مـزن ٍ تزبـر من جـنوب ٍ خياـله :: يبغـي الـدويش وخـم سيـله ذوي عـون

[الحصان]

هلا يابن ثعلي / معركة الباردة كمايسمونها العجمان هي معركة حما كون ٍ من ابن رشيد ومعه مطيرعلى قوم ٍ من العجمان انتصرفيه ابن رشيد وقال الشيخ راكان بن حثلين من قصيدة طويله يهدد ابن رشيد

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
جاك الخبرياشيخ علم ٍوكيدي =حما نبي ناخذ سريع ٍقضاها[/poem]


[align=center]النايف لاهنت يامديرنا[/align]

[العجمي]

السلام عليكم

الله لايهينك يالحصان على ذكر هذه الوقعه

ولكنك اخطأت بأسم الدويش وهذا اللي كسر البيت

واسم الدويش سلطان بن الحميدي الدويش وليس الحميدي الحميدي توفا قبل هذي المعركه بمده طويله

والبيت الصحيح ايقول

وابن الحميدي يوم حقق جفاله= ماعاد خلا اللي عطاش(ن) يرون

وسالفة هذا الكون ان سلطان الحميدي الدويش جذب ابن رشيد على العجمان في حما والعجمان غايبين مافيه الا النسوان والحلا وخذوا حلال العجمان يوم عودوا العجمان الا الحلال ماخوذ

ويقول العقيد والفارس سيف بن غزيل الشامري قصيدته المشهوره:

يالضيغمي طاوعة شور المغوين=ذباحت الجيران بين الثنايا
بقة العهد فينا وحنا مغرين=من صوب شمر مانرد الرعايا
لاتحسبن حنا عقب حما بناسين=اسبابها راحت ليام(ن)حمايا
ناتي بسيرات(ن)مع الصبح ماشين=بأمر الولي نجعل قصورك جثايا
غار ياليت حن عند المضاهير ياحسين=ناتي لسينات الخلاخل فدايا
نكسر نصاب السيف عند المتلين=لعيون من يركب بعوج الحنايا

وقال الشيخ راكان بعد اخذ الثأر هذه الابيات

انا احمد الله النصر صار= رجال يام(ن)غدوا لمه
يازين عج الرمك لاثار=اخذنا الوريعه اقضا حما

[العجمي]

[poem= font="Simplified Arabic,5,black,normal,normal" bkcolor="transparent" bkimage="" border="none,4,black" type=1 line=0 align=center use=ex num="0,black"]
السلام عليكم ورحمة الله وبركاته

هذي القصيده الكامله للشيخ راكان بن حثلين

ياراكبن حرن جفل من ضلاله=مشا الشهر يمشيه يومن على الهون
مزنن تزبر من جنوبن خياله=يبغي الدويش وخم سيله ذوي عون
ياحمود كون البارده ذابداله=هذي سوات اللي ليامن يحربون
لولا جواد الخيل اخذنا جلاله=مير ان علوا دونها مايطيعون
خيالهم يركض علينا لحاله=ياظفرهم ياجعلهم مايثنون

البيت الاخير يمدح الشيخ راكان علوا من مطير

ولكن للأسف بعض جهال مطير يستندون على هذا البيت ويعتبرونه وثيقه تثبت ان مطير انتصرت على العجمان

ياحمود كون البارده ذابداله=هذي سوات اللي ليامن يحربون

ولكن يبدوا انهم قد نسوا او تناسوا هذا البيت [/poem]

[العجمي]

عفواً حدث خطأ في تنسيق الموضوع

وانا حبيت ابين نقطه

للأسف بعض جهال مطير يستشهدون بالبيت الأخير واللذي يقول فيه الشيخ راكان

خيالهـم يركـض علينـا لحالـه=ياظفرهـم ياجعلـهـم مايثـنـون

وقد تناسوا او نسفوا البيت الموجود في القصيده

واللذي يقول فيه:
ياحمـود كـون البـارده ذابدالـه=هذي سوات اللي ليامـن يحربـون

ورد هذا البيت على روايتين ياحمود ويقصد هنا حمود الرشيد

وسعود سعود الفغم

والله اعلم اي اللفضين الأصح

[الحصان]

مشكور اخي العجمي وانا ماخطيت حيث انني ناقل ٍ القصة والقصيدة من منتدى العجمان واضفتها هنا مع بعض التصرف

[متعب]

مشكور يالحصان

وترى عجزت ارسل رسايل لأن مشاركاتي اقل من 75
والجواب كما ذكرت انت, والباقي تعرفه.

[متسائل]

سأتحدث وأقول الحقيقة والحقيقة فقط ولن أجامل حتى مطير فقط للتاريخ ولا أنسى أن أقول ونعم بالعجمان عيال يام

[متسائل]

كون الباردة وما بعدها



قبل هذة المعركة التي ذكرها الاخوان كان كون الباردة وهو:


كان سلطان بن الحميدي الدويش في بيته ولديه رجال من قبيلته يتشاورون فقال الدويش عنزة ساده عنها العيش والعجمان سادين عنا التمر! معنى كلامهم العيش بالعراق ودونه عنزة والتمر بالحسا ودونه العجمان في هذة الاثناء جا رجل مطيري للدويش وقال له أبشر يا الدويش فيه قافله محملة من جميع أرزاق الله وتوها حادرة من الكويت قريب الوفرة وهي حق العجمان ومعها حرس قليل قام الدويش وجهز له سربة ويوم وصلهم ضرب أول الحراس اللي يحمون القافلة وبقية الحراس أستسلموا وأخذ الدويش القافلة فقال هذا كون بارد!! أي لم نبذل فيه مجهود وأخذنا القافلة بسهولة.


عند ذلك ثارت ثائرت العجمان وصمموا على الانتقام فجهز راكان بن حثلين جيش كبير وأراد الغزو على الدويش وحينما قرب على مطير وجد أن الذي أمامه ليس الدويش بل سعود بن بداح الفغم شيخ الصهبة من ذوي عون وكان سعود سمع النذير فأنسحب فأصبح أمام راكان بن حثلين الملاعبة من ذوي عون وهم ذوي عون علوى الذين يعودون الى ذوي عون عبدالله المشهورين فقبل المعركة أرسل راكان 60 فارس لهم وكانوا فقط ثلاث رجال من الشعافين من الملاعبة وهم دهش بن مبرك وجيعان بن مبرك وبن نامي وتفاجئوا بالخيالة الذي امامهم فقالوا حنا ميتين ميتين خلنا دون نسانا وابلنا فمات الاول والثاني وثالثهم بعدما فقد شلفاه معه عصا ويومي بها من بعيد يحسبونها شلفا فقال ابن حثلين اذا هذولا رجالهم الله يستر من قبيلتهم وأنسحب وقال هذة القصيدة:

مزن من القبلة ترادم خياله (وهذا دليل على كثرة جيش أبن حثلين)
يبغي الدويش وصاب سيله ذوي عون ( هنا أعترف أبن حثلين أنه يريد الدويش ووقع بذوي عون علوى ولكنهم ليس الصهبة كما يظن بل الملاعبة وكلهم ذوي عون).

لو جواد الخيل اخذنا جفاله @ مير أن علوى دونها ما يطيعون
خيالهم يركض علينا لحاله ( يقصد الملاعبة الثلاثة الذين ركضوا في الغارة)
يا ظفرهم يا علهم ما يثنون (اي هؤلاء الثلاثة ظفران ويدعي عليهم أنهم ما يثنون)

يا سعود كون الباردة هاذي بداله ( يقصد سعود الفغم الذي يظن الذين أمامه الصهبة وانا قتلنا هؤلاء الثلاثة من عيال عمكم سداد في يوم الباردة).

هاذي سوات اللي ليام يحربون - ونعم بعيال يام وهذا ما حصل.


يروي هذة القصة جليل بن ضاري بن دهش حفيد أحد الثلاثة الملاعبة الذين فنوا عند العجمان وقد توفي قبل سنه عن عمر يناهز 95 سنة وقد سأل عنها الشيخ بدر بن هايف الفغم فقالوا له الملاعبة رح لآبن عمك أبن دلة صهيبي وراوي يعطيك العلم وبالفعل سأله لقاه مثل رواية الملاعبة.


وهذا ردي على هذا الموضوع وبكل أمانه

[المسلماني]

مع احترامي لرواية الأخ المتسائل

فأقول يا خوي كون البارده معروف عندنا يا العجمان واللي مسميها البارده العجمان وليس الدويش ويعنون بها أخذ محمد العبدالله الرشيد لبعض حلال العجمان ورجالهم غازين ما عند الحلال الا الرعيان ..

وسلطان الحميدي الدويش ومطير كانوا من ضمن جيشه فقط ..

وهذه المعركة هي ( السبب الرئيسي لما بعدها من أحداث كالوريعة والصريف) .. وقصيدة الشيخ راكان بن حثلين في الطير :

[poem= font="Simplified Arabic,5,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
الطير يا زبـن المشافيـق يفـداك =ابا العوض في الطير خطوا النداوي
اما اشقر(ن) يا شيخ مثلك وحليـاك= قطّاع لا جاء الجول ماهـوب يـاوي
ولا اسمر(ن) جعل المنايـا تعـداك = شاهين يودع داغر الخـرب هـاوي
واقضب نصاب السيف وشده بيمناك = شدت انصابه مـا تجـي بالمنـاوي
والله مـا تعطيـه يمنـاك يسـراك =لاشفت ضربه من كبـار البـلاوي
من شاعر(ن) في حامض العلم باراك =والراس لك في كل حال(ن) فـداوي
اسمع كلام اللي على العـز ينخـاك= واشهر واترك شور من كان ثـاوي
وان كان تبغي العز والكـل يـدراك =افعل ولا تتبـع ضعـاف الهقـاوي
[/poem]

.. يحث مبارك بن صباح أن يقاتل بن رشيد وكان مبارك الصباح وقتها حاكم البادية وقتل اخوانه في نفس السنة وتوفي راكان في نفس السنة وهو يستعد لقتال بن رشيد ثم أعلن مبارك الصباح الحرب بعدها بسنتين أو ثلاث ضد ابن رشيد وهزمه ابن رشيد ..

وقبلها قصيدة حمود العبيد الرشيد اللي مرسلها لراكان بن حثلين ردا على قصيدة الطير ... ثم معركة حمى( البارده) .. ثم قصيدة راكان يهدد بها ابن رشيد :

[poem= font="Simplified Arabic,5,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
يـا ديرتـي لا تحسبينـا شـديـدي = نبغي نوسَّع من جنوب(ن) إخطاهـا
يا دار نبغا لـش نهـار(ن) سعيـدي=قوم(ن) بغوا جالش إبنسحـل إدواهـا
من صلب يـام(ن) ملينيـن الحديـدي = عَجَب عيني لا وِقـف صَـب ماهـا
مشَّاهم اللـي مَـال حكمـه ضديـدي = جمايلـه مـا حـن بنحصـي ثنـاهـا
دولة شريـف حكمهـا اليـوم بإيـدي =والتـرك والبـاشـه زيــادة بـلاهـا
يا مقصد المولـى عِويـن وجديـدي =إنـك توفقنـي لنَّفـسـي إرضـاهـا
وخلاف ذا يا راكب(ن) فـوق هِيـدي =بُواطـن(ن) قَطـع الرَّيـادي إمناهـا
ملفاك أخو مريـم زبـون الضهيـدي =وزَبن الطحوس إللي هفت في إغذاهـا
يا شيخ ما عيَّنـت بيـت(ن) جديـدي=ما لكم احد قد وطـى فـي إحماهـا
ليـت(ن) لكـم والله علينـا شهيـدي= طوارفِـك لا جـات لا هُـو ذَراهــا
لا جـاو خِدامـك حَـرار وعبـيـدي =زود(ن) على الحشمة إنجـدد إكساهـا
غير يا شيخ جاك العلم منّـا وكيـدي =حَمَّى نبي ناخـذ سريـع(ن) إقضاهـا
ارفع شراع الحرب يا ابـن رشيـدي = جاتـك مـوردة يـام ممـا حـداهـا
جَتك الجموع اللـي تنـوش البعيـدي = ياميـة(ن) بالهـوش تَـروي قناهـا
شلف(ن) تَـروي مقاضيـب بِليـدي = صـوارم(ن) كـان المشاعـل سناهـا
تبغيه غم(ن) لي وانـا اليـوم عيـدي = رنّـت مزاميـر السَّعـد مـن سماهـا
ويا حزام لا جاء القـدر مـا يفيـدي =وما دبَّر الوالي علـى النفـس جاهـا
غَار صار يا شيخ وأنا ما عاد في إيدي =لا عــاد اقـدرهـا ولا الله رفـاهـا
و يقـول قومـه طيرنـا والنشيـدي = ولاَّ قديـمـات الجمـايـل نـسـاهـا ![/poem]

كل هذا في السنة الأخيرة من حياة راكان بن حثلين الله يرحمه .. وهي سلسلة مرتبطة من الأحداث ..

أما اذا أردنا تفصيل كون الباردة والقصيدة الحقيقية وليست المزورة فهي :

كون الباردة هو كون حمى وسبب حدوث المعركة هي قصيدة الطير وهو طير مبارك الصباح والتي كانت فيها تحريض وتهديد لمحاربة ابن رشيد والتي ذكرناها سابقا .

فقام ابن رشيد في التسبيق بمبادرة الحرب على العجمان وابن صباح فعندما علم مبارك بن صباح ان ابن رشيد ينوي بالهجوم على الكويت وكان مبارك بن صباح صديقا للعجمان ونسيبا آل حثلين ، حيث استفزع بالعجمان وللعلم ان مبارك بن صباح في ذلك الوقت كان امير البادية قبل أن يصبح حاكما للكويت بسنة ، فكان الشيخ مبارك مخيم في ( الصبيحية ) حيث كانت تبعد عن حمى من 30 الى 40 كم تقريبا اجتمعوا العجمان في الصبيحية عند مبارك الصباح ، حيث اعتقد العجمان ان ابن رشيد سوف يحاربهم في الصبيحية فأصبح العجمان ينتظرون مجيء ابن رشيد في الصبيحية، وعندما راى ابن رشيد بعض افراد من قبيلة العجمان في حمى حاربهم وهزمهم، ولان العجمان لم يكونوا حاضرين في كون ( حمى ) فأسموها ( كون الباردة ) أي أنها لقمة باردة سهلة لابن رشيد وقبيلة مطير التي ساعدت ابن رشيد في كون حمى ، ثم كان يوم الوريعة هي المعركة التي ثأر العجمان من ابن رشيد وقبيلة مطير ، وهرب الدويش من المعركة وأخذ العجمان الفغم وذوي عون من قبيلة مطير عندما قال الامير راكان :


[poem= font="Simplified Arabic,5,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
نو(ن) تزبـر مـن جنـوب خيالـه =يبغي الدويش وخم سيله ذوي عون
يا راكبٍ حر(ن) جفـل مـن ظلالـه =ممشى الشهر يمشيه يومٍ على الهون
وابن الحميدي يوم حقق إجفاله =ما زيد خلا له عطاش(ن) يرون
يا حمود كون البـاردة ذا بدالـه =وهذي سواة اللي ليام(ن) يحربون
وهذي لعينا اللـي خذيتـم دلالـه =يا حمود يوم أنتم عليها تهزرون [/poem]

وحمود المقصود .. هو حمود العبيد الرشيد .. ومطير حوروها لسعود!

وكان ال مرة فازعين للعجمان يوم الوريعة ، وابن رشيد كان مستدعي فرقة عسكرية تركية من الاحساء مهمتها اللحن والضرب على الآلات الموسيقية أثناء المعركة عندما قال الامير راكان :

[poem= font="Simplified Arabic,5,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
أنا أحمد الله على ما صار = صبيان يـامٍ غـدوا لمَّـا
والعسكري يضرب المزمار = وعلى الوريعه إقضى حمَّا [/poem]

ورجعوا العجمان بكثير من الابل ما بعد وسم في معركة الوريعة.

وسلامتكم

[متسائل]

الاخ العجمي قلت لك ما عندي وأحب أكد على أن الملاعبة الثلاثة هم الذين ردوا أبن حثلين وجيشه الكبير بالرواية التي جبتها لك لا فيها دويش ولا فغم وتأكد عدل الله يرحم والديك أما بعض كلماتك في الحوار أرجع وأقول الدعوى كلها منتدى والمنتدى ما هو توثيق زي الكتب وأنا جبت السالفة من أهلها وهي للملاعبة وهذا معروف وقصيدة أبن حثلين واضحه ومتداوله حتى بكتب العجمان ولا فيها الزيادة والتحريف اللي ذكرته بها


وأخيرا ونعم بعيال يام والاجواد كلها