دعوهـ للرسم ~ |[ اطلب رسمهـ واختار عضو يرسمها ]|~

[دمي عتيبي]

تسلم والله مديرنا ابن سعدي ~
منور الموضوع وقسم الصور والرسومات
والف شكر ع المرور والمتابعه
<< والله ماعندها فتشوب ونبي فزعة الفتشوبين ببنر اللين احمل الفتشوب


وخلكم حوووولنآ

لاهنت

/

[ضياء البـدر]

موضوع روعه دمي ,




هذا بنر على السريع

[دمي عتيبي]

الثريا

ياهلا والله وغلا نووورتي خيتوووو

لاخلا ولاعدم

وبنر على سنقة عشرهـ

<< والله كنت حااايسه بالفتشوب عجزت اضبط السريل تبعه :(

لاهنتي غلااااي

وكوني بجانبنا دوووماً

/

[ناصر بن سعدي]

شكراً أختي :: الثريا ::


ولو إن الخط صغير مره ..:)


لكن شكراً على التفاعل وتم التركيب ..

[سلمان]

ليش ليش كذا


حتى صلصال ماعرف اضبطه

يحطون مسابقات تصوير ماعرف

شعر ماعرف

الغاز ماعرف


رسم ماعرف


ماقول الى

ان الرفاله اعيت من يداويها

انا حتى لو اجي اكتب اسمي كتبت اسم اخوي با الغلط

امس جيت ابي ادخن وانا اشرب عصير

طلعت الزقاره وحطيتها في العصير احسبها الشفاط

جيت مره ابي اسوي قهوه واجلس اقابل البريق ليش ما فار اثري ماولعت النار


كل يوم اواسي نفسي

واقول الرفاله الي فيك يا سلمان موب حقيقه
بس حوادث وصدف

والموضوع هذا فجر المصايب عندي

سالت نفسي

تعرف ترسم جاوبت لا ( افشل واحد يومني في المدرسه )

ليه كل هذا التعجيز في ما تطرحون من مسابقات ( ماتبوني )

حطو مسابقه من يعد السيارات في طريق الملك فهد اضمن لكم انجح

حطو مسابقة من يعد كم لمبة شارع خربانه في الرياض اعدها لكم
حطو مسابقة من يمشي على سور سطح بيتهم اتفوق

بس اهم شي لاتخلوني استخدم يديني اعرف عمري مطفوق

يعني محد منكم كان وده انه يحك راسه ويكتب على الكمبيوتر ويشرب كاس مويه في وقت واحد



ـــــــــــــــــــــــــــــــــــــــــــ

الزبده

كل ماذكر

علشان تقولون مسكين مسكين خلوه لايرسم



ملاك خلصي ورانا اشغال وين رسمتك

تقولين الجمعه

وش عندك اجازه

واليوم ليلة خميس والليل من فرحو يخيس ليلة خميس ( تراه عله )



ـــــــــــــــــــــــــــــــــــــــ

نجي لكبيرهم الذي علمهم الرسم ( بغا يكتب السحر بس خاف يتصفق )

نجي لدمي عتيبي


وانا اشوف ليش الشعب يصايح والي طلع يرقص وعبدالعزيز راح يكسر قسم الكمبيوتر
يقال له يحتفل


وانا ماعرف منهو دمي عتيبي


قلت ممكن شاعر محاوره دمي عتيبي

قلت ممكن اخوهم الكبير


لاني واعوذ بالله من كلمة انا قديم هنا وبعدين ذهبت في غيبتي الصغرى ورجعت مدري وش السالفه


لاكن الحين اكتشفت
ان احداث الشغب الي صارت كلها احتفال بقدومك ورجعة المواضيع المتكتكه والصاروخيه الى
الساحه


انتهى



ـــــــــــــــــــــــــــــ

الحين رسميين


دمي عتيبي فكره حلوه

مشكوره عليها اختي

وانا اطالب يحطون لك تمثال لانك قووود بيرسون

ومواضيعك خنفشاريه



تحياتي

[شذى العصمه]

^
^
الموضوع علىآ جنب وهالإعترافات / الردّ علىىىىى جنب

دمي عتيبي يازييييينك انتي ومواضيعك

خصوصاً هذا اللي يطلع الفضايح ..

عشان نميّز [ الفن من الرفالة ] < ماتقصد أحد :88:

دمي الموضوع يثبت

و ننتظر ملاك و الأختيار الثاني

أبيها ترسم تلفزيون طافي .. جنبه مكينة أبو أسد

جيبو أشياء توهق الرسام .. < قوية الرسام

نبي شسمه نتمتع بالإبداع

[سلمان]

^
^
^
^
^
^


محد يقصد احد هههههههههههههههههههههههههههههه


ترسم تلفزيون طافي .. جنبه مكينة أبو أسد

وجنب المكينه بريق شاهي غضار محترق طرفه ومحطوط فيه وجنبها بيالتين شاهي بادريق اهم شي انا بادريق ومحطوط على خشبة المكينه خمسه ريال معفطه تعفيطة بزر ماخذها عيديه وابوه يقول عطنياها لاتضيعها


زي ماقالت شذى لازم التوهيق علشان يطلع الابداع

وصح عندي طلب

ان الرسمات ترسم بالوان مائيه ذيك الي بريحة فواكه

[شموخ النايفات]

هههههههههههههههههههههههههههههههههههههههههه
ههههههههههههههههههههههههههه
سلمان يالله صباح خير
وربي اني مت ضحك على سوالفك لين امي قالت
اصبحي شنو الي يضحكج

بس صدقني ماكوووووووووووو فكه من هالموضوع انا عني اول واحد بختاره
بعدي انت جيب الالوان الزيته والشينيه والفرشه والكراسه
نبي نشوووف الاعاقه الذهبيه الي فيك حاسه انك بتصك على الرسام الايراني الي نزلت صوره بهالقسم
على فكره عندنا وحده من البنات ماخلت شي بالبيت صاحي الا حطمته لدرجة اني اشك ان ايدها صايبتها لعنه ههههههههه

[دمي عتيبي]

هههههههههههههههههههههههههه

حطو مسابقه من يعد السيارات في طريق الملك فهد اضمن لكم انجح حطو مسابقة من يعد كم لمبة شارع خربانه في الرياض اعدها لكم حطو مسابقة من يمشي على سور سطح بيتهم اتفوق

ابشررر ماحنا ماخلينك < راحت تفكر بموضوع < تشجعك

< ملاااك عفيا عيوني لاخلصتي الرسم عندك اثنين اختاريهم :o

كلش الى الخميس مايتفوت ياسهرات اهليه بالبيت يامع الجماعه يامع النوم < اهم شي النوووم

/

وانا ماعرف منهو دمي عتيبي قلت ممكن شاعر محاوره دمي عتيبي

^
< ميلت العقال

< وناااااااااسهـ شاعر محاورهـ < اجل مسموح لي ادخل قسم المحاورهـ < محرومه منه < الحين تدخله بسلااام

< انتظرو محاورتي مع موديرنآ

قلت ممكن اخوهم الكبير

:111:

لاني واعوذ بالله من كلمة انا قديم هنا وبعدين ذهبت في غيبتي الصغرى ورجعت مدري وش السالفه لاكن الحين اكتشفت ان احداث الشغب الي صارت كلها احتفال بقدومك ورجعة المواضيع المتكتكه والصاروخيه الى الساحه

<< حست انها بالكدس

يسلمك ربي تصدق تستحق الاوسكار على هالرد اطول رد هنا


/

تسلم سلمان اخجلتوووونا والله < حمرت خدودها < :37:

لاوين مابي تمثال ابي قلادهـ رشرش ومعاضد جنيهات
< بتحظر الوشسمه حق الوشسمها < اتحداكم تحلون اللغز اقصد الوشسمه <


/

ومانبي ياخوك الى سلامتكم والله وطلاتكم الخونفشاريه هنآ

[دمي عتيبي]

هلا وغلا والله بشذووونهـ الامووورهـ < ع القافيه

عااد انا تخصص توريطات < تبي تشوف مميزين عتيبه < مو منهم ترا

وشكرا ع التثبيت يالغلا

أبيها ترسم تلفزيون طافي .. جنبه مكينة أبو أسد

ووش حاقه طافي نبي فيه مسلسل تركي < اهم شي تركي

/

وجنب المكينه بريق شاهي غضار محترق طرفه ومحطوط فيه وجنبها بيالتين شاهي بادريق اهم شي انا بادريق ومحطوط على خشبة المكينه خمسه ريال معفطه تعفيطة بزر ماخذها عيديه وابوه يقول عطنياها لاتضيعها

^

الله يعينك ملاكـ

زرونا تجدون مايسركم