¤ô¦¦§¦¦ô¤~ ياللي تحبــــــون الشمــــوع مثلي انا~¤ô¦¦§¦¦ô¤~

[ابوسـعد]

دوري شموع وطنية ان كان فيه شيء والا اخترعي لنا وحده....ترى البنات جيدات في الاختراع...عطهم الفكره وازهله هههههههههه يالعتيبية فيك شده للاختراعات الشمعية ....انا خبرتي في الشموع من جنبها يالله اعرف الموقد وبركه...وياهلااااااااااااااااا

[راع المحاني]

ممكن شمع بنكهة القهوة الكولومبيه ؟ :)


<-----مايحب التعجيز ابد :)

0000

مشاركه جميله كالعاده

تحياتي

[ابوسـعد]

حقة الستاربكس...ياراعي المحاني....خلها تجيب شيء من شعيب المحاني ديرة اهلها وربعها...مهوب تعجزها تباها تروح لامريكا الجنوبية...ثمين من يجيبها من هناك...والله ولا بالملاقيط...اقصد الشيط والشمليط......ويامرحباااااااااا بالشموع كلها....

[راع المحاني]

ههههههههههههههه ستار بوكس يابوسعد مقاطعينها الربع عندنا يقولون انها ساميه بحته :) والبعض يقول ان صاحبها يهودي... والأهل عندنا مايحبون اليهود ... مايكفي انهم رفضوا يقبلون بزواجي من يهوديه شفناها في بلد عربي بحجة ان خشمها طويل :). بالله هذا مايقهر؟


<-----------مسك بموضوع البنت درب طويل

سامحينا يابنت عتيبه ..اخوك اذا سولف ماسكت:d

------
سعدت بتعليقك يابوسعد

[ابوسـعد]

المشاركة الأصلية كتبت بواسطة راع المحاني ههههههههههههههه ستار بوكس يابوسعد مقاطعينها الربع عندنا يقولون انها ساميه بحته :) والبعض يقول ان صاحبها يهودي... والأهل عندنا مايحبون اليهود ... مايكفي انهم رفضوا يقبلون بزواجي من يهوديه شفناها في بلد عربي بحجة ان خشمها طويل :). بالله هذا مايقهر؟ <-----------مسك بموضوع البنت درب طويل سامحينا يابنت عتيبه ..اخوك اذا سولف ماسكت:d ------ سعدت بتعليقك يابوسعد

انت تعرف ان الشعوب السامية تطلق على الشعوب العربية (بيرسي) ونحن من ضمنهم...واليهود والتعاملات التجارية معهم ليست محرمة,,والرسول كان يتعامل معهم تجاريا...وكان يجاورهم..ويحسن اليهم ويزور مرضاهم..والزواج من الكتائبيات سوى يهوديات او نصرانيات لايمانع الاسلام في ذلك بل محبذ لما في ذلك من امكانية الاصلاح او الهداية لهن كما اشار الى ذلك كثير من العلماء...واهلك المفروض ارسلنا لهم مقنعين من قضاة عتيبة ..وياكثرهم في المحاني..وان شاء الله يقتنعون خاصة وانك تسعى الى تحسين النسل...الخشوم الطويل مثل الشياهين...هههههههه لاتوهق........العتيبيات ما عليهن نقص لا يغرنك ههههه اهل الزقزم الطويله..هههههههه...وش رايك نفتح فرع في المحاني للستاربكس ونسميه مستور بكس...تدري نحطه في الشعيب ونجيب السعار وبعض الشعار ونقعد نهيجن كل الليل............ههههههههه نسيت الله يعينا على بنتنا العزيزة اكيد تبى تحتج...يالله ماعليش نقول آسفين لعل وعسى.....ومرحبااااااااااااااا براعي المحاني في موضوع بنت العتابى...

[السعار]

ياخوي شكلك مانزلت للبلد قاعد في حرتك ياراع المحاني ابوك ما في شوارع البلد الا ستار باكس في كل زاوية.. الامور تغيرت افزع للبنت انكان فيك حيل للعرس .. وانا بصراحة احب الشمع بريحة الصحراء الممطورة..

[ابوسـعد]

شفت العلوم عند السعار طازجه وعلى الهواء مباشرة...اقولك هذا الشغل جب الربابه ومشينا له في الشعيب والله ماتمل...هههههههههههه وش تقولون نهيجن...ام انت هيجن الى هيجنت والاانت عن فاطري حول..وياهلا

[راع المحاني]

هههههههههههههههههههههههههه يابوسعد

اللهم صلي على محمد

من يقنع شيبانا ياخوك؟

ودنا والله بتحسين النسل يابوسعد ... واذا جالك يالرجال ولد تناديه بكره وتدلعه بــ" ياولد اليهوديه" وتلعب معه وتداعبه.. قمة الدلع هههههههه

اما مستور بكس هذا ذبحني بالضحك

والفكره والله زينه بس من يضمن لنا ان صوت السعار زين؟ :)


تحياتي

[راع المحاني]

السعار الغالي

يامرحبا حييت وياصباح الانوار... وستار بوكس مقاطعينه غصب خوفا من ان احد يشوفنا فيه يقول هذا موالي لسام... مع اني احب الوايت موكا اللي عندهم وبالذات الحاره اللي عليها ويب كريم وكراميل من فوق.. بس وش نسوي :)؟

الحره حبيناها وكل يوم نقول بنطلع منها نشوف العالم بس ماقدرنا ياخوك.. لكن فالقريب ان شاء الله(دعواتك) :) اما العرس فيجيب الله مطر وتونا عليه :)

اما شمع بريحة الصحراء الممطوره يدل على انكم ماجاكم مطر من زمن لكن الله يرزقكم .. ومنا لبنت عتيبه عل وعسى تلقى الطلب.

تحاياي واحترامي

[بنت* عتيبة]

ههههههههههههههههه

يا ويلي ويلاه !!!

انا وين كنت يوم رديتو ؟؟

كان رديت عليكم بالتفصيل .... لكن ما علينا

ببدا اولا بابو سعد.

طلب مني شموع وطنية

واتفضل يا بو سعد جاك اللون الاخضر ... واللعب يا الخضر ... الوطن رايته خضراء.

والثانية بعد.خضراء نص على نص.



اما من ناحية تحسين النسل فانسو ان فيه خشوم احلى من خشوم بنات عتيبة.
يا سلام خاصة لا كانت ذات النسب الملكي ههههههههههه

النسب الملكي يابو سعد يطلق على البنت اللى ابوها برقاوي وخوالها روقة .

وسلم لي على ستار بكس المحاني. ههههههههههه