ناعس الطـــــرف !!!

[جابر الثبيتي]

للتواصل والأمل تنال القبول والرضا
[poem=font="Simplified Arabic,6,black,bold,italic" bkcolor="transparent" bkimage="backgrounds/17.gif" border="ridge,6,coral" type=2 line=0 align=center use=ex num="0,black"]
أنا بدار وناعس الطرف في دار=تباعدت أجسادنا والبعد شين
اللي من أول نقضي الليل سمار=يصبح علينا الصبح ما غمضت عين
لهفي عليه بخافقي كنه النار=وليا سألته قال أنا بي ضعفين
نسبح مع الأحلام ونسج الأفكار=ونمني الأرواح بعدين بعدين
يبوح لي بأسرار وأبوح بأسرار=ما بيننا والناس ماهم بدارين
أنظم على شأنه جميلات الأشعار=ترقص مع الأشواق وتخفف البين
تعزف غرام أشواقنا عزف الأوتار=نسمع صدها بيننا بس الأثنين
هذا حديث أرواحنا طول الأعمار=صحيح مضني بس أنا شائفه زين
عشقي وعشقه غير لو صار ما صار=اهواه يهواني وكنا مجانين
نحيا بعز شموخنا فوق الاقمار=على الوفا عشنا ونفنا وفين
حتى ولو إن الزمن فوقنا جار=يبقى الهوى بقلوبنا دام حيين
أما تجمعنا وأردن الأقدار=عسى العسر يخلفه بأيامنا لين
والا صبرنا صبر حرات وأحرار=موعد لقانا بساعة البعث والدين[/poem]