معركة الصريف كامله وموثقه

[محمدالجربا]

المشاركة الأصلية كتبت بواسطة إبن ثعلي نقول ونعم بالجربا وبقبيلة شمر العزيزه

ماعليـــــــــــكـ زود يابعد حييـ

[شمر حائل]

الغالي ::عبدالله الشمـــــــــــــري

بيض الله وجهك يالغالي على الطرح الموفق لي اشهار واكبر معارك الجزيرة العربية معركة الصـــــــــــــــــــــريف
ولاشك ان هذه المعركه تكلم بها الغرب قبل الشرق

ويكفي ابنا شمر الكرام الفخر ثم الفخر ثم الفخر بدون قصور بباقي القبائل
فهذه المعركه المشهوره والمعروفه عندالجميع تكفي شمر فخرآ
ورحم الله الامير::عبدالعزيزبن متعب بن عبدالله آل رشيد(الجنازة)
فهو من قاد هذه المعركه دون تردد وخوف
فهو من قال بعد هذه المعركه الشهيرة الابيات المعروفه عنه
راعي الجمل دلايصيح::والي على راسه يطيح
يناس مالي نطيح::مليت من باقي الحياة
فهو ياصف في هذه الابيات انه مل من الحياة لانه لم يجد من يناطحه ويقاتله فكل من عرف ان هذا عبدالعزيزآل رشيد هرب ولم يقابله
وارجع واقول بيض الله وجهك اخوي

[عبدالله الشمري]

المشاركة الأصلية كتبت بواسطة عبدالله عابد مرحبا بالأخ عبدالله الشمري والأخوه من شمر ونعم بقبيلة شمر العزيزة لكن عندي ملاحظتين: ذكرت أخي الفاضل الكريم أن قبيلة شمّر كانت وحدها ومع إيماني الجازم أن هذا الشيء غير مستغرب على قبيلة شمر ذات الصولة لكن الأمر ليس كما ذكرت بل يجب التنبيه أخي الفاضل على أن ابن رشيد وإن كان من صميم قبيلة شمر وحاكم كبير إلا أنه (حضري) وبما أنه حاكم حضري فلتكن على قناعة أنه يجب أن يكون عماد جيشه من الحضر الذين يتّبعونه وهم حاضرة حائل والجبل وبقعاء وما يليها هذا الأمر لا يحتاج إلى دليل لأنه مما جرت به العادة وإن لم يذكره المؤرخون كما أن المؤرخين لم يذكروا أن قبيلة شمّر كانت وحدها مع ابن رشيد كما كان مع ابن رشيد أيضاً حلفاءه من حرب ومن المعلوم أن حرب كانت من أشدّ القبائل المواليه لابن رشيد بخلاف خصامها مع شمّر البادية فهذا أمر أخر فالقبائل التي تعتبر من اشدّ أعداء شمّر كعنزة مثلاً نجد أن قسماً كبيراً منه خصوصاً المحادين لشمّر هم تبع ابن رشيد الملاحظة الثانيه نعم قبيلة عتيبة حضرت وذكر من مشائخها الحاضرين: الشيخ عبدالرحمن بن ربيعان, وسلطان أبا العلا, وهذال بن فهيد الشيباني هذا مذكور في كتاب ما تقارب سماعه وتباينت أمكنته وبقاعه لابن بليهد رحمه الله

ماعليك زود يالسمي ونعم بكم ياعتيبه عزالله نعم القبيلهونعم الرجال...

بس عندي تدخل بسيط واتمنى ان صدرك صدر شمالي وتتقبل التدخل البسيط..

ماذكره المؤرخين ( هو مجموعة الحشود من القوات + القبائل ضد قبيلة شمر ) وهذا دليل كبير على انو لا توجد اي قبائل مشاركه ، واعتقد انوه من سابع المستعيلات المجازفه بالاجحاف بحق قبيلة او قوات في مثل هذه الملحمه الكبيره اي انوه اذا كانت هناك قبائل مشاركه مع قبيلة شمر لم ولن يجحد تواجدها بين صفوف قوة شمر.خاصه ان الامر يتعلق ( بمعركة بحجم معركة الصريف ) اعتقد انه اجحاف كبير بإجحاد مشاركين |||~

هذا ومع العلم ان معركة الصريف لها سنوات عديده وتم تدوينها منذ امد بعيد فلا يعقل تشويهها الان وهي موثقه توثيق كبير ( من قبل دوله كانت مشاركه بهذه المعركه )

[عبدالله الشمري]

بسم الله الرحمن الرحيم

الاخوه الكرام جميعا سوى من شمر
او من عتيبه او من اي طرف اخر..

عندما ذكرت ( معركة الصريف ) اوددت إطلاع الزوار والمنتسبين على تاريخ تعايشه اجدادنا جميعا..

نعم نفتخر بكل ماعملوه.. نفتخر بشمر وبعتيبه وبمطير وبالعجمان ومره وقحطان وكل ابناء القبائل وابناء الوطن العربي..

والكل منا يعرف تاريخ قبيلته ويعرف متى كسَرت ومتى كُسِرت...
هناك معارك حدثت بين قله من شمر مع قله من عتيبه وكان النصر حليف لـ عتيبه..

فتأكدو ان هذا شي تعايشه ابائنا واجدادنا من قبلنا.. وهو تاريخ نتباها به جميعنا..

كل هذا كان في ماضي الازمان . وماضي الاجداد يذكره الابناء حفظاً وتباهيا ً ومفخريه.

كما تفعل بعض الدول العظمى ( من إحياء ذكرى تأسيسها أو تحريرها )
اي هذا الشي يعتبر طبيعه في الانسان وبالاخص ( العرب )..

وكما قال الله تعالى::.
(يأيها الناس إنا خلقناكم من ذكر وأنثى وجعلناكم شعوباً وقبائل لتعارفو إن أكرمكم عندالله أتقاكم)

استمد قولي بهذه الايه فنحن الان اخوه وابناء وطن واحد وكلنا نكمل الاخر ( والحمدلله وله الثناء الحسن )
الحين الشمري يتزوج عتيبيه والعتيبي يتزوج مطيريه وذاك يتزوج من ذاك وذاك ولد عم ذاك..

( وكفى ) هرج مايسمن ولا يغني من جوع...


اخوكم : عبدالله الشمري

[شيخ الشيوخـ]

الأخوة
علي عليوه
عبدالله الشمري


نأمل منكم عدم تشويه الموضوع بالردود الغير لائقة

كما نأمل اكمال الحوار عن طريق الرسائل الخاصة ولكم كامل الحرية

واي رد غير لائق سيحذف الرد ويغلق الموضوع نهائياً



الإدارة

[عبدالله الشمري]

الغالي شيخ الشيوخ

بيض الله وجهك يابعدي عزالله ماقصرت ولا بك قصور..

وخيرا ماصنعت...

[علي عليوه]

اشكر الاداره

ولقد سبقني الاخ الشمري بازجاء الشكر لهم
كيف لا وهم حذفو جميع ردودي التي لم يتم فيها الاساءة الى قبيلة شمر العزيزه ولا لغيرها من القبايل

منتدى لتاريخ الجزيره العربيه وتاليها حذف ردودي على مبالغات الشمري
اجل لو انا راد على عتيبي كان وش سويتم؟!!!

[شيخ الشيوخـ]

ياعلي عليوه اذكر ملاحظات على الموضوع بإلاقتباس واذا كنت معارض نرجو منك توثيق معارضتك على ماتقول

بقي عندي تعقيب اخير على كلام الاخ برزان

المشاركة الأصلية كتبت بواسطة برزان هلا يابعد حيي يا شيخ الشيوخ عتيبة حضرت ممثلة بابن فهيد الشيبااني بالاضافة لبعض المرتزقة الراغبين في لغنائم وللعلم اول بيرق انكسر هو بيرق الشابين وهذ الكلام حسب مصدر دولة الكويت.... ويقال ان الشيابين بعد انكسار بيرقهم ذهبوا ونهبو معسكر ابن صباح حسب رواية الكويت

الشيابين فخد من عتيبة يابرزان وهذا يؤيد قولي بأن عتيبة لم يكن حاضرة على اكثريتها

[شيخ الشيوخـ]

هلا بك ياعبدالله الشمري

المشاركة الأصلية كتبت بواسطة عبدالله الشمري شيخ الشيوخ ماعليك زود يالغلا انت تقول الملك عبدالعزيز كان في الرياض ولم يحضر للمعركه اقرا الموضوع ثاني مره ( لاني ماقلت انه حضر ) عساك ع القوه /// وتقول بعد انو ( عتيبه لم تكن حاضرة (( على اكثر من قول )) -) هذا يعني انك مانت متأكد من جوابك لا عدمتك عافاك ربي على كل حال اخوك عبدالله الشمري

بالنسبه للملك عبدالعزيز هذا نص كلامك ..

المشاركة الأصلية كتبت بواسطة عبدالله الشمري م معركة الصريف هي معركة حدثت في 17 مارس 1901 بين قوات مبارك الصباح ومعه عبد الرحمن بن فيصل آل سعود وسعدون باشا السعدون وصالح الحسن آل مهنا و سلطان بن الحميدي الدويش ضد قوات عبد العزيز المتعب الرشيد من اهالي حائل و شمر في الصريف شمال شرق بريده إنتهت بإنتصار ابن رشيد. ويُستشهد على ذلك بما نقله الباحث والمؤرخ أبو عبد الرحمن بن عقيل الظاهري، عن سيف بن مرزوق الشملان في كتابه تاريخ الكويت، ما نصه : " قصد الشيخ مبارك ، ابن رشيد بجيش كبير مكون من أهل الكويت والبادية وأهل نجد وعدد الكويتيين نحو (800) وهذه أسماء القبائل التي اشتركت في الحرب مع الشيخ مبارك وأسماء رؤسائها: الإمام عبد الرحمن الفيصل السعود وابنه الملك عبد العزيز ومن معهما من أهالي نجد ،

كيف تقول اني ماقلت انه حضر ؟؟

اما عن (( اكثر من قول ))
فهذا يدل على التأكيد لأنه ليس قولاً واحد بل اقوال عدة ياعبدالله الشمري وهذا لايقلل من قيمة معركة الصريف

[عبدالله الشمري]

ياهلابك ياشيخ الشيوخ

بالنسبه لردي عليك في السابق هذا لانو من ظمن سرد القصه كتبت ان عبد الرحمن بن فيصل هو وابنه الملك عبد العزيز ذهبو قبل المعركه إلى الرياض
وهذا من ظمن خطتهم مع مبارك الصباح حيث اتفقو على ان عبد الرحمن بن فيصل يذهب مع الملك عبدالعزيز إلى الرياض
وهذا ما حدث...

يعني ان الملك عبدالعزيز ماكان في المعركه لانه ذهب إلى الرياض..

شكرا على تسائلك واتمنى من المولى عز وجل انو جوابي اقنعك..


اما بالنسبه لقبيلة عتيبه يا شيخ الشيوخ

فانا قلت انوه تم ذكر وجودها من قبل المؤرخين

وعندي دليل وهو حق بوجود قبيلة عتيبه في معركة الصريف
والدليل هو قصيده لـ ( العزي راعي البّره)

يقول فيها..

إيضا الدواسر كون وإيضا ((عتيبه ))=واللي حضر منهم عن اللي مضى تاب


((( وهنا القصيده كامله )))




يامزنةٍ غرّا نشت من مغيبه=ترعد وتبرق ساقها رب الأرباب

ترمي الصخب شرّه على من تصيبه=بأركانها تسمع كما ضرب االأطواب

طمّت وعمّت وإدلهمّت غضيبه=واستثقلت باللي للأرواح جذّاب

تبغي الحريب اللي دنا من حريبه=ابن صباح اللي تعرض للأسباب

دوّر وجمّع من تردى نصيبه=بأهل الكويت وكل من كان خشاب

ومن كل غواصٍ وسيبٍ يجيبه=واللي يحزمون السمك زام حرّاب

وبعريب دار وكل من يرتجيبه=وراع النفاق ومارق الدين ماغاب

وجموعة العجمان واللي حظيبه=مع الدويش ومن ولاه من الأجناب

والمنتفق وابن شريم ونسيبه=وسكانة النقره وسالم وغصّاب

حل المناخ اللي عليهم دعيبه=كل ديرته يحذاه جلاب الأجلاب

يبغي مناصيبٍ تحدر غصيبه=وعنده مناصيبٍ تعلت بالأرداب

واللي دعاه وساعده مايخيبه=يومه (........) وفي مامضى تاب

عنه السبايا والسرايا بغيبه=واللي يروون المراييش غياب

والله ماصدو عن الدار هيبه=مار انهم ياتايه الراي أجناب

عنده نزل حوض المنايا بطييبه=عوق الحريب اللي اذا زير ماهاب

سيّر عليهم بالجموع الصليبه=جيشه مع المسيوق يحداه الآداب

ثار الدخن والعج وإنجال خيبه=والشمس عنهم كنها تقل بحجاب

نوٍ يروّع بالخضيراء حنيبه=خص الجموع اللي عليها السماء زاب

فيه الزلازل والمنايا تجيبه=ومزن الغضب ضرن على كل منصاب

وفيها مخابيصٍ وبرقٍ مصيبه=وحتى الرعد به حس عدلات الإجهاب

ورمى بحمران النواظر حبيبه=ضياغمٍ من فوق طوعات الأرقاب

رمى لهم مثل العساكر خشيبه=بصمعٍ وثلاثٍ وللموت أسباب

إليا حلت البلوى على من بليبه=ينفك للمبلي من الله مية باب

يذكر لنا فرز الوغى شق جيبه=ونذر وحرّم عقب رميه للأسلاب

حظر الجبل ردو لهندٍ عجيبه=هندٍ مفاتيح الفرج عند الأكراب

في ساعةٍ وادع حبيبٍ حبيبه=وردو خطاة العمر مخطاه ماصاب

تخالطو من كل كفٍ ضريبه=لما غدا مابينهم تقل حنّاب

حريقةٍ مايبرد الماء لهيبه=مثل السعايف عندك الجمع لاعاب

وين القنيب اللي يميز قنيبه=برقٍ ودخانٍ وعجٍ وسكاب

شيّب بها اللي مابعد حل شيبه=وغدا بها شبّان الاولاد شيّاب

يومٍ على الباغين ماينحكيبه =عثا بهم طير السعد غوج الأطلاب

عجرٍ ثلاثٍ به والاخرى عطيبه=ماهاب والموت الحمر له تلهّاب

غريو هلا النقره مع شلة دبيبه=لومك على اللي أدبرو عنك هرّاب

جابوك شمر ياطويل الذويبه=بين السبايا وبين عذبات الأنياب

ياللي تقوده قل حقه غديبه=مع وقعة البرّه ومن كان طلاب

ومن لاعليهم حجةٍ يدّعيبه=ذا موسم اللي حاضره سد من غاب

ياذيب سفوه ناد ذيب القريبه=وإجذب من السلمان والحزل وإنصاب

وإجذب من سباعٍ بالمقاطع مغيبه=وإجذب من السوده للجوف والضاب

وباقي السباع الغايبه وين هي به=إقنب لها ياذيب في كل مرقاب

يلحق بها سبعٍ رديٍ نديبه=وشهب النسور وكل فرّاس بالناب

ولا تفرس إلا كل بيضا سنيبه=إفرس مشاكيلٍ وزلبات وركاب

مثل الهشيم اللي بفيضة شعيبه=هشيم طلحٍ كل الايام عياب

بأرض الصريف اللي وطاها وطيبه=شرق وشمال وقبلةٍ عنه معزاب

الضبعة العرجاء غدت به رطيبه=وكل السباع الضاريه كيفها طاب

ياويل عمّي جرّها من حسيبه=(....) على الرمش شقّن الإياب

شيخٍ يراعي يوم حزّة نشيبه=على جموعه من المغلين ضبضاب

من فوق جال مثل وصف الرقيبه=خيالة الشرفه ومحدٍ معه تاب

زلفاهم الدجّال نقرة نشيبه=نار المسيح وذل يلحق بمطلاب

من فوق حرذونٍ يحز الشطيبه=بفقر الوقارى رادفه عقب ماشاب

في فرصةٍ حدر الدجى مادريبه=قب السلاح وبدّل السيف مشعاب

والغوج خلي مالقى من يجيبه=عند ابن شايم مالقى الغوج ركاب

عاضوه بالحوّى فياضٍ عشيبه=مايشبع الرجال من عشب عشاب

ذكوه في ديرٍ كبير المصيبه=تسعين ليله مقعد الشيخ ماطاب

دار الفلك ياللي هبوبه مجيبه=شيخٍ يريد الحكم ماهو بنهّاب

على النقى يرد النضا مع شبيبه=لابان في قوم المعادين مضراب

كونه صباحٍ مايدوّر عقيبه=من غب كونه ينصب السوق حسّاب

إيضا الدواسر كون وإيضا ((عتيبه ))=واللي حضر منهم عن اللي مضى تاب

كون ابو متعب مع صديقك يصيبه=قوم ابن مرشد صابهم مثل ماصاب

جاب الله الديدب وهو ينثني به=عشىّ ولا بقىّ بهم كود نجاب

سرى وبّدل كل عوصا نجيبه=تجوير ربدا دوّلت عقب الأعقاب

وشبّ الفنم للي مشى يقتدي به= طوال ليله قاريٍ تقل مشهاب

وصوّت لمرزوق (........) لعيبه=وتعاقب الترديد شطرين الألعاب

عزّي لكم ياهل الجفايا المريبه=من ليلةٍ يصبح به الجيش رياب




واتمنى هنا انن اقنعتك واي سؤال ثاني عسى الله يعينن واجاوبك