لغز ،، من يجيبه فالصميم (محلول) من عهود صح لسانها

[عهود]

فكرت في كل حاجه قديمه وتراثيه وش رايك بمهرجان الجناديه يا خليجي هو في حاضر الوقت
و (نصفه الحاضر حضر والنصف الاَخر قديم)

[إبن ثعلي]

اجل توسعة الحرم القديمه والجديده
وتحياتي لك

[{ أبوفيصل }]

صح بدنكـ وحياكـ الله يافوفو الطنايا

مالكـ لوا وكل رمعاتكـ طيبه

[{ أبوفيصل }]

مالك لوا يابو عبدالرحمن ماادري كيف غاب عنكم الحل انت ووجودك ههههه
:)

[{ أبوفيصل }]

(( مهرجان التراث الوطني ))

صح لسانكـ والله ياعهود ماقصرتي قناصة من الدرجه الأولى
عفارم عليك ياقناصة الألغاز

ويش رجـلٍ حاضـر الوقـت والماضـي سليـم
مهرجان التراث موروث تاريخي يجمع بين الماضي والحاضر ويلقى الرعاية والأهتمام لسلامته من الأندثار

بــعــتــبـــاره يــــاعـــــرب بــــيـــــن ذاك وبـــــيـــــن ذا
بعتباره رابط ثقافي يربط بين الماضي القديم والحاضر المعاصر للسعوديين خاصه والعرب كافه

نصفه الحاضر حضر والنصف الاَخر قديم
مهرجان التراث هو عبارة عن قرية نموذجية صغيره يحضره 24 منطقه في المملكه
ممثلةً بين الحاضر الجديد والماضي القديم كما ينظم لأفتتاحه في كل عام مناسبه وطنيه

والـــقـــديــــم الــمــعــتــبــر حـــــاضـــــرٍ مــايــنـــبـــذا
المهرجان الوطني للتراث موروث نعتبره جزء هام من ماضينا التليد لايمكن تركه ونسيانه ويعتبر هوية وطنية
يتم تنظيمه للتذكير بماضي الاجداد وتاريخ البلاد

هــذا لـغـزي قدْمـكـم مـــن يجـيـبـه فالصـمـيـم = هـــاتـــو حـــلـــه يـاجـمــاعــه كـــــــذا ولاّ كـــــــذا
واضح لاتعليق

شكراً على مشاركاتكم وتفاعلكم مع هذا اللغز
تحيتي لكم تحية محبة وتقدير

[جااابر]

ماشاء الله مبروووك ياعهود فقعتي عين اللغز
ويعطيك العافيه خليجي ابدعت دائما متميز

[{ أبوفيصل }]

ويعافيكـ ياجااابر الأميز وجودك وتواجدك الله يحييك يالغالي

تحيتي لك

[وجودك يكفي]

صح لسانك ياعهود وماشاء الله عليك ..

وصح لسانك ياكابتن خليجي ولاهنت على اللغز التراثي الرائع

ولا أخيفك إان مهرجان التراث طاري على بالى ولكن اخوك مسوي ذهين ومفكك شطر النصف الحاضر والنصف الآخر بطريقه لو قلتها لك تضحك عليّ

[{ أبوفيصل }]

صح بدنك ياوجودك مايخفى عليك شي وانا خابر لو جلس ماخليته انت وجااابر
مير ماشفت شايبنا عداّ فوق الهدى ثم حوّل على الحرم هقوتي يبي يحج سنته هاذي

[وجودك يكفي]

المشاركة الأصلية كتبت بواسطة خليجي مير ماشفت شايبنا عداّ فوق الهدى ثم حوّل على الحرم هقوتي يبي يحج سنته هاذي

ههههههههههههههههههههه ابوعبدالرحمن لقط طريق الهدى واكيد مبسوط عقب حطوه طريق مزدوج .. الله يستر عليك يابوعبدالرحمن ونتمنى لك حج مبرور وسعيٍ مشكور ولاتنسانا من دعائك