في مورد الماء تقابلنا ،وأنا ماشي مدري، من الحور ولا من بنات ادم

[Mr.CERRUTI]

لأني مرة من المرات طرت فكرة علـى بالـي
نويت أزعل بدون اسباب واشوفـه لـو بيتأثـر ..!!

أبعرف قدري بـ/قلبـه بيهمـه وضعـي الحالـي
أو انـه رح يطنشنـي ولا يسـأل ويستفـسـر ..؟؟

وفعلا دق ما جاوبت!!حـرق لـي والله جوالـي .!.!
3000 مـرة دق وانـا مطنـش ولا معـبّـر .!.!

كتبلي بالمسج: [اطلـع انـا عنـد بابـك الحالـي
قسم بالله مـا تطلـع لخربهـا انـا واحــدر]

ومشكلتـي أعرفـه زيـن يسويهـا ولا يبالـي
نزلت/ وخاطره مكسور يقـول: (اشفيـك متغيـر؟)

وقلت له: بس أبتأكـد اذا قـدري معـك عالـي
ضحكلي وقال لي اتأكدت؟ ودمعه بلـل المحجـر .!!

وطارت فيني الدنيـا لمكانـي صاحبـي جالـي
تعذرلي وانا الغلطان واانـا اللـي لازم اتعـذر

[Mr.CERRUTI]

يـا لـيـت البـريـد الاكتـرونـي يـعـرف الـنـاس
عـلـشـان مــــا يـقـبــل وراعــيــن خــلــق الله

صحيح انه أفضل من عناء الحبـر والقرطـاس
لـكـنّـه عـلــى قـــول الـمـثـل .. عـلّـتــه عــلّــه

تـطـفّـل عـلـيـه أطـفــال مختـلـفـة الأجـنــاس
بـــلا مـعـرفـه مـــن حــــط عــنــوان تـرسـلّــه

عنـاويـن وهمـيّـه .. ومـــن مـصــدرٍ هـــلاّس
ظهـر لـه طـرف علـم .. وجحـر وأنـدفـن كـلّـه !

هــذا نـكّـه الـحـرّ .. وهـــذا نـكّــه الـقـرنـاس
وفيـهـم مــن طـيـور الـبـحـر .. طـبــع وجـبّـلـه

واحدهـم .. كلامـه جامـد وناشـف وحـسـاس
ولــو نلـتـفـت لـــه قـــام يـرجــف مـــن الـذلّــه

أجاهـد فضيـخ القلـب .. وإلاّ صـديـع الــراس
وأنــا خصـمـي الـلـي يعـقـد الـحـبـل ويـحـلّـه

يا بدو الذهب يبقى ذهب .. والنحاس نحـاس
وراع الضغـيـنـه يـمـســي ويـصـبــح بـغـلّــه !

[Mr.CERRUTI]

وردنـي تالـي الـليـل...... جــوال


وانا على شاهي وبسكـوت ديمـة


الرقم بايخ لكـن الــصــوت قــتـال


كنــه مثل صـوت المذيعـة حليمـة



قــالت مساء الخير يـا طيّـب الفـال


قـلـت ارحــبـي تــرحيبـةٍ مستديمـة


بـالـعــود والصفـري ودلـة وفنجـال


واجـبـك يا بنت الأصـول الكريمـة


وردت بضحكة ثم قالت وش الحـال؟


قلت اشهد إن الحال عقبك سقيمـة


قالت وهي تضحك بعد مثل الأطفال


وانـــا بـعـــد>> كــنــي بــدونـك يتيمـة


مـــن يـوم قـالـتهـا تزلزلـت زلـزال


مــن فجعتي كنـي مسـوي جريمـة


قلت ارفعي صوتك ترى مابه ارسال


كـــذاب لــكـنّ المصيبـة عظيمـة


قالت أقول اسمع ترى هرجنـا طـال


مــمكـن تصاحبنـي ترانـي وسيمـة


واسمي الحقيقي أول حروفـه الـدال


لــكـــن يسمّونـي البنـات الزعيمـة


صحيح أحب الفخفخة واعشق المال


لكـن ترانـي طــاهــرة مستقيـمـة


ما عندي امغازل ولا( لعب يهّـال )


ما عندي إلا في الشرف والحشيمـة


بس الصراحة قلبي لشوفتـك مـال


واصبحت وحدك جالسٍ في صميمه


فكّر بعقلك واترك القيـل والقـال


واحذر تطيع اهل العقـول العقيمـة


وارسل علي الحين خمسميـة ريـال


أشحن بهـا جـوال أختـي غنيمـة


أو طقم غالي فيه خاتـم وسلسـال


أروح بـه فـي عـرس ولاّ عزيمـة


قلت الحقيقة مانيب رجـل أعمـال


ولانـي بتاجـر والمـوارد عديـمـة


أنا الصراحة شبـه عطّـال بطّـال


وعلاقتـي بالفــقـــر جـداً حميـمـة


والراتب الله يرحم الحـال مـا زال


محـدود والمصـروف ربـي عليمـه


والــديـن بـالآلاف والبنـك شغّـال


يــاكـل فـلـوسـي بالربـا والظليمـة


والسوق طايح والغلا ضيّـق البـال


والموت والله صايـر اكبـر غنيمـة


قالت تحمّل بـس والحمـل ينشـال


خلك شديد الباس صلـب العزيمـة


ياخي تصرّف جعلك اتصيـر نشّـال


أهـــــم شــي إن النوايـا سليـمـة


لابــد تـفـهمني علـى كـل الأحـوال


ما دمت من أهل العقـول الفهيمـة


قلت إيه والله فاهم اللي على البـال


لــكــن تــرى هـذي علينـا قديمـة


يــا بـنت هـذا صايـر اليـوم مـوال


للي تبي تلعب علـى ابـن اللئيمـة


يا بـنــت ما تدرين كـم فيـه محتـال


يلعب على الحبلين وانتـي غشيمـة


يا بنت كم من جاهلة دمعها سـال


من عقب ما جات العواقب وخيمـة


والبنت لا اقتفى عرضها بيد الأنـذال


والله مــا يــبـقـى لهـا أي قيـمـة


قالت تبي ولاّ فـ خـلّك علـى جـال


مهوب ناقصـني نصايـح حكيمـة


عز الله إنك للأسف منـت رجّـال


وانك قليل الذوق ما فيـك شيمـة


يا لعنبو اللي مـا يسطّـرك بنعـال


حــتـى يـعـلمـك الغـزل يـا بهيمـة


( تفو ) عليك وصكّت الخط في الحال


مدري ( تفو ) هي مدح ولاّ شتيمـة



خخخخخخخخخخ ياالله ابروح ارقود واقدم تحياتي لجمهوري .........

[Mr.CERRUTI]

اديها يا عصملي الحياة وحدة والله وحد

[Mr.CERRUTI]

ياااااااااااااااااااااااااااا عيني هههههههههههههههه

[Mr.CERRUTI]

يا أخر طموحاتي وذروة حنيني
تلبس على فاللك وأنا بفالي أموت
أموت في اللبس الخفي المبيني
والشعر لامنه تناثر على الكوت

×××

والصوره الي بين خدك وبيني
تقول للسكر تعال المس التوت
وعيونك اللي تحتها شامتيني
خيل العرب في معركة عين جالوت

×××

كل شي يتمنى يشاركك فيني
الأرض والأشجار والبحر والحوت
يا مبرأك يا مظلمك يا ظنيني
ما ضاعلك ضايع ولا فاتلك فوت

×××

أقسى الرجال ان شاف حسنك يليني
والبنت في جنبك تتحول لطاغوت
خذني معك بلاك أنا مايبيني
يا شعر بوراشد ويا سحر هاروت

×××

هذي أمنياتي يا مبعثر سنيني
الود ودي نجتمع لو في تابوت
ودي أحطك ياحبيبي في عيني
وأسكر عيوني عليك أنت وأموت

×××

وأدخل معك قبر الغرام الحزيني
واسمع تناهيت المحبه بلا صوت
يا أخر طموحاتي وذروة حنيني
تلبس على فاللك وأنا بفالي أموت

[Mr.CERRUTI]

اللـــه وكيـــلكــ ضــايــق حيــــــــل صدري ..~~[
والوضع اشــوفه زايــد الضيــق ضيّقه !
آآدري (مــآآآتدري) .. لكــن الله يدري
آآإنـــي متـــحممممل " فوق مآآلآآآ آطيـــقه!!!!

[Mr.CERRUTI]

أنا على خطوتك كثرت مشاويـري
......................................قفلت صندوق صدري وانكشف سره
تقبلي حبـي وشكـري وتقديـري
.....................................لو لاك ماكان انا غنيـت بـا المـره

[Mr.CERRUTI]

رجم الهوى اللي لعـن كوثـر جماهيـره
عـز الله أنّـه مايستاهـل تعـب ساقـي
أتعبتهـا فــي مراقـيـه ومشـاويـره
ذي جرتي نـازل .. وذي جرتـي راقـي

لبيه يا (سـاره) .. ولبيـه يـا (منيـره)
في مهبل الناس مدري ويش أنا لاقـي !!

صدر الشمالـي عليهـن فـك أزاريـره
اللـي مـن آدم وحـوّا مابعـد ضـاقـي

جن المدينـه علـى غفلـه مـن الديـره
وتورّطـن بالرومنسـيّـه والأشـواقـي

مايكتـبـنّ أساميـهـن بالطبـاشـيـره
بيعلمنّـك عـن الموضـه والأذواقـي !!

وجيههـن طالعـات مــن الكوافـيـره
من كثر الألوان كنْهـا (سبحـة عراقـي)

مافيـه داعـي أجاملـهـن بتكشـيـره
وأقول مشتـاق .. لـو مانيـب مشتاقـي

ماهن بكفو السهر .. والحزن .. والغيـره
ودموعي .. وشعري الموزون .. وأوراقي

(كرت أحمر) و (باب طيّاره) و (تسفيره)
في (قلعة الوادريـن) و (بألـف طقّاقـي)

الهنـدي و وايتـه !! والعـود وبعيـره
هـذا مـدوّر ذهيـب !! وذاك سـوّاقـي

لو ما أنصفتني سنيـن العمـر الآخيـره
ماطبّقت عينـي أحداقـي علـى أحداقـي

قفلت سيرة علاقـات .. وبـدت سيـره
اللـي عليهـا الكـلام وهقـوة الهـاقـي

أبرك ضيوف الهوى !! وأغلى مساييـره
ريحانـةٍ تقطـف اللهفـه مـن أعماقـي

ماهيب من قوم : (ابـو دقّـه وتسكيـره)
من قوم : (لاحاسبـت ماتاخـذ الباقـي)

لهـا علـى الزيـن تهليلـه وتكبـيـره
أنعم مـن الـورده اللـي فـأوّل الساقـي

مهيـب أميـره لكنْهـا جنـب الآميـره
ذات الحسب والنسب والمستوى الراقـي

من (أغنياء الرياض) ومـن (هواميـره)
شركات أبوهـا بضايعهـا فالأسواقـي !!

يومي لهـا الغصـن وتغنّـي عصافيـره
والأمـر ينقـاد لرضـاهـا وينسـاقـي

غيداءٍ سهـم عينهـا مـن قـوّ تأثيـره
مخسرٍ سـوق الأسهـم عنـد الإغلاقـي

البـدي والهيكـل اللـي ماتبـي غيـره
(أصطب) و (أستبنتين) و (قير علاقي) !!

مازيّـن أخـلاقـي الـطـب بعقاقـيـره
لـولا عقاقيـرهـا مـازانـت أخـلاقـي

من قبلهـا الحـظ مـن جفـره لدحديـره
ليـن أوعـزت للزمـان وحـرر وثاقـي
\\\\\\\\\\.

[Mr.CERRUTI]

اليوم امدونتي على قولت المطيويع المجنونة يعني لا ضاق صدرك وصار فية مافية سير على مدونت شيروتي وتفرج............