خل الخدود وخل عنك الشفايف

[عبدالله المرشدي]

آاخر الجديد آامل ان تنال رضاكم
[poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
رمش العيون السود هو سبة الجرح=خل الخدود وخل عنك الشفايف
بعطيك موجز مع قليلٍ من الشرح =ان كان منت من ادعج العين خايف
لاسلهمت تشوف من حولها طرح=برماحها اللي مثل حد الرهايف
فيها الحزن والضيق والسعد والفرح=فيها من الاضداد تلقى ولايف
السحر والموت الحمر بانيٍ صرح=بين الرموش السود بابه مسايف
ماحولها حد النظر منبرح برح=واللي يقف ماطاح يبقى مهايف
باسبابها قلب العنا صايبه قرح=ماتضرب الا بالضلوع النحايف
سبحان من صور بها الفرح والترح=واضفى عليها من بديع الوصايف
بحسابها ماينفع الجمع والطرح=ولاتقبل القسمه وتاخذ نصايف
ياليت يكتب في جبين الضبا شرح=تنبيه بالاخطار قبل الكلايف
يكتب على ماقالوا اهل الهوى جرح=يعني عذاب وحسن طاغي وكايف[/poem]