يا بو سا ره

[عبدالله المرشدي]

ابن مسلم



صح لسانك


وعلى شانك

قصيده رائعه

ونصيحه قيمه


عساها بميزان حسناتك

تقبل تقديري

[نادر النمر]

إسمع كلامي وتمعن به يابـو سـاره
لوطالت أعمارنـا فالمـوت قافينـا
والموت عنده كبار القـوم وصغـاره
لحلـت أجالهـم فـيـه متساويـنـا
وترى نفوس البشر بالسـوء أمـاره
وبافعالها السيئه ترضـي الشياطينـا
الدين حافظ على فروضه مع أوتاره
صل الفجر صلها ضمـن المصلينـا
إتـل الكتـاب المطهرتـاره وتـاره
ماقالـه المصطفـى سيـد النبيينـا
ولوالدينـك عليـك حقـوق جبـاره
أمـوات وألا لياهالحـيـن حييـنـا
والرجل نفسه تهون ولاستـر عـاره
وإن مات من دونها ضمن الشريفينـا
والضيف هو والخوي والجارمع جاره
إحقوقهم واضحه بالعـرف والدينـا
للنـاس مـن لايقـدر قـل مقـداره
قولن صحيح(ن) وعن الناس دارينـا
ولاكل من شارلـك تتاخـذ إبشـاره
شـورِ يقـدي وشور(ن)مايقديـنـا
أنته ولـد شايـبِ ماتنطفـي نـاره
والباب مفتـوح للـي جـوه لافينـا
والعـود والدلـه أم الهـيـل دواره
وحيلِ تقلط علـى كبـار البعارينـا
ياخالـق الخلـق يالعـلام بإسـراره
تنجيه يارب مـن نـارك وتنجينـا
أبغاك عقبه تواصل نفـس مشـواره
وعنـد الله أرزاقنـا ماهوبناسيـنـا
جتك النصيحه وماتختـاره إختـاره
الله هـو اللـي بمانعمـل يجازينـا
والله ماقلتهـا بـك شايـفِ بــاره
لاكـن مـاودي الآنـذال تشنيـنـا
وعدة حجيج الحرم وإعداد من زاره
صلوا علـى سيـد الغـر الميامينـا


الله الله الله

يابو ظيف الله مدري وش أقول ووش أخلي .. ؟

الأكيد أنها قصيدة شامخه .. ومؤثره وقيمه .. وجزله من راس جزل ..

تقبل أعجابي بها .. بيت .. بيت ..

وتقبل كل تقديري وأحترامي .. عسى عمرك طويل .

,,