بيارق عنزة الوائلية تقتل حامد بن رفادة شيخ بلي

[الصادق المطلع]

السلام عليكم ورحمة الله وبركاته
الاخ علي عليوه اشكرك على عد الحقايق فعلن ان فيه مواضيع ضخمت لا تخفاء على الجميع

[سعد الطلوحي]

ماهمنا من ذمنا لو يذمنا

[الصادق المطلع]

حنا مانذم احد / علي عليوه صادق في كل ماقاله فعل(ن) انتم تضخمون الامور معارك بيضاء نثل كلها مناوشات ماتحمل الطريا ولاذكر فيها فريس غير عقاب عطيتوه فوق حجمه عندكم دلايل مقنعه اكيد لا بس احلام ليل

[الجعفري]

ذكر بيضاء نثيل كابوس لك ياعلي عليوة فقد دونت افعالهم في ربعك دونت في كتاب اكثر كتب الجزيرة العربية انتشار ليش لا ومؤلفه الامير محمد الاحمد السديري اعظم شاعر وراوي بالجزيرة العربية بل ومحااايد .
حتى صار مضرب مثل فيكم .

قال الشاعر كديمس العصيمي العتيبي المرعب لكم كما وصف قال في ربعك ومستشهد في فعل اهل بيضاء نثيل في ربعك

كيف تنسى فعل اهل بيضاء نثيل .... وانت من سعدون وعقاب مهزوم
جـالـكـم قدام ابن وايــل جـفـيـل.... كل شـيء بـدفتر الضــبط مـخـتــوم
عقب ماغرب يبي وادي النخيل .... جـرته كلمة مكـبـريـن الـعــلــــوم
كلـمةً جـرت خيالً مســـــتخيل ... ذبكم ســـيله على روس الــحـــزوم


والحقيقة لاغرابة طالما انك حربي ان تستهين في اهل بيضاء نثيل وتقلل من وقعاتهم بكم وبغيركم لسبب بسيط وهو ان اكثر المتضررين منهم تاريخياً هو انتم .
حيث وصفوكم المؤرخين ان انتم تهربون من امامهم كما تهرب الغنم من الذيب .

[الصادق المطلع]

علي عليوه بعد اذنك

[علي عليوه]

هههههههههههههههههههه

ان كان على حرب فهم معروفين وتاريخهم موجود باراشيف الدول ولايحتاجون شهادتي
حرب قبيله من قبايل العرب يفتخر في فعلهم الشرفاء من اهل الحجاز وعسير ونجد لانهم اسوة بغيرهم من قبايل نجد وعسير واليمن والحجاز مثلو العربي الكريم الذي يدافع عن نفسه فكل مااوتي من قوه حتي ولو تطلب الامر ان القبايل تواجه الدول كما هو معروف في تاريخ الحجاز وعسير واليمن ونجد
ولا يثمن الطيبين الا الطيب والا عاد الجاهل الحاقد فكل شي يقوله

ويكيفك طيب انك تستشهد (بمجال فيه قصايد) كل عقلاء عتيبه لايقبلون مافيها بحق الروقه وبرقا وحرب ومطير وغيرهم والله يهدي المخطئ انا ما اسب احد
وانت اذا تبي تدعي اني حربي ثم تختلق مشكله بيني وبين عتيبه بعيد عليك لان حرب وعتيبه وغيرهم من القبايل اخوه والشرفاء في كل قبيله يحترمون القبايل الاخري ويصونون السنتهم عن النزول الى المستوي الذي لايليق بالرجل

و حرب هم من يردون عن انفسهم والابطال من كل القبايل يقولون (سبيل بن سند وفى وكفى) وماعاد خلا فيها مجال الله يرحمه كنس الغلط كنس وكلا حصل فاله

وفيما يخص ان اهل الشرف تكره الخطاء ولا تدانيه ايضا الشاعر مزيد بن مناحي العتيبي اختصر موقف الرجال الشريفه اللي عقولها بروسها وتدري وتحافظ على المكارم وله قصيده موجهة الى الشاعر سبيل بن سند ينسب فيها الطيب لاهلة ويتبرى من التعدي من ابياتها

وياهل المعزه والمروة يا الاكرام .............مني لابو سلمان ودو سلامي
ودوده من يشفي مقامه ليا قام ............ وقولو هذا رد الثنا من ابن شامي
سبيل اشيد بموقفه عبر الاعلام ............ في كل يوم وكل شهر وعامي
.
موافقه تجلي صدى غبر الايام ......... ويصفي بها جو كساه العسامي
.
الى ان قال يصف قبيلة حرب
.
ولافعالهم نسب الوفا فرض والزام... من شان تخليد الوفا للانامي
جلابة الارواح من دون الايتام .......ليا اختار قتال الوفا الانهزامي
منهم دخيل اللي تقدم للاعدام.... كله لاجل ينقذ حياة الغلامي
هذا مثل ماهوب حصر للارقام ....فيه اختصر ذكر الدعاوي الجسامي
حقايق ماهي من اضغاث الاحلام... كم من دليل فيه صحة كلامي
يفخر بها التاريخ من صدر الاسلام....ومصادر التاريخ تروي الحيامي


ورد عليه سبيل بن سند بقصيده طويله

قال بها ابيات يغني واحدها عن مية قصيده

يوم الكلام وقيمته فتل وابرام ..... لولا وفاكم ماشكرتم مقامي
الطيب له دايم هل الطيب خدام.....مايجحدون الطيب غير الهلامي
انتم رجاجيل الوفاء ارواح واجسام ...نطاحة الواجب حماة الجهامي
.
.
علم بنوره ينجلي غث الاوهام... في واجب الهيلا قويا لمامي
فلمستجير وواجب الجار قيام....وبحومة الميدان يوم الزحامي



هذاه الرجال اللي نفخر بها ونعتبرها مدرسه في العرف والشهامة والا الانذال الذي مافيها لاعرف ولاشيمة عرب فالله ياخذهم لانه وسق على الطيبين

وخل حرب وعتيبه لان انت مالك جدي قمت تلوي

التاريخ كله اعلمك به وانا ماني بغشيم قارن كلامي باحترامي لكل القبايل

اكبر دليل على عجزك انك حرفت الموضوع من تفخيم احداث البادية الى محاولة اختلاق مشكله بيني وبين العتبان بادعائك اني حربي ورميك لمواضيع معينه لكن العتبان رجال واعقل منك

ولي وقفات مع مبالغات الانترنت والقصايد الشعبيه

[علي عليوه]

تفضل الصادق المطلع
اسف اخذ مني تحرير المشاركه وقت ولم انتبه لطلبك

[الصادق المطلع]

علي عليوه يقول كشفه للحقائق يعتبر كابوس على الي مثلك وانت جاي الان تقول ذكر بيضاء نثيل كابوس لعلي عليوه هههههههههههههه علي عليوه لم يتكلم من فراغ الرجال عارف السالفه من اولها وانا اليوم قلت لك عطنا دليل مقنع ماعندك غير ديوان السديري عطني ديوان ثاني غير السديري السديري رحمه الله يقولون المسولفه على حضهم ذمتي بريه من مايقولون ان اصدقو وان اكذبوا انه غير مقتنع في طيركم لاكن الجعافره اجتمعوا وراحوا له في بيته وطاحوا عليه وترجوه وباسو راسه حتى يكتب عن عقاب / قالوا ويش يخفاء يارسول الله قال الي مايصير

[الصادق المطلع]

وين وليت يامؤرك الجعافره لايكون مشغل نفسك بالبحث عن ديوان ثاني تريح ياجعيفري مافيه غير ديوان السديري وبحب وجاهيات انا وعلي عليوه اعلم منك بتاريخك
والله لخليك تحرم المهاترات كلها

[سعد الطلوحي]

الصادق المطلع
اولً الصادق مايذم المسلمين والشاعر الكبير / عبدالله بن عبار يقول
هرجً بلا برهان راعيه كذاب