(( .. احلى القصيد .. ))

[ابن مسلم]

[align=center] وهذه قصيدة نايفة نجد
بعنوان الخفافيش [/align]
http://www.otaiby.com/vb/showthread....d=1#post276309


[poem=font="Simplified Arabic,6,white,normal,normal" bkcolor="transparent" bkimage="backgrounds/21.gif" border="double,6,gray" type=2 line=0 align=center use=ex num="0,black"]
وقّف وشوف المهزله والخرابيش= تأمّل المنظر بفهم وبراعه
بعض العرب يعشق حياة الخفافيش= ماهو بنور ولا تجلا شعاعه
إلْيا مشى يمشي وهو نافش الريش= قدره وِضيع ولو بذل مستطاعه
ماظنّ مثله يفلح بيوم ويعيش= ولاظنّ يلقى في حياته وساعه
أكبر خطأ لاجوك ناسٍ مخاريش= وعدّيتهم منّك وصاروا جماعه
اعْليت انا من قدركم يالحرافيش=يومي عرضت بسوقكم لي بضاعه
لا لا تهوّشْ منْت قدّ التّهاويش= العزّ راسي والقناعه قناعه
اضْحك على غيري وطرّش مطاريش= الْعب بهم مابين وصْل وقطاعه
ماهو بانا اللي تنخدع بالتشاويش= ولاهو بانا اللي تعشق بنصّ ساعه
واكبر خطأ لاجوك ناسٍ مخاريش= وعدّيتهم منّك وصاروا جماعه[/poem]

[ابن مسلم]

[align=center] أعزائي اعضاء وزوار منتديات قبيلة عتيبه
الحق يقال واليوم وقع الإختيار على قصيدة لشاعرنا الكبير اللذي مهما تكلمنا عنه لن نوفيه حقه شاعر أثراء العديد من المطبوعات الإعلاميه بالعديد من قصائده المتميزه لايكاد يمر أسبوع لاتجد له مشاركه في إحدى المطبوعات هل عرفتموه ؟ سوف أختصر لكم الطريق وأقول لكم
إنه شاعر منتديات قبيلة عتيبه إنه الشاعر المميز بكل ماتعنيه هذه الكلمه إنه الشاعر / عبدالله مرزوق المرشدي يسرني أن اترككم مع أحدى روائعه وهي الألفيه بعنوان ( الياء يقول المرشدي بأخر القاف)[/align]
http://www.otaiby.com/vb/showthread.php?t=14871

[عبدالله المرشدي]

كتلة حنان

للشاعر /الشامل /محمد عبدالله الحبردي

http://otaiby.com/vb/showthread.php?t=20842

[align=center]
كـتـلـة حـنـا ن
[poem=font="Simplified Arabic,5,white,bold,normal" bkcolor="blue" bkimage="" border="double,8,red" type=1 line=0 align=center use=ex num="0,black"]
إسبحي يا كتلة ٍ في وسط دمّي =كائن ٍ حيّ يتغذى من عروقي
في محيطي يا بعد كيفي وكمّي=إدخلي مع خفقة الخافق خفوقي
أسعديني بددي لي كل همّي=أشعلي شمعة نظرعيني وشوقي
بددي ليل الهموم المدلهمّي=وذوقيني متعة إحساسي وذوقي
وبعثري لي نشوتك بـالحيل ضمّي=ولملمي تحنان قلب ٍ لك شفوقي
وانتشي لذة ودادك واستشمّي=واطعمي طعم الغلا بـ كل معلوقي
وخيمي في ثومة القلب استجمّي=روقيني وروقي دمي وروقي
كل ما في داخلي قال إلك سمّي=طولي وعرضي على تحتي وفوقي[/poem]

[ابن مسلم]

[align=center]أعزائي الكرام يسعدني أن اضع بين أيديكم هذه الجوهره الفريده من نوعها وبما تحلمه في طياتها من معاني وكما جائتنا وهي للشاعره القديره ( نايفة نجد)[/align]

[align=center]اعلم ان لكل نفسٍ شموخ وكبرياء ولكل قلمٍ انفةٍ واِباء...

فمن منا لايرى نفسه فوق عنان السماء ومن منا لايتباهى بذلك بما يملك
من حروفٍ وقوافي اذا كان هذا مايجيده في الحياه
حروف وكلمات واحساس نفس
ترى انها ترتقي الى حدودٍ ومساحات عاليه ...
لتنظم لكم عقدٍ يليق بشرف النظر من اعينكم وحضوركم

نفسٍ شامخه و عزةٍ باقيه ...
بقلمي المتواضع

فأقبلوها مني كما هي ..... [/align]


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

النفس عندي على حدود السما ترقا=تتعـب يديـن العـواذل ماتولاهـا

اطرق حروف القوافي وابدع الطرقا=واشيل قافٍ تعـلا فـوق مرقاهـا

ياكبر فرق العرب عن بعضهم فرقا=احدٍ تعزك حروفـه يـوم تقراهـا

واحدٍ تعود على الهرجات والقرقـا=ماعَد نفسه عزيـزه يـوم دناهـا

الطيب بحرٍ نغوصه والسما زرقـا=ماهين انا خطوتي ماافَرح اعداهـا

ادري سرقت الكرى من عينهم سرقا=واشعلت نارٍ تنصت مـن تنصاهـا

والعاذل اللي يبيها يحتـرق حرقـا=والله مايهتنـي والحـق مبـداهـا

العز في روقنا والـزود فـي برقـا=ثوبٍ كساها واشوف الثوب يزهاها

الطيب ساسٍ لنا عرقٍ ورى عرقـا=ربي يديمـه علينـا ليـن نفناهـا [/poem]

[عبدالله المرشدي]

قصيده جزله لمشرفنا الغالي بن مسلم

فارس بن عبدالمحسن مسلم الدلبحي

[align=center] [img][[media][http://www.pic.alfrasha.com/data/media/61/99.gif[/[/media]بلادي قبلة الإسلام[/align]
[poem=font="Simplified Arabic,6,seagreen,normal,normal" bkcolor="transparent" bkimage="" border="double,6,seagreen" type=2 line=0 align=center use=ex num="0,black"]
توكلنا على الله جـل شـأن الواحـد المعبـود=عظيم الملك سبحانـه وأسالـه يسمـح النيـه
هجوسي ياهجوسي جمليني وأبذلـي المجهـود=ترى مالك عـذر نذرٍعلـي مـن دون هاذيـه
أباقافٍ يجملنـي يجـي مثـل الدررمنضـود=أبـا مـن يسمعـه يثنـي عليـه ميـه بميـه
سـلام الله سـلام الله عـدد ماذعـذع ٍ(ن) النـود=وعدد مالاح براق الحياء في مـزون وسميـه
على اللي وحد الدوله معزي الفارس المشهـود=عساه بجنة الفـردوس كـل ماحـل طاِريـه
وعسى الله ينصر الإسلام ويحفظ دولة ال سعود=بلادٍفـي بقـاع الآرض مايوجـد بلـد زيـه
بلادي قبلة الإسـلام تجيهـا المسلميـن وفـود=بها بيـت الله الطاهـر وبهـا مسجـد نبيـه
قبل توحيدها كنا أحد طـارد وأحـد مطـرود=وأحد قاتل وأحد مقتول وأحْـد نسـاه مسبيـه
وتعاهدنا على شرع الولـي مابيننـا مضهـود=وتوحدنا علـى رأس الزعيـم بـدون جبريـه
وحكم من بعده عياله أسودٍ من عريـن أسـود=عسى من مات منهم في جنان الخلد مـاوِ يـه
ونعيش اليوم في عهد الزعيم القايـد المحمـود=أبومتعـب أبومتعـب لـه الترحيـب مثنـيـه
زرع في قلوبنا حبـه زعيـم ٍللشعـوب يقـود=تجمـع فيـه حلـم وعلـم وسياسـه وحنيـه
هذا صقر العروبه للعروبـه حلمهـا المنشـود=من يدينه يديـن الشعـب بالخيـرات ممليـه
ويعيش الساعدالآيمن عضيده في الليالي السود=ولـي العهـد أبوخالدشجـاع ٍ ينطـح الهيـه
ليادارت رحاها الحرب وخالط عجها البـارود=يقـود الجيـش والقـوات بحريـه وجـويـه
وأقول ورددوا أمين عسى أمنك يابلدنـا يسـود=من الخفجـي لياجـده وشمالـه مـع جنوبيـه
وعسى الله يحفظك يادارنا دار الكرم والجـود=وتبقـى رايـة التوحيـد خفـاقـه سعـوديـه [/poem]
[align=center] وسلامتكم [/align]

[عبدالله المرشدي]

باب الزماااااااااااااان

لفارس المفرده الشاعر المتميز /ناصر بن دليم الحربي

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
خبرولي صاحبي لامن حضر=وعلموه اني طفشت من المكان
النتيجه شكلها سبعه صفر=والبدايه قول في باب الزمان
وانت قول الله يرزقنا المطر=وبعد هالدنيا فسيحات الجنان
قلت لك وتقولي بس انتظر=والهدف تأخير في علم البيان
مانبي ننحت على صم الصخر=ولانبي نشنا قليلين الحسان
وانت تدريبي على كف القدر=سقت عمري قبل يوم الأمتحان
لكن الشرهه على بعض البشر=ليه سجل قول في باب الزمان
ياكيان الشعر قلنا لك خبر=وانت ماصدقت جيت ابلا اتزان
ليه نتسابق على سب الدهر=ليه نسلك درب منزوع الأمان
ليه ما جهز متاعي للسفر=قبل يُنزع كل شي ابلا حنان [/poem]

[عبدالله المرشدي]

شاعرنا القدير /ناصر بن تراحيب بن سعدي العتيبي


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مالي على بعض الأوادم مشاريه=وأشوم عن بعض السواليف وأرقى
من ذمني ماني على القول قافيه=بيني وبين ملفق الهرج فرقا
وش جاب من يهوي على العز بإيديه=عند الذي ماضيه سرقٍ ودرقا
وش جاب من يمشي على عدة وجيه=عند الذي يزرق مع الطيب زرقا
حرٍ قطامي طيباتٍ مجانيه=حتى أيش لو ناحت على الغصن ورقا
يابايعٍ رفقتك بريال وجنيه=كلاٍ يبا فرقاك روقٍ وبرقا
خلك على وجهك عرفناك ياهيه=وإن كان مشيك غرب ممشاي شرقا
دربك خضر ماعاد ينفعك تمويه=من مثلك وشرواك ياهيه فرقا
قدرك تحت ماطاي بالرجل واطيه=بحر المهونه فيه الأنذال غرقا
بدري ذراعي تالي الوقت تلويه=تنهان ما طلته وتزداد حرقا
لو إن كيدك يأسود الوجيه تخفيه=كيدك ومكرك عارفه كيد طرقا
وأدري بكيدك زين ماني بغاويه=من عين جنسك تسرق الكحل سرقا
لاعاد يومٍ جاب عرفك وطاريه=أدعي كريم الوجه ما لاح برقا[/poem]


[align=center]وسلامتكم ...[/align]

[ابن مسلم]

[align=center] ايها الأخوه الاعزاء اليكم هذه الألماسه الفريده

والثمينه لشاعرنا القدير / سعود حلمي


وهي بعنوان( طعووون وخناجر)[/align]

http://www.otaiby.com/vb/showthread.php?t=22311



[poem=font="Simplified Arabic,6,deeppink,normal,normal" bkcolor="purple" bkimage="" border="double,4,deeppink" type=2 line=0 align=center use=ex num="0,black"]

نام الغرام وهاجس الشعر ما نـام=لا نام شعر ولارقـد قلـب شاعـر

ما طاب نوم وغفوة النـوم قـدام=النوم من دونه طعـون وخناجـر

وجيتك وانا كلي متاهـات وحطـام=جرح الغلا فيني واضمـه واكابـر

طال السكوت وراعي الحب ما قـام=هيكل غلا والقلب جبـروت فاجـر

سارت قدم رجلي على درب الاعدام=أدري ولكنـي بروحـي مخـاطـر

ياظالمـي هـذي مداهيلـك العـام=وانا على درب الغلا وانـت خابـر

الحب نظرة عطف وأحساس وألهام=ومشاعرً يقطن بها قلـب شاطـر

وفي داخلـي دائـم معانـاة وإلام=والفها بالجرح من شـأن خاطـر

ياللي قريتي كتب تفسيـر الاحـلام=ياقارئه وش صار تحـت النواظـر

وش صار دام الحب صاحي ولا نام=نام الغرام ولا قـرد قلـب شاعـر [/poem]

[ابن مسلم]

[align=center]اسمحوا لي ان اضع بين يديكم هذه الجوهره

لاختكم شوق وهي بعنوان

( حنا بنات)


العذر والسموحه عن الغياب

وعوده لكم مع هذه المتواضعه

رداً على أحد كتّاب بني علمان

الذين لايرتاح لهم بال وهم يرون

المرأه محتشمه مطيعه لربها عفيفه

نظيفه لايخدشها خادش ولا تمسها أيدي عابث

أقول لهم : هي ليست كالبضاعه تقلبها الأيدي ..!!

نعم هي :دررره مصووووونه بعيدة المنال

لا أُطيل عليكم .. وآمل أن تنال شئ من ذائقتكم

*****[/align]



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]




اي والله ان العز للراس نوماس=وأنا أشهد ان الذل ماهوب ساسي

لبست ثوب الطيب ضافي بمقياس=ولا الردى مافيه ثوبٍ مقاسي

الله يثبتني على الحق ياناس=واقدر على ضرب المنافق بفاسي

ياللي تدافع زايف القول لاباس=مادام قولك بالرذيله يحاسي

يامدعي تحريرنا شارب الكاس=تبطي عظم ماخالط الذل كاسي

والله ماحركت شعره بـ.هالراس=الريح ماهزت جبالٍ رواسي

حجابنا بامر الولي خالق الناس=لاتحسب ان العلم لعبة كراسي

على رواية عائشه وابن عباس=ولا أنت قولك تحت رجلٍ يداسي

يلا الخلا مالك مقامٍ ومجلاس=منا يجيك الرد صارم وقاسي

بنت العرب ماهيب لعبه للادناس =ناظر مقامك واجتنبها ياخاسي

من نجد حنا من ذهب صافي الماس=لك أنت في روما ولندن نحاسي

نعلن بصوت الحق وندق الاجراس=في وجه من ينقد ستير اللباسي

(حنا بناتٍ) رابياتٍ على ساس=ماننحني لاهل الردى والطفاسي

مثل الدرر ماجابها كل غطاس=أذكّرك لو كنت للحق ناسي
[/poem]
شوقــ

[ابن مسلم]

[align=center] للشاعر الجزل / عبدالله مرزوق المرشدي


( المهره)



آمل قبولها وارجو ان تنال قليل من رضاكم[/align]






[poem=font="Simplified Arabic,6,black,normal,normal" bkcolor="transparent" bkimage="../backgrounds/17.gif" border="groove,4,black" type=2 line=1 align=center use=ex num="0,black"]
لي مهرةٍ تجمح ماهيب معسوفه=عزة على الفرسان محدٍ عسفها

من رادها نال التعب والكلوفـه=يرجع ونفسه تشتكي من كلفها

من صغرها بستانها به قطوفه=تزهر وتبقى فيه محـدٍ قطفهـا

بالحسن من بين البنات معروفه=محدٍ جهل مقدارهـا لاعرفهـا

جمالها يبهر وتسحر وصوفـه=يعجز يوفي وصفها من وصفها

قدامها ياقف ويبطـي وقوفـه=واله الشرف في وقفته لاوقفها

ودي بها شعري يعزف معزوفه=ياعلها تطرب خفـوقٍ عزفهـا

الصوت منها ذايبـاتٍ حروفـه=كم كلمة ذاب اللسان وحرفهـا

البدر كنه وجهها لـو تشوفـه=لامن فقدت البدر تعـال شفهـا

رجيحةٍ بالعقل ماهي مخفوفـه=لاسلهمت بالعين جنب وخفهـا

اللي عداها ماعليهـا حسوفـه=الها فقط نفسي تزايد حسفهـا

متاعب الاشواق فيها مخلوفـه=فدوه لها لو كان مالله خلفهـا

مادام هي كانت ماهيب معسوفه=تسوا حياة الفارس اللي عسفها [/poem]