C)(c للشعــــــــــر# وقفــــــــــات C)(c

[ota]

كل عام وانت بخير يااغلى الحبايب
يااجمل ملاك(ن) انتحل شخص مخلوق
هديتـي هالعـام فيهـا غـرايـب
ورد وقصيد وبحـة انسـان مخنـوق
الله عليـك ان نكستـك الهبـايـب
والله عليك ان زدت في قلبي عـروق
ودي اقول اني من الشـوق ذايـب
وخايف تقول استح على دمك وفـوق
اخوي مره قال:ان طحـت خايـب
أطيح تمـر(ن) امتلـت منـه عـذوق
وانا اقول:ان طحت ماطحت تايـب
اطيح مذنب طهـرت وجهـه حـروق
وياعاذلي وشلون شكـل النصايـب
لاتحسبني مـت مـن دمعـة المـوق
وانا احمد الله قاسـي(ن) بالنشايـب
مصيرها الأيـام تضحكلـي وتـروق
بس انت ياخلي نويـت المصايـب
من شاف زولك قال:يلعن ابو الـذوق
فستانـك اللـي ساتـره بالذوايـب
والا كحل عينك مـزع كـم معلـوق
والا رموشك جيش جـزل النهايـب
ماينهـب الا طيـب الخيـل والنـوق
و(ف)مشيتك تفسير سبع العجايـب
و(ف)وقفتـك كنـه يميلـك طـاروق
و(ف)شفتك جمر(ن)غذته اللهايـب
و(ف)ضحكتك نلمح تباشيـر وبـروق
وماكن بطنك افتقـد غيـر غايـب
ضم الظهر يوم التقابـه مـن الشـوق
وتبي الصراحه..ماحسدت القرايـب
اللي يشوفونك على غـروب وشـروق
ماأحسـد الا قاسـيـات النـوايـب
اللي تزيـدك بالدلـع ترفعـك فـوق
ويحقلك لاصـرت سيـد الحبايـب
ويحقلك ان زاد فـي جرحـي فتـوق
ويحقلك دامـك تسـوق السحايـب
جبت المطر همال مـع ديـم مرفـوق
بس الحقيقه عيشـي كلـه شوايـب
بذمتـك ماشفتنـي منـك مشـنـوق
زدت الهبال..هبال..زدت الخرايـب
واقسى الجنون..جنون..عاشق ومطفوق
وحتى الشجاع بحضرتك صار هايب
يالعنبو هالعشـق سـارق ومسـروق
وعلى العموم ان طبت يازين طايب
جرح السنين وعزوتي لهفـة الشـوق

[بنت* عتيبة]

[poem=font="Simplified Arabic,5,white,bold,normal" bkcolor="transparent" bkimage="backgrounds/35.gif" border="none,4,silver" type=2 line=1 align=center use=ex num="0,black"]
كـاسٍ مليتـه بالوفـا لاتكبـه
خلّه يبلل بالوصل يابس الريـق [/poem]

[ota]

ماكرهت مـن الطبـوع الا التغلـي
ولاعشقت من الوجيه الا السماحـه


اسألك بالله وش مغـزاك ياللـي؟؟؟
لك ثلاث سنين في قلبـي سياحـه


لاانت مسرف في جفاك ولاانت خلي
لاانت طااغي بالطعون ولا انت راحه


لاانت محزون ٍ ولانـت بمسفهلـي
لاتونسـنـي ولاحـولـك نيـاحـه


لاتناديـنـي ولاجـيـت لمحـلـي
لاتجاملنـي ولاقلـت الصـراحـه


ولاانت فيمن هام في حبـك مهلـي
لاترحـب بـه ولاتطلـق سراحـه


ماتركت من الحلا لـو ربـع ملـي
مالـك ٍ تاجـه وبيدينـك وشاحـه


من يلـد ّ بعينـك الخرسـا يولـي
مثل ماوليـت بالرمـش وسلاحـه


ليتني من جمرتـك فشيـت غلـي
لين اعلم جمرتك معنـى الشفاحـه


تل قلبـي يـوم لـك ليـل ٍ يهلـي
عانق الجيد وتخالط مـع صباحـه


جيت لـك كلـي ولاعـودت كلـي
من كيان العقـل طيرتـي مساحـه


اضعـف الايمـان لاسافـرت قلـي
او تحسبـه سـر ماتعلـن بواحـه


او تظـن المسألـه لعـب وتسلـي
اييييييه ابيك تداوي القلب وجراحـه


اكتفيـت مـن المفـارق والتغلـي
وافتقد منـك الرحابـه والسماحـه

[فهد بن فهم]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تلاعبي بالعواطف وأحرقـي دمـي"="يفـداك قلبٍ يضخـك فـي شرايينـه

قولي بأعذبك حاضر وأبشري سمـي"="بـس الوعـد يالمها لالاتناسينـه

يطشنـي هاجسـي ويلمنـي لمـي"="بين الأمل والخفـوق اللـي إتمنينـه

لايبرد الشوق شبـي نـاره وحمّـي"="مشاعرٍ في غرامك عاشـت رهينـه

أبغى الولع من حنايا صدري إيجمـي"="وأبغى بعد مثـل ماحسـه تحسينـه

ماودي جروح عـام العـام تلتمـي"="والجرح الأول هذاك اللـي تخبرينـه

هاتي عطيني وزيدي جرحـي بهمـي"="يابخت قلـبٍ بعـد روحـي تولينـه

ليتك تشوفين يـوم اقـوم وأضمـي"="طيفك بنومي وأصافح راحت ايدينـه

وأكرر اسمك وابيه يذوب فـي فمـي"="من ما قلبي اشوفـك بينـي وبينـه

والله لواقدر لأسجّل في طرف كمـي"="إسمك واقول اشهدوا ياناس وش زينه

وش عاد لو كثّـروا عذالـي بذمـي"="وكلٍ شهر بالسوالـف حـد سكينـه

عن ما يقولون عندي كنـي أصمـي"="ماجربوا وش يسوي رمشك وعينـه

ماطعت الأشوار تمي بالوعـد تمـي"="تعبت أراقب شهور الوقـت وسنينـه

تدرين لولاي صـادق حـب مهتمـي"="ماجيتك أنقل معـي كامـل براهينـه

لا بوك خالي ولا قرّبـك لـي عمـي"="لكن غلاك أعترف ترجـح موازينـه

يمك توجهت خلّـي وجهتـك يمـي"="الناس قالوا حلاة الشي فـي حينـه

حتى أذكر الله عليك اليـوم وأسمـي"="وتبقين مع دم قلبـي فـي شرايينـه[/poem]

[ota]

حسافة كان تتركني كما زرع بليّّا مي

يون من الظمى والعود تذبل فيه أوراقه

حسافه حبنا يالزين يطوى في ظلامه طي

يموت وهو بعد توّه يلملم حر أشواقه

حسافه دمعة تحرق قبل تذرف وتكوي كي

دموع البعد ياسيدي من العينين حراقه

حسافه بسمة تاهت وقلبن ما بقي له شي

حسافه ضعت وأيامي بدنيا دوم فراقه

أنا لاجله رخصت الحال وأقفيته بترك الحي

أنا مقوى بعاده يوم كيف الحال بفراقه

بغيته شمس بالظلمى وبالرمضاء يكون الفي

ويروي لي ظمى قلبي ويرحم عين مشتاقه

[ota]

[ ياحرار] :الشعر للقاف حطيت الوسـوم
والوسوم الباب وسـم السحانـي بإقتـدار
بإقتدار: الفكر ساعة رحل بيـن النجـوم
والنجـوم يعانقـنّـه بجـولـه فالـمـدار
والمدار: افتر به لين حـدد لـه رسـوم
والرسوم من الكواكب واخـذ منهـن فنـار
والفنار: يبوج له كـل ظلمـى والغيـوم
فالغيـوم المركمـه يـوم بددهـن مسـار
والمسار: من الجدي صار خادم ومخـدوم
امخدوم مـن الثريـا وسجـل لـه وقـار
والوقار: ليا حصل صار بالحيل محشـوم
امحشوم مـن اليمانـي سهيـل ولا يغـار
غار منه: الليـل والسبّـع بليلـه ويـوم
ويوم للجوزاء وصل اتضح ضـوح النهـار
والنهار: انهى مسيـرة خيالـه والحلـوم
والحلوم اللي بهن سج فكـري طـرد ثـار
ثار :من ريميـةٍ راتعـه بيـن الحـزوم
والحزوم مربّعـه واختفـى ضبـي الزبـار
والزبار: مروج عشبه حشى مابـه ثلـوم
والثلوم اللي بقلبـي مـن اسبابـه دمـار
والدمار: مفارق اللي زهت زيـن الرقـوم
والرقـوم لوصلهـا ماعليهـنـه غـبـار
والغبار: بدرب وصله لواهيـب وسمـوم
والسموم بحامـي القيـض مظمـاةً ونـار
ونار :قلبي من غلاها تهـد اللـى يقـوم
ولو يقوم الحظ يطفـي لواهيـب وشـرار
والشرار: اللي بـدا بالسـلام وبالسلـوم
والسلوم اللي حدتني وما قـد صـار صـار
صار: ما لا اقدر بشرحه ولو تقوى العزوم
والعزوم احيـان تقـوى وترجـع بانهيـار
وانهيار: الصبر مع صمتي يسبب وجـوم
والوجوم اخفى السراير وصار إلهن ستـار
ياستار :الصبر حرفك ونزفـك لا يصـوم
ولو يصوم إيحل فطره ليا التـرف استـذار
استذار :الحس والنبض والقلب الكظـوم
الكظوم لغيض فيضـه وعانـق [ للحـرار

[ota]

ياطيـر ياللـي تنـوح بعالـي الغصـنـي
مليت وانا انتحـر فـي .. طـرس اقلامـي
,,
(زدني من النوح واسعدني علـى حزنـي)
لملم بقايا عناي .. و .. ضيعـة احلامـي
,,
امس الضحى ايقنت بـان الطيش ما يعني :
سوى .. مواطن هواوي .. في : بلد نامـي
,,
يامزنة الديـم .. يـا .. ديمومـة المزنـي
يـالهام كل مصدرٍ .. يا .. مصدر إلهامـي
,,
غفيـت فـي وجنتيـك .. ولا تواخذنـي !
الشوق هـذا لئيـم !.. وميسمـه دامـي!
,,
كذا ويكفـي .. بـلاش تقـول : واحشنـي
باين عليـك تهبـا .. وصويحبـك ظامـي
,,
عديت انا الذكريـات .. بـرجمـك المبنـي
وتليت عود الضلـوع .. بـمرقـب حامـي
,,
وشلون اخبيك عن عيني ؟ .. وانـا جفنـي
كـل مـا يِكّـت النظـر .. ينبتـك قدامـي
,,
وش عاد لو ضاق يالسجـان بـي سجنـي
يـدٍ تبينـي سجيـن ويـد مـا تحـامـي
,,
مدامنـي كـل مــا ميّـلـت تسنـدنـي
وش نيتك في خويك ؟.. يـا مـلا الغامـي
,,
يا ابلغ من الضاد .. وسط الجامع المغنـي
وألطف من الغيم .. لا نسنس هوا شامـي
,,
كـم لـه وهَالنـور هـذا جانـي ومجنـي
كل ماسطع بالشحوب .. و .. دوزن اوهامي
,,
يمكن امـرك تـرا بكـرا .. و .. آخذنـي
خايف علي مـن عبيـرك يعلـن اعدامـي
,,
انتَ .. فـعطرك .. تسيل الغيـم يمطرنـي
وانـا بالاجـواء هـذي : واحـد اجرامـي
,,
اسرفت فيني وانا ما قلـت لـك : عطنـي
حسبـي عليـك وعلـى تغريبـة اقدامـي
,,
خلاص .. يكفي .. دخيلـك .. لا تواعدنـي
مغري .. وانا ما انتبهت لـعضـة ابهامـي
,,
تصبح علـى خيـر .. يالله قـوم ودعنـي
من ميلة عقالي .. لين .. البرد بـعظامـي

[ota]

[frame="9 80"]أشتقت أضمك لاأجل أعلمك وشلون
___________ كيف المشاعر نازفه فى غيابك
وكيف الزمن من دون غيبتك مجنون
___________ وكيف الفواد يجيبنى عند بابك
هذا الفراق المر ملعون ملعون
___________ لانه خذاك وعن عيونى غدابك[/frame]

[ota]

[align=center][frame="1 80"]يا بنت أرجوك أنا ما أقدر كفاني ماضـي الغلطـات

أخــاف الله يعذبـنـي وأنــا خــواف يابنـيـه

وأخـاف بساعـة اللـذة يجينـا هــادم الـلـذات

ويأخذ مـن حشـى جوفـي بقايـا روحـي الحيـه

أنا ليّه ثمان اسنيـن وأنـا مدمـن علـى الشهـوات

ديـار الفسـق حاستهـا مواطـي تحـت رجلـيـه

عيوني مـن كبـر همـي تخلـط الـدم والعبـرات

مِسيـل الدمـع مـن عينـي حفـر بالخـد ماريـه

صحيح إنك جميله بـس تبنـا مـن هـوى الزينـات

تركنـا الحـب غصـب وطـوع للعيـن الشقاويـه

يابنت أنتي على بالـك أبأخـذ مـن بنـات الشـات

أجـل مجنـون أنـا يابنـت أشيـل العقـل بيديّـه

ترى أكبر شيء يربطني مِعك جـوال ابـو شاشـات

وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات

وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات

لأن الدمـع ماينـثـر بقـصـه حــب وهمـيـه

أنا أضحك مِعك واضحك منك وعليك أكثّر الضحكات

كأنـي بالـهـوى جـنـي يعـبـي راس جنـيـه

وأنا مانـي بخكـري يلبـس القمصـان والشرتـات

ويفـرح قلبـه المسكـيـن إذا حــب الدوينّـيـه

أنـا مـن لابـةٍ أروت ضمايـا سيوفهـا الغـزوات

خلاياجسمـنـا عـاشـت عـلــى دم القبيـلـيـه

ودهنتي شعـرك الاسـود بألـوانٍ مـن الصبغـات

وعيـت تقبـل الصبـغـه ملامـحـك الخليجـيـه

وحشرتـي ردفـك المسكيـن بالبنطـال والجنـزات

خلاقـيـنٍ تصنّعـهـا مـزاجــات اليـهـوديـه

عشاني ميـتٍ فـي ثغـرك الأحمـر أبـو لمعـات

تحسبينـي أبرضـخ لـك لأن إشـفـاك ورديــه

ورب الكون مأرضى فيك لو إنك شيخـة الحلـوات

وإذا صمـل علـيّ العلـم أكـب ارض السعوديـه

يابنت الناس عـزك فـي سـوادٍ يستـر العـورات

وعزي في شماغ أحمـر وثـوب أبيـض وطاقيـه

سعودييـن نفخـر فــي عبـايـات السعـوديـات

نغـض الطـرف إجـلالً إذا شفـنـا السعـوديـه[/frame][/align]

[ota]

[align=center][frame="3 80"]إذا من بـلاك الله بعيـون عتبيه
............................توخ الحذر وابعد ترى النفس جزاعه
ترى طرفهـا الفتّـان ميّه على ميّه
......................... يصيب الهدف عن بعد ما ينفع دفاعه[/frame][/align]