السكن مع اهل الزوج موضوع يحتاج للنقاش

[امير الغلا]

المشاركة الأصلية كتبت بواسطة إبن ثعلي الرجل اللي تفرق زوجته بينه وبين اهله لاخير فيه ولاخير في الزوجه التي تبعد زوجها عن اهله واذا كان البيت كبير ويسع الجميع فلماذا تخرج في بيت جديد وتحمل زوجها تكاليف جديده اما اذا كان البيت ضيق فبامكانهم البحث عن بيت قريب من اهل الزوج او اهل الزوجه اذا كانوا في حاجه الى خدمتها وليس لهم غيرها يعني لازم يكون التراحم موجود بين العائلتين اللتين قربهما النسب 0

ابن ثعلي الله يخليك لي انا مااقول ابعد عن اهلك اقول ان زوجتك اذا

سكنتها مع اهلك ماهي اخذه راحها يعني البيت يبي يكون فيه

اخوانك يعني تبي تصير الحرمه دايم متغطيه ولا لا وجهت نضر نحترمها

مشكور اخوي ابن ثعلي على تواجدك في صفحاتي الله لايهينك

[امير الغلا]

المشاركة الأصلية كتبت بواسطة بن مكرز شكرا اخوي علي الموضوع انا شخصيآ لا اويد السكن مع الاهل لاسباب كثيرة , وابذكر سبب واحد يمكن يكون اهمها وهو انك متي تبي تعتمد علي نفسك وتشيل المسولية اذا سكنت مع اهلك ؟

صدقت اخوي وسلمت والله لايهينك واضم صوتي لك

[امير الغلا]

المشاركة الأصلية كتبت بواسطة بدويه...وافتخر يعطيك العافيه امير الغلا ... موضوع رائع يلامس واقعنا ... وانا اضم صوتي لك امير الغلا وكذلك دلع عيني ... انا ارفض قطعيا ان اسكن مع اهله .. موكبرياء او ابي افرق بينه وبين اهله لا وربي بس اذا ما ابي اخسر حياتي الزوجيه واكون سعيده فيها... بعيده عن المشاكل .. اسكن لوحدي ... لان السكن مع الاهل يولد المشاكل .. لان الام تبدأ بالغيره على ابنها .. فترى كيف يعامل زوجته .. وكيف يخرج معها .. من هنا تنطلق المشاكل ... كثير بنات تطلقوا من ازواجهم بسب مشاكل الاهل والبيت .. لماذ نجعل انفسنا عرضه لذلك .. والزوجه تريد انت تأخذ حريتها الشخصيه في منزلها .. وتريد ان تستقر ... انا اعتبر السكن لوحدها من حقوق الزوجه ولها الحق ان تطالب بذلك ... او تجعله احد شروط زواجها .. هذي وجهت نظري مع احترامي لجميع وجهات النظر .. سلمت يمناااك امير الغلا ... الله يرزقك بلي تسعدك وتملئ عينك ...

هلا بدويه وجهة نضر في محلها وصدقتي الحين اشوف البنت

تطلب قبل الملكه بيت مستقل وهو من حقها لانها لازم تأخذ راحتها

ومشكوره على طرحك الجميل وتواجدك في موضوعي

وربي يوفقك يابدويه

[ديم]

أثبتت كثير من التجارب أن السكن مع الأهل يزيد المشاكل
مع ملاحظة أن السكن بمعنى لا تملك الزوجه إلا غرفة نومها


فالحياه تغيرة وتصعب حركة الزوجه أمام أهل زوجها من الرجال وهي متحجبه دائما


لكن إن كان المقصد أن تسكن مع أهله لكن في دور مستقل أو شقه في منزلهم
فلا بأس



الأهم العلاقه الطيبه بين الزوجه وأهل الزوج وبقاء الموده مهما بعد أو قرب مكان السكن

[امير الغلا]

صحيح الأهم العلاقه الطيبه بين الزوجه وأهل الزوج وبقاء الموده مهما

بعد أو قرب مكان السكن ومشكور على المرور وتواجدك في صفحتي

[الفــ*ريم*ــلا]

[align=center]

اخوي امير الغلا
شكرا علي الموضوع فعلا يستحق المناقشه
السكن مع أهل الزوج يسبب الكثير من المشاكل التي يمكن تداركها ..
(بسكن مستقل)
كما أن المشاركة في السكن تلغي الحرية و الاستقلالية..للفتاة
و لا افضل لو كان بيت الزوج قريبا من والديه اذا كانا بحاجة دائمة له..
اخي الكريم:
المشكله لم تعد في السكن بل ان بعض الفتيات هداهن الله
لاتريد الاهل بالمره يعني ماتحب تزورهم وتحاول تبعد الزوج عن اهله وتحاسبه على مساعدته الماليه لهم وتسبب مشاكل بينهم
وإذ صار عندهم مناسبه خاصه جت الاخت كأنها ضيفه
((حرمه كبيره بالسن قطعت قلبي تصب القهوه للحريم وزوجة ولدها حاطه رجل على رجل ... ))ولو كانت امها بهـ الموقف لاترضى

واهم شي طريقة تعامل زوجتك مع اهلك فلا بد لها من مودتهم واحترامهم ورحمتهم

ملاحظه مهمه لشباب:
بداية زواجك حاول ان تسكن بعيد عن الاهل........
وإذا قدرت تعسف المهره وتمشيها على رايك وتفرض عليها احترامك واحترام اهلك فأنت ان شاء الله بتكون سعيد في حياتك
لانه صعب موقفك جدا وانت ساكن مع اهلك وبعد كذا شهر تطلع وهذا دليل على ان المهره عسفتك ومشتك على رايها وكلن بيقول انك............

اسفه تشعبت في الكلام لكن هذا واقعنا وحقيقتنا
ودمتم بخير
الفـــ*ريم*ـــلا[/align]

[دلع عيني]

8
8
8
طيب يا اريم الفلا والزوجة ألا يجب على أهل الزوج إحترامها وتقديرها
ولا هي طايحة من قعر القفة على قولة المصريين
الإحترام والتقدير يجب أن يكون من جميع الأطراف وليس موقوف على الزوجة دون أهل الزوج
لكن أنا مع مهما أخطأ علي أهل الزوج فلن يروا من خطأ لأنني
أنزه نفسي عن هذه المواقف والمواضع وقبل كل شي أفكر في تقديري لزوجي وتفكيره إنو معروف إن الزوج مهما كان بينسى غلطته وغلطة أهله لكن ماراح ينسى لي غلطتي
لكن يجب على الزوج إن رأى من أهله قلة تقدير وإحترام لزوجته أن يحسن التصرف
وكذلك لو رأى أن زوجته لا تحترم أهله
أما مسألأة صب القهوة ههههههههههههههه ياهي جايبة مشاكل طيب العجوز وين بناتها ؟؟؟!!!
لكن صدقيني من الأدب وحسن الخلق إني ما أحط رجل على رجل ووحدة أكبر مني بالسن تقوم تصب قهوة ولا تسوي أي شش ثاني
مهما كان إحترام الكبير وتقديره قمة الأخلاق

[الفــ*ريم*ــلا]

طيب يا اريم الفلا والزوجة ألا يجب على أهل الزوج إحترامها وتقديرها ولا هي طايحة من قعر القفة على قولة المصريين الإحترام والتقدير يجب أن يكون من جميع الأطراف وليس موقوف على الزوجة دون أهل الزوج

[align=center]
دلع عيني انا لا اخالفك الراي والإحترام والتقدير يجب أن يكون من جميع الأطراف
لكن لو نفكر بالعقل بنشوف المشاكل التي تحصل في البيوت كل سببها امرأه
مع احترامي لبنات جنسي
وسبحان الله دئماًإذا كانت الزوجه حبوبه ومحترمه طلعت الام قشرا والاخوات ماننساهم.....
وإذا صارت الام اجوديه بلاها الله بعوبا لسانها يلوط اذانها

والدور هنا يقع على الرجل ويجب عليه يمسك العصا بالنصف في وقت المشاكل ولايتحيزولا يترك مجال لاي واحده تتكلم او تسب الثانيه في حالة غيابها لانه لو عطاها مجال بتقدر تجيب راسه
>>>> اخذه دروس مجانيه من الزميلات والصديقات [/align][quote]لكن صدقيني من الأدب وحسن الخلق إني ما أحط رجل على رجل ووحدة أكبر مني بالسن تقوم تصب قهوة ولا تسوي أي شش ثاني
مهما كان إحترام الكبير وتقديره قمة الأخلاق [/quote]
[align=center]
ماقلتي هذا الكلام الالانك كريمه بنت كريم واهلك مربينك على الطيب
وانا اتفق معك إن احترام الكبير وتقديره واجب علينا
ياختي قاطعين قلبي هالشياب والعجز((ياحبيلهم))لاطاحوافي قشرا
واتمنى البنات يعذروني يمكن قسيت عليمهم لكن اعيد وازيد هذا الواقع

ودمتـ بخير
الفـــ*ريم*ـــلا[/align]

[من عتبان الكويت]

انا ابن هنيدس لاعادت طرقتسن
والله من العوابه في هالراس يالبنيات



المهم ندش بالموضوع على طول <<< حلوه ندش :)

والله اذا البيت كبير والله لاتبطي عظم ما شافت بيتن ثاني اما اذا البيت صغير مو مشكله اني استاجر لها غرفة وحده وقسمها كل زاويه لها وظيفة زاوية مطبخ وزاوية صاله وزاوية مجلس نساء والحمام فوق الغرفة عشان اطفشها :)خخخخخخخ

اهلي اهم عندي من زوجتي والاولوية للي ربوني لين صرت رجال وبنت الناس تجي في المرتبة الثانية :)


بس ودك تخلي شهر الهسترة (العسل) في مكان مافيه الا انت وهي لين تعرف البير وغطاه وبعدين رجعها عند عجيزك خلها توريها النار الحمرا وانت لاتصير بربوس..

الحريم يتهاوشن وبعدين يتصلحن مهو كل شين يثير غضبك ويزعلك خلك شنـــــــــب وسنع الحريم ولاتستمع في خرابيطهن هن يتهاوشن مع امهاتهن اللي طلعن من بطونهن وش تترجا اجل يسون مع ام رجالهن :)


يعطيك العافية يالذيب

[الصــ*عنود*ــيد]

بصراحه اكبر غلط يرتكبه الشخص انه يسكن زوجته عند اهله

لانه مهما يكون لابد ان يجي وقت ويحتكون ببعض ويصير فيه مشاكل

اما انه يقول خلهن يتهاوشن معلي منهن ولا راح اتدخل

كيف معليك من امك
!!!!!!!!!!!!!!!!!

معليك من زوجتك
!!!!!!!!!!!!!!!!!

هذي بلادة احساس وانانيه


وبصراحه اللي يسكن زوجته عند اهله بخيل مايبي المصاريف وتحمل مسكن مستقل


لان لو فيك خير حتى لو بعيد عن اهلك ماراح تنساهم وقلبك قريب منهم بكل وقت

اما اذا كنت معاهم ومافيك خير راح تدخل وتطلع ولايهمك امرهم



والحل الامثل

سكن قريب من الاهل عشان تطل عليهم من وقت للثاني وتسأل عنهم كل شوي ومع كذا تحفظ كرامة امك وزوجتك من التجريح



دمتم بود