفي يوم من الايام العصيبه في حياتي رحت انا وسلطان لعشة الحمام ويوم دخلنا العشه لقينا الحمام كله مذبوح وبغينا ننهبل من هول الموقف . واذكر اني لقيت راس الغندي [الغندي]كنت احبه واغليه من بد الحمام وشلت راسه وقمت ابكي وقول ياسلطان الغندي مات مااااات وسلطان يبكي معي وحالتنا كانت تكسر الخاطر وجلسنا فتره وحنا متأثرين من السالفه هذي>>الوالده ذبحت الحمام ومنعت تربية الحمام وتغير مجرى حياتنا من بعد المذبحه اللي صارت ومعاد ربينا حمام ياحبيلكم انتم والحمام ايام حلوه آآآه يالغندي اكبر مغامره قمت فيها وانت صغير اكبر مغامره وتهور قمت فيه وانا صغير اني كنت اطب من عماره تبنا في الحاره وكان فيه تحت العماره زبره ولعبتنا انا نطلع للدور الثاني ونطب على الزبره وفي يوم من الايام تهورت ورقيت سطح العماره وقلت بطب من السطح وقالوا يامجنون لاتطب تروح فيها . وفعلاً طبت وحطمت الرقم القياسي هههههههههه ههههههههههههههه كانت هوايه مجنونه الطبه على البطحاء من الدور الثاني والسيكل تحط طوبتين وفوقها بلكاش وتعال مسرع ورقاها وطير وانت ومصيرك ياخي ذكريات حلووه من هو الشخص اللي يقع في شر اذيتك سلطان اخوي لأنه دايم معي . واذكر مره رحنا لبوفيه فيها يماني وطلبنا ساندويش(صموني) وقمنا نزمر وننفخ على اليماني وطردنا من البوفيه ويوم طلعنا قمنا نحذفه وكسرنا قزاز البوفيه اللي داخل . وانحشنا واليماني يلحقنا ونشوفه ورانا بس ندري انه مايقدر يجيبنا لأنا كنا سريعين وما احد يسبقنا ههههههههه وبعدها شفناه وقف عن مطاردتنا واختفى وقمنا نمشي على راحتنا>>اثر اليماني يراقبنا من بعيد يبي يعرف بيتنا>>ويوم وصلنا للبيت كانوا اهلي رايحين للدمام وحنا في حي الخبر..ماكان معنى مفتاح للبيت وكان الوقت اخر العصر ندري انهم بيجون المغرب من الدمام>>رحت انا وسلطان وجلسنا على زبره جنب البيت وقمنا نلعب وندفن رجلينا في الرمل وكان وجهي بإتجاه البيت وسلطان ملقي ظهره للبيت ويوم رفعت راسي إلا واشوف اليماني واقف عند الباب ويدق الجرس>>قلت سلطان شف شف .. وحنا نروح له ونحذفه ونقول انقلع انقلع يابويمن وش تبغآ>>ويوم درى إن البيت مافيه احد راح عشان ماتجيه فلقه من التحذيف هههههههههههه يوم راح انبسطنا ونحسب انه معاد هو راجع . الوكاد جوا اهلي من الدمام وجلسنا في البيت وقبل صلاة العشاء بشوي دق الجرس ورحت انا وسلطان نشوف من عند الباب ولقينا اليماني قلنا وش تبي الله يقلعك انقلع>>قال فين ابوكم ويوم حاولنا نكرشه علّق على الجرس وحنا نقول بس بس لاتدق الجرس>>وجاء الوالد وقال وشفيه>>اليماني قص القصه على ابوي وقال له الوالد رح صلّح البوفيه وجب لي فاتورة التصليح والخساير وانا اعوضك وأعطيك الفلوس اللي خسرتها>>ابوي زعل علينا وطالبنا بس الحمدلله ماضربنا هاك اليوم ههههههههههههههههههههههه ياسلام عليكم الحين تكسرون محله وقزازه وتقلون يالله انقلع ياحبيلك يابوناصر والله ضحكت هنا كثيييييييير يوم كنت صغير كنت تترأس عصابه ام انك كنت عضو فيها اذا كان سلطان موجود يكون هو الرئيس وانا مساعد الرئيس واذا سلطان ماهو موجود اصير الرئيس هههههههههههه ((وللمعلوميه ترى سلطان اخوي موجود معنا في المنتدى هنا))بس ماني معلمكم وش معرّفه والنك حقه منهووووو:sniper (88): اعترف اصلا انا اعرفه:sniper (19): يوم كنت صغير وشهي تسريحتك المفضله؟؟ ههههههههههههههه كنت اقرع . وفيه صور قديمه تشهد على ذلك بس اسمحولي ما اقدر اوريكم منها ولاصوره.. والفتره اللي بعد القرعه كانت الحلاقه تواليت ههههههههههههههههههههههههههههه التواليت بعد الفلقه عشان ماتبان اشياء ودك تذكرها عن طفولتك فيه اشياء كثير بس من ضيق الوقت بذكر سالفة ((المزهريه والأسد)) وبقول لكم السالفه بإختصار: كان في غرفة النوم مزهريتين كبار وراح اتكلم عن وحده والكلام نفسه ينطبق على الثانيه اذا جاء وقت النوم وطفأ نور الغرفه يكون الباب مطرّف شوي ويجي منه نور حاجه بسيطه كنت اذا طولت النظر في المزهريه اشوفها تنقلب وتتحوّل أسد>>أسد حقيقي اشوفه قدام عيني وكنت اخاف واتعذب من هالاسد اللي يخوفني كل ليله وماكان أحد يدري ولحد الحين مالقت الكلام هذا لأحد من أهلي وحتى سلطان ماعلمته بسالفة المزهريه والاسد..لأني ماكان ودي احد يعرف منهم اني اخاف هههههههههههه من جد كنت اعاني كل ليله من هالمزهريه وكنت انتظر متى الاسد يهجم عليّ وانا منسدح في سريري. والمشكله في مراقبة المزهريه انهن كانن مزهريتين ومرّه اراقب هذي وانتظر الهجوم المباغت ومرّه اراقب المزهريه الثانيه وياليل ماطولك مع هالأسدين اللي في الغرفه ومايدري عنهم إلا انا وعلى بالي كافشهم وحاسب حسابهم وماخذ الحيطه والحذر منهم وغيري مادرى عنهم. ومن التعب ارقد واذا قمت الصباح وناظرت في المزهريات مالقيت لا اسد ولاحتى قطو ولا فيه وجه شبه اصلاً بين المزهريه والأسد هههههههههههههه واقول في نفسي الليله ماراح اتخليل المزهريه اسد بس اذا طفى النور تغيّر الكلام وبدأ التخيل ومراقبة الأسدين. انتهت سالفة المزهريه والأسد . ههههههههههههههههههه يالله يرج عدوك صدق منول التخيلات رايحه سماء عندك ان كل شي انه حقيقه وأخيراً وقبل النهايه اقول: نحمد الله عز وجل الذي رزقنا بوالدين كانوا هم السبب بعد الله في جمال أيام طفولتنا وبذلوا الغالي والنفيس من أجل سعادتنا . واصبحنا نتحدث عن ايام الطفوله بذكريات جميله فلله الحمد والمنّه ونسأل الله ان يجزي أبائنا وأمهاتنا خير الجزاء وان يرحم ميتهم ويسكنه فسيح جناته ان يطيل عمر الأحياء منهم على طاعته ويرزقنا طاعتهم ورضاهم اميييين امييين

الله على الايام ودورتها
امتعتنا يابو ناصر بقصص ايام الطفوله

[وجودك يكفي]

آآآآه يالغندي .. هههههههههههههههههه


لاهنت يارفيقي

[تباريح الروقي]

هههههههههههههههههههههههههه>>وين المزهريه اللي صارت اسد عندك



عاش ابو الحوسه>>عرفنا الحين وش ناديك
>>ام العصافير تحييكم....................~~>


.................................................. .................................................. ...............

بسم الله الرحمن الرحيم



1) نشيد كنتي تحبينه أيام الطفوله ؟؟

لاتخافي لاتخافي نحن ابطال المطافي.. نحن شجعان كرام لانبالي لانبالي



2) شخصيه كرتونيه كنتي تحبينها ؟؟

ههههههههههههههههههه>>هايدي وبيتر..

و عدنان ولينا


وليدي


سالي








3) كيف كنتي ايام طفولتج شيطانيه ولامؤدبه ؟؟


لازم اقول>> شكلي مؤدب ولا اسوي شئ ابد حالي في بالي


ههههههههههههههههههه>>لا والله كنت عوبا.. ماخلي شئ في محله


اذكر امي..كانت.. تعاقبني(تجلسني عندها ولا تخليني اتحرك.. وتخلي اخواني

يلعبون.. قدامي>>كان عقاب اني ماتحرك لان مثل ابليس مره فوق دولاب مره متعلقه بالدرج.. وماخذه حركات العيال باللعب لاني جيت بعد 3 اولاد











4) ماهي المواقف التي عرضتِي فيها اهلج للاحراج؟؟هههههههههههههههههههههههههههه>>امي الله يخليها لي.. كنى مسيرين


على عيال عمنا بالديره.. وكان في واحد من عيال عمي مسوي نفسه الزعيم


على الكل عمرنا كان في وقتها يمكن 10 سنوات المهم نلعب... ويجي يقولون متعب جاء

>>ماعرف متعب لان مانجيهم الا بالعطل واطالع متعب الا نحيف وقصير ههههههه.. عادي الا يجي يصفهم كنهم طابو على الجدار ويجلس يصفق بالبنات

>>ماعجبني الوضع.. قال بنلعب حقره بقره.. والي يوصل له الدور يطردنا

>>جاء علي وجلس اطرد فيهم.. ومسكته قال مامسكتيني<< وقلنا كلام غير صالح للنشر... وش؟؟ سوى شد شعري>.. والله كشت كني عبده علييه(وبركت فوقه)
واذكر كان تحتي يصارخ.>>>كنت دبه ههههههههههههههههههه<<الولد بغى يمووت

ولا حسيت الا امي وامه.. تصايح اذبحت ورعي.. وامي تاخذني>> تعذر

>>بس امي بعدين جلست تضحك قالت اول مره اوديك لعيال عمك بغيتي تذبحين لدهم هههههههههههههههههههههه>>..









5) هل كنتي ذو شخصيه قويه أم مغلوب عليه ؟؟
لا قوووويه,, ولله الحمد..








6)موقف حصل في طفولتك كان له دور في تغيير مجرى حياتك؟؟موقف.. كنت اسبح بالبحر مع ابوي واخواني,, وعيال خالي كنى اصغار


وابووي لاهى عني,, وكان في دومات صغيره تجي على الشاطي اسحبتني اذكر

ومنجد غرقت الا ان اخووي,, انتبه لي وطلعني.. وحتى الحين على عشقي االجنوني

للبحر الا اني ماتعدى حدود الشاطئ.










7) اكبر مغامره
قمتي فيها وانت صغيره..؟؟؟

صعدت جبال في الديره نسميها(مصيقره) جبال نصفها املس


تحدي من يوصل لفوق قبل>>وكنت خوافه بس تشجعت مع البنات وطلعت


>>بس ماعرفت انزل.. وجلست ساعه فوووق انتظر اخوي يجيني ههههههههه


بس كسبت التحدي بان طلعت..





8) من هو الشخص اللي يقع دائمأ في شر اذيتك..؟؟؟

هههههههههههههههههههههههه>>انا اقع اذيه>>حبيبه ماتؤذي احد


والله اخوي الي اكبر مني..دايم يصفقني وكانت اختي الكبيره الله يرحمها تفكني منه

>>بس الحين احلا علاقه بيني وبينه>>واحيان اذكرره بااليي يسويه فيني ههه












9) يوم كنتي صغيره كنتي تترأسين عصابه ام انج كنتي عضوه فيها فقط؟؟



لالالا<< مايهمني الا اني العب... لاعصاب ولا غيره؛؛بس عقب بركتي فوق ولد عمي

معاد احد اعترض لي هههههههههههههههه

10) من كـان يدلعك أكثر
أبوك ِ او أمك ؟الحمد الله كلهم>>>بس ابووووي اكثر...الله يخليه لي








11) اســم دلعك بالطفوله لحد الان ينادونك فيـه ؟؟
وماهو ؟؟
ههههههههههههههههههههههههه>>>يستحيل اقووووله



12) بطفولتك كنتي تبجين إذا ماجلستي بالاول بالطابور اوالفصل ؟؟
ههههههههههههههههههه>>الا ابكي اذا جيت قدام






13) هـل كـنت تـعانـي مـن اخـطاء
فـي مخـارج الحـروف ..؟

لا بالعكس انطق الحروف صح>>لان قبل جدي الله يرحمة يقريني قران قبل ادخل المدرسه.. وكنت متمكنه من القرأه
14) يوم كنتي صغير/ هـ
وش هي تسريحتك المفضلة ؟؟
هههههههههههههههههههههه>>مافي مجال للاختيار امي ام قرنين ولا ذيل الفرس



15)أشياء ودج تذكرينها عن طفولتج؟


الحممد الله طفوووله عشتها بكل مافيها..





اشكر اخوي>وجودك ع الاختيار..


والشكر لك... مهرة مطير.... واترك الاختيار لك..

[وجودك يكفي]

هههههههههههههههه اهم شي انك دبجتي متعب وكسرتي شوكته وخليتيه يخاف من البنات ويحسب لهن الف حساب


طفوله جميله ورائعه . لاهنتي ياتبااااريح والله يعطيك العافيه

[الأدميرال]

المشاركة الأصلية كتبت بواسطة تباريح الروقي 7) اكبر مغامره قمتي فيها وانت صغيره..؟؟؟ صعدت جبال في الديره نسميها(مصيقره) جبال نصفها املس تحدي من يوصل لفوق قبل>>وكنت خوافه بس تشجعت مع البنات وطلعت >>بس ماعرفت انزل.. وجلست ساعه فوووق انتظر اخوي يجيني ههههههههه

ههههههههههههههههههههههههههههه
اي كسبتي التحدي وانتي ساعه فوق الضلع

متعب زعيم واخرتها نحيف وعصقول خخخخخخخخخخخخخ
راح فيها زعيم الحاره

يعطيك العافيه تباريح

[وجودك يكفي]

المشاركة الأصلية كتبت بواسطة الأدميرال ههههههههههههههههههههههههههههه اي كسبتي التحدي وانتي ساعه فوق الضلع

هههههههههههههه

[اصايل]

المشاركة الأصلية كتبت بواسطة الأدميرال 4) ماهي المواقف التي عرضت فيها اهلك للاحراج؟؟ المواقف كثيره بس كان اقوى شي كان الوالد الله يرحمه مسوي غداء للامير سلطان بن محمد الكبير وكان ايامها توي طايح بالنبيلات وكنت وقتها فاالشارع انبط على حمامه واقفه على سلك فوق البيت على طلعت ابوي والامير والريجيل معه سبحانه اختارته النبطه من بينهم كلهم وهي توقع في راسه اللي اذكره ذيك اللحظه انها قامت عجه عند الباب وانا انحاش لى بيت لخوالي اخذ عندهم اسبوع وطلع سليم منها ما جته الارضه ولا طلع دم سلم منها ههههههههههههه لزوم نبلغ الشيخ 7) اكبر مغامره قمت فيها وانت صغير..؟؟؟ اكبر مغامره كانت سرقه وكانت اول مره واخر مره كان عمري 8 سنوات قمت مره الصباح بدري وجاء في بالي اروح الدكان/ ذاك الوقت اقول دكان معرف اسم البقاله وانا بطريقي لدكان واشوف باب جيرانا مفتوح والوبر فالحوش يناقز وانااقرب من الباب ودخل راسي معه وطالع يمين يسار مافيه احد كلهم رقود وشوف اللعشه حقت الوبر يسار فالحوش وانا ادخل وخذ ثنتين وروح للبيت وحطها ورجع مره ثانيه واخذ ثنتين ورجع وفالمره الاخيره على دخلتي فالحوش لاهاك البنت واقفه عند باب المدخل تناظر في توها صاحيه من النوم وهي صغيره وانا ابتسم ورجع مع دربي وكفخ للبيت يوم جاء العصر فيه ملعب دايم نلعب فيه فالحاره المهم وحنا نلعب وهي تطلعلي مثل ابليس قدام وجهي وتقول هذا هو اللي سرق الوبر حقنا واخوانها يلعبون معي بس اشوى محد سمعها وانا انسحب بكل هدووء من الملعب وعلى البيت يوم جاء المغرب ويجينا ابوهم يشتكي على ابوي واخذ تكفيخ هاك اليوم لين اذنت يوم جاء من بكره وشوف الولد واخته جاين من البقاله وانا اجيهم وامسك اخوها وانا اضربه وخته تقعد تبكي واخذ اغراضهم اللي هم شارينها وكبها بس الي الان كل ماذكرتها تندمت وش ابي فيهم:sniper (71): خخخخخ تذكرت سعيدان وعليان يوم يصاحبون مصطفى انواااتي عشان الزعتر واللبنه 8) من هو الشخص اللي يقع دائمأ في شر اذيتك..؟؟؟ ههههههههههههههههه ازقور التركي كان يعملون عندنا ابوه وامه وكان حياة ابوي الله يرحمه ماخذلهم بيت قدام بيتنا عشرة عمر بينا وبينهم وكان هو الضحيه دايما كانت ام ازقور تطبخ طبخ وكنت اجيهم على حزة غداء اوعشاء يعنني ادور ازقور بس عشان اكل معهم بطاطس وسمك وسلطات>>>> كان فيه خير ونعمه عندنا بس ليه احب اكلهم مدري والمعلم ازقور الان فاتح حلاق بالعليا وهو حلاقي المفضل ياعزتي له ازقور هع 9) يوم كنت صغير كنت تترأس عصابه ام انك كنت عضو فيها فقط؟؟ مستحيل كان احد يتراسني كنت انا المدبر في كل شي:sniper (90): مدير اتراااك 11) اســم دلعك بالطفوله لحد الان ينادونك فيـه ؟؟ وماهو ؟؟ مافيه اسم دلع بس كانت الوالده لاشفت وجهي متغير وحست اني جايب مصيبه كانت تقول/ وش عندك ياسمين العلوم:sniper (54): علينا ومافيه عياره مثلا 13) هـل كـنت تـعانـي مـن اخـطاء فـي مخـارج الحـروف ..؟ مرذوق اذرم هههههههههه هذي انا متاكده منها لاتحاول تقول ااااذرم خخخخخ 14) يوم كنتي صغير/ هـ وش هي تسريحتك المفضلة ؟؟ قصة الاسد كانت مشهوره ذاك الوقت هههههههههه وتوليت اووما التوليت كنت تحط بلكريم الاخضر هههه 15)أشياء ودك تذكرها عن طفولتك؟ وكان حلمي اسوق تريله ياااه ع الحلم الحين وودك بــــ ببنتلي

طفوله ممتعه الادميرال

طولة العمر على طاعة يارب وبعيده عن تكفيخ ازقور وامثاله

[اصايل]

أصايل أمتعتينا بسوالف طفولتج ماشاء الله عليج ماينخاف عليج جيّده يعطيج العافيه

احم احم




ترا اول بس والا الحين حبيبه .....ااااذرم خخخ

[تباريح الروقي]

المشاركة الأصلية كتبت بواسطة الأدميرال ههههههههههههههههههههههههههههه اي كسبتي التحدي وانتي ساعه فوق الضلع متعب زعيم واخرتها نحيف وعصقول خخخخخخخخخخخخخ راح فيها زعيم الحاره يعطيك العافيه تباريح

هههههههههههههههههههههه>>ياخي حرام علييك اتحدي اني ارقى فوق الضلع

مو على من ينزل ههههههههههههههههه>>



وهلآبك ياراعي التريله...