وشسمه بس تخيل؟؟

[الالماسه]

حرام عليكم وش هالسوالف والله

وانا به الظهاري خايفه كيف لو قريته اخر الليل

سيوف موضوع رائع

بس مثل ماقالت غرام اطفال شكله بيصير تجمع سكني لهم

اقول مع السلامه انا طالعه























اقول لا تعودينه سيوف

[ملامح خجوله]

يووماااااااااه

انا على طول اسلم نفسي اعرف نفسي رجولي ماراح تشيلي من الراعه ..

خربتي الصورة اصبحت في خيالي مرتبطه بشي مرعب ..

اهم شي قصه الخيال من جدك اسمر وفيه برص !! اكيد ماهو من الانس
اكره البراري لاصارت تستهبل وتطلع مخلوقات مرعبه ..

بسم الله الرحمن الرحيم ..

بالله لو عندك موضوع مثل كذا قولي ممنوع دخول ذوي القلوب الضعيفه ..
:)

وردات كثيرات

[.*إنـْسَـآن عَـآدِي*.]

مدخل :

اخذلي اقرب حصا كبيره وادبج راسه فيها واذا ما نفع افصخ النعال الله يعزكم واقطها عليه وادق النحشه
إلى ما أوصل مخيم ارضه خضرا وانواره بيضا من شدة بياضها تعمي العيون واثرني في روضة خريم
عند ابو متعب الله يحفظه عاد وينطلي هالعسكري وش عندك هنا واوريه هويتي العسكريه وادخل
عند الملك :)

مخرج:

مشكوره اختي ع الموضوع
ودي لك
الوآصل

[دمي عتيبي]

سيوف الصراحه الصوره تفتح النفس
ويازين هالجو مع دلة القهوووة ^ _ ^
<< داايم يقعدون لهالحزه ويمشون ابد مايطولون وتخيم يارب لك الحمد ماعاد نخيم < كانت توهق

،

غرام وانت الصادقه لازم نشوف حل مع هالموضوع < الظاهر نبي ندخل دورات

<< تراها تقرا ربع الردود وماتكملها >



يعطيكم العافيه

[فواز الجوفي]

مشكوووووور والله يعطيك الف عافيه

[سيوف]

المشاركة الأصلية كتبت بواسطة abosaad هلااااااااااااوسهلاااااااااا بالسيوف....إذا صرتي مجودة المعوذات فما عليك خوف...طقيها ركعتين بالاسحار اليا طاب الي حياته خساره,,وماتشوفين شر من بعد التعوذ بحول الله..وياهلاوغلا

ابو سعد هذولا بسم الله وشسمه وربيينعقد اللسان معهم

مير جعل المسلم مايواجهم << تحس بثقل من يوم كتبته << بسم الله

[سيوف]

المشاركة الأصلية كتبت بواسطة الـجـادل ههههههههههههههههههههه سيوف لبى قلبج وفصلاتج تالي هالليل وشهالتوقيت الاقشر عاد عندي بنات يقالهن حفارات القبوررره بناتنا من زود رقتهن ونعومتهن اذا قلتي لهن فالبر والناس قاعده والماطور شغال جيبي لي ماي او غسلي الفنجال تقولج خايفه ابي احد يوصلني واذا امس الليل وكلن تكرفس بفراشه ماتعينين الا هن ناسلات عمرهن ويقنصن جن على قولتهن ولا على شينهن يمــترن البران طول وعرض برجليهن بالله هذيلا وشالحل معهن <<- بتثور فيهن انا ياختي مابي اتخييل متسطره ومغسول شراعي من الربع الي انتي خابره وبالعتن العافيه لان جتني فتره ماقرا الا قصصهم وقمت احس فيهم احساس الصاحي بالمختصر اصبح ومالقاني بفراشي <<-- شالت لاب توبها وراحت للصاله ^_^ وشسمه بس ابلع العافيه

وشسمه الجادل عندنا وعندتس خير من الربايع الي لا انا اخاف << عاد السالفه عن جد تخوف

عاد وانا بعد ابلع العافيه بسم الله

[سيوف]

المشاركة الأصلية كتبت بواسطة سلمان يا الله حي بنتاخينا سيوف انا من يوم قريت العنوان ( وش اسمه بس تخيل ) وانا داري ان ورا ها الموضوع شخص ثوري ( قام يرفع ) يا الله حيها يا الله حيها الساعه المباركه الي شفناك ياطويلة العمر وبعدين وش ها الموضوع الي على اخر اليول وان كان بتاخذين العلم مني فا الخوف ثلثين الشجاعه وانا خالك والحرص واجب والتبلد زين بعد موب شين في ها الزمن والله يمكن لو يجيني انسان في البر في الليل اخاف منه اكثر من هل الارض لاكنت لحالي الدنيا ماتنظمن يمكن يبي يسرقني شي ولا بيذبحني اما عن اهل الارض الله يكفينا شرهم فا الواحد ماعليه الى انه يتعوذ من ابليس ويقرا المعوذات ولا يدخل الذل قلبه انا اعرف رجال صار له موقف يقول طالعا ً للبر انا وابوي يوم رقدنا مادريت الى عمي الصغير يقومني ويقول يا خالد قم قم ابي دخان يقول واعطيه دخان واجلس ادخن انا وياه واروح ارقد يقول يوم صحيت لا والله اتذكر الي جاني امس ودخنت انا وياه منهو عمي وش جابه هنيا واروح للمكان الي كنت ادخن فيه لا مافيه الى زقارتي لحالها وماندري سالفته صدق ولا سوالف عصير هههههههههههههههههههههههههه وعن اني ابي اجلس مع بسم الله علينا فا ابطت اني اجلس معه صاري لي موقف وازعجونا في البر لاكن تعوذت من ابليس وما صار شي لاكن ابي اقول لكم موقف شي مشابه لسالفتكم لواحد اعرفه وسالفة الرجال ذا اعرف انها صدق لاني اعرف الرجال الي صارت عليه مره جانا وهو منفصخ عقله يقول الرجال كنت سامر عن خويا لي عند نياقهم ويوم جيت ابي اسري وقبل الطريق بكيلو وقفت اقضي حاجتي ( عزكم الله ) يقول والساعه حول 11 الليل يقول كنت تارك الباب مفتوح يوم جا بريكب سيارته لافيها زي الادمي وفوق راسه زي الكوره شعره منتفش ويطالعني ويضحك وما اشوف الى بياض سنونه في الليل يقول انا انمرج عقلي واطقها نحشه ابي اروح الطريق الى في سياره تدور في البر يقول واروح لها اركض طاير عقلي وقف لي راعي الموتر الى عوداً بدوي واركب معه وانا اتنافض قال عندنا بنتن مجنونه وعقله فيه قل صح وطالعه من الخيام منحاشه ما شفتها يقول يوم قالها واتذكر البلا الي في موتري واقول له الله يقلعك انت وبنتك عانها في موتري احسبها جني وجايك منحاش هههههههههههههههههههههه يقول واروح معه لسيارتي الي يجي العود وياخذها بيده وتركب معه وهي تضحك ولا تكلمت ولا قالت شي تمشي معه وتضحك ومن بعدها خوينا ذا معاد يوقف في البر اخر الليل المهم سيوف وانا خالك شكرا ً وترا الصوره تصوير الجادل ههههههههههههه

وحيالله خالي سلمان عاد سالفتك وربي تمرج القلب مرج ميروشسمه بسم الله

والصوره شكلك من وشسمه ماقريت البرايفت << يقال مسوي فيها الفتى القوي الذي لايخاف

وتسلم هالطله خالي

[سيوف]

غرام اطفال
الالماسه
الواصل

دمي فواز

ملامح خجوله

شكرا للمرور ووضع وشسمه ع الموضوع

خيال بسم الله علينا وحوالينا من وشسمه

[تسنيم]

وشسمه مشكوره سيوف على الموضوع اللي يطير العقل
انا لا خفت تجمدت بمكاني يعني لو وش ماصار ما اقدر اتحرك
ومن غير شي اكره البر لاسباب وشسمه خاصه
بــــــــــــــــــــــــــــــســــــــــــــــــ ــــــــم الله علينا