..::’’_إحتفال عتيبة بقدوم سلطان الخير_’’::..

[دمي عتيبي]

[poem=font="simplified arabic,5,darkblue,normal,normal" bkcolor="skyblue" bkimage="backgrounds/15.gif" border="inset,4,skyblue" type=0 line=0 align=center use=ex num="0,black""]


... قصيدة سيدي صاحب السمو الامير سلطان بن عبدالعزيز


للشاعر : غازي العصيمي



هبت هبوب الشعر وأعذب تعابير =وجتك المعاني بالفرح مِسْتجله
أتقدم أدلال المشاعـر مباهـير =بالانتماء والصدق والحـب كله
لرضٍ حباهاالله بالإسلام تنوير =والشرع فيها مثل شمسٍ إمطله
في ظل حكامٍ بنوها بتطوير =شجرة معزي كل طودٍ وحله
من عهدأبو تركي ذراهامن الغير =وبظل انجاله ربت مستظله
وياحساسي الفرحان غرد مع الطير =وأطلع على الشعب السعودي وقله
اليوم هذا غير صفوا طوابير =واجنوا من الورد البنفسج وفله
وزفوا تهاني للملك والتباشير =سلطان عاد وعاد بالجود دلـه
سلطان سفيان الجيوش المغاويـر =سطام لطام الوجيه المْخِلة
الحازم الجازم حكيم التدابير =ومافيه أمرٍ ٍيصعـب إلا يحله
الرازي البازي هموم المضارير =الباسم الراسم رحابة محله
المصغي الداعم لدعوة هل الخير =مُنيب قلب وثابتٍٍ بالأدلـه
عطاه غيثٍ ٍلاتحدر مزابير =يروي عطش كبد البلاد ويعله
له بالكرم معيار فوق المعايير =ومعنى المكارم مرتوى من سجله
وله بالضماير قصر مافيه تقصير =والقلب صندوق الغلا يستحله



[/poem]

[كــــآتــم المـــــعنى]

حياكم الله جميع ولا شكر على واجب وطني وانتمائي للوطن والمنتديات

والله يقوينا على جمع المزيد

[كــــآتــم المـــــعنى]

للشاعر سطام بن محمد بن عون

[poem=font="simplified arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اليوم عيد(ن) كبير وعمـت الفرحـه=كل(ن) من الشعب فيه يهنئـي الثانـي
يا عظم هاك البيان ويا حلـو طرحـه=فرحت به المملكه والشعب من دانـي
اصدورنا حين مـا ذاعـوه منشرحـه=ومن الفرح طايرين بـدون جنحانـي
لو بأشرح شعورنا يكودنـي شرحـه=عيد ومطر وانتصار وشوف سلطانـي
حتى المصوب على الجبهه برا جرحه=في شوف ابو خالد وفي شوف سلماني
يالله عسى عزنا مـا ينهـدم صرحـه=ويطول اعماركم يا اطـوال الايمانـي
عاش الوطن والمليك ودامت الفرحـه=وعاش ابو خالد وعاش النائب الثانـي [/poem]

[رغدالشيباني]

قصيده في عودة الامير سلطان بن عبدالعزيز حفظه الله بعد شفائه

قالها الشاعر عبدالله بندر تركي الشيباني

[poem=font="simplified arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قولوا معي ياساكنيـن الجزيـره=قولوا هلا باللي حياتـه نذرهـا
قولوا لبو خالد دروبك عسيـره=لاحدا تهمقاها ولاحـدا عبرهـا
تعبر بنا عبر البحـور الغزيـره=امواجها ماردتـك عـن بحرهـا
في راي ابو متعب زعيم المسيره=اللي الى طالت برك وختصرهـا
يديرها بالفكـر وهيـه خطيـره=حتى يخفف عن بـلاده خطرهـا
والجيش يفخر بالمليك اوزيـره=سلطان هو عز الجيوش وافخرها
يامرحبا من كل فخـذ وعشيـره=ومن القلوب اللي فرحها غمرها
باللي رعى جيشه ابصر وبصيره=حتى المحبه في جنـوده بذرهـا
مانحتمل فرقاه لوهـي قصيـره=قلوبنا سيطـر عليهـا واسرهـا
وفي عودته كلن يعبـر ظميـره=بعد شهـور طايـلات انتظرهـا
الجيش كل الجيش يفرح باميـره=فرحه عظيمه ماتوصف صورهـا
والهرج تكفي بلغته عن كثيـره=نامت عيونن طولت في سهرهـا
[/poem]

أشكرك ..سيف العضياني.

[كــــآتــم المـــــعنى]

صح لسان عبدالله يا رغد وسلمتي على النقل

وبانتظار ما تبقى من الجميع

[كــــآتــم المـــــعنى]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا فرحة(ن) عمت على كل الأوطان=بوصول سلطـان السعـد بالسلامـة
شعبك يا بو خالد بشوفتـك فرحـان=ياللـي ملكـت قلوبهـم بالكـرامـة
سلطان غيث و مروي(ن) كل ضميان=نو(ن) تحـدر مـن معالـي تهامـة
راع الوفاء راع المكارم و الأحسان=طلق الحجاج اللـي بعيـدن مرامـه
أليا جلس سلطان و ن قـام سلطـان=رجلن تعلـى المرجلـة و الزعامـة [/poem]

الشاعر
منيف لفيان العتيبي

[ابــ عــتـب ــو]

يا طير غرد وازهـري يـا نواويـر=يا شمس طلـي وانزحـي يـا غمامـه

ويا نفـس زفـي للوجيـه التباشيـر=ويا جفن كف من البكى والندامـه

من هالدقيقه مـا للأحـزان تبريـر=برجوع ابو خالـد لنـا بالسلامـه

مـادام سلطـان الكـرم حـي وبخيـر=معاد ننشـد لـو تقـوم القيامـه

بشـت يـذري عـن عجـاج المعاصـيـر=ووجـه يـرد ارواحنـا بإبتسامـه

وكـف يجـود بـلا حــدود ومعايـيـر=وشهامـة مـا بعدهـا مـن شهامـه

اكرم من اللي ماخذ الجود تبذيـر=واصدق من عتاب الخـوي فـي خصامـه

واشد من ظـرب السيـوف الشواطيـر=واجـل مـن وصــف يـحـدد مقـامـه

سلطـان ياقـرم يقـود الطوابـيـر=ياسيـد الجيـش السعـودي وإمامـه

ياشوق تلعات الرقـاب الغناديـر=يا منبـر الديـن الحنيـف وحسامـه

جيتك وفي صـدري وطـن مـن تعابيـر=وبخافقـي حـب الكـويـت وغـرامـه

لان الرفـيـق يـحـن ويـحـس ويغـيـر=والصف الاوحـد مستحيـل انقسامـه

شعب الكويت يكن لـك كـل تقديـر=ويبلـغ الشعـب السعـودي سـلامـه

ويعاهـدك مهمـا تـدور المقـديـر=نبقى لكم مثل الفشـق فـي حزامـه

لأن قـدر المملـكـه عنـدنـا غـيـر=المحـتـرم يـفـرض علـيـك احتـرامـه

واللي يوفي بألتزامـه مـع الغيـر=عيـب علينـا مـا نحفـظ التزامـه

ياجارنا اللي ما حصل منه تقصيـر=يا كبر دروع اهل الجزيـره ظخامـه

ارض الحرم .مهد الكرم.منبع الخيـر=طهر الظبا.ستـر العبـي واللثامـه

يا قصة الكوثر ويا زمـزم البيـر=ويا موقع اقدام الخليـل ومقامـه

اغلى ثرى تاطابـه الرجـل وتسيـر=واكثـر عبـاد الله ورع واستقامـه

ان كبروا هـز الفضـا صـوت تكبيـر=ولسجودهـم فـي ناصيتـهـم عـلامـه

طول اللحـا لوقارهـم زود توقيـر=وقصر الثياب ابهـم جمـال ووسامـه

اصحـاب نهـج ودينهـم ديـن تذكيـر=وآمالهـم تبنـي وطـن مـن عـدامـه

لأن العمـل يجمـع شـعـوب وجماهـيـر=عمر الجهل مـا عـز للديـن قامـه

ومن يدعـي الاصـلاح لأغـراض تدميـر=ماظـن للرحمـه صـلـه بأهتمـامـه

الموعضـه تيسيـر ماهـيـب تعـزيـر=وحـنـا نمـيـز بالـحـلال وحـرامـه

ما للهدف من قتل الاطفـال تفسيـر=وصبـر علـى فعـل الجرايـم غشـامـه

اكثر من اللي صار وشعـاد بيصيـر=المسألـه وصلـت حـدود الكـرامـه

مالله خلقنـا فــي سمـانـا عصافـيـر=والحـمـد لله مالـنـا بالـرخـامـه

جهالنـا عنـد المواجـه مغـاويـر=وافعالنـا صبـر وثبـات وجـزامـه

يوم الضعيـف بالشديـده معيثيـر=حنـا ليـا ضاقـت نطـش العمامـه

نفزع بوجـه المدفـع بسيـف وبعيـر=ولا عـاش فينـا مـن يـرد بكلامـه

ياميـر مـا يلحقكـم الشـك ياميـر=ولا غيركم يا اهل الزعامه زعامـه

الله مدبـر فيكـم الـعـدل تدبـيـر=ومعكم يسود امن البـلاد ونظامـه

وإن كان للفتنه على الشعب تأثير=يمكـن تـزود وحـدتـه والتحـامـه

الحكـم حكـم الله ولا فـيـه تغيـيـر=ودوامكـم ياسيـدي مــن دوامــه

والله لا عنـتـر ولا سـالـم الـزيــر=يقدر يزعزع بـأرض الاسـلام هامـه

دام الفهد طيب وابـو متعـب بخيـر=والنايب الثانـي رجـع بالسلامـه

هلت على الشعب السعـودي تباشيـر=وقامت على حزب الضـلال القيامـه
قصيدهـ/ حامد زيد
الف سلامه يا سلطان الخير

شكرا يا سيف العضياني على الموضوع