أنا بقايا جرح ؟؟؟؟؟

[جابر الثبيتي]

أطرح بين أيديكم هذه المتواضعة علها تحوز على شيء من القبول
[poem=font="Simplified Arabic,6,burlywood,bold,italic" bkcolor="transparent" bkimage="backgrounds/37.gif" border="ridge,6,gray" type=2 line=0 align=center use=ex num="0,black"]
أنا بقايا جرح وهمـوم وأحـزان=أجمل ليال العمر يـا زيـن ولـت
طوتني الأقدار في كـف الأزمـان=أخذت جميل العمر والشين خلـت
أخذت شبابي غصب والقلب زعلان=والروح من طول المعانـاة ملـت
ما عاد أميز بين زاهيـة الألـوان=صارت سوا في ناظري كيف حلت
ما كني الا طير مكسـور جنحـان=وده يحلـق مـع طيور(ن)تعلـت
عايش بشأن وباقي الطير في شأن=يرقب فضاه وزُغب الريش كلـت
ما باقي الا روح في هيكل(ن)فـان=حتى القدم في خطوتـه مستقلـت
حالي مثل حاله ولو كنت إنسـان=الضعف حان وقوة العمـر زلـت
ما باقي الا خافق(ن)حي ولسـان=وصحائف(ن)من ذكرياتـي تملـت
بين الرجا واليأس في كان ما كان=وأحلام وردية ليـا مـن تجلـت
يرقص لها قلبي ولو كنت تعبـان=وليـا تقـرب صوبهنـه تخلـت[/poem]