لغز...فريد من نوعه ومخصوص بالذات(محلول)من الدعج الناعسات صح لسانها

[إبن ثعلي]

جبل الجودي

[وجودك يكفي]

المشاركة الأصلية كتبت بواسطة الدعج الناعسات وش تقول بالذيب ياوخي

مالك لوا يالدعج الناعسات

[وجودك يكفي]

المشاركة الأصلية كتبت بواسطة إبن ثعلي جبل الجودي

هلابك ياشايبنا وحياك الله
جبل الجودي مالك لوا

[الدعج الناعسات]

طيب وانا أختك
عطنا توضيح بسيط

ابحاول مانيب مغسلتن المواعين لين أحله

[وجودك يكفي]

المشاركة الأصلية كتبت بواسطة الدعج الناعسات طيب وانا أختك عطنا توضيح بسيط ابحاول مانيب مغسلتن المواعين لين أحله

ههههههههه أبشري وأنا اخوتس بوضح وإن شاء الله تحلينه

الجواب/ مخلوق نوعه فريد ويقطع المسافات بسرعه هائله وفي وقتنا الحالي فيه شي يسمونه بنفس أسمه
وإذا عسكنا أسمه يطلع لنا أسم شي مايدوج فالبر << يعني شي خاص في البحر
يله ماعاد ورى هالتقريب يالدعج الناعسات لا أوصيك

[الدعج الناعسات]

الله يصلحك وهقتني هههه

ماورا عصرت مخي

بقول الريح
او الجن >بسم الله علينا
بس لو بعكسهن ماهن شين يدوج بالبحر
لا الريح و لا الجن

أن تسان صارت غلط استنى علي

[الدعج الناعسات]

طيب الدابه الله ركبها الرسول
يوم يسرا به

البراق >قارب

هاه بشر عسى صح

[وجودك يكفي]

المشاركة الأصلية كتبت بواسطة الدعج الناعسات الله يصلحك وهقتني هههه ماورا عصرت مخي بقول الريح او الجن >بسم الله علينا بس لو بعكسهن ماهن شين يدوج بالبحر لا الريح و لا الجن أن تسان صارت غلط استنى علي

ههههههههه
الظاهر بالك وفكرك مشغول في غسل المواعين خخخخخخ



الريح والجن اجابات غير صحيحه

[وجودك يكفي]

المشاركة الأصلية كتبت بواسطة الدعج الناعسات طيب الدابه الله ركبها الرسول يوم يسرا به البراق >قارب هاه بشر عسى صح

صح لسانك يالدعج الناعسات وجوابك صحيح<<ثاني مره اغسلي المواعين بدري هههههههههههه

الجواب هو البُراق<<مركوب الأنبياء
انشدك عن رجال يطوي مسافات=بالخطوه اللي قاسها ناظر العين<< البراق يضع حافره في الخطوه الواحده عند منتهى بصره وفي الحديث الذي رواه مسلم في وصف البراق (( يضع حافره عند منتهى طرفه ))
فريد من نوعه ومخصوص بالذات<< فريد من نوعه ومخصوص للأنبياء فقط
وباسمه تسمى رجل موجود للحين<< حائط البراق في فلسطين
والحل بالمعكوس هيات هيات
يدوج فوق البر لو يقعد سنين<< براق عكسها قارب

[الدعج الناعسات]

ههههههه عسى راسك سالم ياوخي

أي اشوا الحمدلله
خلاص الحين بروح أغسل المواعين ‏