(( ديوان الألغـاز ))

[{ أبوفيصل }]

ويش رجلٍِ، لون بدرٍِ في تمامه
أسعد الأوقات ،، وقته ياحليله

هيئته،، لاعارضك مثل الحمامه
مير عمره،، لاقضى بالوقت ليله

[{ أبوفيصل }]

وشهن اللي جنب بعضهن كلهن
وسط أبوهن مع بعض متجاورات

بنت ،، تجلب للعيون أحبابهن
وبنت ،،، همٍِ للعيون المرقبات

البِني ،،، ثنتين ،،،، في محلهن
وانت لامن شفتهن متخالفات

[{ أبوفيصل }]

المشاركة الأصلية كتبت بواسطة وطن بلا مخالف يالصاحب اللي ليازانت مواضيعه يختار نقواتها بالصنف والنوعي الصيني وَرَّد عليكم من قراقيعه والرأسمالي يبي حقه من الشوعي

المشاركة الأصلية كتبت بواسطة ألراقي إن مايطيعك زمانك يا أجودي طيعه حتى لو إنه زمان الخوف والروعي الغرب ناوي على الأكراد والشيعه والشرق يرضخ لهم فالغصب والطوعي

المشاركة الأصلية كتبت بواسطة وطن بلا مخالف بابك مصايد.. وموايق ن. لنا ريعه وانته تقلَّب وانا متوسد ن. كوعي الغرب يصوّر خفايا الحرب ويذيعه والروس يلعب بيديْه الحبل مربوعي

المشاركة الأصلية كتبت بواسطة ألراقي إيران كرت انحرق نشريه ونبيعه أحسب لها عام مع شهرين وأسبوعي ومحيط للدائره جذره وتربيعه بمعادله حلها منطق ومسموعي

المشاركة الأصلية كتبت بواسطة وطن بلا مخالف ايران واللي مدوّخكم طراطيعه أشوى من الصيني ماوراه منفوعي يا ليت عقب الوبا راحت مشاريعه ينهي طموحه ويخرب كل مشروعي :

المشاركة الأصلية كتبت بواسطة ألراقي الفائده حكمها واضح وتشريعه في نص مكتوب بين نزول وطلوعي وإلا الذهب قفلوا بابه وتشميعه عليه ختم الوزاره صار مطبوعي

المشاركة الأصلية كتبت بواسطة وطن بلا مخالف ياقوم ياللي تبون إهداية الشيعه الله جمع شملكم بأفراد وجموعي عان الذهب كلِّف الصايغ بتصنيعه إعادة الصنع قبل الصلح مصنوعي :

.................

[{ أبوفيصل }]

ويش بنت (ن) لا تبيَّن لك طرفها
يدفعك شوقك على كامل حلاها

ان بغيت الحل ناس(ن) تحترفها
إنشد الشياب لو تنشد.... نِساها

وعاين بْعين ن تِغض لْك بْطرفها
فوقها تلقى سِمِيَّتها....... علاها

[{ أبوفيصل }]

ويش الفتاه اللي مثل برق الخِيال
لا قالوا.. العربان تكفي ما عليه

يفطن لها بس النبيه من العيال
وَيلتقط أخبارها رجل ن. نبيه

[{ أبوفيصل }]

رجَّالٍٍ يبدي آخر الثلث الأول
وأمه تودع بعد ثلثين وتروح

يا ليت لو عمر أمه دايم يطوّل
نآخذبه بعض أيام والبال مسموح

رجلن له قدر(ن) عندنا ما تحوّل
وأخوه قبله جانا بسرور وفروح

[{ أبوفيصل }]

ياويش رجلٍٍ لاكبْرت مشاكله
تجي له اللي تستره وتسنعه

بنتٍٍ على نفس الشكل والشاكله
لكنْ مع زود المشكله ماتمنعه

ان كان مامن حيلةٍٍ تِحاك له
يستر على قَرَانَها.. لا تخلعه

[{ أبوفيصل }]

ياويش رجلن لاحذفت أوله صار
ضد المخاوف ،،، بالديار وحماها

وليا حذفت اثنين بنهايته ،،، دار
دارن يعين الله ،،، على ما بلاها

هذا الذي في نصرةالدين مغوار
ما همه الأخصام ،،، حزت لقاها

[{ أبوفيصل }]

بنتٍٍ خبيثة فعل من فعل ابوها
جات وتَلَقَّت ضيف لحظةمِجِيٍّه

والبنت فعل ابوها لو انسبوها
وصف وفعل غير النوايا الرديه

[{ أبوفيصل }]

ثلاثةٍٍ طول الزمن بينهم ولف
ولفٍٍ ما يختلف ليوم القيامه

واحديغادر وقت فيه الهوى صلف
يغيب ويحضر على حزت دوامه

واثنين لامن داوموا بينهم حلف
والصبح كلٍٍّ يىجع وقت استلامه