أقلط .. بقهويك شعري فاحت دلالي
----------------- أقـدع قصيـده وخـذ فنجـالـها صـوره
صافح كفوف المعاني وآقف قبالي
----------------- قصيـدتـي فيــك مختــالـه ومغـروره
مابيك تاقف وراي وتجرح ظلالي
----------------- آقـف بعـيـن ٍ بهـا صـورتـك منثــوره
أشرب ظما هاجس ٍ ماجا على بالي
----------------- يظهـر خـطيـب القصيـد ويعـلن الثـوره
كان الشعر فيك نار ٍ هاجسي صالي
----------------- أفرش لي الجمر كان الأرض ممطوره
ورد أول الهم لاتنسى على التالي
------------------ الخيـل مـن صيحــة الخيـال مذعـوره
وآمر عيال العيون السود تقرالي
------------------ سـواد عينـي لصبـح الكـف سبــوره
أنا اعتبرني حظيظٍ وطيبٍ فالي
------------------- لو كان لي رغبةٍ من عـام مقـهـوره
ظما المواعيد هو همي وغربالي
-------------------- أكثـر تقـاليد يـوم الوصل ممـروره
(راشد بن جعيثن),,,
| 
|
01-08-2006, 01:40 AM
المواضيع المتشابهه
العرض الشجري