قصيدة بدرررررررررر

[خالـد]

قصيده للشاعر حسين علي العتيبي من الكويت

اعجبتني وحبيت اسمعكم اياها
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

قالت انت تجهل الزين ماعندك نظر = وتجهل النظرات ورموزها والانتظار
شايف نفسك ولا دري على ويش الكبر=ولا تناظر لا يمينك ولا تنظر يسار
خل عنك الغطرسه والتصدد يابشر = والغرور اللي بناله على قلبك جدار
قلت هيه أنتي كلامك به حقود وقهر= وش تبين وهاتي اللي بقلبك بختصار
قالت اسمك قلت انا اسمي على الماشي بدر=قالت اسمع وأدري انك علي تشب نار
ثم ضحكت وقمت فيها اتهزا في مكر= قالت انت بارد شعور وشعوري شرار
من لمحتك قام يسري غرامك له شهر= قلت مدري عنك ماأعرف مرام ولا انتصار
قالت أنته دايم تمر عندي وتعبر=ماتشوف الزين خالط بياضه بالحمار
ماتشوف العين والمش نعسان خدر= رمحهن يقصر ليالي طويلين العمار
والشفايف حمر من تحتهن نظم الدرر=وماتشوف الخد ساطع كما شمس النهار
والشعر ينساب طوله إليا تحت الخصر= والرشاقه في قوامي وعمري بإزدهار
قلت كم العمر قالت تحت تسعة عشر = قلت عمرك توه وكل زينك مستعار
الرموش مركبه والشعر يوصل شعر= والكحل والروج والبودره تجلا السمار
مع كريم اساس يخفي تضاريس الجكر=والكعب للرزه ويرتفع طول القصار
وغيره وغيره من اخداع تجذب من نظر=وكم غشيم منخدع بالبياض مع الشقار
والحلا يابنت مثل الطبيعه والزهر=يجذب العشاق نوره من خلاف الخمار
والتصنع يالغشيمه حقيقه مايسر= خص وانتي بأول العمر ليه الانتثار
والحلا بالروح والمنطق اللي معتبر=والحلا بالثقل ويا الرزانه والوقار
قالت الشرهه على اللي وقفلك وانتظر= ليه حطمت أمنياتي وحلمي بانكسار
وازعلت ثم قالت ارجوك يابدر اعتذر= قلت ماني بدر والصح مافيه اعتذار

وسلامتكم[/poem]