البريــــــــــم....؟؟؟؟؟

[جابر الثبيتي]

السلام عليكم ورحمة الله وبركاته
أتشرف بأن أقدم لكم هذه المتواضعة
أمل أن تحوز على شيئا من رضاكم
[poem=font="Simplified Arabic,5,blue,bold,normal" bkcolor="transparent" bkimage="backgrounds/15.gif" border="ridge,8,blue" type=2 line=0 align=center use=ex num="0,black"]
ليتني بقيت بالحلم القديم=يوم كنتي يا غرامي من خيال

يوم كنت من الهوى بعضي سليم=حينها ما كنت أعاني إنفعال

كنت أحسبه بالحسن مثل الحريم=فيه مسحة من حنان ومن جمال

ومرت الأيام وأنا مستقيم=وأتمنى للتواصل والوصال

أتمنى شوفته وأرجع وأهيم=في ظنون الشك والوصل المحال

ليا سألته قال:بالذمة وسيم=كامله ومكمله فيني دلال

وإن طلبته قال:مولانا كريم=خلنا أصحاب نحيا بالحلال

قلت:لي مطلوب واحد يا فهيم=ودي أسمع صوتكِ عندي سؤال

قال:حاضر بس تقسم بالعظيم=ما تبيح سيرتي عند الرجال

قلت:هذا شرط يشرط للغشيم=للخبول وللدبوش وللعيال

قصر المشوار لا تصبح عديم=ثم تتعبني بروحات وتعال

قال:هذا الرقم دقه يا حكيم=والحذر ياتي من أطرافك خمال

طرت للجوال ما كني حليم=وليتني ماكان سويت اتصال

صوتها طعن خفوقي بالصميم=استحل الفكر بالأعماق جال

قال:من؟وقلت:أنا الك نديم=قلت:من؟وقال:أنا شبه الغزال

مشرقة كالبدر ما يحجبه غيم=ساحرة من هامتي حتى النعال

بي سمار أهل الجنوب المستديم=في حسن الشام وأطراف الشمال

بي خفة دم كني من نسيم=بي رشاقة غصن موز حين مال

لي عيون سحرها يشف السقيم=بي صلابة يمكن تهد الجبال

صوتي أنته تسمعه صوت(ن)رخيم=كم لأجله طاح من روس العقال

قلت كافي إرحمي قلب اليتيم=ما تركتي للبشر بعدك كمال

قالت:اصبر باقي أوصاف البريم(1)=قلت:خليها ليا جاها مجال

الحقيقة ما بكِ شيء ذميم=الله اللي صورك جل الجلال[/poem]
[align=center]1:البريم:حزام الخصر(يسمى بذلك قديم)فصار رمزا لوصف الخصر[/align]