الجــــانب الآخـــر من ..... ஓ شـــــــــاعر المليون ஓ

[مُهــرة عتيبــة]

[align=center][align=center]
بسم الله الرحمن الرحيم

أخواني اخواتي إدارة ومشرفي واعضاء منتدانا الراقي ، هنا مساحة للحديث أو إن صح التعبير للإنتقاد البناء علَّ وعسى أن يصل ما يطرح للتعديل ، حتى يصل البرنامج لأقرب درجة من الكمال ، وبرنامجي المقصود (شـــاعر المليـــون)..


فشـــاعر المليون برنامج انطلق منذ ما يقارب الثلاث سنوات ، أحدث ضجــه إعلامية ليست بالقليلة ، وأنا هنا لست بصدد التعريف بالبرنامج وآليته فـ الأغلبية إن لم يكون الجميع من المتابعين له ..

ولكن من وجهة نظـــري الشخصيــة أن البرنامج هو النسخة الأولى فقط بالرغم من وجود بعض الهفوات والأخطاء إلا أن لكل بداية ضخمة سلبياتها وإيجابياتها ولكن أن تستمر السلبيات وتتفاقم بالرغم من كثرت الانتقادات البناءة اللتي لو نُـظر لها بعين الاعتبار لاستمر نجاحه في المواسم التالية ..


ومن خلال هذا المتصفح فللجميع حرية الانتقاد مع مراعاة آداب الحوار وآداب الانتقاد بشكل عام ..البرنامج اخذ الكثير من الإطراء ولم يأخذ النصيب من الانتقاد وربما هذا ما تسبب في تفاقم السلبيات..

وأي وجهــة نظر أو رأي أو إنتقاد ليس بالضرورة يتفق عليه الجميع او يعني رأي الجميع أو الموقع بشكل عام ، فوجهة النظر للكاتب نفسه ..


ولعل البداية مني انا شخصيّـاً ولكن استميحكم عذراً بالكتابة باللغة العامية لسهولتها للكاتب والمتلقي سواء بالتعبير أو الفهم..


بصراحة فكرة البرنامج رائعة بكل المقاييس لكن الآلية كانت خطأ وانا في البداية بحكي عن النسخة الأولى لانها النسخة الذهبية (بالرغم من سلبياتها)والسلبيات اللي بالنسخ الثانية والثالثة هي امتداد للسلبيات اللي في النسخة الاولى وطبعاً ، الانتقاد كان واللي الكل يتفق معاي فيه ان التقييم ما كان منصف في البداية لشاعر الأمة اخوي يوسف العصيمي العتيبي والظلم كان واضح وماعليه غبار واستمر هذا الظلم والبعد تماماً عن الانصاف مع شعرائنا خالد العتيبي ونايف المعلا وبندر بن محيا و......و.....،لكن الأقوى في النسخة الثانية كان الشاعر ناصر الفراعنه ، شاعريته وقوة قصائدة ما يختلف عليها اثنين وطبعاً اسباب خسارته لا ومو اي خسارة خسارة فيها عار وخزي مو للشاعر ناصر لا للبرنامج والقائمين عليها وخصوصاً اللجنة ...يا أوآدم هل يُعقل شاعر الثقلين يصير المركز الخامس أولاً كان سعودي وكل السعودية واقفه معاه وبرضوا الخليج لو قلنا على اقل احتمال 50% منهم صوتوا له معقولة يكون المركز الخامس ، وطبعاً السبب كان التصويت ضعيف ، وفجأة وخلال الايام اللي فاتت في قناة من القنوات يطلع بدر صفوق في لقاء ويقول السبب ان ناصر ما اختار القصيدة المناسبه علشان كذا ما اخذ اللقب ..يارجل ايش هذا التناقض ..

فمشكلة هذا البرنامج هــو إستغفال المشاهد ، يعني بالطقاق صدقتوا كان بها ماصدقتوا مشكلتكم ..متجاهلين ان المتلقي صار عنده الوعي الكافي وصار ناقد ناضج ..

والادهى والامر كلمة صفوق انا الجمهور مايهمني لا ويأكد هذا الشئ ويعيد ، يعني قل إحترامه لملايين الجمهور المتابعة للقناة وللبرنامج ، فأنا من برأيي إنسان اسلوبه فيه عنجهية وتسلط ليش يوكل بمهام تقييم ، لانه راح يمارس هذا الشئ في تقييمه وراح يكون تقييمه على حسب مزاجه ومبني على اُسس مزاجية وشخصية ، ولاحظنا هذا الشئ في النسخة الثالثة وبصرااحة اللي خلاني اكتب هو نتيجة كبت ثلاث سنوات من المهزلة اللي قاعدة تصير واللي مازالت مستمرة ، واللي اثار كلماتي بصراحة في الحلقات اللي تُعرض هذي الايام عن مرحلةما قبل الـ 48 وصلت السلبيات إلى تجاوزات شخصية ، فلاحظنا وبالذات في حلقة جــدة أو الرياض قلة أدب وانا تقصدت استخدم هذا اللفظ لانه أكثر شئ يعبر عن اللي حصل ، كذا متسابق تطاول عليهم (المريخي وصفوق) ، تخيلوا كلمات يرددها الاخوان (انت صاحي والا مجنون-اقضب الباب -.....................وغيره وغيره ولي عودهـ بمداخلة ثانية علشان اعملكم احصائية مضبوطة ..

واللي اكتشفت او بمعنى اصح تأكدت إن التقييم مقاييسه كلام فاضي (إلا من رحم ربي من بعض أعضاء اللجنة) ، واللي ما يختلف عليه اثنين إن المسابقة شعرية واللي يقييم شعر وزن وقافية ، فـ الاخوان لا همشوا هذا الشئ والتفتوا للتقييم على حسب الامور الشخصية يعني هذا الشخص انا ما احب قبيلته اوكي راح احطمه أو هذا الشخص قبيلته راح تدعم البرنامج بالتصويت في المراحل المتقدمه خلاص نعديه الحين وفي المستقبل وبعد ما يربح البرنامج يجيب الله مطر ، أو هذا الشخص والله خانع لي ومدح فيني اوكي راح امشيه علشان يرضي غروري ويكون دعم لي باي طريقة من الطرق .............
والمقاييس الغلط كثير وبيسري الليل ماخلصت..

أما مقاييس الشاعرية يمكن واحد او اثنين ماشين عليها ، واللي يثبت عدم كفاءة اللجنة -طبعاً موكلهم- هو إختلافهم في وزن قصيدة وهذا لاحظناه مع واحد من المتسابقين اسمه يوسف من اليمن صفوق يقول مو موزونه ابد نهائي (طبعاً يبغى يكرش الضعيف فجاه من باب الوزن) ، وحمد السعيد يعارضه ويقول انها موزونه ...........وهلما جرا من المواقف اللي ما تحضرني ..



بصراحه الحديث يطول ، لكن حبيت اعطي مجال لكم ..
ولي عودهـ ويمكن تكثر المداخلات واتوقع بيتحدث المتصفح هذا كثير
طالما إن البرنامج مازال يُبث بنفس الطريقة والاسلوب..[/align][/align]