*^*شمــــــــــــــــــــــاليل *^*

[فلان الفلاني]

[align=center]شماليل

لأربعاء 2 جمادى الأولى1429هـ

يكتبها: سليمان العتيبي

الشعر.. الشعبي في حاله
مأساويه.. مأساويه

من مأساته أصبح سلعه

للاطماع الفضائية!!

ومن مأساته كلٍ أصبح

شاعر.. لو.. ما عنده نيه

على حسابه.. لا.. ويلّقب

بالالقاب المجانيه!!

ومن مأساته ناسٍ تحسب

انه.. يعطيها.. شخصيه

وانا ماني وكيلٍ له

لكن حاله مأساويه!![/align]

[فلان الفلاني]

السبت 5 جمادى الأولى1429هـ

شماليل

يكتبها: سليمان العتيبي

انا.. ف. الدنيا.. ما.. اركد
أركض.. ف.. الروحه والجيه

أركض.. ركضٍ.. اتعب حالي

ومهما.. اتعب مالي نيه

إني أريّح.. واتوقف

عن المأساه اليومية

ومن طموحي.. ماني محقق

ولا.. ثلاثه.. فالميه

مشغول فكري.. واحساسي

وطموحاتي.. خياليه

[فلان الفلاني]

الأحد 6 جمادى الأولى1429هـ

شماليل

يكتبها: سليمان العتيبي


أسوأ صديق يمر.. للإنساني

حلو اللسان قليل الاحساني

اللي.. ليا.. جيته تبي لك حاجه

يعطيك.. من.. حلو اللسان الواني

أبشر.. وانا.. لك.. لا تشيل همومك

صداقتك يا خوي شي ثاني

تطلع منه مبسوط.. ميه ميه

وتقول.. نعم الصاحب البطراني

وبعد الكلام العذب منت محصل

غير.. الكلام الطيب المجاني

[فلان الفلاني]

[align=center]الأثنين 7 جمادى الأولى1429هـ

شماليل

يكتبها: سليمان العتيبي

الا دمي.. وده.. ووده.. ووده
ما هيب تقضي ف .. الحياة أمنياته

ولوهي تحقق أمنياته.. ترده

نفسه وتتجدد.. أماني حياته

نفسه لخوض المعترك مستعدة

يركض وركضه لجل يدرك شفاته

ومهما بلغ من دنيته ما تسده

يبغى الزيادة والزياده.. مناته

يعني طوال العمر.. هاته ووده

ورا.. الأماني لين تعلن وفاته[/align]

[فلان الفلاني]

[align=center]الثلاثاء 8 جمادى الأولى1429هـ

شماليل

يكتبها: سليمان العتيبي


يا صاحبي كيف تنساني
و.. انا.. صديقك من سنيني

من يوم.. انا.. وانت.. ورعاني

وحنا.. اصدقا.. ومتخاويني

واليوم.. امرك.. وتجفاني

ياد وبك.. انك.. تحاكيني

وتقول.. لي.. خير.. يافلاني

ما.. اذكرك وشفيك مذيني

تذكر.. ولكن.. تناساني

ولا.. اقول غير الله يعيني[/align]

[فتاة شبابه]

[align=center]بما أنه فلان غايب راح أكمل نيابه عنه شماليل

ولكي نستمتع بما يكتبه الكاتب المبدع سليمان العتيبي :)[/align]

[فتاة شبابه]

[align=center]الاربعاء 9 جمادى الأولى1429هـ

شماليل

يكتبها: سليمان العتيبي

تاجر.. في مجلس يتكلم

عن نفسه.. باسلوبٍ فاضح

يقول.. أنا إنسان.. إنساني

واضح ماني غامض واضح

اللي يجيني يبغاني

يلقا.. كفي.. بمده.. ناضح

مع.. أصحابي.. ماني مقصر

افعالي.. عليهم.. تاضح

معطي هذا.. وهذا.. وهذا

وهذا أكبر دليلٍ واضح

قلت.. انا.. صديقك.. واسكت

كذبك ياخي كذبٍ فاضح[/align]

[فتاة شبابه]

[align=center]الخميس 10 جمادى الأولى1429هـ

شماليل

يكتبها: سليمان العتيبي


ياللي.. تعيب الناس.. أركد.. ودوبك

دوبك.. ترى.. منتب.. نقيٍ من العيب

قبل تعيب الناس.. طالع عيوبك

و.. اطلب صلاح العيب من عالم الغيب

ترى عيوبك تلبسك مثل ثوبك

ولازم تفقدها.. من الجيب للجيب

يعني تفقد حالتك مع دروبك

حتى تجنبها.. عن.. الشك والريب

وعن عيب.. خلق الله تسدك عيوبك

مالك ومال الناس يا مدور العيب[/align]

[فتاة شبابه]

[align=center]الأحد 13 جمادى الأولى 1429هـ

شماليل


يكتبها: سليمان العتيبي

الملقوف.. إنسانٍ.. فيه

شيٍ.. في نفسه يوذيه

ف.. السوالف.. يدخل عرض

لو هي.. لو هي.. ما تعنيه

ما يهمه كيف.. يخش

فيها.. لو.. دربه.. يخطيه

المهم انه.. موجود

شوفوني.. تراني فيه

ما يركد حتى يسمع

شيٍ.. حتماً.. ما يرضيه[/align]

[فتاة شبابه]

[align=center]الأثنين 14 جمادى الأولى 1429هـ

شماليل


يكتبها: سليمان العتيبي

اللي يتكلم.. ب.. هبال

ولا يلقي.. للكلمه.. بال

يرميها.. من دون حساب

ولا يتفقدها.. ف ... الحال

ما يتفقدها.. ويشوف

هو.. وش جاب.. وهو وش قال

هذا.. من دون.. أدنى شك

سفيهٍ ما لها مثقال

لإن الكلام الشين

ما يتكلم.. به رجال[/align]