--((( سـكــة العـــز )))--

[الشاعر الفهري]

[align=center]تقبلو مني هذه المتواضعه :[/align]
[poem=font="Simplified Arabic,6,white,bold,normal" bkcolor="darkred" bkimage="" border="double,4,black" type=2 line=0 align=center use=ex num="0,black"]
هاضت شجوني وعقلي والفكر هاضـي =والقلب كثـر العـواذل بيحـت سـده
يا عاذل القلب وفـر هرجـك الفاضـي= قلبي ترى حالتـه هـاذي لهـا مـده
والله ما ارده عن دروب(ن) بها ماضي= درب(ن) مشى فيه قبله عمـه وجـده
للطيب حزه وله مـزه ولـه حاضـي= وقلبي علـى سكتـه ماشـي ولا ارده
في سكة العز والنوماس ما أعتاضـي= والوقت غدار لـه جـزره ولـه مـده
كلـه غرابيـل كلـه هـم وامراضـي =وقت الشدايد يجي وسمه علـى خـده
من يطلب العز يصبـر والله القاضـي =والصبر حكمه وكلش زين فـي حـده
والحظ مر(ن) يجي كاسـب ونهّاضـي= واكثـر سنينـه وحالاتـه علـى قـده
لا قام مرّه وقلت انـي عنَـه راضـي =طاح وتردّى وكـل اللـي بنـى هـده
برق السعاده على وجه الفلـك ناضـي= كل(ن) يخيلـه وكـل(ن) يطلبـه وده
دار(ن) لقت به مخاضير(ن) ومقياضي =وديـار لا شافـت مزوحـه ولا جـده
وانا على الجال حذفت يبّس حياضـي =وياالله دخيلك عسى ما هـاذي بشـده
وعمري قضى بين مشي وبين مركاضي =لا الوقت كمل ولا حلمي وصـل حـده[/poem]
[align=center]وسلامتكم[/align]