ضيف هذا الإسبوع هو شيخ الشيوخ أهلا به

[شيخ الشيوخـ]

ابن ثعلي

هلا ( على قولة اهلنا )

يحق لك ان تعجب بهذه الابيات
وبهذا العلم

استأذنك في تعديل أبياتك

كلن يقول ابوي ويقول جدي
..............ويعد نفسه خالد بن الوليدي
لاصرت منته فالمواقف تعدي
............ ذكر القبور الفانيه مايفيدي


وهذا موجه لفئه معينه ( اللي مالهم مواقف كيف يقولون ابوي وجدي )

واللي ماله ماضي ماله حاضر

قال صلى الله عليه وسلم ( انا النبي لاكذب .....انا ابن عبدالمطلب )

والابيات كثيره خذ هذه القصيده

للامير الشاعر / عبدالرحمن بن ماجد بن ربيعان


ليت المصنف يوم هجرس وغنا
........... جنب عن الشبهه وجنب عن الظن
وش جاه منا بالقصيد امتحنا
........... شرهات ربعه كيف عنده يهونن
يوم ازعله ورع يتجاهل زعلنا
....... ويقول انا وانا ولد هن ابن من
حنابني عمه وطالاته النا
............ وليا جهل فاذكارنا مايغطن
لوالجبال بما مضا يشهدنا
........ معتق وابان ووارده وش يقولن
وام الحضاير وجبله لو حكنا
............. ويوم مباحيص وغال والمسح وصلن
وشهود يوم قنيفذه ياردنا
........... واخوان موضي يوم الارياق يبسن
وهاذي عنيزه تطلب الصلح منا
........... وسبع الوجيه وقبلنا من سهجهن
على النقا وام الحوير تحنا
........... فزعاتنا لمعلق الهرس يشفن
وعند البيور ارواحنا يجحدنا
............ لا واذعارالخيل ياللي تنوحن
غاراتنا وادمينا يثلغنا
.............. دقلاتن خيل ٍ بالمسمين يرمن
ماجاك عن ساجر وخيل ٍتعنا
........... الا ان غارات الضحا مايعدن
ابوك لو كل الاومور يخفنا
.............. انشد عن أجواد العرب بس هم من
ستر العتيبيه ليا طار حنا
............. والا الجروح اقصاص والسن بالسن
والبنت ابن عيده بأملها ضمنا
............... تسعين قرن بواسط البيت يومن
و يوم المطيري للملاقا تمنا
............جيناه وبيوت ابو مسلط يكفّن
وعلى نفي مقدم عتيبة ضعنا
.......... يتلون ابن سلطان والوادي ألمن
و تركي كلامه يشهد ان سلت عنا
......... وهذال اخو هملا ليا سلت ياهن
و الا الخرينق يوم قام يتمنا
......... وش قال وانشد عن كلام المقرن
و ابيوت مطلق باقيه مامحنا
............ وبخيت وابيوت ٍ لنا مي يشالن
ورباح وقت ٍ فايت ٍ مامكنا
............. وقول العصيمي في محصن مدوّن
الاوله من طالب الصلح منا
........... والثانيه وابها الجذايب يسمن
وابن حمد يوم الجهل ماشحنا
............ عدة مرار نحن قتله ولاحن
ما والله ابه احد ٍعلينا يمنا
.......... الاوحنا كان ينصف هل المن
حنا ليا من السنين اخلفنا
............ من طيبنا شينات الانفس يطيبن
وحنا ليا من الخبر ردعنا
.............. ابنا المنايا للمعادين يردن
وحنا ليا من الجموع زبرنا
.............. ابنا العشاير فالمهالك يتيهن
وحنا ولابه خيّر الاومنا
............. وسيوفنا دون الرفاقه يحامن
وحنا هل الفنجال فينا ومنا
............. وحنا مقاديم العرب مابها من
وحنا منزحت العدا عن وطنا
............ وابيوتنا في موقع الخوف يبنن
وحنا وكم من حاكم ٍ قدزبنا
........... اربع مرار ٍ لأربع ملوك مزبن
والنا مرد العلم بامر المجنا
.............. والنا كروش ودرمة الحاج يعطن
وانتم ليا من الشفي يبّسنا
............. بسم الله الرحمن حرز عن الجن
ماذمكم وافين في كل فنا
............. وان قصرت الايدي يداكم يطولن
مير استرح ماودي انك تعنا
............ وافخر بنا وبليس يبعدو يلعن
الامرمصداره وميراده ألنا
............... ولانشكر الا اللي عطاياه يغنن
واليوم كل ٍ غازي ٍمع مهنا
............... والكدش قامن للاصايل يلزن
وأيمان خطلان الايدين قصرنا
............. والعجز لهل الفضل مايستقرن
ماهوب حق انك علينا تعْنا
............. لاخيربسيوف ٍ فالادنين يسطن
والله يثبّت ديننا في و طنا
............. وارجي عسا أيامن مضن مايعودن

[إبن ثعلي]

لم تجب على سؤالي ياشيخ الشيوخ اما القصيدة التي قلت فهي موجوده في ديوان الشيخ وهذا رابطه
http://www.otaiby.com/dewan/forumdisplay.php?f=51
http://www.otaiby.com/dewan.php

وجاري تطويره الى الأحسن وهي قمة في الروعه ومستوفيه لكل فنون الشعر واغراضه والمطلوب ابيات بنفس معنى وقوة ابيات الأميرالأولى لاتتطرق للماضي وانما يعتز شاعرها بنفسه
وتحياتي لك

[النجم الأصيل]

والناس لو تدري بهـول القيامـه
ماشفت قطع الوصل باالحم والـدم
وبنين بلاساسن سريعـن هدامـه
لازم تبـيّـن خلـتـه ويتـهـدم
ولـون بوجيـه الاوادم عـلامـه
يعرفبها واف الخصايل مـن الـرم


بيض الله وجهك ياشيخ الشيوخ والقصيدة ياليت قلت من صاحبها

وراح إن شاء الله تعرفني قريبا ياشيخنا الفاضل

وتقبل تحياتي.

[شيخ الشيوخـ]

ابن ثعلي

لعلي اسئل الامير شخصياً وازودكم بقصائده وياهلابك

[شيخ الشيوخـ]

المشاركة الأصلية كتبت بواسطة النجم الأصيل والناس لو تدري بهـول القيامـه ماشفت قطع الوصل باالحم والـدم وبنين بلاساسن سريعـن هدامـه لازم تبـيّـن خلـتـه ويتـهـدم ولـون بوجيـه الاوادم عـلامـه يعرفبها واف الخصايل مـن الـرم بيض الله وجهك ياشيخ الشيوخ والقصيدة ياليت قلت من صاحبها وراح إن شاء الله تعرفني قريبا ياشيخنا الفاضل وتقبل تحياتي.

اعتذر منك يالغالي

وتم التعديل

واتشرف بالرجال اللي من امثالك

دمت بكل خير

[شيخ الشيوخـ]

اشكر النجم الاصيل على الاستضافه

واقول ماقصرت يالمعزب


واشكر جميع من شاركو

واشكر ايضاً جميع من زار هذه الصفحه


والله يحييكم ويقويكم

اخوكم / شيخ الشيوخ