مصرع شاب تحت عجلات سيارة تقودها فتاة بـ"درة العروس"

[اصايل]

الله يرحمه ويغفرله

مدري متى الدفاع والمرور وغيرها يتسنعون

لاهنت

[ابوسـعد]

التمني راس مال المفاليس....السيارات صعب تركها..ولكن هي آفة من الافات..القاتله..ولو عندنا مواصلات زي الناس ما احتجنا سيارات اطلاقا..ولكن خشمك لك ولو كان اعوج..قال صديق انه جلس في إحدى الدول المتطورة اربع سنوات لم يستخدم السياره يوما واحد وسألته لماذا؟ قال المواصلات زي الحلاوة في كل زاوية محطة قطار محلي توديك للي تبي في المدينة وغيرها..اركب القطار للعمل..للسفر..للتمشي..حتى للمطاعم..وغيرها كثير...والله يرحم اموات المسلمين..وشكرا مشرفنا القدير عبدالعزيز

[اصايل]

اشوف السيارات مافيها شي بالعكس من اريح انواع المواصلات

يوم يكون لك سياره خاصه فيك بعيده عن مشاركتك للناس في القطارات او الطائرات وباصات ..وتعطل

مشاويرك من ازدحامات الناس

المشكله عندنا في فهم الناس لقواانين القياده والسرعه الجنونيه ودق الهرنات ع الفاضي :)

في الدول المتطوره مستحيل تسمع صوت البوري وعندنا حتى مع اللفه ..وشعبنا للاسف متهور وعجل

ومايعرف النظام في كل شي ..

[الأدميرال]

مو الشعب لحاله حتى بعض مواكب السمو على الشوارع فرد حمزه ثاير ثاير خلك على الدعسه
حنا شعب عايشين على البركه مافيه ضوابط ولا انظمه على الكل
انظمة البلد صارت استغلاليه بكل شي
اذا صار رب البيت لدف ضارب فشيمت اهل البيت ....

[ابوسـعد]

اكيد ان السيارة عبارة عن آلة مالها ذنب يااصايل فيما يعمل بها والعيب فينا كما قال الادميرال..والعالم معمده تجيب طبلونها في مشوار بسيط...المفحطون في الشوارع كثر وانا اتعجب كيف يفحط هالمسكين عند الاشارات وامام الناس..شيء مخزي..والجمهور جالس يتفرج..طيب...تذكرون عندنا لعبة...ليش يسوي ليش..امراض رهيبة في هذا المجتمع...الي نعتقد انه صالح ونقي..الله يستر بس من هذه الاجناس..وياهلاوغلا بعبد العزيز..الظاهر شطحنا بعيد بالموضوع...السيارات!!!!!!!!!!!!!!

[مامثلي أحد]

-


طالما لايوجد قانون يحميها
سنرى من هذه الأمور و أردى ..

شكراً عبدالعزيز



-

[عبدالعزيز الفرج]

الله يرحمه ويغفر له



لا تعليق




لاهنت عزوز

[» عبدالعزيز «]

,


أشكركم كل الشكر على النقاش الجميل
لكن لي تعليق على كلمة بسيطة و تستفزني دائماً هالكلمه

في الدول المتطوره

ماحطمنا غير هالمقارنات ..

في الدول المتطوره
في اوروبا
في اميركا
... ألخ

وتعليق اخر :

في الدول المتطوره مستحيل تسمع صوت البوري

وعندنا حتى مع اللفه ..وشعبنا للاسف متهور وعجل

اتفق معك
+ الله يصلح الحال
واحد من اهل الشرقيه يقول لي صرنا نعرف اهل الرياض أنهم موجودين بالشرقية من البوري .
,
سرعة الضوء معروف أنها اسرع من سرعة الصوت
لكن في السعودية وقبل الاشاره تضيء خضراء نجد العكس

[اصايل]

ماحطمنا غير هالمقارنات .. في الدول المتطوره في اوروبا في اميركا ... ألخ

وهو الصدق :)

ليش ماناخذ منهم التطور والشي النافع

مااناخذ الا السخافات والتقليد الاعمى ..

ليتنا يوم نسمع عبارات التحطيم نحاول نعدل نفسنا ماانقعد على وضعنا ..!

هذا حنا مكانك راوح ..

[» عبدالعزيز «]

,

خلاص بناخذ منهم التطور وخلهم ياخذون أو يقلدون ثقافاتنا الإسلامية
يعني يصير تبادل ديانات وثقافات :)
استغفر الله
[ الحمد لله الذي فضلنا على كثير ممن خلق تفضيلا ]