][][§¤°^سرى ((البارق)) اللي له زمانين ما سرى°¤§][][

[بنت* عتيبة]

يعطيك العافيه يابنتنا القديره وقصيده جميله صح لسانك والقائل..وهي من عيون السامريات....وياهلاااوغلاااا

يا هلا وغلا يا تاج راسي واستاذي القدير ابو سعد

بالفعل هي من السامريات .

لكن يا بو سعد هل السامري فلكلور شعبي؟ ولا ايقاع خاص

بمنطقة نجد؟

لا عدمتك وصح لسانك

[ابوسـعد]

المشاركة الأصلية كتبت بواسطة بنت* عتيبة يا هلا وغلا يا تاج راسي واستاذي القدير ابو سعد بالفعل هي من السامريات . لكن يا بو سعد هل السامري فلكلور شعبي؟ ولا ايقاع خاص بمنطقة نجد؟ لا عدمتك وصح لسانك

[align=right]حفظكي الله يابنتنا العزيزه وموضوع السامري موضوع مرتبط ارتباط قوي بالهجيني وهما لونان من الوان القصائد الشعبية المعروفة في نجد وما جاورها وقدعرف السامري بانه عبارة عن قصيدة تردد بلحن معين في الليل ولكل سامرية شيلتها ، والشيلة هي الإيقاع وتختلف بإختلاف القصيدة والمكان والزمان ولابد من وجود الطبول والدفوف من اجل الصوت واحياء اليالي . وتسميتها بالسامري مرتبطه بالوقت( يسمر ليلا) ولكن يمكن ان تشيلها حتى في لصباح ولكن لايشوفك احد (( اهل نجد يقولون عن الي يغني سامري في الصباح ما عندك احد))هههههههه
اما الهجيني فهو" مأخوذة من الهجن ( الجمال او البعارين). وهي القصائد الملحنه التي كانت تنشد فوق الهجن. والهجيني يختلف عن السامري انه لايستخدم معه الدفوف او الطبول وله شيلاته الخاصة وتستخدمه قديما البادية اكثر من الحاضره لكثرة تناقلات البدو ايام المفالي...هناك ديوان يباع في الاسواق لمحمد الحمدان صاحب مكتبة قيس اسمه ديوان الهجيني والسامري...وفيه شرح وافي عن هذا الموضوع ..وقصائد منتقاه من السامري والهجيني ولكن مثل اي عمل بشري عليه بعض التحفظات...لأن كثيرا من القصائد في نجد لم ترى النور اما لأنها لم تكتب اطلاقا او ان عليها بعض الملاحظات ...والكتاب بشر ينتقون ما يجوز لهم.....وياهلاااوغلااا[/align]

[بنت* عتيبة]

ما شاء الله عليك يا تاج راسي

الله يحفظك ... موسوعة كاملة .

اتذكر يا بو سعد في الطايف وانا صغيرة ... اتذكر ها الشئ مثل الحلم.

كانو النساء على ما اذكر يصفون صفين قدام بعض ويشيلون الدفوف اللى

لها وجهين.

عارف كيف لها وجهين يابو سعد؟ يعني يدقون على الجهتين

ولها كتل ملونة.

المنظر ذا الان نشوفه احيانا في التليفيزيون لكن انا شفته

للنساء من زمان.


اما الهجيني فاول مره اعرف انه مأخوذ من الهجن.

يمكن سمعته بس ما اعرفه.

يقول الشاعر على طاري الهجيني

انشد هجيني وعتابا واطلق الحزن الدفين..

.نور من عتمة صباحاته تهجاني وساح


تسلم ابو سعد على المعلومات الزينة.

[بنت* عتيبة]

ها الموضوع يابو سعد بزينه بالسامريات والهجيني.

تصدق يا تاج راسي انا مبسوطة من قناة البوادي مدري انت تشوفها

ولا لا.؟؟

زينة لانها تحفظ التراث وان شاء الله يتعلق بها النشئ ويعرفون

عادات اهلهم الاولين افضل والله من الفضائيات والفيديو كليبات.

[بنت* عتيبة]

§¤~¤§¤~¤§ياحمام على الغضى ينوحي §¤~¤§¤~¤§






[rams]http://www.ahm1.com/w7a/asm3.rm[/rams]

[ابوسـعد]

[align=right]ماعليك زود الله يبارك فيك...وايام زمان راحت ماتعود وكل يوم جديد فسبحان الله مصرف الايام والليالي ..كل يوم هو في شأن..يصبح جديد ويمسي جديد ويبيد الخلق وهو ما يبيد....وايام الهجيني والسامري اصبحنا نشوفها في الجنادريه تراث مشوه للاسف الشديد...الحمدلله على كل حال...وياهلااااااااااااوغلاااااااااااا[/align]

[بنت* عتيبة]

تسلم ابو سعد.

ليه تراث مشوه في الجنادرية؟

الجنادرية يجهزون لها شهور وايام !!!!!!

لا تنسى ان بعض العروس خاصة في الفنادق خمس

نجوم يجيبون فرق للعرضة والسامري.

وفي الغربية طبعا الرجيحي والمزمار :):)

مــــــــــا أعرف المزمار وش هو بس اسمعهم يقولون اهل الحجاز.

[ابوسـعد]

[align=right]الجنادية تذكرني بالمسلسلات الاردنية عن البدو والتي لا تعكس حقيقه ماضيهم فمثلا ليس في تلك المسلسلات قطعان من الابل و ليس فيها من باقي معالم الطبيعه البدوية اي شيء الا حصان مريض امام الكميرا..وعليه ممثل لايعرف عن الفروسية الاما قرأه عنها وتجده يتحرك والفرس ثابته اثناء تصوير المسلسل.. وعلى نفس المنوال المسلسلاتي نجد الجنادرية تخلو من امثلة بدوية مهمه مثل القضوه واحكامها وقوانينها..وتخلو من اهم اوجه الثقافه البدوية الاصيله وتقتصر على الاشياء الهامشية التي تعكس انشطه الاقلية من الشعب في الماضي مثل دبغ الجلود وصبغها وسبك الحديد....وبرامج الجنادريه عموما لا تعكس الماضي بطبيعته الحقيقيه وانما تراعي ذوق المتفرج والزائر...والفكاهه التي نشاهدها في الجنادرية صورية مشوهه عن ماضينا التليد...
المفترض ان يواكب الانشطه وجود مستمر طيلة السنه لمتحف يمثل الحياة السعودية التراثية ويكون مفتوحا للزوار والسواح في اي وقت من العام......وياهلاااااوغلااااا[/align]

[بنت* عتيبة]

و ليس فيها من باقي معالم الطبيعه البدوية اي شيء الا حصان مريض امام الكميرا

والله انت صادق ومعاها المسلسلات السورية اللى ماكياج البنات

يمثل ها العصر اللى حنا فيه.

انا اسمع عن فعاليات الجنادرية لكن ما قد رحت لها

بس انا اكثر شئ اعجبني فيها هو تكريم شخصيات ثقافية معروفة

مثل الشيخ حمد الجاسر.ومحمد حسين فقي.

انما يا بو سعد انت ذكرت كلام ما فهمته.!!

تخلو من امثلة بدوية مهمه مثل القضوه واحكامها وقوانينها

القضوة وش هي؟

اول مره اسمع بها.

المفترض ان يواكب الانشطه وجود مستمر طيلة السنه لمتحف يمثل الحياة السعودية التراثية ويكون مفتوحا للزوار والسواح في اي وقت من العام......وياهلاااااوغلااااا

كلامك صحيح

لاننا نحتاج لتجديد تراثنا الثقافي والفكري... اللى هو الشاهد

على اصالة منطقتنا...اللى كانت زاخرة بالادب والادباء ورجالات الدين

مجالس البدو يابو سعد لا يوجد لها مثيل الان فيها الشعراء

والادباء .

وتقديم مثل ها الصور كتراث ثقافي عن بلدنا بالفعل لا يكفيه

مدة محددة مثل مدة الجنادرية اعتقد مدتها شهر واحد؟

ومفروض حماية مثل ها الفعاليات المقامة طوال العام

ليزورها السواح.... خاصة ان الامير سطان بن سلمان مهتم بالسياحة الداخلية للملكة.

وتصدق ابو سعد.

انا ليه اقول لابد من حمايتها !!!

تعرف ليه؟

لانه في جده اقام من كم سنة رجل اعمال سعودي يمكن سمعت به

اسمه عبد الرءوف خليل.

هذا اسس قصر كبير اتخذه كمتحف يضم التراث الثقافي للملكة وصرف عليه ملايين.

وجمع فيه مقتنيات غالية الثمن . وحدد ايام اللرجال وايام للناساء.

لكن خسارة ما اعرف من جاء للمتحف واحرقه بالكامل اشتعلت فيه النيران والتهمت جزء كبير منه.

مسكين الله يعوضه.

[ابوسـعد]

.


انما يا بو سعد انت ذكرت كلام ما فهمته.!!



القضوة وش هي؟

اول مره اسمع بها.
هي القضاء في البادية قيل تشكل المحاكم الشرعية في صورتها الحديثه