رائعة للراحل بندر بن سرور!!!!!

[فواز الشيباني]

[poem=font="Simplified Arabic,5,crimson,normal,italic" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
الله مـن عيـن طرقهـا صواديـف
=عميت ويبسن بالعـروق الصخافـي
شفت الوزا بالعين من عرض ماشيف
=شفته وغيري من فطن لـه وشافـي
وقت تغير فيـه حتـى العواصيـف
=جا في عواصيف الريـاح أختلافـي
شـره قناطيـر وخيـره مقاطـيـف
=يفطن له اللي يرضع الديـد غافـي
كم واحد جاله زمانه علـى الكيـف
=واغترته نفسه يبـا الجـود وافـي
يطلـع مطاليـع العـلا بالسواليـف
=بين العـذارى عـد روحـه سنافـي
يفرح بهرج بالقفى يكـره الضيـف
=قتـات والقتـات بالـنـار هـافـي
يعلق قصيره علقـة النـار بالليـف
=عـي ولـد عـي زنـوده ضعافـي
ان رخصت الحذوه توفي عن الحيف
=وان غليت الحذوه مشى اللاش حافي
يرقـد ويلحـق والدينـه تخالـيـف
=دايـم ومرقـد ميـت النـار دافـي
هو مادرى ان الجود يبغى تكاليـف
=سهـر الليالـي مقبـلات مقـافـي
يبغـى يديـن للعطايـا مغـاريـف
=ويبغـى رجـول ماتمـل الوقـافـي
والصبر بنحور السنيـن الشواحيـف
=اللـي قساهـا مثـل حـد الرهافـي
مايقدرون الجـود سـود الأطاريـف
=مشاركـة بيـض النسـا باللحافـي
[/poem]