اعتذار مني لـ عبدالعزيز

[ރالزيــاديރ]

كفو شيخ الشيوخ

وكفو عبدالعزيز

[سيوف]

،،،،،،،،،،

يازقينكم زقيناه ربع دايم والله لايغير عليكم << انصار الهلال << هاه اقول بتشب الحين بينكم
،،،،،،،،،،،،،،

[سلمان]

برايفت
سيوف وخري العلم ازين لك وكل عام وانتي بخير


ــــــــــــــــــــــــــــــــــــــــــــــ


شيخ الشيوخ

انت وعبدالعزيز

ماينفع الكلام ذا


مايخارجني

ماتمشي عندي اعتذار وخلاص


شيخ الشيوخ الله لايهينك

اذبح لعبدالعزيز وااعزمنا ( فيسات البنات دابله كبده )

حنا وانا اخوك


ابد مامشاء اعتذارك عندي اذبح للرجال ابد وخلها محفوفه
عشاء للربع في الرياض وعشاء للربع في الطايف علشان مانكلف على احد

والله لايهينك كذا تعودنا منك مداتكم جزله ولافيه شكه

ومتى العشاء


ــــــــــــــــــــــــــــــــ


امزح


عبدالعزيز شيخ الشيوخ

الله يوفقكم وخطوه جميله

وحنى كلنا اخوان

ويشهد الله علي

في خلال فترت اقامتي معكم القصيره

ما شاهدته منكم يستاهل كل الاحترام والتقدير

اخوي عبدالعزيز بعد مارجعت للمنتدى اول يوم طاق الموانه معه
ماشاء الله عليه مكسر جميع الحواجز



وكلكم غاليين علينا انت ياشيخنا وعبدالعزيز

ودمتم لنا سالمين


والعشاء متى

[شيخ الشيوخـ]

ابشر بالعشا ياسلمان تستاهل الشحم انت وعبدالعزيز والاعضاء كلهم

بس وراها محفوفه عااد ؟؟ كانك تبينا نشب على عبدالعزيز بالتعليق خليناها محفوفه وان كانها رسمية لا والله عزمنا الجميع

والف شكر للجميع على المرور والكلام الطيب وماسوينا الا الواجب
والله يشفيك يابنت عزكلمتهاتز
ويجزل لك الأجر ويجعل ما اصابك تخفيف ورحمة وانا اخوك أنه سميع مجيب

[غزال الرافدين]

انا معزومه للعشاء

[كــــآتــم المـــــعنى]

بادره غير مستغربه يا شيخنا الفاضل

وعبدالعزيز يستاهل ومزاعل الزعل على ما قال


تحيـــاتي للقلبين المبدعين

[ρяεşţίgε]

مآشآء آلله تبارك الرحمن

كلنا خوه بالله والكل منا يغلط وادم غلط ...

والله يديم علييكم رووحكم المرحه قولو اميييييييييييين

ويازقين ربيعنا ياسيوف ويلوموني يوم اقوول فديت الهيلا ياخي قلوبنا طيبه


وعبد العزيز اخو الكل ماشاء الله عليه انا اشهد له كفوو وسو لي ثغلات كثيره وجعله يحصلها بالجنه
قولن امييييين

وشيخ اليوم بهذا الموضوع اقول لك اهنيك على تواضعك وعلى طيبة قلبك وعسى ربي يرفع قدرك
ولا يحرمك طيتك والجنه


الناس الطيبه تستاهل الناس الطيبه

وانا بشوفتي كل اعضاء هالمنتدى ماعلاهم قصور .. قولو اميين عسى ربي يجمعنا على خيره ويرزق هالمنتدى كل خيير وينور لنا هالمنتدى بالخيير والبركه ..




وبنت عز

عندنا وعندتس خيير ياوخيتي مير هالله هالله بالقراءن والايمان بالله
ان الموت حق وكلن بيمشي بهالطريق والدعاء ياوخيتي ترى والله الدعاء له عظمه

وقال تعالى(أمن يجيب المضـطر اذا دعاه ويكشف السوء عنه)

واسئل الله رب العرش العظيم ان يشفيك
واللهم امييييييين

وجمييع المسلمين

[وجودك يكفي]

عسى الله يحفظك ياشيخ الشيوخ وعسى ربي يوفقك ياعبدالعزيز واسأل الله إنه يشفي أختي بنت العز ويرزقها الصحه والعافية


بصراحة الموضوع هذا مايقتصر على شخصين فقط
الموضوع هذا لجميع الأعضاء
صحيح إن الموضوع بين شخصين يعتبرون من الشخصيات الكبيره ومن الأعمدة التي يقوم عليها هذا المنتي
ولكن الموضوع هذا بمثابة الدرس لجميع الأعضاء والله لا يجيب الإختلاف ولا يجيب الزعل
ولكن إذا قدر الله شي من هذا القبيل فليكن شيخ الشيوخ وعبدالعزيز قدوة حسنه لي ولجميع الاعضاء
شيخ الشيوخ قدوة لنا بصدق الأخوة وصفاوة النية والإعتراف بما بدر منه بكل شجاعة والإعتذار بعد ذلك

وعبدالعزيز قدوة حسنه لنا بكرامة الأخلاق وحبه الصادق لجميع اخوانة وقبوله لعذر اخوة بكل فرح وسرور وبدون تردد


أشكر شيخ الشيوخ واشكر عبدالعزيز على هذا الدرس العظيم واسأل الله أن يديم الأخوه بين الجميع

واخيرآ اسأل الله إنه يمد اختي بنت العز واختي برستيج بالصحه والعافية والله يطيل بأعمارهن ويشوفن عيال عيالهن

[ρяεşţίgε]

آخوي وجودك يكفي

مآفيني الا العافيه بس اظرب مثآل للإخت بنت آلعز ..

آنهآ تشكو فآلكل فينآ يشكو من شيء مآ ولكن لآنتجزع ..ونلقي بآنفسنآ طريحين وآلله موجود فآلنرفع آيدينآ لله ..

تعآلى وهو عآلم بجمييع عبآده ..

وآخوي وجودك ..

آهنيك على طيبت قلبك وآلآخوه آللي فيك .. آسئل آلله آن يطهر قلوبنآ بآلآيمآن
وآلطآعه .. وهّذه هي غآيتنآ كسب آلفآئده بآلمنتديآت بآلنفيد ونسستفييد ..


\\
\

..آختك :: ρяεşţίgε :: ..
و

[سيوف]

برايفت:

سلمان ماهناك وخري والعلم يوم شفته وانا يفز له قلبي مدري وش جايبه عقب غيبتي عاد انا مادورت للفريق الاخر علم

ولكم جميعا كل عام وانتم بخير

وشيخ وانا اختك تراني الي بطبخ عشاكم بالرياض اهم شي اسلخوه ونظفوه همن هاتوه والباقي علي

وبنت عز وانا اختس الزمي الاستغفار والله يشفيتس

وعذرا شيخ راحت سوالفوكلها سهود ومهود وع طاري عبد العزيز يازقينه اول ماجيت هنا كان اهو الي حاس فيني بس خدماته ماشيه ع الكل الله لايغير عليه هو ونفسه الزينه << تعبت من الحتسي :)

،،،،،،،،،،،