C)(c للشعــــــــــر# وقفــــــــــات C)(c

[فــزّ!!!ع]

...
...
...

جتك المشاعر تسـوق الكـره محتـده
تشرح لك الوضع ليتـك تفهمـه ليتـك

مابيـه وقـت ٍ معـاك الله لايــرده
عقب المحبـة تـراي بجـد وطيتـك

دامي خسرتك ترى الصده هـي الصـدة
في دار الاموات عن دنيـاي عديتـك

رح دوّر اللي عطاك الشـوق وتـوده
كان الخطا من خفوقي يـوم حبيتـك

الحب غلطه معك يلعن ابو جـده
لا عاش راسي تشوف ان كان مبكيتـك

اعطيتك اللي تعجز النـاس عـن عـده
مافيه شي ٍ طلبته ثـم رديتـك

لقيـت دربـك بـه الحسـرات ممتـده
ظلمت نفسي خسارة كيـف عليتـك

سليت سيفـك بوجهـي حيـل وتحـده
ماكني اللـي نزفـت الجـرح واغليتـك

العالم اللـي دخلتـه مانتـب بقـده
نسيـت عمـري وراك ولا تناسيـتـك

ابشر بقسـوة تبـد الحيـل وتهـده
ومع كل هذا تـرى ماظنـي اوفيتـك

ذكراك تبقى بوسـط الجـوف مسـودة
لو الليالي تعرفك زيـن مـا جيتـك

خلاص كرهـي تجاهـك واصـل ٍ حـده
من نفس كاسك عطيتك كاس واسقيتـك

مابيك وقت الرخا ولا بيك بالشدة
مليت منهـا حياتـك دام خليتـك

انهيت حبـك وبـاب الهـم باسـده
ماعاد قلبي مثل ما كان هـو بيتـك

بعض المشاعر تموت ولا لهـا رده
بالضبط مثلي نسفـت الحـب وانهيتـك

...
...
...

[محمد العتيبي]

فزاع يعطيك العافيه ..اتحفتنا بها الرائعه

[الجوووري2]

[frame="7 80"]عشت عمري كله وحيده
مالي بهالدنيا غير الشعر والدموع

تعودت ابكي ليالي عديده
من دون اي صديق لي سموع

الصداقه بهالدنيا فريده
ورغم كثر الاصدقا ماليين الربوع

من بينهم كلهم امي اروع صديقه
هي اللي قدرت تفهمني وتضويلي شموع

وبعدهاا رجعت مثل اول وحيده
رغم كثر الاحباب مثل الدروع

هالدفتر والقلم والقصيده
اروع ما لقيت ومعهااا الدموع[/frame]

[الجوووري2]

[frame="7 80"]الله يا هم نقلته لحالي
مافي يدي حيله ولا بالقدم حيله

اجحد واجنب مشكلي كل غالي
واكناه عن عدواني اللي مغاليل

في ظلمتين همومها والليالي
اكشف ظلام الهم ياكاشف الليل[/frame]

[الجوووري2]

[frame="7 80"]سريت ليل الهوى لين انبلج نوره
امشي على الجدي وتسامرني القمرا

طعس وغدير وقمر ونجوم منثوره
وانفاس نجد بها الجرح يبرا

يا نجد الاحباب لك حدر القمر صوره
طفلة هلال وبنت اربع عشر بدرا

حبيبتي نجد عيني فيك معذوره
معشوقة القلب فيها للنظر سحرا

فضة شعاع القمر في نجد مسحوره
من شاف لمعة قمر في خدة سمراا[/frame]

[بنت* عتيبة]

14331

اشكر كل من شارك معي في للشعر وقفات وكل عام وانتم بخير

[حسام هوازن]

يا عين هلي مــا في الدمع هليه
واذا انتهى صافيه هـاتي سريبه
يا عين شوفي زرع خلك وراعيه
شوفي معاويده وشوفي جليبــه
إن مر بي بالدرب ما أقدر أحاكيه
مصيبة يا وي والله مصيبـــة
واللي يبينــا عيت النفس تبغيه
واللي نبيه عجز البخت لا يجيبه

[بنت* عتيبة]

[a7la1=CC66CC]تجرح يدي ..أو تجرح القيد
قيدك غدى يوجع يدي
سجني أنا انت ... وسجنك أنا
والحب ... الحب عبدي وسيدي[/a7la1]

[بنت* عتيبة]

[align=justify]

لاجبينك شمس واحساسك مطر
لاعيونك شوف وشعورك دفا
جبتلك بيدي أبتسامات العمر
ليه تكسرها على اطراف الشقا؟
شوف بعثرني احتياجي بالنظر
شوف وجهي أمتلا منك بأفا
ماتجي منك ولاكن يابشر
منت أول من طعني بالجفا
ابرك ادفن كل جروحي بالسهر
ولا افكر من ورى قلبك شفا
ول ياقلبك مايجيب الا القهر
ول ياعمرك ماعرف طعم الوفا[/align]

[بنت* عتيبة]

[glow1=FFFFFF]تعبت أسافر في عروقي ومليت

من جلدي اللي لو عصيته غصبني

ياما تجاوزت الجسد واستقليت

عن الألم .. لاشك جرحي غلبني

أنا سجين الحال .. مهما تسليت

وانا الطليق وكل شيٍٍ قضبني[/glow1]