قـــصــيده فــــي مــــدح عـــتيبه وان شالله تعجبكم

[ابوقبلان]

يابو سعديامسندي طول الحال
تماكنوني عن غرام" مكنّي


جهز لنا ياشيخ مايقطع اللال
الشوق يامشكاي رمحه طعني


وليا وطيتوا سهلة" فالها فال
وشاهدتم اطراف المنازل بدنّي


عوجوا وحيّوا للغضي رسم الاطلال
وخلوني امشي في رباها واغني


ولاتشرهون اليا جرى الدمع همال
هذي منازلهم رسوم" بقني


هي هذي الدنيا نزول" وترحال
اقفوا وانا سود الليالي حدني


في قربهم عشت الهوى الوان واشكال
ياليت غضات السنين امهلني


عيشة رضا تحدم غطا ليس ا لا نذال
يوم ان مصابيح الفرح ماخبني


ياكم لعبت لمغتر الوصل هوبال
واليوم انا احدى للشقا والهبني


وليا رفعت الصوت ردنّ الاقذال
مدري صدى ولا الجبال اعرفني


لاواه ياعشق" مضى لي ولا زال
اعالج الآهات واهن اعلجني


والياس جار وهاجم فلول الآمال
قلايعه خيل الرجا والتمني


وان كان ما فزعتك ياذرب الافعال
ياللي معا نيك الجسام اذهلني


وش لي ترى يامعرب الجد والخال
ذخر الرجال اللي ليا شلهبني


عتبان يوم الجمع للجمع نزال
كل الدول بافعالهم يشهدني


بمهندات" تقصف اعمار الابطال
وشلف" على قب" ليا وردني


حنا هل الافعال حزات الاهوال
على النقا وام الحويّر تحني


وحنا مشاعيل الادب شعر وامثال
ودلالنا تخضب بهيل" وبني


وحنا خوال المصطفى مابها جدال
انعظمه وبسنته نستسني


وحنا هل التوحيد شيبان وعيال
اخوان من طاع الولي وارجهني


يبو سعد حزنا الفخر دق وجلال
وغيض القلوب الحاسده ماشحني


واسلم وسلم لي على طيب الفال
تاصل لبو صنهات بالطيب مني

[ابوقبلان]

بديت ذكر الله على اول كلامــــــــي000على المقام وهجعتي في المنامــــي

الروح لابده محل الاثامـــــــــــــــي000مانفعله يالله تكافي سبايبـــــــــــــــه

انا على المعبود علقت عانـــــــــــي000 ولاني بعارف غيبها في زمانـــــي

ادخل على الله من حوايم لسانـــــــي 000وياخالق روحي تهون عذايبـــــــه

قلته وانا مبداي في راس منـــــــواع000في راس رجم للهبايب وملـــــواع

بديت حيد وللشياهين ميقــــــــــــاع000عسى صدوق الغيث يسقي شعايبــه

طرى على قلبي مبادي ركونــــــــه000لو كان مايبديه سحاب شونـــــــــــه

سقاه رواح الحيا من مزونــــــــــــه000يازين عند العصر مبدا شذايبـــــــه

رديت لي قاف حسين البنايــــــــــــا000ماولفوه مكثرين الحكايـــــــــــــــــا

احلى من البرني بروس الودايـــــــا000ينشط اللي كاثرات تعايبـــــــــــــــه

حلو سواة الذوب وسط الخليــــــــــه000يقري منه لو كان ربع الوقيـــــــــه

يبري الكبود اللي بهن الشكيــــــــــه000من الصيف جانيه النحل في جنايبه

طاري طرى في خاطري كل طاري00هواجيس عنها اللاش ماهوب داري

ذكرت لي يوم جرى منه جاري 000ادرك احد واحد نجا من كرايبــــــــــه

لايا نهار جا علينا ومنــــــــــا000نوه غطا روس الاقاذيل عنــــــــــــــــــا

واحد ادرق في غيبته ماتمنـــــى000يشق للقلب المفقه رعايبــــــــــــــــــــه

خيل خياله يم خشم ذهلانــــــــي000من دون دلعة فرع قصر الادانـــــــــي

روق ورقرق حول ذاك المكاني000ورنت رعوده في ستايم سحايبـــــــــــه

برقه سيوف الهند ورعوده الروم000وثعله غلب عود من العج مقتـــــــــوم

وسيله حمر دم وربانه لحــــــوم000وبراده قطع محبب من حبايبـــــــــــــه

جونا هل الجنوب لحاسة الــــدم000وشيوخهم تقدى الجموع المــــــــــــردم

واللي يبى التوخير قالوا تقـــــدم000وكل جمع قومه وجمع حظايبــــــــــــه

وكل لبس له لبسة يوم عنـــــــي000وخيل بخيل بيننا روحنــــــــــــــــــــي

اقفن بالفرسان ثم اقبلنــــــــــــي000كم من صبي تقلعه في غرايبــــــــــــه

جونا كما سيل نحا مع مسيلــــه000اللي مع الجرعا يحده قفيلــــــــــــــــــه

من جاهز نؤ الثريا مخيلـــــــــه000وحنا كما نؤ مزعنه هبايبــــــــــــــــــه

بالكثر راعونا وحنا نروعهـــــم000وجموعنا قرت وقرت جموعهــــــــــم

ياشوف عيني يوم قمنا نلوعهــم000بصافي الحديد اللي دقايق رقايبـــــــــه

جوهم عزاتي للمنى يامناعيـــــر000والخيل مردمة علينا صوابيـــــــــــــر

ولجة عزاوينا سواة الحداديــــــر000يوم اشهب البارود ثارت حطايبــــــه

ربعي مرزنة القلوب الشفاقــــــا000برقا هل العادات يوم الملاقــــــــــــــا

اهل الملاقا يوم يبس الرياقـــــا000يوم التمام السو تدنى قرايبــــــــــــــــــه

نادى علينا شيخنا بالحمايــــــــل000قام ونخانا بالجدود الاوايــــــــــــــــــل

يقول هوشو هوشة اهل الصمايل000والروح بخطوط القلم في كتايبـــــــــه

قمنا وسبلنا غوالي العمـــــــــارا000ماعندنا في اللي يجيها مــــــــــــداري

نبيعها في سوق بيع الخســــــارا000سوق مذاريب النشامى جلايبـــــــــــه

ياغافل عن عصر هاك العشيـــه000ليتك تحلى عزوة لي دنيــــــــــــــــــه

يوم اصطفاقات الجموع القويـــه000في يوم ضيق مبهمات نشايبــــــــــــه

يوم اعتزوا عليهم الاد شيبـــــان000راحوا كما صيد مع الجو شتـــــــــان

والهوش منهم ضيعه كل ديقـــان000وكل نسى فتنة ومنزل قرايبــــــــــه

هذي مع شيخاننا عادة لنــــــــــا000حريبنا من حدنا ماتهنــــــــــــــــــــا

نادى لنا عند الاله المنــــــــــادي000مدبر الساعات والي العبــــــــــادي

وقمنا عليهم مثل حوم الحنــــادي000شعيبهم بالدم تنبت عشايبـــــــــــــه

الاد العصيمي هم الاد المروحي000جمع لهم يوم الترايح روحـــــــــــي

حدوا سعد على طويل ملوحـــي000وابوي لا لاهم لزوا في زرايبـــــــه

الاد العصيمي محكمين الحرابه000وافعولهم من يوم عصر الصحابـــه

طريحهم قعد عشى للذيابــــــــه 000تاكل عصابينه وتاكل ترايبــــــــــه

اسيوفهم يوم الحرابه تسلـــــــه000تشيل راس اللي خصم من محلـــــه

ياسعد منهم باللقا فزعتلـــــــــه000خصيمهم قفى كاثرات مصايبـــــــه

والاد الفليحي يقصر الذم عنهم000ربع ليا ركبوا تقضوا دحنهــــــــــم

كم سابق مخل ظهرها طعنهــم000علم اليا قلته توثق حقايبـــــــــــــــه

على الخيل دهم ارماحم علقوها000وكم سابق عن جريها عوقوهــــــا

كم جادل من شوقها طلقوهـــــا000غير الصويب اللي تجدد عصايبـــه

ربع على ايسرنا خذوهم طيارا000كل يعاين فعلهم بالقــــــــــــــــرارا

على دربهم ياكن جضع السكارا000جثايا هشيم دانيات حطايبـــــــــــه

الاد الكريزي لابعد الرب دارهم000ربع اليا ركبوا تقاطى مهاراهــــم

كم من صبي طايح في كرارهم000سرواله التومان شقر ذوايبـــــــــه

الله معاضدهم بحظ وسعادة000والهم على كسب النواميس عـــــــــاده

كم فارس في نجد كبوا شداده000غدا عليه الذيب يقنب قنايبـــــــــــــه

ومسلط على اليمنى حكم له جموعي000لباسة الجوخ الحمروالدروعي

يبا قفى جمع علينا يفوعي000ظاري بركضات تقطع عقايبــــــــــــــه

حكمه بعيد ومحتضن له حضيه000حكمه بعيد ولادرى عنك نيـــــــه

والله قضاها ساعة في شويه000مثل الطليب اليا خلص من طلايبـــــه

[ابوقبلان]

ياولي العرش يـــارب العمــــوم000يــامعــديني عــــواقيب الاثـــــام

عقب هذا قربوا لي خمـس كـــوم000خمس زينات المماشي والـولام

مربعات دون شمر بالحــــــــزوم000ناقضات الجزو في وادي جهام

قيضن بالقيض في وادي الهشـوم000لين ني الهجن جا كبر العـــــدام

انحـروا برقـــا منـحيت الزحـوم000من خيول ابريـه والا خيــل يـــام

يـمـمـوهـن ياطـروشـي باليمــوم000يم ابــو صلال جعلــه مايضــــام

هـيظل ماهـي تلامــيس العلـــوم000ترث باني البيت عــزال الجهـــام

ثم نصوهـن الى شيــخ اللــــزوم000شيخ برقــا بالمنـــازل والزحـــــام

يم ابن هندي عسى عمره يــدوم000سلمـــوا لي واجهـــدوا لي بالسـلام

يـوم يـركب فـوق شقـراه القحـوم000العبيه ركضــها فيـــــه ادحـــــــام

فـوقهــا يـمنى تـورد بـــالسهـــوم000تشبع اللي في مراح الخيل حـــــام

شايـل حملــه مـع حمـل العـمـوم000لــو تعقل اعضــــاه بالحملين قــــام

يـالله انـي طالبـك فــي كــل يــوم000تفهق اجله مـــن ورى تسعين عـام

[ابوقبلان]

مــادام كلٍ قام يمدح قبــــــيلته...... ويذكر مناسبها ويذكر فعـــــــولها
إلي الفخر في مدح ربعي عتيبه...... اللي تسلسل من هوازن أصــــــولها
ربعي هل التاريخ والعز والفخر.........ليا من دقت للحرايب طبــــــــولــــها
إلها إسمها الرنان مع ساير العرب......ليا ضيقت بعض العرب صوتــــــولها
مثل الجبال الشامخه فالجزيــــره......متراميه عرض الجزيــــره وطـــــولها
من قو هيبتهم ومن قو باسهــــم......كل الديار اللي يبــــون وصلـــــولها
إليا ساقو العطفه وسارت جموعهم...الأرض ترجف من حوافر خيـــــــولها
تمشي برغبتها وتمشي بكيفها ...... ما كن إبه ناسٍ من الناس حولــــــها
لين إنها وسط الجزيره تمركزت.......وشرت على أطراف الجزيره نـــــزولها
بحدب السيوف اللي تجاذب قنيبها.... وشلفٍ عريضاتٍ وســـــــاع دحولها
ما تأكل الا كل شيخٍ مجـــــرب........تخلي عن الخيل الأصايل حمـــــــولها
يوم إنهــم هاك الليالي تحدروا.......مثل المزون اللي تدلت ثعـــــــــولها
بروقها بيض السيوف الرهايف.........ورعودها العزوه ليا ضاق جولها
وثعولها البارود عند انصبابه.......... والدم من فعل النشـــــــاما سيولها
هذا وأنا ملفي فعايل عتيبه............ليا من جات المعضلات إرتــــكولها
ومن لاذ بحماهم من الخوف يامن...... تضفي عليه عن البلاوي سدولها
يصير في عيطىً قوي حجاها........ تحجي وتذري من دخل في كفولها
من طيبها ينسب لها عدة اسمى ......أسمىً دواليب الدهر ما تزولها
ذكرت منها البعض والبعض الآخر......ما أوفي حروف رسالتي لين أقولها
ذباحة الحايل ولطامة العدا.............حتى نعاتيت الطغاه إشـــــــهدولها
قدم العدا نار قوي جحيمها............وقدام وجه الضيف زينٍ قبــــــولها
أبوابهم طول الليالي مشرعه.......... ما حلجوا قدم المسير قفولها
وإن جاهم الطرقي لقى العود والشبب..ودلال رسلانٍ تعاقب بدولها
يكيف الضرمان خنة عبيرها..........أهل الكرم والمكرمات إتعبولها
وكل السلوم الطيبه من سلومهم...... أسلومهم سارت ونالت قبولها
كم اصلحوا من مشكله غير الاخرى....الصلح من بين القبايل ميولها
ربعي سراج الدين في ظلمة الجهل... ما تمشي الا ما مشابه رسولها
قلته وانا شاعر وامجد قبيلتي ....... الي من الحكمه ثقالٍ عقولها
والشاعر اللي ما يمجد قبيلته.......... يا عنك ما ثمن مســـــاع سعولها
همه ليا غنى القصيد لمصالحه........ يا كل به العيشه ويعرف دخولها
في مدح ربعه ما تدرهم قصايده.....وفي غيرهم محفٍ سماري ذلولها
ما يدري الدنيا رحىً مستديره....... يمكن عليه تدور ما حال حولها
واختامها مني صلاة على النبي......شفيع الأمه يوم يزداد هولها

[ابوقبلان]

مابلت الدنيا ضما ناشف الريق *-*-*-ولابان بوجيه الرفاقه رفاقه

قل للرفيق الي حدانا على الضيق**- لابوه عرف ولعنبوها صداقه

فالصوت نبرات التعاسه مواريق**-*- يامن يرد العلم لهل العلاقه

ويقول مال الحر غير الشواهيق *--*-*لوتعشق سبوقه ثرى ارضه عشاقه

وحنا لو ان الهم فينا طواريق **-نكسر على خطواتنا عضم ساقه

ماننشد الونه عن اقصى المعاليق *-*- والهرج نعرف غايته من سياقه

واليا غدى المعنى سوالف واراويق*-*-ماننشد الحلاق فن الحلاقه

كم جملة فيها المعاني تفاريق*-* تقلع مدى من لا تمنى فراقه

قم جر صوت معوكسات الطواريق *-* الموت واحد والحماقه حماقه

ومدام شمسي تنقري فالمشاريق *-*-مااقول مالي في عنا الوقت طاقه

ولاني بمن يغفيبه الوقت ويفيق *-** انا بدوي تكفيه حنة نياقه

[ابوقبلان]

البارحه عيت عن النوم عيني=كن الملائل في عيوني مليلها
اقول يالعين الشقيه علامها= علامها وش اللي اظهر حفيلها
قالت بلايه مزنة ترعد الضحى=الشري ماها والصواعق نزيلها
هلت على راس القرى ثم غربت=يقوله اللي واقفا يستخيلها
لزمت جوانبها يمنها وشامها=على العد من ضرعا وعلى مسيلها
مطرها الدجى والسم والطارق الخفي=وسو المنايا ينطلق من عزيلها
هلت عليهم بسعد الذابح وخيلت=والمسعد اللي ماتسمع عويلها
وهبت لها الازيب شويه وهونت=وهبت لها النكبا وقامت تشيلها
هاثم هبت له هبوبا جديده=اختف تاليها ورسى ثقيلها
بالاد روق اللي كما سارح الدبا=عاداتهم فالقوم تروي صقيلها
ليا ناحرت نار المعادي لنارهم=كم سربتن مايبقي الا قليلها
يجيلها الجذعان من كل نيه=مثل الكرامه يوم كلا يجيلها
جاهم زلاميا على اسمه زلامي=يكوي سخيف الكبد ويكوي جليلها
يراكد الكيه عليهم ويرتكي=وليا كواله كية يرتكيلها
ليا عطا دهم الفرنجي عيارها=تسمع وراهم فالضرايب عويلها
وجاهم عقابا طايرا من مواكره=بعد دعي للصيده اللي دعيلها
اشتالها على ثناديه وانحرف=حط الرحيمي والظباطي عديلها
كم واحدا يبي يكسب حليلته=روح ولاوكل عليها وكيلها
وظلت تجر الصوت من عقب كونهم=تبكي من الوجنا وفرقا خليلها
تقول يالاجواد هم وين خليو=تبا تدور فالمعاره حليلها
وسليم بارقهم مع الصبح سارح=كما الهرمه اللي عيبها في شليلها
لولا العضاله يوم جاهم بفزعته=جرى عليهم قالتن ماحكيلها
والله ليا منه دمر له قبيله=شتت مشاورها وحير دليلها

[ابوقبلان]

اهـنـي من زرفـلـتـبـه بـكـرة حـرة "=" معطي مزاليج ولامعطي الجودي

اقفىعن الهاجري واقفى عن المرة "=" لومالقينا عـلى الاجواد مـنقودي

ربعي عتيبة من العارض اليا الحرة"=" سقم المعادي اليا جاء العلم مردودي

والعلم الاخر اليا عقبوا على الجرة"=" والسبر جاهم من اللي قدم مطرودي

صـاح الـمـصيح وركبوا كل خـزبره "=" ثم ثار عج الرمك وازداد بارودي

هـذي طـريـحـة تـجرالدم وتثره "=" وهذي قلاٌعه والاخرى تصقل العودي

ان جاء نهار جباله منه محمرة "=" والشيخ ينخى على العادات بفنودي

لعيون من حبنا ولي لحق شره "=" فعل يداوي كبود ويجرح كبودي

[ابوقبلان]

بسم الكريم أبداء قصيدي تسطر
لعيون هاك الأسود المغاوير غناه
الرجال الي خذت على عاتقها أمر
فرض عين مير بوجودهم كفاه
الأمرين معروف ينهون عن منكر
منادي الخير دايم للصلاه الصلاه
يالله دخيلك من تصاريف القدر
نسألك لطف القدر زين عطاياه
من نواهم بشر رد شره بالنحر
خله لغيره عبرة يكبح وذاه
هذا يبث السم على كل منبر
همه يعزل الدين عنا ودنياه
عبد الصليب حطوه فينا مبشر
علماني حلالاه من هو تولاه
دبل كبدي اهل الوجيه الصفر
لاشفت وجهه ماتفرق عن قفاه
داهن الشارب بدهن يحت الشعر
أشيمط متعربد قلل الله من حلاه
نزع عنه المروه ودلبوس غبر
لبس للخواجه ثياب قلدهم بخزياه
يحسب كل العرب مثله تغرر
يحسب هوا النفس غاية منتهاه
يحكي لنا مجمع الراشد بالخبر
ماشاف في نجد سوق تعداه
وقت الصلاه تلقى للجمع اكثر
بنات وعيال و صالات مغطاه
ثم ينشد قصيده عروس البحر
جده غير منوة القلب وهناه
ثم يسئل متى يوم التحرر
متى في نجد نلقى الغناه
حنا قبايل نجد بدو وحضر
لوظيقوا للدين تلقانا من حماه
فاجرنا قبل المهتدي فينا نذر
دون شرع ربي الروح مهداه
هيه ياخبل عندنا خطين حمر
من تعداها بالاقدام حنا نتوطاه
سنة الهادي محمد داحر الشر
هو قدوة الناس نبراس نقتداه
حنا هناوحناهناك حرنا حر
عز بغير عز الدين مابغيناه
حنا اهل نجد صافين الفطر
عاداتنا وسلومنا ورث ورثناه
الخلا بس الخلا عنا يالودر
كلنا رجال حسبه كلنا للبغاه
وان عودت للجد نطلنا الغتر
لاخير في دار خلت بالدعاه
ختامها صلوا على خير البشر
عسى السامع يهتدي من هداه

[ابوقبلان]

سر يالقلم ننقض كلام المحامين= لصارت الدعوه حمايا حمانا

نقض الحجج لابد له من براهين=ومعنا شهادة الوفا لدعانا

ومن مدنا بالصاع نجزاه صاعين=واللي ياعادينا عليه اعتدانا

كان الحميدي(1) وازملاه متصافين=على الحكي فيما ما تقدم حكانا

تلحقوا غارات ناسٍ قديمين=واخطوا وحنا من خطاهم خطانا

ودام الشريعه تاخذ العين بالعين=حنا ما تقضي الشريعه قضانا

حنا بميزان المعاني ثقيلين=وعلى مماشينا بعيدٍ مدانا

هيهات لو حولت عكس الموازين=قضا القضا فيما مضى وانتهانا

ياحرب لو حطيتم البيت نصفين=ماهوب موصلكم ليا مستوانا

انتم رجال بالمعارك غثيثين=لكن ما تلحق اخطاكم اخطانا

حنا عتيبه ملحقين المخلين=بعنا بسوق الطايلات وشرانا

قومٍ على صولات الايام ضارين=لو عضنا ناب الدهر ما قوانا

يهابنا الطماع لو قلبه اذهين=نبطش محلات الطمع لاغزانا

لنا سلوم غاليات المثامين=سلومنا محدن حملها سوانا

في سلم لوماء الوجه عام وشهرين=وابخيلنا مامون داخل حمانا

ثلاثماية يوم تزداد ستين =تنحا المنايا عنه هيبة لحانا

ومن حده الموت الحمر والديايين=تخير الحصن الحصين ونصانا

وبالحين نملى فارغات الموازين=جيب الصحون ومكرمات الصيانا

للضيف والجيران والمستحقين=إليا من وهاب العطايا عطانا

ابيوتنا للضيف مثل البساتين=يفرح به الملهوف ليلة ضوانا

نجود بالماجود بالعسر واللين=وضحك الحجاج وما حلا من نبانا

حنا على حفظ المواجيب حرّصين=مانعطي الطرقي قراطيع مانا

والجار له واجب وحنا وفيين=ندعيه للكرمه ولو ما دعانا

جيرانا دايم حشام وعزيزيين=وندرا شرفهم عن كلام اسفهانا

حنا بوجه الجار دايم جديدين=يزيد مع زايده اثنينه وفانا

وان جاء نهار المعمعه واللغا الشين=نبيع غلا الروح دون اقصرانا

وان راح نشدق قفاه بسكاكين =نحمي مجاله عقب عنه انتحانا

وخوينا لو هو من اللي معادين=يأمن بنا في كل درب مشانا

ليا عودة عشر اكثر الناس ثنتين=وصاروا بغرات الخوي عقربانا

ولصرنا مع الخوي بدرب متخاوين=نرعى الحقوق ولانخون خويانا

وحنا منازلنا ورا حضن ويمين=هاذيك ديرتنا فيها نشانا

وجينا نبا المرباع عند القحاطين=يوم الزمان بحد سيفه حدانا

وقالوا لنا ما تاسع الدار شيخين=ونجد العذيه تحت فيت عصانا

وتشاوروا طلقين الآريا الحكيمين=احدٍ ومر بالحرب واحدٍ نهانا

واحتار من يختار بين الأمرّين=اما الدهر ولا سيوف اقبلانا

وتقرر المحدار بالخط والقين=نمراً فأولها يرفرف لوانا

وندري ما قدامنا مزرعة تين=لكن على روس الافاعي وطانا

زحنا قبايل نجد عن نجد قسمين=وجينا بمثنات البلاد وبنانا

ابيوتنا كالقور بين الحديثين=وعلى السنام من البلاد استوانا

وأعداينا ما هم عنا براضين =لكن هابونا جميع احددانا

لشبت الهيجا بصوت المثارين=صديق عينك مايجي في نحانا

وليا ركبنا فوق مثل الشياهين=تكره صناديد القبايل لقانا

عاداتنا نخلي سروج المسنين=وأول موردت السهوم اومرانا

ليا اقبلوا من الخيل قدم المغيرين=وليا اقبلوا صاروا حماه لقفانا

حمّاية الساقات فالمقلين =باموالهم يرفون فقر فقرانا

وليا جاء الامر بين القبيلة حليين=حلوا مشاكلنا وحازوا رضانا

وان جاء الامر دولي زحول وميامين=عند الدول فالمعضلات اسفرانا

ومن كان ذا شانه يشيل الثقيلين=لو مات حي في قلوب حربانا

لو مات قالوا حرب ذا فيه روحين=يمكن قحص من وسط قبره وجانا

وبعض أُمراكم فالملاهي مغنين=على الوتر والعود دانا لدانا

مر مغنين ومر مساجين =وظهورهم ميدان للخيزرانا

متخلفين ينقلون العناوين=وركن التعارف سجلوا له ديانا

ولو سمعوا لعذال يقول غادين=قالوا نموت ولانبيع اخدنانا

الفرق واضح لاتقولون متساوين=ومصادر التاريخ منها ارتوانا

اذا ازعلكم التاريخ نكون راضين=يصبح زعلكم شعبةٍ من رضانا

ومناخ عرجا كان عنه متغاضين=حنا لتاريخ القبايل قرانا

قبيلتين لحربنا مستعدين=وحنا ليا زلزل رعدهم رسانا

وطبان وصنيتان(2) شفقوا شرهين=وحنا قبل يبدون فينا بدانا

وبعد مناخٍ دام خمسة وعشرين=احدٍ سرى بالليل واحدٍ احترانا

واللي قعد سوى سوات ام ظرفين=ويقول لو إنا درانا سرانا

يقول خلونا بعرجا وحيدين=ياليت هاديهم كذلك هدانا

دون المعقل كافحوا مستميتين=لكن في هم بالمهند سطانا

وخفوا وهفوا وادبروا مستخيفين=وحنا لما تملك ايديهم حوانا

اللي حضر من حرب باتوا ذليلين=واللي ربض عن لابته وش علانا

اللي هرب واللي لجى مستجيرين=واللي جضعناهم وراحوا عشانا

واميرهم ينخى بتالي المقفين=ويقول رده لاتخلوا نسانا

وعقب ما شاف انه كسير الجناحين=ألقى السلاح وصار ضمن أمنعانا

وبيته جلسنا فيه بين الصلاتين=وعلى اشداده باليسار اتكانا

وكشف قمرهم وسجدوا مستغيثين=وطبوا من السلم وحنا رقانا

صارت عليكم مثل نكبة فلسطين=من نار(3) قال الحمدلله نجانا

وابن نحيت حجاب بين المثارين=ثارت عليه بمعتلجهن رحانا

ينخى بني سالم وهم عنه مقفين=وخاب الرجا فيهم وعود نخانا

وجسمه تشارك فيه شلفا ورمحين=وشلناه وسقان نحيت في دوانا

وحزّن على ربعه وربعه حزينين=عليه يوم انه ألتوى في ذرانا

والحرمليه كونها يالمساجين=منتم في هاك النهار اقبلانا

لكن قابلنا صعوط المجانين(4) =الضيغمي جمع علينا عدانا

رخم الجموع اللي تسوق الملايين=وانتم عدتوا فزعته ياحلفانا

نفذ على كل القبايل قوانين=وانتم خضعتوا له وحنا عصانا

هدر جمل شمر وقلتوا مطيعين=ويوم إن حنيتوا للامر ما انحنانا

لنا عزايم تفدح الخصم وتهين=طنا الطنايا مانقص من طانانا

حصل لنا صولات وايام وسنين=نسقيه بالسم الذحاح وسقانا

وكم راس شيخ طاح بين الفريقين=نحط من فوق اذبحاه اذبحانا

وأنكف عقب ماشاف في جلده البين=هو مأيسن منا وحنا اكتفانا

وممكن قضيتوا من بعض دينكم دين=وحنا عقب عدة ليالي اقتضانا

وعبدالعزيز اللي رفع راية الدين =اللي ليا خم النشيط يتوانا

اللي تخاضع له رقاب الفراعين=من هيبته كلٍ يريد الأمانا

بالسيف صارعناه وسط الميادين=وانتم تخامرتوا سوات السمنا

ماعمرنا نذعن لحكم السلاطين=ألا بيومٍ ينتصر به حدانا

انتم كما شغل الهنوف ام وجهين=اللي لها مع كل عاشق ضمانا

توعد ولا توفي بوعد المحبين =ودايم تشبرق للجديد وتدانا

ليا شفتوا الحاكم نهضتوا خفيفين=وقلتوا ترانا ياسندنا ترانا

اسمع كلام الضيغمي وافهمه زين=فالحربي اللي نار عنه ونصانا

منتم بذمه والحميري مخيفين =من حرب نار والتقوا من ورانا

ماجالهم من حرب فزاع ومعين=كلٍ يقول من الضياغم بلانا

وحنا حميناهم بحدب العرانين =وشالت حمولن ضاهدتم ايدانا

وعن مانقوله حرب سمعوا دارين=ميرٍ فيهم من يحب المشانا

وان كان غاوٍ البنيدر وابوعين =الشرق الاوسط معترف ماغوانا

اخبارنا قد هزت الهند والصين=ولا همنا الهيس العور لو هجانا

ولو كان فالاعلام ضمن المذيعين=الباع قاصر والطويل اللسانا

عن الدعاية يا الحميدي غنيين=افعالنا تشهد عليها اعدانا

وقولٍ نقوله ثابتٍ بالدواوين =وتاريخ نجد المعتمد مانسانا

ايام عرجا قد عطتنا نياشين=وفي ايام معتق يشهدون اعتقانا

العفو عند المقدره للكريمين=وحنا ليا منا قدرنا عفانا

وكان الحميدي جاء مطية شياطين=لو يشعبونه ما لحق منتهانا

وان كان له خمة رخومٍ ملبين=حنا عن انصار الحميدي ما درانا

هذا كلام يفّحم المستحقين =وعاداتنا نقطع لسان طّلبانا

[ابوقبلان]

صحيح الشعر وهبه من اله الكون للانسان"="ولا ينطق بحرف الا بمد الله والهامه

ونا عندي هواجيس الضمير اتطوع القيفان"=" بنوادر مهجتي عن ماحواه الفكر والمامه

ونا ماقول شي الا وله قصة وله برهان"=" على ثبت الحقيقه في قـــديم الوقت وايامه


ليا قلت القصيد الجزل في من يستحقه زان"=" ونومس من يقوله فالمجال ولا حدٍ لامه


سلام الله سلام الله سلام الله على سلطان"="على شيخٍ عوايده الوفاء بالطيب وتمامه


من اول مبتداه وللعشاء في ناظره عنوان"= "كسب مرقى العلالي من مباد العمر وشمامه


مقر ونعم يوم انه على كسب ونعم ولهان"="بعزم ونوهة للجود والطولات همامه


سنادٍ للخوي وللضعيف وشر للعدوان"="عدوه منه يختل ويخل الذل بعظامه


يلين باس عدوانه وهو باسه قوي مالان"="شغاميم العدا من هيبته خجله ومنضامه


ليا جا في القبيله من يعد وعدو الشيخان"="يعدونه من اولهم مقر الجود مقدامه


ملاذ اللي من الزام الامور الكايده بحلان"="يشيل الحمل عنه ويحري المظهود بكرامه


صميدع كلمته ليا قالها تمشي على الاتقان"="ليا قال الكلام يتم ثبت وعــــاش تمامه


ماجبت الا ربع ماقيل والباقي لاحد الان"="يبيد صفحة التاريخ والكتاب واقلامه


ماجاه الجود بمجرد كلام افلان والا فلان"="ولا بمجاملة ناس لكثر الهرج لمامه


أخذه من راس ماجد وافي القاله جمل زومان"="اسناد للقبيله والخوي منزح اخصامه


ياقل اللي مثل ماجد لديه مايجي وكدان"="محطم باس من يطمع بكسب الجود قدامه


كفو ياخوان شرعاء في نهار للرمك ميدان"=" نهار والمنايا فيه للاعمار سوامه

بيوم يجتمع فرز الوغاء ومواجه الفرسان"= "ويشوش الراس منه ويعجب المزهوم زهامه


تطيب ابكم ظنون اللي يشوش وعزوته شيبان"="يشوش ويعتزي يوم الفعايل ترفع الهامه


كبرتو من يواعد بالقضاء وعن القضاء عجزان"="قضيتم عنه لومه وانبسط ونجالت الوامه


فعايلكم تحسب لها العـــدا وتنومس العتبان"="تنومس لابة للضد والعدوان لطامه

فعايلكم عليها نجد ورجاله شهود اعيان"="مترخها الزمان اللي كبرتو سادة اقوامه


مترخها زمان ولا محتها سيرة الازمان "="فعول اهل الوفا دايم لها الايام دوامه



بعيدين النظر واللي يماري مثلهم غلطان "="يهود لايغره مدح مداحه وحشامه



وانا امدح من يزين المدح فيهم والعدو مهان"="مقر نجد كله ثبت من غربه ليا شامه



اداعب مهجتي والقاف لاصغته يجي مليان"="على الافكار عندي سهل فتل القاف واحكامه


صواريم الحرار اللي مواكرها جبل حوران "="عجز عن طيبها ووصوفها راوي وعلامه